ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-04-23

بعد عقود من الزمن ( السنسكريتي) لمجلس الشعب تنبت زهرتان من شقائق النعمان ,خرجتا من وسط الركام تتحدثان بلسان سوري ..
تحية من القلب يا خليل الرفاعي و يا ناصر الحريري
بالله عليكما قبل ان تغادران مجلس الطرش من الرخويات ألقيا على رؤوسهم دلوا من الماء

45 Like

 
أحمد
2011-04-23 22:36:04
كلام رائع و اوافق كل حرف كتبته
11 Like

 

 
go forward
2011-04-23 22:52:00
يجب ان تنبت جميع شقائق النعمان
8 Like

 

 
محسن محي الدين أحمد
2011-04-23 22:52:19
للاسف ان انفصالهما عن ما تسميه يا فرزات بمجلس الطرشأتى قبل انتهاء الدور التشريعي بأسبوعلآ اعتقد أنهما زهرتان خرجتا من وسط الركامبل هما حجرتان عادتا الى ركام
10 Like

 

 
دمتم سالمين
2011-04-23 22:54:43
آخ يا استاذ علي.والله بحبك وبحترمك من صغري .ياريتك ترجع لساحة النقد والاصلاح الحقيقية.اي صح مجلس الشعب مو شي زيادة بس هاد عزمان قبل متل ماعرفتو إنت.بس والله لو متابعه فعلا كنت شفت منن أعضاء عم يشتغلو بشرف وبجهد وعم يحاسبو ويساءلو الوزراء بجرأة عالية.لأنن بدن اصلاح حقيقي بالبلد.بس هالأعضاء للأسف ماكانو منن زهرتينك الفرحان منن.قلتلك لاتشد ضهرك فين.لو كانو رجال فعلا كانوا يفتحو تمن بمطالب لمحافظتن درعا قبل هلق.هني جبناء بجدارة ودليل جبنن ظهورن عالمحطة اللي شانة حرب ضدنا بكذب وافتراء وتحريض.هي مو شطارة.هي مشاركة بمؤامرة ضد بلد عم يمر بفوضى وفتن طائفية.وهالزهرتين يكون بعلمك إنن دعو للتحريض الطائفي بدرعا. إي سيد علي في مؤامرة و فتن طائفية حقيقية ياريت حاج تنكروها.رح كون ممنونك إذا فيك تتقبلني دائما.وآسف عتلطيشي الجارح إلك وبرجع بقلك أحلى شي فيك رحابة صدرك.
12 Like

 

 
Salwa
2011-04-23 22:57:20
لم تكن الاستقالة سوى بداية انهيار النظام وستخرج شقائق النعمان في كل مكان ..هناك بعض الزهور مازالت تخاف اذا خرجت ان يمحو اثرها الريح ولكنها تحتاج الى جرعة من دلوا الماء الذي اوصيت به يا استاذ علي
9 Like

 

 
ghassan jebai
2011-04-23 23:15:30
موقف مشرف طبعا لأنه يعري دور الأمن ولكنه طبيعي جدا. لم يعد الزمن زمنهم..
9 Like

 

 
جحجاح النوفل
2011-04-23 23:16:49
المواضيع الحالية القائمة تحتاج إلى زيادة في وسائط الحوار ونقل الحوار وليس إلى إنقاص ، رأي بتجرد.
7 Like

 

 
غزوان العلي
2011-04-23 23:17:22
أعتقد انه لو كان لهذا المجلس من المطبلين والمزمرين والمصفقين ذرة خجل وحياء وكرامه لكانوا قدمو فورا استقالتهم واحتجاجهم على القتل والدماء لشعب اعزل يطالب بحقوقه ، الم تروا ان محافظ درعا السابق كان يشاهد والده على باب الجامع مع الناس وارسل المرتزقة ليطلقوا النار عليهم؟؟؟؟ هذا هو رجل ؟؟؟؟ اجزم انه لن يستقيل الا حفنة قليله لأنهم متعطشون للدماء وليس لديهم ذرة كرامة او احساس.
7 Like

 

 
mamdouh
2011-04-23 23:29:23
اتنين منو عجبوك فرحتلك والله.مجلس طرش معك فيها.واستقلتن اليوم وبهالوقت دليل انه المجلس و نوابو كان فيهم يشتغلوا .بس هنن مابدن.مجلس الشعب ان لم يمارس صلاحياته فهذه مسوولية الشعب المنافق الذي يختار الانتهازيين والمنافقين لتمثيله
7 Like

 

 
Nabeel
2011-04-23 23:32:56
httpwww.shukumaku.comPDAContent.phpid26608&s16&t1
7 Like

 

 
مواطنة
2011-04-23 23:40:30
أرجو ان نحافظ على مصداقية ما تبقى لنا ممن نرى فيهم رموز فكر. اعضاء مجلس شعب يستقيلوا لانقاذ انفسهم في اللحظة الاخيرة وقبلها النشيد الوطني على لسان كردي من اكثر من ثلاث سنوات..هل انتهت حججنا عند هنا وصرنا نحاول خلق المناسبات للتشهير.كان حريا بهم هم و والاخ خالد عبود ان يتدخلو باي طريقة حتى لو باستقالتهم في بداية الازمة ..عندما كانت تتعلق بمدينة درعا فقط.... نحن لا نحتاج قنوات تضليل اخرى وخاصة اذا كانت قادمة ممن نرى فيهم اصحاب نظرة نقدية صائبة مثلك يا استاذ علي ..مع محبتي واحترامي
8 Like

 

 
kennedy
2011-04-23 23:49:14
سيسقطون كأحجار الدومينو
7 Like

 

 
مواطن مطحون
2011-04-23 23:50:22
@دمتم سالمين... ولك اصلاح شو و قتلتوا 112 نهار الجمعة ولك حتى بالتشييع رجعتوا قتلتوا الناس حتى الجرحى بالمشافي ما عم تخلوهم يوصلوا قسما بالله حتى اليهود ما ساوا يلي ساوا النظام السوري
8 Like

 

 
أبو جاسر
2011-04-23 23:58:19
أحلى فنان بالعالم واجمل رسام
7 Like

 

 
فنان تشكيلي
2011-04-24 00:07:03
مسبحة
10 Like

 

 
أماني
2011-04-24 00:11:36
أبو رومية هو البطل الحقيقي الذي أثبت بجدارة ثقة الشعب به و ربما لم تكن مزورة أما الباقون تأخرو و لكن أن تصل متأخراً خير من ألا تصل أبداً أما خالد العبود ....... ولكن أين رومية ؟؟؟
8 Like

 

 
كامل
2011-04-24 00:14:22
لا بأس من القفز من السفينة الغارقة
8 Like

 

 
أبو جاسر
2011-04-24 00:17:12
المظاهرات بلشت من درعا والاستقالات بلشت من درعا فتحية الى النائبان الحريري والرفاعي ومفتي درعا وهذا ان دل على شي دل على انهم من الشرفاء الوطنيين وهذا موقف يسجل لهم ايجابا ومشكورين وانشالله تدب النخوة عند باقي النواب ويستقيلو ومايضل حدا بالمجلس واذا سكرو المجلس بكون احسن لانو مو نفعان بشي وخلي الابرش أو الابرص اذا صحت التسمية يقعد بالكولبة تحت مع الحارس يشرب شاي ويلعب طاولة زهر ويعلق يافطة عالمبنى يكتب عليها المجلس مغلق بسبب الاحتجاجات والمؤامرات الخارجية وشكرا
12 Like

 

 
abo haidr
2011-04-24 00:19:43
استاذ علي بحكيلك على ذكر مجلس شعب وانتخاباتو وقت تجديد البيعة لسيادة الرئيس الخالد كنت عسكري فوزعو على كل واحد ورقة وكتبت انا رايي الشخصي انو ضد وقت بدينا بالاقتراع الحر لقيت الضباط تفتح كل ورقة وتشوفا قمت انجبرت ابلع ورقتي وقلتلون ما عطيتوني ورقة فتشوني وبعدين عطوني غيرا بس كتبوهاهنين للاختصاركيفك فيا
20 Like

 

 
مواطن مطحون
2011-04-24 00:22:48
@ mamdouh...لا تنسى انو هالشعب المنافق اختار بشار الاسد كمان حلوة هي الشعب اختارن بالمناسبة
9 Like

 

 
aliferzat
2011-04-24 00:36:28
ابو حيدر..حلوووووووووووووووة ههههههههههههههههه
7 Like

 

 
mamdouh
2011-04-24 01:06:55
على من اختار ان يتحمل مسؤوليه اختياره. شو رأيك مطحون
6 Like

 

 
jalal
2011-04-24 01:26:09
والله يلي عم شوفو من هالمظاهرات يلي صارت تقليد فقط مو أكتر ولا أقل صرنا متل الفترة الماضية فقط أنو أتغير الراعي
7 Like

 

 
بردى
2011-04-24 01:29:02
جميع الناس يستطيعون الوقوف .. لكن من يقف في الوقت المناسب مع الحق فهذه هي الرجولة والوطنية . أما الوقوف للتصفيق ونفخ الديك ليشعر أنه أسداً . فهذه وقفة العار والذل يكتبها التاريخ .
9 Like

 

 
jalal
2011-04-24 01:39:23
أسألكم بالله واحد واحد مبسوطين على يلي عم يصير بالبلد ؟انا ماعم أتخيل بلد صرلها 40او30سنة عايشة بهالفساد يلي صار بكل نقطة دم فينا نحنا كشعب وبيوم وليلة عم نطالب بأصلاح والقضاء على الفساد عم شوف أنو نحنا كتير مستعجلين عالإصلاح أو أنو ماعم نعرف من وين بدنا نبدا بهالإصلاح هو حكي وبدنا نردد بس خلونا نكون أحسن من الحكومة ونوقف حمام هالدم يلي نحنا السبب فيه ونلجأ لشي أكثر واقعيةالإصلاح والقضاء على الفساد والحرية مو عجينة بيتزا بتصير بنص ساعة وبذرة الفلاح مو بيوم بتصير شجرة ودمتم
7 Like

 

 
عسكري سابق
2011-04-24 01:44:00
أخ أبو حيدر لما كنت بالجيش كان الوضع عنا أكيس، جمعونا بالساحة وصفونا رتل أحادي باتجاه طاولة يجلس ورائها العميد والعقيد وبجانب الطاولة ممرض ودكتور اختصاص تبخيش أصابع، وجنبو كرتونة إبر، أي بقى لما يجي دورك بتنبخش إصبعتك والعميد بمدلك ورقة الاستفتاء وبقلك ابصم هنا يا بني واحلى ديموقراطية الشباب.
9 Like

 

 
ساطلها وماشي
2011-04-24 01:52:26
البرلماني العريق يلقي باللائمة على السلطات وبنفس الوقت يستجير بالرئيس .. يعني إن كان لا يعلم فهي مصيبة وإن كان يعلم فهي مصيبة أكبر
6 Like

 

 
maria fred
2011-04-24 02:07:25
بس اعتقد انو سبب الاستقالة هو أن جمهورية درعا الحرة لم تعد تقبل بأنصاف الحلول. تحية لحوران الجريحة انت في قلب كل سوري اصيل.
7 Like

 

 
جحجاح النوفل
2011-04-24 10:06:25
أقترح تعيين بدلاء عنهم من مذيعي ومذيعي الفضائية السورية والإخبارية أو من ضيوفهم المتكلمون ومن حيث المبدأ اقترح من خارج السلك الإعلامي ذي التوتر العالي الدكتور عصام التكروري ، لا بل أنادي بإنشاء نادي مشجعي ومحبي ومعجبي عصام التكروري وهو شخص لو تعلمون عظيمو
7 Like

 

 
Rami
2011-04-24 11:04:07
لا اريد اي شيئ اريد فقط من الذي يدافع عن هذا النظام قبل ان يدافع عنه ان يقرأ التاريخ يتثقف قليلا ومن ثم ياتي ليجادلنا ويعطينا حجج على ارض الواقع تبرر هذا الدفاع المستميت عن هذا النظام يعطينا اسباب مقنعة وحجج منطقية بالتاكيد لا ادعوه ان يقرا كل ما هو مكتوب ويصدقه لكن هناك ادله وبراهين من خلال الفكرة العامة تتشكل بعد القراءة عن الماضي وربطها بالحاضر تستشف امر ارجوك يا من تدافع لا تدافع عن مجرمين او منافقين بشكل اعمى وبدون خلفية ثقافية فانت هنا ستكون بموقف الضعيف الذي لا يملك اي حجة استاذ علي اسمحلي وانت استاذنا ومن خيرة عقول البلد وجه رسالة للشعب السوري انو يتثقف يقرا احداث ال1980 واحداث بيروت والتي لو تبرأ منها الجيش السوري المسكين لكن هناك اناس كانو عملاء لاسرائيل وقتلو الشعب اللبناني والفلسطيني وبعدها سوريا مدت لهم يد العون ودعمتهم وانا هنا لا اصدق مؤرخين متحيزين انا اتحدث عن احداث من ارض الواقع واسال كل مواطن سوري ان يكتب اسم ايلي حبيئة ويقرا تاريخه حتى عام 2002 واشدد على ان يقرأ تاريخه في الحرب الاهلية ومجازر تل الزعتر وبعدها كيف اخذ الحصانة والدعم من سوريا وهو شقفة عميل يا اولاد شعبنا ارجوكم توسعو في ثقافتكم عندها ستصبحو تستنتجو الامور لوحدكم وبافق أعلى ووجهة نظر تملك أساس قوي ليس فقط ترديد كلام مسموع من وجهة نظر سطحية جدا ضعيفة للاسف الشديد كلي حزن على ابناء وطني ارجوك يا استاذ علي ادعوهم الى ان يتثقفو اذا ارادو الحقيقة عم امور المؤامرة التي
6 Like

 

 
Rami
2011-04-24 11:09:41
ارجوك يا استاذ علي ادعوهم لذلك ليعرفو لماذا نحن ثائرون ليعرفو لماذا لا نثق بهذا النظام .... اكسرو حاجز الخوف واقرؤوا وبعدها ادلوا لنا بدلوكم
6 Like

 

 
نيران صديقة
2011-04-24 11:37:11
تأخرا كثيراً ...ياممدوح العزيز مافي حدا انتخب حدا طلاع من حياتنا وسكر الباب وراك
6 Like

 

 
Rami
2011-04-24 11:54:54
الى نيران صديقة يا اخي بالتاكيد مافي حدى انتخب حدى وانا معك فيها لكن لو حصلت انتخابات ثانية وادعت الحكومة انها نزيهة كيف ستثق بمن يلغي قانون الطوارئ ويشرع التظاهر وثاني يوم يقتل 100 شهيد للاسف شعبنا المعارض لسى خائف وفي كثير منهم لسى غير مستعد ينهي حياته من اجل هذا القرار فلا زال رايه الباطني مكتوم ورايه الظاهر منافي لما في باطنه والبعض منهم شبع ثقافة الراي والراي الاوحد وعليها شكل نظريات وقواعد دفاعية عمياء باتجاه واحد فقط وممنوع النظر لاي اتجاه اخر والبعض منهم مستفيد من النظام وهذه الفئات الثلاث لا تضمن نسبتها بالبلد لكن انا واثق 100 بالمئة ان هذا الخوف لن يذهب الا بسقوط النظام ستجد الراي الحقيقي يخرج وستجد الصامت الخائف يتكلم وستجد الجميع يتحدثون بحرية داخل البلد وسينطلق الراي العام الحقيقي لكن هذا لن يحدث الا عندما يسقط هذا النظام ولا يوجد حل اخر يريدون منا ان نثق وحللو قانون التظاهر فذهب رجل من الحسكة او القامشلي لا اذكر ليتقدم بطلب مظاهرة فاعتقلته المخابرات الجوية يعني ليذهب شخص ليقدم طلب مظاهرة لازم تروح مظاهرة لعند وزارة الداخلية لتقديم الطلب حفاظا على ارواح الافراد المعدودة التي تقدم الطلب منفردا وحلها اذا بتحلها مع هذا النظام
6 Like

 

 
Rami
2011-04-24 11:58:31
mamdouh وشو رايك بمرشحي الجبهة الوطنية التقدمية هدول كمان الشعب انتخبهن؟
6 Like

 

 
Rami
2011-04-24 12:01:12
mamdouh وشو رايك بمرشحي الجبهة الوطنية التقدمية هدول كمان الشعب انتخبهن؟فعلا منافق هالشعب اي والله
6 Like

 

 
احمد الرفاعي
2011-04-24 13:02:14
السيد خليل الرفاعي هو ابن ضيعتي وهو للعلم فاز بالانتخابات مو من الوصفة الي بتحطن الدولة اجباري عنك انما بالتصويت ونال اعلى نسبة تصويت وفاز بالانتخابات مرتين متتاليتين هو انسان محترم وبيخدم اهل درعا ومتواضع وصدقوني هو بيعرف شو يعني مجلس الشعب مابمثل حدا وهو عبارة عن تمثيلية الابطال هم نفسهم بس كان بدو يساعد اهل درعا قدر المستطاع مع احترامي لشخصك الكريم ياابن عائلتي الا انك اتأخرت كانت لازم من زمان لكن الحمد لله انها اجت اخيرا وان تصل متأخرا خير من ان لا تأتي ابدا وكل الشكر للعضو الشريف الثاني ناصر الحريري ونرجو من العضو ابو رومية ان يحذو حذوهم ويستقيل من هذه المهزلة اما من فاز بالجبهة الرجعية وعلى رأسهم خالد عبود تعساً لكم ولمن تشدون على ايديهم مصيركم مكان حقير قذر في مزبلة التاربيخ لا يليق الا بأمثالكم
6 Like

 

 
المرندي
2011-04-24 13:54:12
استاذعلي انا عطوني بالجيش دبوس وورقة مكتوب عليهة نعم وبصم اول واحد قائد الكتيبة بصم بالدم وبعدو الضباط وبعدو بصمنا بالدم على الدائرة نعم في جو ديمقراطي جميل جدااااا...................
6 Like

 

 
سورية حرة أبية
2011-04-24 14:40:10
يا عالم يا هو شو صاير للعقول النيرة ليش هدول مين دخلن على مجلس الشعب هدول عم يسخروا من كل مواطن عطاهن صوتو لك شو ما عملوا شو ما ساووا رح تبقى يا بشار رح تبقى سورية شوكة بحلق كل الأعادي نحنا أحرار بدون هذه العصابات والمأجورين يا عالم اصحوا أنتم إذا لم تقفوا مع رئيسكم الشاب والمعلوماتي والصالح لن تجدوا من يحتويكم ستسبى النساء ويستعبد الشباب تنبهوا واستفيقوا الإصلاح قادم ولكن المرحلة الآن تتطلب الوعي والوحدة في مواجهة الخطة التي لم تعد تخف على أحد ولو... يا أستاذ علي
6 Like

 

 
SAEED
2011-04-24 15:24:50
ما يحزن انه هناك البعض لا زال يلوم المتظاهريين على قتلاهم يـاأخي ناس سمعت بالحرية وطلعت كل واحد بتفسيره الخاص نعاملهم بهذه الطريقة ونلومهم على انهم قتلوا ياريت تنصح القاتل يحتوي الشعب ويتحمله شوي ويحتفظ بحق الرد ويلبي المطالب اهذه مشكلة وتقول للمتظاهرين ان يصبروا وانت تعرف ان النظام لم يخرج قرارواحد بدون المظاهرات بل بالعكس رأس الهرم قال من شهريين نريد اجيال حتى نكون جاهزين للديمقراطية ومن استقال الان له الشكر واي شيء بسورية انجاز ولو خرج عشرة بمظاهرة وكلنا نعرف ذلك
6 Like

 

 
rashaabdullah
2011-04-24 15:42:43
شكرا لكل من اتخذ موقفا شريفا ..و ان تصل متأخرا خيرا من ألا تصل .
6 Like

 

 
باسل كيلاني المتفائل
2011-04-24 16:13:56
الشعب يريد ارجاع الدومري صرنا هلق 4 بس من صفحة الاستاذ فرزات مين الهمة حتى نشجعه حملة ال23مليون و625الف
6 Like

 

 
شامية
2011-04-24 16:46:25
ياترى رح تكر هالمسبحة ؟؟
6 Like

 

 
فرات الشام
2011-04-24 17:36:57
والله يا استاذ علي الدلو لازم ما يصبو على رووس مجلس الرخويات على رايك ...انا اعتقد انو لازم يصبو بمكان اكثر تاثيرا ؟؟؟بلكي النيام يفيقو ويحسو على حالهم ...
6 Like

 

 
لك أخ...
2011-04-24 18:52:38
@سورية حرة أبية رئيسك الشاب و المعلوماتي والضرورة و التاريخي و المريخي والشبيحي ويلي الله ما خلق غيرو ولا متلو قتل بنهار الجمعة لحالها 112 ولما الناس طلعت تشييع رد قتلهم فعلا الاصلاح قادم وشفنا تباشيروا الجمعة ولك خطة شو و بطيخ شو يلي عم يساوي معلمك شارون بزاتو ما بيساوي
7 Like

 

 
سمير
2011-04-24 19:27:41
ولاننسى أن المستقيلان كانا يناشدان الرئيس بشار الأسد..أي أن أملهما هو بالرئيس...
6 Like

 

 
الحلم
2011-04-24 20:20:51
هل شاهدتم اسرائيل في حياتكم تدخل على مشافي غزة وتصفي الجرحى كلا اذا مايعملله الرئيس هو عكس ماتعمله اسرائيل فهو صحيح الله يخللينا الرئيس الذي افحم اسرائيل
7 Like

 

 
باسل كيلاني المتفائل
2011-04-24 20:35:38
سيد فرزات اسمحلي فيا هي........ لو انو زلمة كان يحكيها امام الرئيس لما كان بمجلس الشعب ولا هلق صار رجال هي مهزلة حتى ولو استقال كرمال عيون درعا و هي بستاهل اكثر من هيك...... بس ما رح صدقوا لو يطوب لي الجنة كلها لا هو و لا غيره ....................... الشعب يريد ارجاع الدومري
7 Like

 

 
mamdouh
2011-04-24 21:29:53
الى نيران صديقه و رامي. من انتختم في انتخابات مجس الشعب او الاستفتاء.هل في سوريا يجبرون الناس ان يصوتوا.كلكم عمل حسب مصلحته كل مااعلمه ان الله لا يغير مابقوم اذا لم تغيروا مابانفسكم.فقط فكروا الى اين تسير سوريا.انا لا اعيش في سوريه ولكن اكثر مااخشاه الفتنه والاوراح التي تزهق .وهذه الدماء الى اين تذهب بالبلد. الى الحريه ام الى الفتنه.ولمصلحة من.اذا سقط النظام هل سنكون احرارا.هل سنكون سلفيون ام انظمه جديده يتحكم بها الغرب كالعاده.انا اقول ان نبقى سوريا كما هي جميله .وانا اوكد ان شي لن يتغير وحتى لو تغير النظام. ستاتي فئه مستغله فاسده جديده ولها طرقها ورجالها.فلا تنتظر الكثير
7 Like

 

 
مواطن مطحون
2011-04-24 22:02:07
@mamdouh...و ليش ما حطيتلنا بقائمة الخيارات انو نعيش متل مو كل البشر عايشة بنظام ديمقراطي بيتحاسب في الرئيس متل ما بيتحاسب اصغر موظف نظام تحترم فيه حقوق الانسان نظام مؤسسات لا يكون فيه لفرد او اسرة تحكم برقاب 23 مليون
6 Like

 

 
mamdouh
2011-04-24 22:30:58
يا مطحون بس انت قلي هذا البلد وينو.باي بلد بالعالم الصغير اكل هوى و المعو السلطه والمال عايش .صدقني مافي انسان ما بيحب الديمقراطيه والحريه و العداله .بس انت متاكد ان رح تحققن.طلع بكل ثورات اللي صارت بالعالم.انعملت وخدمت فئه معينه والشعب رح يضل اكل هوى.انا بقلك هلق اذا الثوره بتتوقف حتقق اكثرمن استمراريتها.لان النظام عرف ان الشعب لن يسكت.اذا استمرت و نجحت نحن لن نعلم من حكامنا الجدد وباي فكر واجنده يعملون.واذا انتصر النظام سيحكمك بعقلية المنتصر
7 Like

 

 
ام المندسين
2011-04-25 19:09:13
والله يا استاذ علي مجلس الشعب والوزراء والكل بيزعلو ما بيحلو ولا بيربطو هن مجرد ديكور بيزين نظامنا المتحرر المثقف مزرعتو فيها يعني فيك تعتبرهم صور ومخدات للصالون واصلا النظام مو شايفنا كلنا وما بدو يوفنا لانو نحنا ومجلسنا ووزرائنا كلنا عباره عن شويه حشرات وحيوانات بمزرعه النظام الديموقراطي النزيه المثقف
6 Like

 

 
نيران صديقة
2011-04-25 22:59:45
ياسيد ممدوح نحنا وين وانت وين ؟؟؟ صدقني خوفك ليس بمحله ...ليس من بين الشعب سلفيين كثر ..أو فتنة ...الفتنة دائما من صنع الأنظمة ليضمن تأييد هذه الطائفة أو تلك لها وتزجها بمواجهة مع باقي الطوائف ..أما الاستغلاليون فموجودون بكل مكان ..ثم إن الانتخابات لم يجبر أحد عليها ولذلك لم ينتخب أحد أحد وأعني هنا الاكثرية ...ولذلك جاءت نتائج الانتخابات بما يتعارض مع تطلعات الشعب ...الشعب غير المستفيد ....الي ما بيعرف من وين تؤكل الكتف
6 Like

 

 
مواطن مطحون
2011-04-26 01:31:45
يا زلمة حتى بدول اميركا اللاتينية و افريقية صار في انظمة ديمقراطية يعني معقول دولة مثل بوليفيا يصير فيها حرية وديمقراطية ونحن بعدنا منسبح بحمد القائد الضرورة المشكلة حاليا ان هناك فقد كامل للثقة بين الشعب و النظام و المخرج الوحيد هو ان يخرج بشار الاسد و يكف ايدي الاجهزة الامنية بشكل نهائي وقاطع عن رقاب الشعب ويحاسب القتلة و يبدأ بتحول ديمقراطي حقيقي
6 Like

 

 
mamdouh
2011-04-26 07:57:49
انت مفكر بس يقلن وقفو.كفو ايدكن .هنن سمعو وكفو ايدن الموضوع اكبر من هيك بكتير.بشار الاسد ممكن يسقط بس الاجهزه الاننيه لن تسقط والفساد لن يسقط والثوار كلن بيعرفوا هالحكي بتصير كانك ماغزيت.
6 Like

 

 
اميرة
2011-04-26 11:36:37
السؤال الاهم يا جماعة وين فاروق الشرع ؟؟ سمعت ان انقتل و موجود حاليا بمشفى الشامي بدمشق لازم ما نسكت لحتى نعرف وينو
6 Like

 

 
مواطن مطحون
2011-04-26 18:12:14
التغيير قادم لا محالة و الشعب لن يتراجع مهما كان السيناريو المتبع من النظام لذلك على بشار الاسد ان يضع مصلحة سوريا قبل كل مصلحة وان يسهم بتحول سلس و عدم جر البلاد الى السيناريو الليبي كلنا يعلم ان بشار الاسد لا يزال يمسك بالكثير من الخيوط فالمؤسسة العسكرية لن تقف مع اخيه ماهر و القول الفصل في البلاد هو للمؤسسة العسكرية
6 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 147 عضو مسجل و 109 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011