ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



في إحدى المنالسبات الاجتماعية التقيت بفتاة في سن المراهقة ,و ما إن رأتني حتى بادرتني بالسؤال التقليدي أستاذ ما رأيك في ما يحصل في سوية؟

هيئت نفسي و ركزت من وضعي كي ابدو مقنعا للرد على سؤالها و بعضا من اعجابها...؟

و ما ان قلت الـ.................. حتى صادرت جوابي و لم تترك لي الفرصة لاكمل الـ و قالت انا بعرف شو بدك تؤول استاذ بس بحب اللك شعبنا ما تلبئلوا الحرية تبلكمت قليلا امام تلك الفتاة الفايف ستارز و لكن سرعان ما قفز الى ذهني شعار حزب البعث الذي اطلق منذ خمسين عاما (وحدة..حرية (مابتلبأ للشعب)..اشتراكية)


55 Like

 
سامح
2011-05-04 12:09:31
يعني شو معنى ما بتلبأ للشعب؟؟ يعني شعب يلي بتلبقله الحرية شو وضعه؟ ياريت يقولوا الحرية مابلبأ للمسؤولين..الحرية تعني وجود قوانين صارمة تضمن حرية الآخرين.. يعني القانون فوق الجميع..
7 Like

 

 
فنان تشكيلي
2011-05-04 12:20:03
عام 2011 فيه 11 حادثة مهمة ويكيليكس تونس مصر ليبيا اليمن تسونامي البحرين تورنادو المصالحة الفلسطينية بن لادن ورقم 11 ستكون سوريا بانتصار الثورة رغم انف الكثيرين اللذين يحجزون مواقعهم بمزابل التارخ وسنبني معا سوريا الحرة الديمقراطية
14 Like

 

 
hassan
2011-05-04 12:31:20
إن الشعب السوري هو شعب واعي ومتفتح بجميع اطيافه ومستوياته وهو الشعب العظيم والذي يعرف ما معنى الحرية والذي يقدر هذه الهبة وهذا الحق....وأما الذين يدعون ان الشعب السوري ما بتلبئلو الحرية فهولاء هم اعداء الحرية والتطور ...وهم الذين سيشوهون صورة المجتمع السوري أمام باقي المجتمعات على انه شعب لا يفهم معنى الحرية وهذا القول مردود عليهم....
7 Like

 

 
Nadine
2011-05-04 12:36:53
أنا بئى والله تبادرت الى ذهني غنيةأنا سوري وأرضي عربية .. أنا شعبي بطل الحــــــــرية... تحياتي..
8 Like

 

 
حافظ درسه
2011-05-04 12:40:24
لاتستغرب ياأستاذي ،قالبنت يللي أنت قابلتها جايه هي وأهلها من كوكب زحل ، هادول ماإلهن علاقه بالشعب السوري ، الشعب السوري كان حرا وكان في برلمان وأحزاب وديمقراطيات ، بس صادروها يللي نزلوا عل المدينه من زحل والمريخ وغيروا شعار لاوحده ولاحريه ولاإشتراكيه ولاك
7 Like

 

 
كامل الحمصي
2011-05-04 12:42:22
كائنات سورية هي أعز وأغلى إنجازات الحركة التصحيحية لدى السلطة وأفضل هدية إلهية لأي نظام تعسفي
5 Like

 

 
فراس
2011-05-04 12:44:45
آخ... آخ.. هي كمان من ابداعات النظامأنا سمعان هي الجملة من زمان شعبنا ما بيلبألو الحرية و الديمقراطية . ولك المشكلة انو هي الجملة سمعانا من ناس عأساس بتفهم يعني شي بيجلط
5 Like

 

 
ibn souria
2011-05-04 13:02:10
طيب بلا الحرية٠٠٠الكرامة ٠٠ الاحترام ٠٠الحقوق ٠٠ المساواة ٠٠ العدل ٠٠ حتى الخبز و حليب الاطفال ٠٠ كل هدول ما بيلبقولناانحني لامهات الشهداء و المفقودين انحني لكل مؤمن بالقيم و الحريةتحياتي الك استاذ فرزات و لكل سوري مهما اختلفنا او تلاقيناو بتمنى يجي يوم ما نضطر نتخبى ورا اسماء وهمية و اقدر اكتب متلك بإسمي لانوالشي الوحيد اللي ما عاد بيلبقلنا هوي الخوف٠٠عذراً عالإطالة بس بدي فش خلقي
6 Like

 

 
عبدالله عبدالله
2011-05-04 13:37:31
الحريه ماتلبق للشعب السوري احد الكذبات التي يسوقها ارلام النظام حتى اصبحت من الاعراف او العادات او القوانين السوريه التي صادق عليها مجلس النوام العربي الاشتراكي
6 Like

 

 
Nadine
2011-05-04 13:42:17
أنا بئى تبادر الى ذهني هالغنيةأنا سوري وأرضي عربية..أنا شعبي بطل الحريــــــــة..
5 Like

 

 
إياد
2011-05-04 13:43:11
منذ يومين وجه لي أحد ضباط الجيش سؤالاً .. قل لي أين القيد لنفكه ونعطيكم الحرية .. فأخذت نفساً عميقاً و بلعت ريقي وهيأت نفسي لسرد قائمة حتماً ستطول .. لكنه لم يعطني الفرصة ليهتف قائلا شفت اللي عم يطالبوا بالحرية كلون جحيش جحاش جمع جحش وأكيد بتعرفو شو الجحش
7 Like

 

 
محسن
2011-05-04 13:47:54
الجواب في وقته أفضل من حد السيف في المعركة
5 Like

 

 
شاغوري
2011-05-04 13:52:03
الوحدة بعمرو مارح يربح الدوري حرية ما بتلبأ للشعب اشتراكية المخلوفية
6 Like

 

 
Gaffar
2011-05-04 14:39:45
ههههه لازم يطلعوا بيان جديد بوزارة الداخليةعزيزي المواطن بإمكانك ان تكون مؤيد او مؤيد بشدة ......شاكرين لك حسن التأيد....
5 Like

 

 
Rami
2011-05-04 14:47:00
استاذ علي شي طبيعي ان يتخرج جيل لا يتفوه الا بما املاه عليه هذا النظام لا يوجد هناك راي اخر في سوريا في فضاء السياسة الحر لا يوجد منبر حر لو كان غفل عن ذلك هذا النظام لما بقي 40 عام
6 Like

 

 
فتاة مو مراهقة
2011-05-04 15:10:31
شو كذااااااااااااااااااااااااااب هلافتاة في سن المراهقة سالتك ؟؟؟ بعدين ليش لتسألك عن رأيك وانت معروف شو رأيك
9 Like

 

 
Karo
2011-05-04 15:22:37
من الحوار واضح انو الفتاة صادرت حريتك و بعدو عطت رأيا بالحرية يعني فكر ديكتاتوتري عمعرف الحرية مممم مو زابطة
5 Like

 

 
احمد الرفاعي
2011-05-04 16:03:03
استاذ علي مابسمحلك تحكي عن شعار الحزب لانو هاد الشعار فعلا طبقوه قول وفعل ورح اعطيك البرهان اولاً وحدة طبقوه بحرفيتو فهم ماقبلو يحكلمو الا لحالهم حزب واحد بس وحكم واحد ورئيس واحد بس شو بدنا نعمل للموت مشان هيك خلوها رئيس من عيلة وحدة اما حرية فهي حرية التصرف بهالبلد بدون ماحدا يعكر صفوهم ماحدا بسترجي يقلن ليش والاشتراكية طبعا مطبقينا هن عم بشاركونا بكل شي بحياتنا بأفكارنا بأموالنا بكل شي اشتراكية شفت شعار الحزب شو انو مطبق بحذافيرو
10 Like

 

 
shoura
2011-05-04 16:11:38
حلو التأميم
5 Like

 

 
ابو التوازن
2011-05-04 16:18:59
أستاذ علي؛ كان بإمكانك تتابع الحديث مع هذه المراهقة والإجابة على سؤالها بسعال وليس بسؤال ياحبوبة؛الشعب السوري مابتلبألو الحرية، وهل يلبألك شك الألماس دروب دروب وإيديك مربوطة و مكمومة التِمْ؟ أما بشكل عام فغالبية الشعب الغير مثقف يفكر بأن الحرية؛هي الحرية المطلقة،بحيث ان كل فرد يستطيع أن يفعل مايريد وبغض النظر عن المصلحة العامة وإحترام حرية ألآخر.طبعاً هذا بسبب تعاليم البعث الفاشلة التي مسخت عقول الشعب إبتداءً من الصف الأول الإبتدائي - الطلائع والشبيبه والتي مؤخراً أصبحت مدرسة لتخريج الشبيحة. إذاً لاعجب ولاتبلكم أمام ال5 فقط شكلاً.
5 Like

 

 
mo7tar
2011-05-04 16:50:07
كما تكونوا يولى عليكم...
6 Like

 

 
abu sarah
2011-05-04 16:56:18
صح استاذ علي انت شو بتعرف عن الحرية ما انت طول عمرك مقموعاللي بيعرف الحرية هنن اللي ماسكين الحكم من خمسين سنة وبيكذبو ع الشعبوبيعملو سياحة وتسوق من اغلى الماركات بكل حرية
5 Like

 

 
ام المندسين
2011-05-04 17:24:10
الحق الا ما يبان ما ضاع حق وراه مطالب انشاء الله نستعيد حرياتنا غصب عن النظام واذنابه المتملقين والله مبارح كنت عم شوف برنامج عالفرنسيه واحد اميركي مسوؤل طبعا محترم وفهمان مو مثل الابواق يلي عنا ..قال المسوؤل والله الشعب السوري عظيم وبطل كيف عمل مظاهرات مع كل هذا القمع ما حدا كان متوقع انو شعبنا بيطلع مع هذا النظام المخابراتي المجرم خيب الرئيس آمال الجميع الكل كان مفكرو غير غير البقيه بس طلع مبارك وعلي وحتى القذافي عندو صدق ورحما اكثر من بشار
5 Like

 

 
مواطن مطحون
2011-05-04 17:46:29
مفهوم الوصاية على المواطن من قبل النظام السوري توسع شوي صغيرة يعني اول شي الشعب غير جاهز للديمقراطية وما بتلبألو الحرية و هلئ الشعب ما بتلبألوا الحياة و لازم يموت والمرضى والجرحى بدرعا ما بتلبألون المستشفيات و الادوية و أطفال درعا ما بيلبألون الحليب
13 Like

 

 
omar-alhamoui
2011-05-04 17:52:00
اكثر شيء صدمني هو انسان معارض للتغيير طلع بسرفيس وكان الشوفير حاطط على راديو لندن، صرخ هالزلمة من اخر السرفيس محتجاً على تشغيل راديو البي بي سي، وقال اساساً هالشعب ما بيجي غير بالعفس، ليك شلون تركيا حكمته اربعمية سنة بالصرماية. بعدها ساد صمت ثقيل وكل واحد وانكفأ لعقله الباطن ليمارس حرية التفكير من دون صوت
8 Like

 

 
zuheir
2011-05-04 19:14:29
شعب ما بيلبألو غير الإندساس
7 Like

 

 
ابوفهيم
2011-05-04 20:22:37
ذكرتني بمسلسل ايام الولدنة بقلن باسم ياخور الحري مو امتياز ....الحري مسؤولي
5 Like

 

 
مجعلك فلحوط
2011-05-04 20:48:50
قال بيدبا في حديثه لبقية الحواوين بالغابة هيك حمّام بدو هيك مناشف .أستاذ علي بحكم أنك فنان تشكيلي ممكن تعلمني كيف بقدر صير فنان أشكيلك ؟؟؟؟
9 Like

 

 
نقار الخشب
2011-05-04 21:03:36
متى استعبدتم الناس وقد ولدتهم أمهم أحراراً
7 Like

 

 
علي
2011-05-05 04:36:27
بتوقع ان البنات ما بيشجعوا اي شي بيلهي الشباب عن اهتمامين الوحيد سواءا الرياضة او السياسة او الحرية او..
5 Like

 

 
مسرور
2011-05-05 05:03:05
واله يا إياد بدك ما تاخذني دورت بكل المعاجم عن تعريف الـجحيش للتـأكد ولئيتو صاحبك الضابط
6 Like

 

 
ابو فهمي السوري
2011-05-05 05:13:58
المهم تكون اخدت رقمهاهاهاها
5 Like

 

 
سوري اصلي
2011-05-05 22:42:57
بغض النظر عن الفتاة المراهقة وبغض النظر عن جمالها وبغض النظر عن ضعفي امامهن وبغض النظر عن زيها اثناء السؤال....لا أستطيع أن أغض نظري عن موضوع الحرية فنحن أحرار ونحن نحدد إن كانت الحرية تليق بنا أو لا تليق وليس شلة شبيحة ومافيا تحدد مصيرنا
5 Like

 

 
النسر السوري
2011-05-06 06:30:59
أساذ علي ... انا حابب صحح مفهوم خطأ و هو معنى .... الوحدة .... الحرية ........ الاشتراكية ....؟؟؟الوحدة... يعني انا وحدي يلي بحكم الحرية .... يعني انا حر بساوي فيكن يلي بدي ياه الاشتراكية ..... يعني بدي شارككن بكل شي .... بدون تعليق
6 Like

 

 
shahy
2011-05-08 11:49:00
اللي ما جرب يكون حر صعب يفهم شو يعني حرية وكمان اللي بقول مابيلبقلنا حرية مفكر انو الحرية كندرة او فستان بيلبأ او لأ حسب الموضة
5 Like

 

 
ام المندسين
2011-05-10 05:54:42
الى الاخ مواطن مطحون والله كلامك صح يعني شوي ثانيه حيقول النظام للشعب ما بتلبألكم سوريا طلعو منها سوريا بتلبأ بس للنظام واتباعه بس مو على كيفهم قاعدين ببلدنا غصب عن انوفهم وانشاء الله هن بدهم يطلعو منها
6 Like

 

 
سوري
2011-05-13 09:09:57
اكيد الحريه لا تلبق باي شعب كان ..لانه السلاح الوحيد الذي يسقط به اكبر حاكم فاسد
6 Like

 

 
سوري
2011-05-13 09:09:57
اكيد الحريه لا تلبق باي شعب كان ..لانه السلاح الوحيد الذي يسقط به اكبر حاكم فاسد
6 Like

 

 
منفس
2011-05-13 20:13:50
إن هذه الفتاة رجس من عمل الشيطان ......
6 Like

 

 
منفس
2011-05-13 20:13:50
إن هذه الفتاة رجس من عمل الشيطان ......
6 Like

 

 
سوري
2011-06-02 16:25:47
الديمقراطية جاية حمرا والحرية سودا فما بتلبأ....
5 Like

 

 
سوري
2011-06-02 16:25:47
الديمقراطية جاية حمرا والحرية سودا فما بتلبأ....
5 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 73 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011