ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook




يؤكد البعض أن ما يحدث هو مؤامرة خارجية قدمت إلى سورية محملة بالأسلحة والسؤال كيف تم إدخال هذه الأسلحة عبر منافذ الجمارك ؟؟؟؟؟!!!!!!!!!!!.......الجواب لم يأت من الخارج هذه المرة إنما كان من ذات المكان مدير عام الجمارك مصطفى البقاعي الذي اعترف على الفضائية بأن السلاح كان يدخل بطريق الرشوة عن طريق الحدود ومن المعروف بأن هذا الشخص (مصطفى البقاعي )كان أمين جمارك جديدة وهي اكبر منطقة حدودية مع لبنان لمده 5سنوات تقريبا قبل أن يصبح مديرا لجمارك دمشق والتي تتبع لها أمانه جديدة أيضا ومن ثم مديرا عاما وان هذه الكميه من الاسلحه لم تدخل خلال يوم وليله ... وهو مسؤول مسؤولية كاملة إن كان بقصد أو غير قصد وحتى خلال الأحداث الاخيره التي كانت تستهدف امن واستقرار سوريا لم تتوقف عمليه تهريب الاسلحه والدليل أن الأمن اللبناني امسك شاحنات محمله بالأسلحة  متوجهة إلى سوريا وهذا يطرح السؤال التالي هل من المعقول أن تتوجه هذه الشاحنات إلى الحدود وهي محمله بالأسلحة دون أن تكون مطمئنه أنها ستعبر دون تفتيش؟والجواب بديهي وهو لا يعقل ذلك
وبناء على هذه الحقائق التي لا يمكن لأحد نكرانها إن كنتم جادون بالمحاسبة تفضلوا هذه الوقائع الآن بين أيديكم بعد أن عرفتم أن دود الخل منه وفيه .........(شوفونا شو بيطلع بأيدكم قبل مايقلولكم .....روحوا بلطوالبحر)؟؟؟؟؟؟!!!!!!!


36 Like

 
حلبي غير متفائل
2011-04-19 00:10:35
انا بالنسبة الي كل هالدراما الهندية تبع النظام من مندسين الى خونة الى اسلحة ماني مسدق فيها حرف ممكن كون غلط بس ياجماعة عندي قناعة انو النظام اذا مالقى حدن يكذب عليه بيكذب على حالو والصواب انهون مسدقين كذبهون بشكل لايقبل الجدل
15 Like

 

 
محمد
2011-04-19 00:16:29
متل ما امسكو المصري .. والعصابة المندسة المؤلفة من 3 ... ومتل الفيديوهات اللي وجوه المشتبهين واضحة ومتل اللي قتلو ووو ___ ما رح يعملو شي اكتر من تبليط البحر
11 Like

 

 
حرس حدود
2011-04-19 00:44:27
هل تعلم أن قائد قوات حرس الحدود التي مقرها في حمص لديه دورية اسبوعية تدور على الأفواج الخمسة وتعود بشنتات سمسونايت مليئة بالليرات السورية .. هذا الكلام موثق.. وبعلم الأسد.. الشاطر وشطارتو.. الله محيي الثوار
11 Like

 

 
ابراهيم
2011-04-19 01:27:50
لأ الحلو بالموضوع أنو كل المخربيين بيعترفوا بكل ثقة و بيعترفو بالتفصيل الممل. و الشغلة الحلوة التانية أنو بعد ما جابو شب سوري و تعرفوا عليي الناس بالإسم و انفضحوا للمرة الألف جابو شب عراقي مشان محد يتعرف عليي. ولك شو بدنا نقول لا حول ولا قوة إلا بالله.
14 Like

 

 
jorjina
2011-04-19 02:28:42
وليد المعلم يقول انه لن يسكت عن اغلاق الطرقات لكنه ساكت عن قتل الناس والله شيء غريب ففي بلدي الطرقات اغلى من ارواح البشر
30 Like

 

 
محمد صبحي
2011-04-19 06:09:48
ولكن ينعني اللي ستحو ماتوا. مرة أسلحة في الجامع العمري وبعدين جاسوس مصري وبعدين 3 أشخاص عبروحو بين حماه ودرعا ودوما واللاذقية. بعدين حسي القول إنو فيها مناظير ليلية يعني المتظاهرين بدا مناظير ليلية لك تركو ها الشعب المسكين لحالوا عيب عيب خلو يتنفس ويعيش حياة كريمة أرفعوا حالة الطوارئ مباشرة ما بدى شهر ولجان
9 Like

 

 
بردى
2011-04-19 06:34:31
ماعاد بدنا الخل ولادودو . لم يكتفوا بقتل المتظاهرين في الشوارع . بل يقتلون المشاهدين على التلفاز السوري بأخبارهم المجرمة . هذا هو الإعلام الموجه بندقيته الإعلامية نحو عقول المشاهدين . مجرمون في بدلة مذيعون يشهرون المايكرفون ويطلقون نار أكاذيبهم دون حمرة الخجل . فقط في سوريا يقتل الشهيد مرتين . في الشوارع ، وعلى التلفاز .
14 Like

 

 
فرات الشام
2011-04-19 10:15:51
والله عجيب...يعني قبل الثورة ما كان في تهريب سلاح؟؟؟؟اغلب المهربين تبع هارون ومخلوف وشاليش والزير سالم ...حتى اسماوهم تدل على ذلك
10 Like

 

 
ayman
2011-04-19 10:43:35
النظام متعود يتخلى او يضحي باحد كبار رموزة ويلبسه كل الجرائم السؤال على مين الدور ها المرة
11 Like

 

 
عاصم
2011-04-19 11:42:21
صحيح هناك خلل في عمل جهاز الضابطة الجمركي ؟ لكن هذا لاينفي أبداً وجود إرهابيين مسلحين قتلوا ضباط وعناصر من الجيش السوري وأن هناك تنظيم مسلح واضح ؟وهناك مؤامرة كبيرة على سوريا وخير دليل ماتبثه الفضائيات من تضخيم وفبركة ؟؟ أتمنى النظر بموضوعية وعينين إثنين للأوضاع وليس بعين واحدة ؟
10 Like

 

 
ورطة ورطة
2011-04-19 11:45:36
كل ما زادوا تبريرات زادوا تخبيص و زاد غضب الشعب الله يزيد ويبارك
11 Like

 

 
sara
2011-04-19 12:51:18
يمكن ما عم تسمعو دعوات الجهاد عالمنابر بحمص وبانياس ودرعا وجبلة ويمكن ما شفتو جريمة قتل الضابط واوادو بحمص او الشاب الصغير المخترع .طبعا لانو هي الحرية اللي بدكن ياها بس خسئتو يا مجرمين ..وبتشوفو سورية كيف رح تضل محمية من الاعيبكن القذرة
9 Like

 

 
فنان تشكيلي
2011-04-19 14:44:58
وسينقلب السحر على الساحر
12 Like

 

 
مندس
2011-04-19 15:40:31
مؤامرة اسمها طلب الحرية التي يمتلكها اغلب شعوب الارض .. يا اهلا بهكذا مؤامرة و على كل حال الحرية لا تاتي بالمطالبة السلمية فقط و لم يفهم سفاح يوما بالكلام اللطيف.. الثورات لا تحصل هكذا مجرد تسلية
10 Like

 

 
ام المندسين
2011-04-19 16:25:19
غباء غباء هن بيعرفو انو كذابين وبيعرفو انو نحن منعرف انو هن كذابين وما فارقه معهم تخبيص بتخبيص لانو ما في حدا مهتم او حدا قلبو عالبلد وامن البلد وما في حدى يحاسب حدا عالاخطاء الرهيبه
11 Like

 

 
سوري محشش
2011-04-19 21:14:22
أنا صارلي 10سنين رايح جاي عالسعودية .. الله وكيلكم ب500 ليرة تستأجر الحدود وتهرب اللي بدك ياه
14 Like

 

 
سوري محشش
2011-04-19 21:16:56
على فكرة إسألو أهل دير الزور بعد ماسقط العراق كم كانت أجرة فتح الحدود لتهريب الغنم والسلاح ولأي فرع أمني كانت تدفع؟؟؟
11 Like

 

 
نيران صديقة
2011-04-19 23:33:57
تفضل ياوزير المالية حقق بالموضوع ..أم أنك سوف تقلد الوزير الشاطر محمد الحسين؟؟؟
9 Like

 

 
أستشهد من زمان
2011-04-20 16:57:12
انا جماعة انا ضحيت بحياتي مشان هل البلد اللي كلنا بنحبا وبنعشق ترابا اروجوكن عملوا اللي بدكن اليا بس من دون اي تخريب او قتل وبنتمى من النظام يعطي الناس فسحة أكبر لتعبر عن أراها
7 Like

 

 
مواطن كمالة عدد
2011-04-21 15:29:59
يعني كل هالناس وكل يوم عن يوم عم تزداد كل هدول مندسين وعم يطالبو النا ولكل مواطن الغبي عنصر الامن ما بيعرف انو مستقبل اولادو واحفادو متعلق بمصير المتظاهرين لو نجحت الثورة رح نعيش بكرامة ولو سقطت بيبقى مدعوس على راسو وراس اولادو اخ بس
6 Like

 

 
سوري محشش
2011-04-21 19:30:31
جمارك الحدود هي مصدر رزق للمئات وتسعيرة نقل العنصر إلى مركز حدودي تزايدت في السنوات الأخيرة حتى تجاوزت نصف مليون ليرة والغريب أن وزير المالية السابق استغرب تراجع إيرادات الرسوم الجمركية لخزينة الدولة بشكل كبير رغم تضاعف عدد السيارات الشاحنة والخاصة التي عبرت أو دخلت سوريا حسب بيانات الجمارك نفسها ومع ذلك الحكومة لم تحرك ساكنا؟؟؟
6 Like

 

 
دمتم سالمين
2011-04-22 06:39:57
طبعا فيكن تصدقو انو أميريكا ويلي معها حمل وديع وبدها مصلحتكن وحريتكن لسواد عيونكن ومافيكن تصدقو إنها عم تتداعى وعم تعيش على حساب دم الشعوب..بلشت بأفغانستان وبعدها العراق و هلق ليبيا و ناوية علينا .بس ناطرة شعلة ثورة عندنا .اي بدنا اصلاح بس ما بدنا ثورة.الثورة والقرابين البشرية مانها حل بزمن التطور والحداثة.مهما كان هي بلدنا وهاد شعبنا.ممكن جدا يكون حدا عم يحكي عن حدا فاسد ويكون هو بذاته مو مقصر عحاله ضمن نطاقه .ولو كان محله ما كان أحسن منه.فعلا بدنا الموضوعية.هي بلدكن والمذيعين ناسكن .مابده كل هالتهجم والحقد.بعدين إنتو ما بتعرفو الحقائق كاملة .
6 Like

 

 
رأيي الخاص
2011-04-24 20:53:26
مابدها تفكير ولا سؤال ولا جواب .. نظام فاسد وعبارة عن مجموعات طغاة ومجرمين .والمواطن السوري ليس له أي كرامة او حق .
7 Like

 

 
سليمان ب ر م
2011-05-24 03:10:41
رائع ولا يحتاج لتعليق
0 Like

 

 
سليمان ب ر م
2011-05-24 03:10:41
رائع ولا يحتاج لتعليق
5 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 129 عضو مسجل و 104 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011