ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-04-22

الى أشباه المثقفين ... الذين ليس لديهم أفكارهم الخاصة .. و الذين يقومون بترديد ما يسمعونه فقط .. فليس لديهم القدرة على التفكير و تشغيل عقولهم ... يا سيدي ... أعطنا فرصة نحن المندسين و الخونة .. بإنتخابات حرة و نزيهة و بمراقبة شريفة ... و بأكثر من مرشح ... و سوف تحكم بيننا صناديق الاقتراع .. و إذا كنا أقلية . سنترك لكم البلد و نسافر .. و يبقى لكم خالي من المندسين ..و اذا كنا أكثرية من المندسين و الخونة .. يا أخي انتم لستم مضطرين أن تعيشوا مع خونة كأمثالنا ... فتستطيعون أن تبحثوا وطن مع اناس وطنيون أمثالكم

164 Like

 
فنان تشكيلي
2011-04-22 18:32:45
هولاء فعلا مزعجين لانهم فارغين وهوايتهم الاستفزاز والتعليق المجرزم انا اتمنى من هولاء البقاء هنا على تواصل وليجدثونا بعد شهر او شهرين لاني اكيد الامور كلها ستنقلب عليهم وانا اكيد ايضا من اختفاوهملانهم سيفقدون مصدر الهامهم بافكارهم وتعليقاتهم البائسةحفظ الله شعبنا ووطننا
33 Like

 

 
انور
2011-04-22 18:38:51
حماك الله يا أيها الحر يا صاحب القلم الحر
13 Like

 

 
ابراهيم
2011-04-22 18:39:29
إستاذ علي أنا كوني مندس و غير معتاد على الوفاء سوف أخون المندسين و أعرض على الوطنيين أنو إذا فزنا نحنا هنن مرحب فيون يا أخي معليش يكبسو عالجرح ملح و يتحملونا
11 Like

 

 
reemoshkaa
2011-04-22 18:40:34
اضم صوتي لصوتك استاذ علي. لكني لا اوافقك الرأي بترك البلد للأكثرية كائنا من كانت. البلد للجميع وعلينا دائما ان نتذكر ان سوريا هي اكبر بلد صغير بأقلياته القومية والمذهبية واذا كنا سنخاطب اشباه المثقفين بهذه الطريقة فما الذي بقي لنقوله لـ غير المثقفين من اصلو تحياتي للجميع
14 Like

 

 
Bas
2011-04-22 18:42:16
و الله كلام رائع .... فعلا خلي صناديق الانتخابات النزيهة تحكم بيناتنا
11 Like

 

 
سورية متألمة
2011-04-22 18:48:43
لا للخروج من الوطن.. الوطن لنا كلنا وليس لأشباه المثقفين الحق بتوزيع وتعيير الوطنيو لدى الناس
10 Like

 

 
زوربا
2011-04-22 18:55:54
أستاذ علي المحترم ... لاأعرف من تقصد بالمندسين والخونة اكيد انت لا تتحدث عن نفسك فانت بالذات لست ولن تكون كذلك .. و الوطن يتسع لنا جميعا باختلاف ارائنا وتوجهاتنا ومن يختلف معك بالرأي أو بطريقة التعبير لا يعني أنه يريد الغاءك...أرجوك من كل قلبي أن تتوقف عن اتهام من لا يتفق معك بالرأي بأنه من أزلام وزبانية النظام لانك حين تفعل ، وانت تفعل هذا يوميا ،أنت تقع في نفس الخطأ الذي تحارب لتصحيحه ...أتبع رجائي برجاء أخر وتحملني لو سمحت ، أنت مبدع في ريشتك ولا يختلف اثنان على أنك من أفضل رسامي الكاريكتير في العالم ولكن كلماتك ليست على مستوى ابداع ريشتك ونتوقع من نخبتنا المثقفة مقاربات افضل لما يمر به وطننا الغالي... تقبل مودة من يختلف معك في الطرح و من لا يعتبرك الا اخا في الانسانية والمواطنة،،،،تحياتي
17 Like

 

 
غزوان العلي
2011-04-22 18:58:20
كم انا سعيد بالعيش في وطن مع المندسين والمخربين والجرذان والمهلوسين والعصابات الخارجيه والداخليه والباطنيه ولكن بانتخابات حره ونزيهه تحت اشراف قضاء نزيه وشريف...عندها استطيع لقاء وجه ربي بصفتي مندس.
14 Like

 

 
سورية وأفتخر
2011-04-22 19:00:23
معناتا خدوا خياركون التاني ان تتركوا البلد وتسافرون بلا عودة لانكم انتو الأقلية وأمثالنا اصحاب الوطنية والوطن نحن الأكثرية والحمدلله
12 Like

 

 
سمير
2011-04-22 19:10:45
السادة المثقفونالانتخابات الحرة والنزيهة مطلبكم ومطلب مدعي الثقافة وأشباهمهم وكل وطني حر....وسؤالي لماذا هذا الالحاح الشديد على استمرارية التظاهر رغم أن أهم المطالب التي ننادي بها قد صدرت مراسيم بها وتم وعدنا بإصلاح شامل...ألانستطيع الانتظار شهر أو شهرين..بعد أن كانت أفواهنا مكتومة 40 سنة...من يستفيد من استمرارية التظاهر وبدون مطالب محددة وواضحة ويتفق عليها غالبية السوريين؟
12 Like

 

 
أماني
2011-04-22 19:35:40
أضم صوتي إلى صوت الأستاذ علي وأنشادهم باحترام حمام الدم الجاري الآن في سوريا قطعو أوصال دمشق نشرو عناصر الأمن و الشبيحة وهم يحملون العصي ذات الرؤوس المسمارية و يتربصون بالمارة و ملعب العباسيين يغص بالأمن و مدينة المعارض القديمة بها ما لايقل عن 80 باص أمن و سجن منشأ حديثاً المظهر في دمشق مرعب إلى ما يتطلع هذا النظام التافه خالد العبود وصلت به الوقاحة لإنكار و جود أي مظاهرات و تكروري يصرح بقتيل واحد من انه غير متأكد و ماذا بعد إلى متى سنخبئ الشمس بإصبعنا الأزمة في سوريا سياسية و ليست أمنية كفى كذباً وتأليف روايات عن سلفيين و تباعه كفى فكلما زاد الدم زادت الاحجاجات و رفع سقف المطالب
15 Like

 

 
مندس
2011-04-22 20:00:57
رائع كالعادة
9 Like

 

 
kareem
2011-04-22 20:27:09
هناك قسم من المنتفعين والمنافقين يدافعون عن القتل والجرائم المرتكبة بحق الشعب بحجة الأمن والأمان ولكن أين هذا الأمن والأمان هل هو في القضاء و الصحة والتعليم و المفقودون تماما في سورية فالقضاء لمن يدفع أكثر اما الصحة فالغذاء ملئ بالهرمونات والمواد الكيماوية والدواء إما دون فعالية أو بنصف فعالية ناهيك عن القسم الأكبر من الأطباء حاملي الشهدات ولكن دون طب وعدا عن علمه أصبح كالتاجر الحقير يبيع ويشتري بالمرضى أما التعليم فهو دون الحد المقبول وهذا كله بحسب الإحصائيات الدولية مع العلم الواقع يشرح نفسه بنفسه ووو فأين الأمان
14 Like

 

 
XD
2011-04-22 20:42:45
مدسوس..
11 Like

 

 
حازم
2011-04-22 20:51:01
ياخي العزيز والفنان القدير كيف فينا نضمن انو الاصوات اللي انحطت بصناديق الاقتراع رح تنفرز بشكل خلاق وذو مصداقية عالية ...؟؟؟؟؟؟ دون اي تدخلات لصالح احد الطرفين على حساب الاخر ؟؟؟؟
12 Like

 

 
الى سمير
2011-04-22 21:23:14
من يستفيد خيو ما عاد بدنا شبيحة ما عاد بس تشللنا الشبيحة وتحاسبهن وتعدم اللي اليو ملحالو قتل 70 شهيد هاد غير المصابين وقتها منقعد بالبيت بس ترجعلي كرامتي انا باللادئية من ناس شتمت ديننا بنصاص الليالي على ايد شبيحة الاطفال منذر الاسد وشاليش بكلمات وينكن يا اهل الصليبة ورجونا حالكم وقتها منسكت من التظاهر بدي اسالك هل بشار الاسد رجل بمعنى الكلمة ليستطيع على تنفيذ مطالبنا بمحاسبة اقاربه عندما يفعلها وامام الاعلان والتلفزيون ومحاكم نزيهة خالية من تمثيليات ايام زمان او بحبوس 5 نجوم وقتها ستجد الجميع قاعد بمنزله
11 Like

 

 
غزوان العلي
2011-04-22 21:41:54
أسأل سوريه وافتخر وسمير هل منصب الرئيس هو شرعي بانتخاب حر ونزيه ؟؟؟؟ هل الشعب السوري نصب حزب البعث واليا عليه مستوليا على حريته وامواله ومستقبله؟؟؟؟ هل اجهزة الأمن ال17 وضعت للسهر على حرية الناس وكرامتهم ام لخمة عائلة اسد وشوكت وشاكيش ومخلوف وزمرتهم؟؟؟؟ هل هناك من في رأسه ذرة عقل يصدق ان من يطلق النار على المتظاهرين الطالبين لحقوقهم وحريتهم هم جماعات خارجيه او سلفيه او حريريه اوصهيونيه؟؟؟؟؟؟ هل صدر قانون تعدد الأحزاب وفتح للناس مجال للتحزب والانتخاب الحر؟؟؟؟؟ هل انتهى القتل؟؟؟؟ اليوم قتل في سوريه 68 انسان عربي سوري...... هل الغى بشار الفساد من عائلته اولا ومن زمرته وملته ثانيا؟؟؟؟؟ هل تريدونا ان ننتظر شهر او شهرين حتى يستطيع الديكتاتور وضع كل قواته العلويه وكل أموال سوريه المسروقه لمرتزقه كما يفعل القذافي لقتل أكبر عدد ممكن كما فعل والده بحماه وحلب وادلب وجسر الشغور ؟؟؟؟؟؟ ارجوكم ان تفكروا قليلا وبعدها اكتبوا ما تشاؤوا فهذه صفحة حره يسمح فيها رسامنا الذكي حرية التعبير كما لم تسمح حكومتكم لنا.
18 Like

 

 
الى غزوان العلي
2011-04-22 22:13:33
اخي العزيز اعذرهم من تتحدث معهم الان الان لن يستطيعو ترجمة جملة كما فعل والده بحماه وحلب وادلب وجسر الشغور لانه للاسف كل من يدافع عن عن هذا النظام فهو جاهل بثقافة التاريخ كما هو معظم شعبنا الحالي قبل الازمة للاسف الشديد لكن بعد الازمة اشك ان 90 بالمئة منهم تثقف وقرا واخذ وتشكلت عنده القناعات بناء على اسس موجودة ومؤرخات وليست بناء على عواطف او محطات منافقة
9 Like

 

 
ابن الشام
2011-04-22 23:18:45
يا أخي مابعرف ليش جاي على بالي يرجع قانون الاعدام بالخازوق لأن بصراحة بعض المجرمين لايمكن أن يسمح بإعدامهم فقط وبكل بساطة يجب أن يكون عقابهم مناسباً لجرائمهم . على فكرة شو أخبار قليلين الحياء تبع البشمرغة
12 Like

 

 
محمد صبحي
2011-04-22 23:26:15
يعني والله إنت كريم يعني ما حاجتن أربعين سنة من الحكم لسع بدك تعطين فرصة تانية أنا برأئي أنو حكم لأربعين سنة هو الحد الأقصى
10 Like

 

 
mamdouh
2011-04-23 00:00:20
انتم الثوار عندكم حاجات .الرئيس اذا بتعمل انتخابات رح ينجح وانت رح تقول الانتخابات مزوره.تانيا لو هيك فقتنع انو مالازم يكون في معارضه .ياأكثريه يا ولا حدا.ليش مسافرت من زمان وبعتقد اذا نقص البلد مثقف ما راح تخرب.بعدين فكرتك الديمقراطيه حلوه.يعني قول من الاول يانحنا الثوار يا ولا حده.انا شايف ثورتك جاي من الفعل ثار فهو ثور .احيي ثيرنتك.
12 Like

 

 
بيرم أفندي
2011-04-23 00:01:29
الجمعة الحزينة هو الاسم الآخر للجمعة العظيمة
10 Like

 

 
خالد
2011-04-23 00:03:02
معك كل الحق ياأستاذ علي فيما قلته ولكن برأيي اذا جئنا بنبي ليشرف على صناديق الاقتراع فلن تعترفو بشرعية النتائج مثلكم مثل الخاسرين في المباراة يكسرون ويحرقون حقدا وحزنا على الخسارة و بوصفي شبه مثقف ولي الفخر ان كانت شعارات التخريب ثقافتكم اقترح ان يكون الشارع هو صندوق الانتخاب فاذا كان المتظاهرون هم الأكثريه فلما لايبوح ازدحام الشوارع بذلك فلنفترض ان عددهم 500000 أو مليون أو لنقل 5 ملايين اذا الباقون هم الذين يمنحون الرئيس شرعيته وهم أيضا الذين لا يسمحون لكم بمغادرة الوطن أتعرف لما لأننا اخوة ولأننا لسنا في حرب ولأنه علينا أن نتعلم احترام رأي الأغلبيه لأننا سنحاول أن تحبونا لذلك أرجوك وانا الذي عشت مثلك تماما دون ان يكون لي قرابة بالسلطة أن تعطو النظام فرصته كي لاتسحبون البلد الى الدمار فأروع النماذج التي تحلمون بها مصر ومصر صدقني لم تختلف سوى بأن رئيسا اخر سيأتي وسيمثل أن الثورة خلقته ولكن هيهات ان يكون قراره صدى لميدان التحرير فلنكن اخوة لا لطرد الفتنة التي لا تؤمنون بوجودها بل لنعطي فترة قصيرة للتغيير وان لم يحصل فسنخرج كلنا للشوارع
12 Like

 

 
ثورجي للعظم
2011-04-23 00:11:39
النظام هذا سوف يسقط لا محالة ولكنه اختار ذلك بالطريقة الصعبة فهو يريد لعبة اعتزال قذرة كتاريخه القذر ........انا مع السلمية ولكن من معرفتي الجيدة بأجهزة الامن أقول لكم لامانع من وجود السلاح في بيوتكم احطياطا لأن مجرمي النظام لا يتجرأون على الدخول الى المناطق التي يعلمون ان بها أسلحة .....ومن يتصور أن النظام سوف يصعد اكثر ان استخدم السلاح ضده فصدقوني ان ما قام به النظام هو آخر ما لديه ولو كان بامكانه ان يفعل اكثر لفعل ودون تردد......انظروا الى مناطق التهريب والتي يعلم النظام ان اهلها مدججون بالأسلحة لا يحاول استفزازهم وحنتى عندما يتظاهرون لا يقترب منهم ويرسل لهم وفود لمحاورتهم ....بكل بساطة لانهم جبناء وثبت لنا انهم يهربون مع اول طلقة
8 Like

 

 
أبو جاسر
2011-04-23 00:29:43
بتتذكرو معي في مشهد من فيلم التقرير لدريد لحام كان ابن مسؤول عم يشفط بسيارة حمرة متل تبع مايكل نايت السيارة العجيبةفأبن المسؤول دعس طفل صغير ذاهب للمدرسة أثناء التشفيط فأخدو للقضاء لابن المسؤول فحكم عليه اعدام فرن التلفون تبع القاضي فرد القاضي وأذ بمسؤول حكى معو فخفف الحكم لمؤبد وأذ بتلفون أخر فخفف الحكم لعشرين سنة وكمان جائه تلفون أخر فالقاضي طلعو برائة للشفيط فسئل والد الطفل لماذا برائة فرد القاضي بأن أبنه كان عثرة في طريق هذا البطل لأنه كان ذاهب يفجر نفسه في جنوب لبنان؟؟؟وهكذا سيكون الحال مع الأمن والشبيحة وأزلام النظام رح يطلعو برائة من قتل الشعب السوري بتهمة أنهم كانو عثرة في طريق هؤلاء القتلة لأنهم كانو رايحين يحررو الجولان ولكن نحن المندسين جعلناهم يضلو الطريق وراحو لدرعا بدل الجولان
14 Like

 

 
haytham
2011-04-23 00:32:30
عندما قال الرئيس في خطابه أمام مجلس مسرح العرائس أن بعض الفضائيات تكذب وتكذب وتستمر في الكذب حتى تصدق نفسها ، أعتقد جازما أنه كان يقصد الفضائيات السوريه وأخواتها ، هناك شلة من أشباح المثقفين ، عاشوا وترعرعوا في مطابخ الفضائيات السوريه ، يطل علينا بديع الذمان الكذاب المتسلسل عصام تكروري الحاصل على الدكتوراه بمرتبة عديم الشرف بجامعة مسيلمة العالميه ، ليتهكم على الذين تمت إهانة كراماتهم والدوس عليهم ، وكأن هؤلاء الشبيحه والعسكر يستدعون ماعلمته لهم أنظمة القمعمن أن الشعب لايمشي إلا بالدوس ، في قرية البيضا داسو وأمتهنوا آدمة شباب ورجال شرفاء ، ليقول لنا الكذاب التكروري الذي يكرر كذبه دائما أن الفيديو مأخوذ بقريه تركيه وأن مايظهر من لشبيحه هم البيش ماركه ؟؟؟ وبعد يومين ظهرت الحقيقه ، يظهر في الفيديو الضابط أمجد عباس مدير الأمن السياسي يرقص مبتهجا فوق أجسام الشباب والرجال في البيضا ، هذا الفيديو سبب إقالته وكما زعم إحالته للقضاء ؟؟؟ ومثل ماقال أستاذنا وطز يالالللي
12 Like

 

 
mohammed al assad
2011-04-23 00:33:38
لك مين بدون يحاسبون هيدون . لك الى سمير شفت العالم بعيوني عم تموت باللادئية واجا منذر وجماعتو وبلشو يعيطو بالصليبة لك ما عيب ولك اسا في حدا عم يدافع عنون يا حيف ... لك واسا بدي ارجع حط ايدي بايدون من جلب على أمتي هاذا الويل لك عيب لك حتى تنظيم حزبي مافي ولا قومي ولا شيوعي ... لك بتسدئو انو 40 سنة وما نطلقط رصارصة على الجولان بس لانو بدنا نعيش و
9 Like

 

 
حلبي غير متفائل
2011-04-23 00:37:26
بدي اتظاهر وصيح وقاتل واذا وصلت الحكاية انو كون مندس وجاسوس وحشرة ومنحط رح كون كلهون في سبيل اننا نخلص من هالنفاق من هالمناظر على تلفزيونا السوري على كل قرد عم يطالعولنا ياهون وتقول في سورية مافي عنا لاجمال ولابنات غير هالمشلولات والبوكيمون يلي موديلهون منتهي من مية سنة
11 Like

 

 
aliferzat
2011-04-23 01:54:44
عزيزي الفنان التشكيلي ..لااعتقد انني حذفت تعليقك..ربما حصل خطأ ما..ارجو ارساله مرة اخرى
8 Like

 

 
بردى
2011-04-23 02:05:37
لاأعرف كم فارق التوقيت ... لكني اليوم لست مندسٌ فقط . بل مندسٌ وحزين . اليوم هولاكو سوريا قتل أكثر من 80 من أبناء شعبي السوري المندسين تحت غطاء الحرية للوطن . اليوم مزقت رصاصات هولاكو سوريا صدور وقلوب السوريين . مندسٌ وحزين .. لكن قلبي أصبح اليوم ينبض حقداً وكرهاً لهولاكو الوطن وكلابه .
11 Like

 

 
الى خالد
2011-04-23 02:25:37
لك يا اخ خالد اي فترة اصلاح تدعيها كيف تبرئ اشخاص لم تظهر الاصلاحات الا بعد ان وضعو بالمحك طيب ال11 عام الماضيين ماذا كان يحصل؟ لا شيئ كنا نسمع بكلمة اصلاح شكليا فقط ولكن عارض الواقع ازداد الخراب خراب كبرت الراسمالية وزادت المحسوبيات والوساطات وكالعادة بقيت المحاكم معفنة عث عليها الزمان ومناقصات الكبيرة التجارية يربحها فقط من يناصف اللجنة القاضية يا اخي اي اصلاح ارجوك منذ فترة ارسلو وفد اصلاحي من القصر الجمهوري بخصوص الذين زورو شهادات تقارير طبية للتملص من الخدمة الالزامية فقبض على جميع من تهرب من العسكرية وزجو بالحبوس وللامانة حتى اسماء كبيرة وعيل معروفة لكن بعد 15-20 يوم عاد الجميع ودفع 300-400 الف وكمل العسكرية في منزله يا اخي اي اصلاح نتكلم فيه اذا لم يعاقب الرئيس السوري شخص عقاب علني لشخص شبيح درجة اولى امام الجميع وعقوبة قاسية جدا وحقيقية ونزيهة فلن يرتدع الباقون اذا لم يطبق القانون خلال 40 عام الماضي فمتى سيطبق بعد ان يهدأ الشعب او يكون اكلها كف على وجهه واعتبر الذين استشهدو خلال هذه الفترة هم خاروف القعدة ووقتها اذا اراد اي شخص ان يعترض انه لم يتغير شيئ تعود حليمة لعادتها القديمة فاي فترة تغيير واصلاح ونحن نتكلم عن ذات المجرمين الذين يحللون قتل الابرياء من اجل كراسيهم
12 Like

 

 
ام المندسين
2011-04-23 03:51:07
استاذ علي حسب ما نشاهد ويشاهد العالم معنا نحن السوريين 23 مليون 2 مليون فقط مع النظام والباقي ضد النظامحتى يعيش النظام حسب قومه وحده وطنيه يجب ان يقتل 20 مليون وبيعيش بسوريا هو المليونين المستفيدين من بقاء النظام
11 Like

 

 
الفينيقي
2011-04-23 04:51:00
زنقة...زنقة...دار ..دار....بدنا نحارب الإرهاب
8 Like

 

 
العصفور الدوري
2011-04-23 04:57:55
كاريكاتير توجيهات للحكومة httpwww.facebook.comphoto.phpfbid109853309098348&seto.207740359251255&type1&refnf
8 Like

 

 
سوسو
2011-04-23 05:15:30
فكر معي ؟ ليش الناس يفكرو اذا راح النظام الحالي فان سوريا سوف تخرب وتتغيرمواقفها العربية والقومية؟وهل سوريا عاجزة عن انجاب قادة واحرار يحكمو البلدافضل من هذا النظام مع انه اخذ فرصته وزيادة بالحكم ؟؟ام ان سورية لم تكن موجودة على الخريطة قبل عائلة الاسد؟او اننا لانسطيع ان نبني بلدنا احسن من انجازات الاسد الخارقة للزمان والمكان ؟؟لو سمحتو جاوبوني يا مثقفين ومنكم نستفيد
16 Like

 

 
خالد
2011-04-23 07:34:02
الى من وجه الحديث لي والى سوسو سوريا وجدت على الخارطة قبل عائلة الأسدصحيح لا بل ان سوريا مليئه بالرجال القادرين على ادارة البلاد نحو الرقي والازدهار لكن ماهو الضمان ان احد هؤلاء الرجال سيصلون الى الرئاسه كيف تتاكد أن كل المؤامرات اشاعات فقط مصر اليوم تعتقل صحفيا حين كتب عتبي على اخي في الجيش انه لم يقف معي الا متاخرا ومازل قادة الثورة مهددون والاخوان المسلمون هم الذين سيحكمون مصر والايام بيننا غرتكم ثورة مصر حين نندوا بتصدير الغاز الى اسرائيل أرني ماذا تغير عندهم اليوم لاشي بل واصروا على معاهدة السلام مع اسرائيل وكيف تضمن لي ان أنس العيروط مثلن لن يقف وييحرض بعد سقوط النظام للانتقام من العلوية والشيعة الذين هم بنظرهم كافرون بوصفي سوري يرى نور الله المرشد الوحيد له ولا أمت بصلة لاحد وأقسم بالله أن صورة ساحة البيضة لا تغيب عن مخيلتي ودماء الشهداء لاتترك في داخلي فرحة وبنفس الوقت ملأتني تعاسة عائلة الشهيد نضال جنود المؤيد للنظام اني أدعوك للحوار يا من اختلفت معو بالرأي رغم التقائنا في عدة نقاط أرجوك ان تعطيني الحل لاان تقول سنتابع وسنحارب حتى ننتصرو تنتصر على من على النصف الاخر من الشعب وهل من يقتلون في ليبيا من انصار النظام ليسوا بليبين ان سقط النظام ستحاسبون المرتشين والفاسدين وستسجنوهم اذن ستبدؤؤن ببائع الطوابع الذي يسرق منك خمس ليرات على كل طابع تشتريه وستصعد الى الموظف والمهندس والمحامي والطبيب ووووو ولن يبقى مواطن سوري خارج السجن الفرصه التي اطلبها للنظام ليس بالخروج في المظاهرات وانتظار ان يتغير الوضع الهدوء هو الحل الانسب لنا جميعا صدقني حين يهدأ الوضع لن يجرأ رجل امن ان يرفع رأسه لانه تاكد ان الشعب سينتقم ولن نعود الى الوراء فالكل صار رقيبا وللتذكير فقط فكر للحظة بصورة نضال جنود القاتل الذي يظهر بالصورة له صورة مطابقة محمول على الأكتف في بانياس ويقود المظاهرة هل هؤلاء هم ابطالكم
11 Like

 

 
ابوفهيم
2011-04-23 09:06:57
شو يعني مثقف وشو شبه المثقف على كلن انا ماعندي راي خاص فيني عطول بردد الي بسمعو من العالم شو بكونللي عندو را خاص فيه رح رددلو الي عم اسمعو وشوفه الناس حاليا مفتقدة الامان اكتر من افتقادها لوجوه المثقفين واشبهاهن واخواتهن خايفين من تداول اسم حاراتهن وشاوارعهن على الفضائيات وقرفانين من خطاب المندسين والكفار و دعوات الجهادويصيبهم الغثيان كلما طلع واحد على الجزيرة او العربية او الدنيا يحكي باسمهم ويقص ويفصل على كيفو عن احلامهم ومطالبهم وبينجلطو لما واحد متلك يامثقف انت هيك مصنف حالك بيقعد بيعمل فحص دم لكل واحد مو موافق على افكارو وبصنف العالم على هواه
9 Like

 

 
جحجاح النوفل
2011-04-23 09:10:04
برأيي الشخصي ، سلطة الملفوف أفضل من تلك التقليدية ،لأن الصوبيات العادية لا بد أن تصطم ، في حين أن السباحة مفيدة لكل الجسم ، أما ما تتقولون به حول الاتفاقات المسبقة عن نتائج المونديال فأنا أرجح نظرية الاحتباس الحراري كاساس لكل المشاكل التي أدت للخلاف بين ديانا ودودي رحمهما الله وأسكنهما فسيح هايدباركه . التوقيع مشارك ناشط في برنامج إعلامي رسمي .
8 Like

 

 
جحجاح النوفل
2011-04-23 09:16:12
بطلو حقد بقا ، ما بيكفي الهم اللي عايش فيه المثقف حالياً وحيرته أمام الشخصية التي سيتقمصها في المرحلة القادمة ؟؟؟؟وهي خيارات لعمري صعبة ، فممثلة ثورية تحاول استعراض منظرها بالشادور وأي لون ممكن أن يناسبها أو ببدلة العمل الثورية ، وكاتب محتار بين بحث عن اتقان الختان بين الصحابة قبل النكاح وتأثيرات الوعي الجمعي في إرادات الشعوب للحفاظ على مبادئ الثورات ، وممثل ينتقي أفضل أنواع الحنة لصبغ اللحية ناهيك عن مداهمة الوقت له لحين بلوغ لحيته الطول المناسب وآخر يريد البحث عن أفضل مصادر ومتاجر بيع الغلايين التي يحملها المفكرون ، اتركوا العالم بهمهم عن جد بواب مغلقة وهموم مفرقة ، تباً لكم أيها الرهط القليل .
8 Like

 

 
fransy
2011-04-23 10:19:51
لا أدري أيها الكبير إن كان لمغترب – أو مُغرّب – منذ ثلاثين عاما ويزيد أن يكتب في مدونتك. أنا أتصفحها وأشعر أنها ساحة تحرير انتزعتها ريشتك الخلاقة ونفسك الأبية من مملكة الاستبداد والفساد.دخول ساحات التحرير في ممالك الشبيحة والبلطجية له ثمن. وأنا اعرف أني لن أقضيه. هل تقبلون حبي ومشاعري وأحيانا حسدي ويدي الممدودة من بعيد؟
11 Like

 

 
غريب في وطنه
2011-04-23 11:58:42
إلى جميع من يتحدثون عن أن الوطن يتسع للجميع أقول لا يوجد وطن يتسع لمجرمين وقتلة فلتانين في الشوارع. لا شيء يتسع لهؤلاء إلا السجن وغير ذلك إما نحن أو هم وإذا أرادوا الحرب فنحن لها. ألم يقل ذلك الدكتور زعيم المافيا أمام مجلس الهتافين؟
12 Like

 

 
إلى إلى سمير
2011-04-23 12:21:25
طبعاً أنا رح رد على اللي رد على سمير يا صديقي وأنا من اللادئية وسمعناكن بنصاص الليالي عم تسبو الإمام علي يا محبي الصحابة وسمعناكن عم تتهمو الموظفات اللي مو من طايفتكن بأنهن ش... وعم تصرخو أنو تاني يوم رح تطحشو على المنشآت الحكومية لحتى تن..... وسمعناكن بالقنينص يا متظاهريننا المحترمين عم تهتفو بالروح بالدم نفديكي يا اسرائيل وشفناكن بالمتظاهرات الغالبية دون ال 18 وشغل تشليح وسلبطةعلى كل حال بكلمات الاستاذ علي فرزات اللي ما بعتقد انو رح يسمح بنشر هالتعليق بكلماتو واضحة صورة البلد اللي بدكن ياه نظام شمولي تانيولك ولييي علينا الله يساعد هالبلد على تحمل هيك مساطر من الآلهةويا خسارة بس بالفعل الرجل موقف
10 Like

 

 
ابوفهيم
2011-04-23 12:43:13
للاسف كمان هون فيه رقابة
9 Like

 

 
الى خالد
2011-04-23 13:18:17
يا اخي كيف تتكلم عن ثورة مصر بانها فاشلة دولة فيها 80 مليون شخص كيف تحكم على فشلها من اول شهر بالتاكيد اسقاط نظام كامل وحله ومحاسبه المجرمين ورمي دستورهم المعفن وانشاء دستور جديد هل تريد النتائج باول شهر كيف يا اخي كيف اولا بنظري حتى الان ثورة مصر ناجحة وأتت النتائج الاولية ممتازة وارادة الشعب هي من تنفذ حاليا مصر يا اخي بحاجة الى 8 اشهر لربما لتبدأ مصر كدولة ديمقراطية بكل معنى الكلمة ثانيا الاخوان المسلمون كان لهم يد قوية في احياء الثورة بمصر وباعتراف الكثيرين فهم كانو تنظيم قديم ويعرف ماذا يفعل وكان له يد قوية فيها لكن هذا لا يعني انهم سياخذون الحكم ليس شرطا فهناك شعب سيحكم وهناك انتخابات شرعية ستحصل والقرار ل80 مليون وليس القرار لحزب او جهة معينة اما عندنا اصلا لا يوجد اي تنظيم لك تبين لنا ان مصر كانت عايشة بنعيم ونحن من نقمع... بمصر يسمح للمنظمات والاجتماعات بينما عندنا حتى المنظمات ممسوحة ممحوقة ممنوعة مقموعة اما رجال الامن فانت تقول ان بعد هدوء الازمة سوف يتحول رجال الامن السفاحون الى ملائكة هذا منطق غريب يا اخي وعذرني عشنا معهم 30 عام فهل ستتغير الافعال لذات الاشخاص اشخاص شربو دم التعذيب واستلذو به يا اخي يجب ان تحلل الامور بمنطقية وواقعية السارق لن يصبح نزيه بشهر والمجرم لن يصبح ملائكي بشهر لن يصلح العطار ما افسد الدهر يا اخي خلاص ان اوان التغيير ان واذا لم يتم الان فلن يتم بعد ذلك بالتاكيد سنعيش تخبط لعام او عامين لكن بعد ذلك سوريا للافضل باذن الله ستكون بلد ديمقراطي وانتخابات حرة حقيقية نزيهة سوريا سيكون فيها احزاب متعدد ولا احد فوق القانون هذا ما نريده
10 Like

 

 
احمد الرفاعي
2011-04-23 13:26:14
استاذ علي اسمحلي ان ارد على خالد المثقف فأنا لست مثقفا ولست من اصحاب الشهادات لكن هو يتسائل لماذا لاتزدحم الساحات والشوارع بالمتظاهرين وان انصار النظام هم الاغلبية اسمح لي ان اقول لك تجربتي وتجربة من مثلي عندما كنت في الابتدائية وكانت المدارس تخرج مسيرات تأييد كان المدير يقول من سيغيب سنفعل به كذا لا يأتي بدون ولي امره سيسجن سيضرب الى اخره وفي الاعدادية كذلك والثانوية ايضا في انتخابات الرئاسة اذا فكرنا ان لا نرشح فان التهديدات والتخويف واللعن ستحل بمن لم يذهب فكيف بمن ذهب وكتب لا حتى لايجرؤ احدهم ان يذهب الى الغرفة السرية خوفا من ان يظن احدهم ان يكتب لا هذا حال من يذهب بمسيرات التأييد او الانتخاب فما حال الذي يريد ان يخرج بمظاهرة ضد بشار عزيزي انت متخوف ان ترجع البلد للوراء لاتخف فهناك اناس ضحت بدمائها من اجل ان لايرجع الوطن للوراء ابشرك اخي خالد نحن اخوة لانكرهك لانك سوري حتى لو اختلفنا معك لكن النصر لنا لاننا المظلمومين والمقهوريين في هذا البلد ودماء شهدائنا لن يذهب هدرا
9 Like

 

 
mohammed al asd
2011-04-23 13:38:28
عزيزي خالد كم دم سفك النظام . وهل تستطيع ان تثق بنفس الشخص مرتين . هل ثأثق بشخص 40 مرة وموت ؟ اذا بدئنا بمحاسبات الكبار سيخاف الصغار ول يتجرئو على فعل شيئ .. ونحن لن نذهب باتجاه مصر فنحن شعب مقاوم وما بيت الاسد هنا الي خلونا هيك ابدن ... بلعكس شوه النظام شكل المقاومة وما بئا تخوفونا من الاخوان لانو ما بيفرء هل نظام عنون .. يعني فهمونا شو .. سرقتم وبطشتم وقتلتم وسجنتم واعتديتوم واغتصبتون وتريدون فرصة ثانية ... أنا والله نفسي هنيك يعني وهني اهلك فيك على هل مواقف . بتعرف انو تحت بيتي في جيش كامل مامنشان يحميني ويحميك طلع خايف على التمثال ماينزل ...... واذا كان هناك طائفية فانتم ونظامكم الطائفي هو من زرعها عن طريق أعطاء الافضلية للطائفة المدللة .. قوانيكم فشلت المقاومة التي تدعونها سقطت اذا كانت مصر علننا فنحن بالسر وعلى مبدء منحرر الجولان على اخر لبناني 40 . صديقي لك الشعب السوري 50 بالمية بالمهجر وال 50 البائي عم يفكر بالسفر . الحكومة الجديدة ضل فيا رؤس الفساد وزير الاتصالت والنفط .. بكفي ولا بكمل ...........
9 Like

 

 
أبو جاسر
2011-04-23 14:33:04
السلام عليكم يا أهل سوريا العظيمة أولا أعزي نفسي على أرواح الشهداء اللذين سقطو بالامس برصاص الغدر والمكر بأيدي أزلام النظام الجبان وأعزي أهل الشهداء ثانيا ونقول لهم أصبرو وصابرو فشهدائكم هم أكرم من في الدنيا وأنبل بني البشر وأقسم بالله العظيم بأن دمائكم الذكية الطاهرة لن تذهب هدرا بل سيدفعون الغالي والنفيس على كل قطرة دم أهدروها أنتم أيها الشهداء الأبطال يامن ضحيتو بأرواحكم ودمائكم الطاهرة في سبيل الحرية والكرامة لكم الجنة بأذن الله0000 وأنشالله سوف يلعنهم الله والتاريخ والناس أجمعين بما أقترفت يداهم الملطخة بالدماء 000حسبنا الله ونعم الوكيل 000 يا أمهاتنا في سوريا زلغطو للشهداء زلغطو للعريس
8 Like

 

 
saeed
2011-04-23 15:07:41
اخ خالد نحن معك بس بدل ما توجه الكلام لهون روح وجهوا للنظام خليه يدعوا المعارضة من داخل البلد والاهالي ويتفق معهم مو طلعت مظاهرة بيقول عددهم مئات وفي نهار واحد بيقتل 100 واخر شئ تلوم المقتول ليش قتل
9 Like

 

 
نيران صديقة
2011-04-23 15:31:05
أرى أن يسمحوا للناس بالتظاهر فقط بدون دماء ولنرَ القاعدة الشعبية والتصاق الجماهير بهم
9 Like

 

 
سوري مندس لولا لطف الله
2011-04-23 15:41:31
احسست من فترة اني لدي اعراض المندس عافاكم الله ولكن الله هداني وتابعت جرعات من دروس الوطنية التي يتكرم بها الفذ علاء الدين الأيوبي على الشعب السوري وشعوب العالم والمجرات المجاورة قاطبة ممزوج بنكهة حقوقية من طالب ابراهيم وفجوة عروبية من احمد الحاج علي ومزركشة بدورائر ومربعات من خالد العبود ونفحات من الخطاب اللاهوتي للمفتي المغوار أحمد حسون ........ فتحسنت اخلاقي و تقوم اعوجاجي الفكري....فنصيحة لكل الأخوة ممن لديه اي اعراض مشابهة متابعتها ولكني لست مسؤلا عن النتائج
10 Like

 

 
دمتم سالمين
2011-04-23 16:23:08
البعض محتج على وجود رأي آخر..أخي علي فرزات.أنا انضميت للموقع عأساس موقع حوار حر.ما فكرت إنو موقع معارضة.إذا بدكن نخليلكن ياه فشوا قهركن فيه لحالكن.متل اللي عم يقاتل ذباب وجهه.ليش البعض شافنا استفزازيين وفارغين؟عهالأساس نحنا الأولى فينا نشوفن هيك.انتو عم تعطو رأي و نحنا عم نعطي رأي.ناس معارضة و ناس مأيدة.هون ماعم نأيد تملق أو لأننا أزلام نظام.تأييدنا عقد حالنا من حس وطني خالص وحب لبلدنا ونظرة ومعرفة خاصة.بدكن حرية سياسية عمستوى بلد واطاحة نظام باسم الشعب ومو متحملين رأي ؟ياريت تعرض تعليقي ليبقى عندي ايمان وثقة واحترام لهالموقع
11 Like

 

 
فنان تشكيلي
2011-04-23 16:41:20
قانون التظاهر جاء ليقمع المتظاهرين..اعتبارا من يوم الجمعة العظيمة نحن لن نتظاهر بل سننتفض
14 Like

 

 
دمتم سالمين
2011-04-23 17:56:12
استاذ علي..يلي مو معارض أو اللي مو متفق معك بالرأي أو اللي نظرته إيجابية ومسالمة واصلاحية تجاه مصير بلده مو معناه فارغ وماعنده رأي.أو الرأي المعارض والحانق وصاحب الثأر والانتقام بس هو المفكر والمستقل والمليان؟ عم نسمع آراءكن بمحبة وإلا مابقيت هون.أما عن الاستفزاز فنحنا تحاشينا كتير استفزاز أي حدا .أو أي رأي آخر غيركن هو استفزازي؟لو بدنا نستفز حدا كنا قابلنا كلمة تغيير نظام ب نحنا قائدنا الأسد معه للأبد.أنا فعلا مع قولي هاد بس عم احكي بالعموم والحياد.وشكرا لشفافيتك استاذ علي وعرضك كل تعليقاتي المستفزة ههه
9 Like

 

 
خالد
2011-04-23 18:07:30
الى جميع الاخوة لم ادعي اولا اني مثقف حتى تسخرون من هذه الصفة في ثانيا أقسمت لكم انه لاتمت لي باي سلطة ولكني بنفس الوقت لست مع المتظاهرينوخاصةعندما صار بعض قادة الثورة اشخاص مثل قاتل نضال جنودأو شيوخ الجوامع ولا حاجة لتعريف من هم شيوخ الجوامع من اي طائفة كانوا انا همي البلد ولا يهمني من يكون رئيسها وحين قلت لكم سافترض ان النظام سفاح فاني دعوتكم أن لا يغيب نموذج ليبيا عن ساحة حواركمفتقولون لي نظامك قتل واننا قتلنا ومن قال لك اني انا مثلا امجد عباس اوغيره أو انني كنت بين رجال الأمن الذين قتلوانا لا أعيش أصلا في سوريا فأرجو عندما توزعون اتهاماتكم ان تدققوا جيدا الى من توجهونها لاأظن اني اهنت احدكم ولو اني امتهن الشتائم والمسبات لما وجدتني هنا بل على صفحة الثورة السوريه الذين يضعون شعارات دينيه وصورا من شهداء اليمن وليبيا وغيرهم وتمثيليات لا يقبلها عقل ظننت انه في سوريا يمكن بيوم من الأيام ان نتحاور لكني اعتقد الأن أن حلم التعدديه بات مقتولا
9 Like

 

 
دمتم سالمين
2011-04-23 19:39:47
أكيد رح تشدو ضهركن بنائبين من المجلس يلي طلبو استقالتن.لاتشدو كتير.لأنن هدول أصلا كانو بالمجلس مابيفتحو أفواهن غير لما بدن يتثاءبو لأنن أصلا مابيفهمو شو عم ينحكى.وهدول سلفيين و من فترة عم يحرضو و يفتنو بدرعا وأصلا كان المجلس رح يسحب حصانتن.على كل حال بس بدي قول شغلة جدا جدا هامة.يلي مسمايين حالكن معارضة أو ثوار أو متظاهرين.بس بدي قلكن إنك كذابين وكذابين إذا بتقولوا إنكن ما بدكن تدخل أميريكي عسكري مباشر بسوريا.لأنكن بتعرفو الحال وشايفين ضغوط أميريكا وبريطانيا والاعلام العربي العبري علينا.لك ياحيف عليكن.بدل ماتكونو السور الحامي لبلدكن لسا نازلين حقد وتحريض.لو فعلا بدكن خير سوريا.بتدعموها عالأقل بهدوئكن وضبط النفس بالأخص الاصلاح قائم ومجال التغير والتطوير مفتوح .أو شو أنا عم اطلبهههواضح جدا لأنكن بتعرفوا امكاناتكن لهيك معتمدين عالتدخلات الأميريكة والأوربية.عنجد ياحيف.أصلا كل حدا عم يحكي من حقده ومشاكله الشخصية ..مع احترامي الخاص إلك استاذ علي فرزات يلي ماعرفتك إلا من خلال الإعلام السوري يلي علاك وكبرك..حاول تتصافى مع رأيي وتعرضه.بعرف منبرك حر وبتحب الدج الحر.
9 Like

 

 
kurd982
2011-04-23 20:49:54
إلى كل الذين يحاولون ترهيب الشعوب على الطريقة المثقفة و المسيسة ويأتون بالنموذج الليبي تارةً و بالبعبع الإسلامي المتمثل بإخوان المسلمين تارةً أخرى أقولإن ذكر أو طرح النموذج الليبي لا يكون على الشعوب الثائرة وإنما على الأنظمة فقط فهي وحدها التي تحدد أي المسارات او أي النماذج سوف تتبع. وكلما زاد بطش واستبداد هذه الأنظمة لشعوبها وزاد تمسكها بالسلطة وتجاهلها لإرادة الشعوب كلما كان النموذج الليبي هو الاقرب والأرجح وعندما يأتي طرح هذا المثال من اتباع هذه الأنظمة فهذا يعني الكثير ويقول الكثير. بالرغم من أني لست مسلماً وأطمح إلى دولةٍ مدنية بعيدة عن كل دين ولكن إن فرضت عليَّ إرادة الأكثرية بأن تكون حركة إخوان المسلمين هي احدى الاحزاب التي يمكن ان تتسلم السلطة في سوريا فلا يمكنني الإعتراض أو الرفض فهذه هي ضريبة الديمقراطية والتعددية الحزبية ويكفي بإن تصورا لنا حركات إخوان المسلمين بأنها حركات إرهابية في حين ننتقد الغرب الغير مسلمة على سياساتها تجاه هذه الحركات ونصفها بحرب على الإسلام والنظام السوري يسبقهم بعقود في هذا التوجه وتاريخ الإخوان في سوريا كتبها هذا النظام. وإن كانت هذه الحركات إرهابية فعلاٌ فليس هناك أخطر وأبشع من الإرهاب الأمني الذي يعيشه الشعب السوري في ظل هكذا نظام أمني عندما يفقد السيطرة على أجهزته الأمنية والدليل على ذلك هي المجازر الأخيرة التي حدثت. مع إحترامي للجميع
8 Like

 

 
mamdouh
2011-04-23 20:57:31
ياخي متحرق اعصابك ثورة الشرفاء الاحرار ممكن تنتهي بشروط. اليوم قالتهن الناطقه باسم الخارجيهالامريكيه .فك الارتباط مع ايران والتخلي عن دعم حزب الله وحماس والوقوف في صف الدول الخليجيه.علي فرزات مندس وكل انسان مع الثوره فهوعميل بشكل مباشر او غير مباشر.علي فرزات والطبلين له وطنيون ولكن السؤال لاي وطن ينتمون.السوري يكون سوريا اذا كان هواه سورياوليس هويته.تسقط العماله والعملاء وثورتهم
11 Like

 

 
سوري محشش
2011-04-23 21:22:27
الأصل في توزيع المهام هو الولاء للنظام ومبادىء وفكر الحزب وليس الكفاءة يا مندسين ؟؟؟
8 Like

 

 
نيران صديقة
2011-04-23 21:59:03
انا مستغرب من ممدوح ومن واحد اسمو دمتم سالمين بالقتل طبعا ...عندما جاء بيل كلينتون إلى سورية طرتم فرحاً وصرتم تقولون والله نحنا كبار مع أنه جاء لتغيير الجو ...ومع هذا وزير الزراعة السعودي في دمشق عليكم به ياشاطرين .....يافئويين ..يافتنويين ...على مين عم تضحكوا؟؟؟؟؟ قال تدخل قال ...
8 Like

 

 
mamdouh
2011-04-23 23:15:16
جاء كلنتون لسوريا .نعم .هل حصل على شيئ.هل تنازلت سوريا .الجواب لا قيادة سوريا اسقات بقرارها وغردت خارج السرب والان جاء الوقت لدفع الثمن.الظغوط الخارجيه لم تنفع .هل الطابور الخامس في الداخل سينفعهم.ابشركم سوريا لن تسقط
11 Like

 

 
abo haidr
2011-04-24 00:46:31
الى كل من ينتقد سيادة الرئيس لقد شرح لكم بوضوح في خطابه الاول انه كان مشغولا بتوزيع الحليب على اطفال المدارس وكان يحارب القاعدة بافغانستان وكانت سنوات الجفاف كثيرة ومو معقولة تطلبو منو يصلح بالجو هاد فرجاء منكم التعقل والانصاف بعدين لاحظو عالقناة السورية انكن مو مرحب فيكن ببلدكون سافرو السفر كييس روحو تظاهرو بلبنان او الاردن
9 Like

 

 
الى الى إلى سمير
2011-04-24 01:31:55
شي عجيب غرييييييب صرنا ببلد القاتل الظالم يدعي السماحة وانه تعرض للظلم شي عجيب غريب انك تحقر الفئة التي انتم من سحقتوها للاسف بظلمكن الذي امتد لمدة اربعين عاما والان تلومهم لماذا هم متخلفون وجهلة سبحان الله اوكي ولناتي معك ان هناك من شتم احد الصحابة عليه السلام وانا لست معه ابدا ابدا لكن لو كانو هم البادئون لماذا تكبلون الجوامج وتشتمون المعتقلين اذا كانت اللاذقية فئة ووضع خاص نتيجة التماس لماذا مزقت المصاحف في درعا وانتهكتم الجوامع مثل الجامع العمري ومناطق اخرى صديقي العزيز ااعزائنا نحن لا نتكلم بطائفية انا اتكلم واتحدث معك كمواطن سوري لا تتمادو او تستمرو في المبادرة باثارة الفتنة فهناك جهلة سيستغلون ذلك وننزلق لامور لا نريدها جميعنا انا اعتبركم ابناء وطني وانتم كذلك ونحن نسكت عن ذلك خوفا عليكم وليس خوفا منكم من تحدث عن ذلك ولو اني لم اراه فانا لست معه بالتاكيد لكن لا تاخد هذه الفئة انها هي من بادرت لا يا صديقي انت تعلم جيدا قبل الازمة لم يكن احد يتجرأ ان يعتدي على اي احد من الطائفة العلوية باي حرف وانت تعلم جيدا هذا لكن اقسم بالله العظيم ان العكس كان يحصل وانت تعلم ولكن رب العالمين يمهل ولا يهمل فلا تقف بموقف المساكين وانتم المعتدون حقيقة واستر واشطب كلمة طائفية يستر عليك رب العالمين وعلى طائفتك والله يحمي البلد من الطائفية كلنا مواطنون سوريون ابناء بلد واحدة لم نتكلم سابقا بطائفية ولن تحصل باذن الله رغم سعي النظام منذ مدة ان يشعلها عبر هؤلاء الجهلة من الطرفين ليحلل اراقة الدم السوري ويظهر هو بدور البطل المنقذ لهذه الازمة الغير مسبوقة الحصول في سوريا فالنظام السوري الحالي يحاول تفرقة الشعب بكل الاساليب الممكنة كما هو يسعى وسعى ان لا يتفق الجيش مع الشعب خوفا من الانشقاقات وواظهر الجيش بوجه شاحب جدا تجاه ابناء وطنه حيث جرت لاكثر من مرة اطلاق نار مباشر من قبل الجيش على المتظاهرين العزل فهم اما امن بلباس عسكري او انهم يطلقون النار ومن ظهرهم القناصة والامن يقتلون الشعب وبكل الاحوال صورة الجيش بالنسبة للشعب هي من تشوه والشعب السوري فهم اللعبة فكفى يانظام الاعيب ومن يستشرف هذا النظام فليقرأ تاريخ ويعرف كيف ان قائد فرقة السرايا ذبح حماه باكملها وقتل اكثر من 70 الف شهيد من اجل كرسي الرئاسة فكيف تتعجبو الان من طريقة القتل وتلزقون التهم الى طرف ثالث ونحن نعرف البير وغطاه
9 Like

 

 
Rami
2011-04-24 01:42:06
يا اخي اتركو الاستاذ علي بحاله ما بكفي ادعيتم الاصلاح وبعد ما فتح جريدة نزيهة حرة اغلقتوها وتمت محاسبته على قلمه والان تتهموه بالعمالة والله اللي اختشو ماتو
10 Like

 

 
دمتم سالمين
2011-04-24 02:22:47
استاذ علي بتعرف إنو اليهود مثقفين وقارئين وعلماء ومخن مليان كتير كتير.هل هاد بيعني إنن أصحاب حق باقامة دولة يهودية بفلسطين وتهجير واعتقالات وقتل يومي؟دخيلك لاتربط المخ المليان بالثقافة والفهم والأخلاق والوطنية والانسانية.بظن مو اللي بده أمان واستقرار بلده هو الجاهل يلي عم يردد عبارات بدون مايفهم.بالعكس نحنا اللي فهمانين وكتير منيح ومستوعبينكن لأنكن ولاد بلدنا .و عباراتكن هي اللي صارت ورود عم تسبحو فيا ليل نهار.ياريت يكون في رقي وصدق وانصاف .
9 Like

 

 
الى فنان تشكيليsara
2011-04-24 15:40:04
اي رح نضل شهرين وتلاتة بالبلد ومنشوف مين رح ينكفئ على نفسو ..بس بهداك الوقت ما رح نساوي متلك انت وامثالك من المثقفين الكاملين ونقلك طلع من البلد لا ساعتا رح يكون في قانون احزاب واعلام ورح نقلك اتفضل حاورنا ومارس دورك الحقيقي كشريك بالوطن شريك حقيقي بدون دبابة عسكرية اميركية او فضائية عبرية.
8 Like

 

 
فنان تشكيلي
2011-04-24 19:48:21
سارة..كتير بشكرك على سعة صدرك وقبولي انا وامثالي كما ذكرت ان اكون شريكا بالوطن فضلتي على راسي وبتمنى انك كمان ما تيجيني على دبابة من وطني وقناصة تقتل بالرصاص شعبي واخوتي..انت وامثالك الذي سيجلب الاجنبي للبلد بطريقتكم بمعالجة مشاكل شعبنا العظيم وانا وامثالي لن نقبل بالاجنبي ولن نقبل بكم ان تقتلونا يا ابناء الوطنخفظ الله شعينا ووطننا
25 Like

 

 
سمير
2011-04-24 20:17:06
غزوان العلي وزملاءه..لن أرد على اتهامات سخيفة بالثقافة والتاريخ ولن أحدد لكم مستواكم ..فأنا لا أعرفكم فقط أعرف أنكم تحرضون على فتنة كبيرة ولن ننجر وراءكم ومانريده هو أن ترتقو بحواركم ..وأتمنى من كل قلبي أن يكون هناك انتخابات نزيهة تماماً وسترون أن الرئيس بشار هو الفائز بها رغم جميع المحاولات الفاشلة لتشويه الصورة الناصعة لرئيسنا بشار ...كما أتمنى أن تزيدو من إطلاعاتكم - إذا لم تكن هناك أجندة موضوعة لكم وتنفذوها- على دور القناصين في إشعال الثورات ومن يبعث بالقناصين.httpwww.facebook.comvideovideo.phpv169043859820614
8 Like

 

 
ramamohammad
2011-04-26 03:49:35
الغرب وصل للمريخ وعم يفكروا يعملوا رحلات عليه و نحنا لسا ما وصلنا للحرية و نفكر شو بدو يصير فينا بكرا ايه والله الي ال عنا عالم تالت ما كذب
8 Like

 

 
المواطن لاشيء
2011-04-26 16:13:47
استاذ على ... الببغاء معدوم القدرة على التفكير ... ما خرج يتحاور من اصلو ... لذلك لا تتعب حالك... وخلينا نركز على بكرة ... وقتها...حتشوف هدول اول الناس عم تتغنى بالثورة...طبع الطفيليات هيك ما بيتغير
9 Like

 

 
الى الى الى الى الى سمير
2011-04-26 21:11:33
اسمعني يابا.. بما أنو عم تحكي عن الطرف المظلوم.. فبحب قلك.. بعمرك أنت والفكر اللي بتنتمي الو ما كنتو مظلومين واحداث حماة اللي عم تحكي عنها.. صارت بسبب تفجير باصات المدنيين اذا بتتذكر او اهلك بيحكولك وبسبب طحشة الاخوان على الجامعات واغتيالات اساتذة الجامعات المفكرين والعلماء.. وطبيعي ناس تنقتل لتعيش ملايين بسلام.. المخرّب ما بينأسف عليه.. ومن وين هلا عملتولي ياهن شهداء ما عم افهم.. أما بخصوص أنك معتبر حالك من المظلومين لمدة 40 سنة فأنت وفكرك واللي بينتمولو ظالمين من 1400 سنة.. ومع هيك بالسنوات الأخيرة.. تصححت كتير ممارسات كانت خاطئة بس مية بالمية ما بتيجي القصص اللي غلط فيها النظام شي أمام الجرايم اللي موجودة بالتاريخ وارجع للتاريخ بتعرف على طول مراحل تاريخك التفظيع اللي صار.. أما بخصوص انو النظام عم يفرق والنظام عم يخلق طائفية والنظام هو اللي خلى الناس متخلفة فكمان ارجع لتاريخك واقرا منيح تاريخ هي الطايفة اللي عم تتهمها.. ولا ليش ترجع للتاريخ.. شوف نضال جنود كيف انقتل واندبح على مرأى كل هدول الضباع اللي صورو حالهن بفخر.. وشوف كيف اختيار ضباط طايفة معينة عم يكون ليقتلهن.. أكيد النظام ما رح يصفي أكفأ قياداتو وضباطو المشهود الهن بالولاء الو.. وهي العمايل معروفة من مين.. من الحقد اللي صرلو 1400 سنة.. من جهة تانية لما بطّلع بأفغانستان وطالبان والجزاير واحداثها وهي البؤر كلها اللي بتنتمي للفكر اللي عم تدافع عنو.. بشتهي شوف شي مختلف عن التخلف اللي عم شوفو بسوريا.. كلو نسخة وحدة كلو فكر واحد.. وكلو تخلف بتخلف.. لأنو الحضارة بعيدة عنو بأشواط.. وبعد مشروع قرار ادانة سوريا بمجلس الامن.. بقلكن على لسان سوريا.. كتير شكراً يا شعب سوريا.. برافو عليكن.. بكرا بسجن شبيه لسجن أبو غريب.. رح تسلطنو كتير على فكرة.. كمان عندي شك انو الاستاذ علي رح ينشر هيك تعليق.. _
9 Like

 

 
الى الى الى الى الى سمير
2011-04-27 19:28:02
اخي للاسف حديثك صار طائفي مية المية وغير مستعد لكمل فيه يعني قضية 1979 لحد 1982 كانت قضية اخوان فقط و50 الف انسان بحماه كانو كلهم اخوان وهم سبب التفجيرات يا سبحان الله انت تتحدث عن التاريخ بشكل عام وتذهب الاجرام الى المسلمين فقط وانا لن اعطيك الاجوبة مع اني املك الدلائل والاثباتات فديننا اللي هو مفروض دينكم نفسه لو كنت تعترف فيه يجزم العنف والقتل عموما هناك ادلة كثيرة على ان دين الاسلام هو دين سلام ومحبة واخوة مع الجميع لا اريد ان اعطيك غيض من فيض عن ذلك لكن انت تحاول ان تذهب بالثورة على انها طائفية وانا اكتفي لاقول لك ان الثورة ليست طائفية... الدليل باننا اول من نريد محاسبتهم عاطف نجيب السني المسلم انتهى
9 Like

 

 
دمتم سالمين
2011-04-27 19:31:19
كلامك صحيح وكافي..بس شو اسمك يلي غير إلى إلى إلى سمير ههه فعلا طالع شوية ناس من هالجيل جاهل وفارغ وعامل قاعدة بياناته الفيس بوك وبعض محطات مريضة متل الوصال وأورينت .و لأشو بيجي واحد عمره عشرين عم يشتكي من ظلم النظام من أربعين سنة.حاجتكن جهل واصحو عحالكن بقا.عم يلقموكن تلقيم أحقاد وتارات .انضفوا منها بقا .أي مستقبل بدكن تعيشوه وإنتو عم تسبحو بكذب وحقد الماضي؟أحداث الثمانينيات بحلب وادلب وحماه لاتزعل عاللي سميتن شهداء منن لسا في منن بأفغانستان وباكستان والأردن وبعتولنا كم واحد بأسلحة أميريكة وبمباركة القرضاوي ومجلس الحاخامات عأساس المسلمين يوسخو عندنا..بدعوات شيوخ جوامع للجهاد قال عالنظام العلوي ودعوات طائفية وسخة...سبحان الله كيف متفقين مع أوباما عتدخل إيران فينا..بدك أوباما يشرف لعندك خيتو؟يجيبلك ذات الحرية يلي جابوها للعراق؟؟و يصير سعرك مية ليرة يا متدينة؟؟
9 Like

 

 
الى من قال اسمعني يابا
2011-04-27 19:58:26
لا حول ولا قوة الا بالله اولا ساتغاضى عن ما كتبت عن المسلمين وتشويه صورتهم فانت خصصت فئة قليلة المسلمون ذاتهم تبرؤوا منها وعممتها على مليار و300 مليون شخص موجودين بالعالم يا اخي في كل مكان هناك متطرفين من كل الديانات لا تعمم فهناك يهود متطرفون ايضا وهناك مسيحيون متطرفون يا اخي اخرج الدين من بالك انظر الى ماذا ينظر الشعب ويسمو اليه نحن ننتظر العدل المساواه ننتظر ان نرى دولة يحاسب فيها كل من يخطئ حتى ولو كان رئيس الجمهورية وحتى وان كان مسلم سني انا لست بمتطرف وجعلتني بجانب طالبان وعممت جميع المسلمين الى جانبهم هل مسلمو سوريا مثل افغانستان يا رجل لو كان كذلك لما استطاع الحكم العلوي استلام الحكم 3 شهور استيقظ من هذا الحقد الاعمى الذي تشوه به صورة المسملين جميعا قلت لك نحن اخوة ونحن ظلمناانظلمنا بهذه الحقبة ولا اشمل السنة بحديثي فقط فهناك علويون ظلمو ومسيحيون ايضا وانت تنكر ذلك وتنكر دماء الشهداء التي سقطت وتنكر كل شيئ اما من ناحية مجلس الامن النظام هو من جلب المحاسبة لرقبته بتصرفاته الشنيعة بقمعه للناس بطرده وحبسه لمعارضي الراي وبقتله للمصابين برصاص بالعصي وبتعذيب الابرياء هم من جلبو مجلس الامن لهم هذا ليس اسلوب انساني يعامل به الناس اما المتظاهر لم ياتي على النظام ويقمعه بدبابة لم يقطع الماء والكهرباء عن النظام الشعب لم يدوس الامن برجليه ومزق المصاحف وهتك الاعراض والجوامع والكنائس تكلم بعقلانية يا اخي وافهمها نريد دولة فيها عدل فيها محكمة مدنية خالية من الواسطات والحسابات هذا ما نريده وسنسعى اليه وسيحصل باذن الله لتكون المساواه بكل سوريا وليست حكرا على احد
10 Like

 

 
الى دمتم سالمين
2011-04-27 20:53:10
بداية انا اعتقد ان من فقد اباه جده او اخاه باي وقت من الاوقات او لحظة من اللحظات فهو مظلوم انسانيا ثانيا يا عزيزي لست مناصرا لمحطات معينة لا اعرف قناه وصال ولم اسمع بها من قبل وانا من مواليد 82 اي قد قد عادهنا لحظات الحرمان الشهورة ووالدي سحب مرتين والله رحمنا من انه عاد بعد معجزة من رب العالمين لا اريد ان اطيل ....لكن لاكون واضح معك ما وصلت من حديثك بالرد الاخير ان النقاش عندك ينتهي باحتقار الطرف الاخر عندما يعجز الكلام عن الرد والسلام نصيحة لا تكتب لاني لن اكتب رد اضافي لشخص لا يحترم الطرف او الراي الاخر
8 Like

 

 
ahmad kh
2011-04-28 19:08:29
صناديق الاقتراع والله يا استاذ علي نحنا شعب ما بيعرف شويعني هل الكلمة بخاف منها كلمة مباشرة بحس الواحد لما بيقولها بينو وبين حالو انو عم يكفر والله نحنا اجيال بدها عملية تاهيل ثقافي واخلاقي وديني مع احترامي للجميع وابدأ بنفسي والله طموحنا انو ولادنا ما نعيش يلي عم نعيشو وشكرا
8 Like

 

 
انا من قلت اسمعني يابا
2011-04-29 19:54:59
والله ما عم شوف غير الطائفية عم تنضح من كل تفكيركن واحلى شي هاد تبع لا حول ولا قوة الا بالله عم يبرر ليش جايي علينا اميركا ومجلس الامن بفكر بحالو انها جايي عالنظام مالو خبر انو اول واحد رح يكون بسجن ابو غريب السوري هو. اما هداك اللي عامللي فيها مدافع عن الاسلام فياصديقي انا ما هاجمت الاسلام ككل هاجمت الاسلام بنسختو التكفيرية اللي قاعدين عم تحالفوها لتتخلصو من النظام عم حارب الاسلام بنسختو الصيصانية والقرضاوية واللحيدانية اللي عم تدافع عنكن ضد النظام. ومفكر النظام حكم برضاكن؟ لو استشاركن وبرضاكن اكيد ما كان حكم يوم واحد بس للاسف عوجا والطائفية عم تاكلكن يا ترى انتو مع مظلومية الشعب البحريني ضد الحكم السني فيه المتحالف مع السعودية؟ وللعلم ايران عم تحرض الشعب البحريني عالثورة يعني بعرف شو رح تقولو.. ايه شو يعني؟ انتو ضد مظلومية هالشعب؟ عم تشوفو اساليب القمع اللي انتو واللي وراكن مطنشين عنها؟ عم تشوفو المجازر؟ 3 قوصو ع رجال الامن اعدموهن لو صارت عنا كنتو قلتو عنهن شهداء بتعرفو ليه؟ لأنو اللي استحو ماتو وعوضك على الله يا وطني.. وحسبي الله ونعم الوكيل فيكن
8 Like

 

 
الى دمتم سالمين يابا
2011-04-29 23:49:57
يعني دينك وربك انا طائفي دينك وربك انا من جلبت مجلس الامن لسوريا ما دبابات جيش والامن وانتهاك حقوق الانسان اللي استمر كل هالفترة كلو مجلس الامن نسيه كلو وبسببي انا جاية مجلس الامن كرمالي والله كويس عمى حاسس حالي اهم من رئيس الجمهورية يا زلمة عفكرة اسلوبك كتير طائفي وانت تجر الحديث لطائفية قلت لك للمرة المليون من انظلم في هذه الفترة ليس فقط سني ومن ظلم في هذه الفترة ليس فقط علوي ونحن وانا ما بدي امارة اسلامية لك ما عم تدخل بمخك الحشها دخلها بالزور مشان ما تكتب رد عالفاضي طائفي لا يحوي اي جواب لفكرتي بل هو رد فارغ المضمون والنتيجة انا بدي كون بسجن ابو غريب تفضل منتعشى سوا لانو اذا انت مو طائفي بحديثك فاعربلي كلمة طائفية ؟
8 Like

 

 
الى دمتم سالمين يابا2
2011-04-30 00:21:37
يعني بدك انا ببلدي عم يتقتل شعبنا عم يسيل دم عنا بدك ياني اشرحلك موقفنا بالبحرين عنجد اللي اختشو ماتو سيبك من بحرين وايران والشيشان وافغانستان وحاج تعمل متل النظام والتلفزيون السوري هروب من الحقيقة وشلف الاتهامات على مناطق اقليمية تانية ونحن قاعدين ببيوتنا تحت الحصار والقصف فعلا اللي استحو ماتو
8 Like

 

 
اليكم يابا
2011-04-30 21:25:54
يا حبيبي انت عم تبرر وجود مجلس الامن وانت لما تنزل تتظاهر بس لتستفز النظام وانت بتعرف انو مانك قدو 500 الف جندي مالك قدهن ومليونين رجل امن مالك قدهن يا بمظاهرة سلمية تتباكى فيها عالهرية تبعتكن.. وتستثير دموع الميمة أميركا يا بالسلاح السلفي تبعكن إيد مسلحة وايد سلمية. اما هداك التاني اللي قاعد عم يناقش بموضوعية عليم الله ما ذكرتني غير بالتلفزيون السوري وقال شو سيبك من البحرين يا حبيبي البحرين بلشو ثورتهن قبل ثورتك ما شفناكن يا متظاهرين يا وطنيين نزلتو ودعمتوهن عبواب السفارات متل يومة المصريين والتونسيين.. مو طائفيين؟ ايه والله الطائفية عم تجري بعروقكن ولا قال شو قاعد عم يهوللي انو نحنا تحت القصف والحصار وكلو كذب ودخيلك يا ميمة اميركا تعالي خلصينا من الظالمين ترى ما ذكرتوني غير بجارتنا العراقية والمعارضة المحترمة اللي عندهن اللي ما بتشبه غير معارضتنا نفس الماضي الاسود والتعامل مع اسرائيل والاستنجاد بالخارج.. على فكرة شفناكن شو قاعدين ببيوتكن وعرفنا من الشاهد العيان ابو عبد الله اللي من بيت شقاع لبيت رقاع بس محاصر كيف ووين ما حدا بيعرف اما انت ابو عشا اللي بدك تعزمني عالعشا بتركك تتعشاه مع زملاءك بابو غريب وبما انك خبير بالطائفية فرح اتركلك ياها تعربها لحالكوصحيح انا اللي قلت اللي استحو ماتو عنكن فهاتولكن متل تاني ليظبط معكن حتى هاد بدكن تلطشوه.. بس تأكدو ببلاد الغربة وانا عم سافر هالكم يوم رح تابع اخباركن بسجن ابو غريب وازعل عليكن هه
8 Like

 

 
Rami
2011-04-30 23:09:34
بطل بطل والله خير ما عملت سافرت لانو حرام تعيش بها البلد مخك خرج يسويسرا ووطالعبس ما تنسى خود عرق جبينك عفوا مصراتك معك تحسبن يا هزا لان سمعت اميركا طمعانة فيون خص نص مصراتك انت وصحابك بس عجبتني هي ناس قاعدة ببيتها ما عم يصرلها شي والدنيا امان ...قريت نعوة الشهيدة رهف عبد الجليل بطيخ في شارع الاسكان الصليبة اللي استشهدت مبارح مبارح باللادئية ببيتها بعد ما اجتها رصاصة من الشباك الله يرحمها 14 سنة شو هالامان هاد الله يرحمها يارب ولا يوفئ كل مين بدافع عها النظام المجرم الارهابي اللي الو الله وجايي يوم وقربت والله والنبي معك سكرلنا هالسيرة وتيسر ما رح رد بئا انا اسف استاذ علي عها الرد بس والله لما قريت نعوة الطفلة مبارح انحرق قلبي والك حرية الاختيار تعرض الرد او لا وبكل الاحوال ااكيد هاد اخر رد من عندي
8 Like

 

 
محب للفن
2011-05-02 12:23:29
اشكر الله اني بصدفه وجدة صفحتك لاني يعلم الله احبك من كل قلبي وكان يوم لقاءي بك على متن الطيارة القادمه من روسيا عام 92 يوم لا يمحى من ذاكرتي وفقك يا ابن حماه وادلب وعفرين وابن الوطن الكبير سوريا
8 Like

 

 
شاهد على علي
2011-05-13 19:49:46
أستاذ علي تحية وبعد منذ زمن بعيد نسبياً كنت أنت بمحافظة حماه تراجع إحدى الدوائر الرسمية وكنت تعرف الموظفين على شخصك الكريم فيحترمونكويقومون بخدمتك وتمشية حالك ونحن يتركوننا في الصف ننتظر دورنا كالنعاج في المسلخ ولسان حالنا يقول علواه لو أن علي فرزات يعرفني لأخلص من هذا الدور المقيت ...نصيحة أنت متلون كالحرباء ...فابق بلونك المفضل ولا تقذف الناس بالحجارة
8 Like

 

 
شاهد على علي
2011-05-13 19:49:46
أستاذ علي تحية وبعد منذ زمن بعيد نسبياً كنت أنت بمحافظة حماه تراجع إحدى الدوائر الرسمية وكنت تعرف الموظفين على شخصك الكريم فيحترمونكويقومون بخدمتك وتمشية حالك ونحن يتركوننا في الصف ننتظر دورنا كالنعاج في المسلخ ولسان حالنا يقول علواه لو أن علي فرزات يعرفني لأخلص من هذا الدور المقيت ...نصيحة أنت متلون كالحرباء ...فابق بلونك المفضل ولا تقذف الناس بالحجارة
8 Like

 

 
aliferzat
2011-05-13 23:57:30
بالمناسبة لااعرف على نفسي ..فأعمالي تعرف الناس عليي..اما اذا كان ذلك يثير غيرتك..فلا بأس من عمل يشبر الى انسانيتك الآن والمطالبة بحقوقك المغتصبة؟؟؟؟؟؟؟؟؟؟؟ام انك ادمنت حالة النعاج
11 Like

 

 
aliferzat
2011-05-13 23:57:30
بالمناسبة لااعرف على نفسي ..فأعمالي تعرف الناس عليي..اما اذا كان ذلك يثير غيرتك..فلا بأس من عمل يشبر الى انسانيتك الآن والمطالبة بحقوقك المغتصبة؟؟؟؟؟؟؟؟؟؟؟ام انك ادمنت حالة النعاج
11 Like

 

 
سوري للنخاع
2011-05-17 02:33:32
حلو الكلام .. بس المشكلة كيف بدك تقنع النظام انو في شي بالدنيا اسمو صناديق اقتراع ؟
6 Like

 

 
سوري للنخاع
2011-05-17 02:33:32
حلو الكلام .. بس المشكلة كيف بدك تقنع النظام انو في شي بالدنيا اسمو صناديق اقتراع ؟
6 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 117 عضو مسجل و 20 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011