ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-05-07

خرج بعض الفنانين عن صمتهم القطبي اخيرا وأصدروا بيانا رقم1 يطلبون فيه من الجيش فك الحصار عن درعا وتوصيل الحليب والغذاء والدواءللناس هناك.!!!؟؟ هاجت وماجت المخابرات وبهدلت من صاغ البيان ووقع عليه ثم بهدلوهم وشاطوهم (بالشلوت)معنويا.!؟ قام فريق ثاني بصياغة بيان رقم 2 يلطفون ماجاءفي البيان الاول وينفون فيه التهمة عن الجيش بالمحاصرة غير ان هذا الأمر لم يحظ بالرضى ايضا ولا على البيان الثاني!؟ قام فريق ثالث من الفنانين الأمنيين بتوصيل رسالة الى زملائهم الفنانين غير الأمنيين بالكف عن التخبيص وصياغة البيانات!!!؟؟؟؟؟؟ قام فريق رابع من الفنانين بتسليم ورقة بيضاءلفرع المخابرات عن طريق زملائهم الامنيين من اجل ان يكتب الفرع البيان بالصيغة التي يراها مناسبة!!!!!!!!!؟؟؟؟؟؟؟؟؟؟؟

65 Like

 
karim alshami
2011-05-07 03:30:28
بما ان الظروف الراهنه لا تسمح لنا ان نعبر عن رأيننا خوفا من الاساءه الى الامن في حماية امننا فياليت يتكرم علينا الامن باصدار قائمة اسبوعيه لما سنأكله في وجبات غدائنا كي لا يساء للامن في حال اكلنا شي طبخة بتعشعش بالنافوخ وبيصير آكلها عم يهلوس
17 Like

 

 
زياد
2011-05-07 03:30:54
وردنا قبل قليل من دير الزور باتصال مع مصادر موثوقة مائة بالمائة، أن عصابة الإجرام من المخابرات اليوم قاموا بالاعتداء بالضرب المبرح على سيدة حامل من حرائر دير الزور الماجدات، فوقعت أرضا، وتم نقلها إلى المستشفى فتوفي جنينها في بطنها ليرتقي إلى خالقه كأصغر شهيد من شهداء ثورتنا السورية المباركة، والأم ما زالت في حالة خطر ... وهذا مما أدى إلى اشتعال براكين الغضب في دير الزور ...
26 Like

 

 
aliferzat
2011-05-07 03:34:58
ولله ياكريم لو اخد الاذن بس بهدول بسيطة..انا خايف يركبوا عدادات على اعضاء الشعب التناسلية وياخدوا ضريبة عالفايت والطالع
26 Like

 

 
aliferzat
2011-05-07 03:37:00
يازياد ..قرأت الرسالة وتأثرت جدا ولاحولة ولاقوة الا بالله
14 Like

 

 
باسل كيلاني قارىء الدومري
2011-05-07 03:47:33
سيد فرزات 1- حباب اذ1 بتريد ارسم لي شيء عن المؤامرة الخارجية....2- ما جاوبتني عن اسئلتي 3- حاسس انو ما فرقت معك اذا قررت الانسحاب من التعليق او رجعت مع اني اؤمن بفكرك ولا ضاق خلقك من نقي المتواصل على ارجاع الدومري بس كانوا 5 من يلي على صفحتك بدهم ترجع الدومري هدا غير من يلي على بقية الصفحات التي اسال عن رايهم بارجاع الدومري
8 Like

 

 
aliferzat
2011-05-07 03:51:56
ياااااااااااااااباسل..انت بدك الدومري ترجع شكل ولا مضمون؟اذا بهاالاوقات ممكنترجع ولكن بدون مضمون طالما قانون المطبوعات موجود وقانون الطواريء كمان متخبي بين بنود قانون المطبوعات..انت ناويلي الفاينة؟؟؟؟؟؟؟؟؟؟؟
19 Like

 

 
الى قناة الجزيرة
2011-05-07 03:56:14
اول شي سؤال ليش ما شفنا اسمك بالبيان سيد علي فرزات تاني شي بيعجبني اكتر شي تأثرك بهموم الناس تالت شي يا زياد فيني قلك مثلا خبر كالتالي وردنا منذ قليل أن أحد الثوار رمى زجاجة مولوتوف على الأمن فاصيب بها طفل كان على نافذة بيته الارضي وتوفي طبعا هالخبر كذب بس فيني قول عنو مية بالميه طالما الحكي ببلاش أخيرا انو هالست الحرة المجيدة الحامل ليش طالعة مظاهرة وهي حامل وبتعرف عصابات الاجرام عم تقتل الناس بالشارع يعني هي راحت تستشهد مع ابنها مثلا وطالما طلبت الشهادة خلص لا كتير تتأثرو عليها
13 Like

 

 
ام المندسين
2011-05-07 04:05:07
وقت كنا صغار كنا نحب الفنان دريد لحام وبعدين صار يحرق حالو بفنو السخيف واخيرا طلع عن صمته وحكى بهذه الايام وياريتو ما حكى سقط من عينا مثل ما سقط النظام بكره لنشون وقت يتغير النظام شو بدو يعمل كيف بدو يظهر قدام العالم وباي وجه
15 Like

 

 
aliferzat
2011-05-07 04:11:29
ليش مين قال لك باني فنان ..ياجزيرة
13 Like

 

 
aliferzat
2011-05-07 04:13:31
صارت صفة فنان تهمة اذا هيك الفنانين وبتخلى عنها
14 Like

 

 
سنفور مندس
2011-05-07 04:22:19
والانكى من هيك هلا طالعين بموضة انو اذا ما عجبك الوضع طلاع برا البلد تئول باركين ببيت اللي خلفون وصاير اللي بيرفع راسو خاين واللي بيخطر بس خاطر على بالو يعارض عميل ذو أجندة خارجية ركزلي عخارجية اي حلوو عنا ولوووو وشو بدو يحكي الواحج ليحكي الواح
14 Like

 

 
أمجد
2011-05-07 05:11:43
أبو تعليق إلى قناة الجزيرة ما شفت أعمال علي فرزات من أول أيام الثورة؟ ولا لازم تنقوا عالرايحة والجاية؟كلامك الخالي من الإنسانية، بغض النظر عن صحة القصة، بيدل على شوفينية بغيضة من جهة وعدم معرفة بالي عم يصير بالبلد من جهة تانية. صار في بالبلد كتير حالات قتل على الحواجز الأمنية أو ضرب حتى الإحالة إلى غرفة الإنعاش.
10 Like

 

 
باسل كيلاني قارىء الدومري
2011-05-07 05:31:18
سيد فرزات انا بمنتهى السعادة بسبب ردك علي وعلى جوابك لا اريد ان اضغط عليك و اعرف الكثير عن الدومري و ولكن اقول و اعيد ان كما الدومري هي احدى اولادك فهي كانت بالنسبة شي هام و كانت احدى الامور التي حفزتني على الكتابة من اجل النقد و قد كتبت مرة على صفحة الدومري و كان هذا شرف لي ......... عملي هو دليل سياحي و بمهنتي اراى من خلال سفري و احتكاكي مع شرائح كثيرة من المجتمع الكثير من السلبيات ان كانت من المجتمع او الدولة......... ما اقصد قوله 1- انا اؤمن بان البلد راجع يقف و بطريقة اقوى من قبل لكن علينا مساعدته لان الظرف و الوضع خطير و يجب من كل السوريون الشرفاء المساعدة لا اعرف كيف لكن كل سوف يجد طريقة و لو دفع ثمن لذلك نحن بحاجة الى كل سوري مهما اختافت معه في بناء البلد و لكني ارى الكثير من الانقسام ما بين مع و ضد و حياد و الانكى من ذلك كل يخون الاخر و يتهمه بالعمالة و لايثق به و هنا لابد من المثقفين ان ينبهوا و يوعوا المجتمع و هذا ما كنت اراه في جريدتك حاول فتح قنوات اتصال مع فوق اعرف ان هذا صعب لما عانيته معهم لكن البلد بحاجة الان الى الكل و ارجوا ان تعذلاني على الاطالة و شكرا
10 Like

 

 
سوري شامي
2011-05-07 05:55:41
أستاذ علي فرزاتتحياتي القلبية لك وأرجو لك دوام الصحة والسلامة ومتابعة العطاءسنفور مندسهي مو موضة، هذا اسلوبهم اذا ما عجبك طلاع برا البلد، وبعدين إذا حكيت من برا البلد بيقولوا هي اصوات خارجية والمعارضة الوطنية الحقيقية موجودة بالداخل واللي برا عم يقبضوا بالدولار ليحكوا هالحكي...اسلوب متعفن
10 Like

 

 
free syriana
2011-05-07 10:29:21
بصراحة عندنا فنانين شاطرين بكل شي حتى في المراوغة و النفاق و التهليل و التبريك للسلطان و اجهزته الامنية التي لولاها لما استمروا في فنهم هذا.طبعا مع اعتذاري للفنانين الحقيقيين و لكن هم للاسف قلة.
8 Like

 

 
حوراني
2011-05-07 10:47:59
تشبه الأنظمة الإرهابية بعضها البعض كما لو أنها خلقت من بيضة واحدة ، سواء أكان إرهابها موجها ضد شعبها أو الشعوب الأخرى. وإذا كان إرهابيو البيت الأبيض يتساءلون منذ سنوات لماذا يكرهنا العالم ، وهي درجة متقدمة من الفطنة ، إذ لا يمكن للمرء أن يطرح أسئلة على نفسه إلا إذا كان تطور من مرحلة القرد إلى الإنسان الأول ، فإن النظام السوري لم يطرح على نفسه بعد أسئلة من هذا القبيل. وهو ما يعني أنه لم يزل في الطور البهيمي من الحياة البشرية؟ وإذا لم يكن الأمر كذلك ، فكيف نفهم الفضيحة الجديدة ، وفي أي سياق نضعها؟ السلطة السورية ، وقد أصبحت أقل شأوا وانحطاطا حتى من أن نسميها نظاما، وصل بها الأمر إلى حد إصدار أوامر تمنع على مواطني درعا السفر إلى دمشق إلا بموجب رخصة أمنية مسبقة ، كما لو أنهم مواطنون فلسطينيون مسافرون من غزة إلى الضفة الغربية أو العكس ، أو مصابون بالجرب أو الأيدز أو أحد الأمراض الأخرى التي تنتقل بالعدوى ، فاقتضى الأمر أن يحجر عليهم صحيا؟ الصورة المرفقة هي صورة طبق الأصل عن رخصة صادرة بتوقيع محافظ درعا الجديد اللواء المتقاعد محمد خالد الهنوس. والسؤال الآن إذا كان هذا المحافظ الآدمي يفعل بهم هذه الفعلة ، فما الذي كان يفعله الأزعر الراحل فيصل كلثوم؟ومع ذلك لم تصل هذه السلطة المأفونة إلى مرحلة تتساءل معها لماذا يكرهنا الدرعاويون والسوريون في أغلبيتهم الساحقة؟
9 Like

 

 
kassion
2011-05-07 11:19:58
يا استاذ علي انا اشتريت جريدتك مره وحده ب 25 ليره وقطعت عن حالي المصروف لما كنت بسوريا لكن الان اتابع موقعك يوم بيوم لاني تركت البلد وصار عندي كمبيوتر وانترنت بس انا انصحك انو دير بالك على حالك وما تنسى ناجي العلي قتلوه وما كان معو الا قلم ويقولوا انتحر برصاصتين بالراس متل يلي بي بالي بالك
8 Like

 

 
احمد الرفاعي
2011-05-07 12:04:47
بذكر بمسرحية لدريد لحام سألو ابوه الشهيد ناقصكن شي ياابي بهالدنيا قلو والله يابي موناقصنا غير شوي كرامة بس انا بقلو لدريد لحام وللي على شاكلتو انت مو ناقصك شوية كرامة بالعكس انت ناقصك كرامة ونخوة بحكي معك جد وصلت فيك حدة النفاق لحتى تخون بجيشنا وتقول انو مو مسؤوليتو يحمي الارض او يحررها هو مسؤوليتو بس حماية الامن والسلم الوطني وكأنو الي استشهدو مابخصو السلم او الامن او الوطن بشي بس نحن مابنعتب عليكم عرفناكم ممثلين ورح تظلو ممثلين مثلتو علينا ومثلتو عالنظام ورح تمثلو على النظام الي رح يجي وهلم جرة
7 Like

 

 
احمد الرفاعي
2011-05-07 12:48:25
فتحت اليوم القناة السورية يارب تسامحني ولقيت جهاد سعد قلت لشوف شو عم يحكي حكى كتير شي فهمتو وشي مافهمتو المهم استخلصت منو شوية امور اولا الاحداث بسوريا هي من تداعيات 11 ايلول ثاني شي هو كاتب مقالات حلوة وعامل مسرحيات كتير لازم نتفرج عليهم ثالثا اذا اسمعنا انو حدا تظاهر وقال حرية نمسك ايدو بحنان ونقولو ياابني شو معنى الحرية وهل انت تحررت من داخلك لحتى تطالب بالحرية اتخيلت الامن يعملو هيك مع المتظاهرين ههههه رابعا المثقفين الي براة سوريا وبيحكو عن الحرية صايبهم ازهايمر واستغرب ليش بيحكو من اوروبا ليش مابيجو عسوريا يحكو ويعطونا مطالبهم وكأنو الطريق مفتوحة قدامن مابيعرف انو بساط الريح بيستناهم على احر من الجمر سادسا كلمة حرية هي كلمة اتت من الغرب لا تعليق سابعا لو جبت غربال وغربت الناس مابسوريا رح يضل متماسكين والي رح ينزل هم الحثالى الي انا منهم وانت كمان يااستاذ علي وكل المندسين ثامناابوه بزماناتو مارضي يقتل اسرائيلية لانها كانت حامل بتمنى منك ياجهاد تقرا مجزرة حماة وشو عملو شبيحة الاسد بهداك اليوم ممثل بارع ياجهاد بهنيك
14 Like

 

 
rabii
2011-05-07 12:51:20
سبق وقلنا مشخصين وليسوا فنانين . بس فعلا اللي بيحرق القلب دريد لحام يا حيف كم صدقناه
8 Like

 

 
عبود
2011-05-07 13:34:31
بدي اقول كلمتين بس الله موجود
9 Like

 

 
أماني
2011-05-07 13:46:56
يا ستي جزيرة ان شاالله شي مولوتوفاية بتجيكي بالغلط و بنرتاح من أمثالك معدومين الضمير . استاز على لو ركبوا عدادات هالأيام ما في شي من إلو نفس يا رجل يا دوب عم ناكل هوى لحتى نعيش و غيروا تخاوينا يركبوا عدادات ليشبعوا
9 Like

 

 
صبحي الجعفري
2011-05-07 14:38:39
سقوط النظام يعني بالنسبة لمشخصاتية سورية سقوطهم دراميا.. فلقد تعود هؤلاء أن يعتاشوا من أفرازات المجتمع المعقدة نتيجة فساد النظام. فمجتمع خالي من المعترين و القوادين و البرجوازيين حديثي النعمة لا يتماشى مع تطلعاتهم الدرامية القائمة على طرح مشاكل بلا حلول لأنه ببساطة الحل مع الي طرقنننننننننننننننننننننن
8 Like

 

 
syrian_eagle2011
2011-05-07 15:42:01
المشكلة هي في تعريف مسمى فنان ... فنان بأي صورة ...الفنان هو من يتفنن في اصدار تصريحات .. تلاقي الاعجاب من قبل المسؤوليين .. و من يتفنن بإيجاد أفكار ... لوصف المنداسين .. عفوا المندسين و ما يفعلونه ... حتى ترتقي لدرجة فنية اعلى ......
7 Like

 

 
فنان تشكيلي
2011-05-07 15:47:21
اذا كان الكلام من فضة فالسكوت من ذهب وهذا ما ننتظره على الاقل من الفنانين المترددين وتربطهم مصالح مع النظام
13 Like

 

 
الى الطيوبه اماني
2011-05-07 18:17:09
على فكرة كل شي صار وحتى لما شفت عملية قتل نضال جنود لك حتى قتل اطفال غزة على أيدي اليهود عمري ماحسنت ادعي عالقاتل بالاذى أول شي لانو الله مابرد عدعوات الشر اذا بدو يستجيب وتانيا نحنا بشر قصدي انا ويلي بعرفن بشر مو حيوانات حتى ننبسط بأذى الاخرين شكرا كتير عدعوتك الصادقة ومافي صدقا ردلك ياها وما بتمنالك أبدا غير كل خير
8 Like

 

 
سوسو
2011-05-07 18:33:43
خسارة انو سوريا فيها 23مليون نسمة ومابيطلع فيها غير تعداد الايدي فنانين حقيقين وعم يتحاربوا كمان من الكل على كلمة حق قالوها؟؟ وهؤلاء المتملقين المدعوين فنانين على السورية يترك لهم كل الوقت ليدوخو العالم بفلسفة هم مافهمانين منها شي ......
10 Like

 

 
سالم
2011-05-07 18:35:42
مقاومٌ بالثرثرة ممانعٌ بالثرثرةله لسانُ مُدَّعٍيصولُ في شوارعِ الشَّامِ كسيفِ عنترةيكادُ يلتَّفُ على الجولانِ والقنيطرةمقاومٌ لم يرفعِ السِّلاحَلمْ يرسل إلى جولانهِ دبابةً أو طائرةْلم يطلقِ النّار على العدوِلكنْ حينما تكلَّمَ الشّعبُصحا من نومهِو صاحَ في رجالهِمؤامرة مؤامرةو أعلنَ الحربَ على الشَّعبِو كانَ ردُّهُ على الكلامِمَجزرةْ بقلم آيات نور
8 Like

 

 
كامل الحمصي
2011-05-07 19:32:58
لا تطلب الحرية من أنظمة اعتمدت في شرعيتها على القمع والقتل بل تؤخد الحرية ضدها
8 Like

 

 
حرية
2011-05-07 21:01:17
الاعلام السوريكان يعتمد على وكالة رويترز في كل شيء لانه اعلام ضعيف جدا وهزلي ومن المضحك انه حتى في الاحداث الداخلية كاحداث مزة كان ينقل من رويترز، الان يقول رويترز عميلةالامر الثاني فنانونا محقيين ان ما يحصل الان في درعا،المحاصرة هي كما حدث في غزة حيث كل و سائل الاعلام كانت هناك تنقل الاحداث، ان مايحدث في درعا هو مجزرة بكل ماتعنيه الكلمة.
8 Like

 

 
نيران صديقة
2011-05-07 21:29:13
ياشباب امبارح طلعوا عقناة الحقيقة الكاملة وكأنو في حدا حاط المسدس براسن ..الله يعينهم ..لو شفتوا رشا شربجي وكندا علوش وماهر صليبي ويارا ...والله الخوف بعيونن ...معلش التمسوا لهم عذر
7 Like

 

 
مغترب.في.وطنه
2011-05-08 02:34:29
انا بدي مسي عا الغالي علي فرزات وعجبتني منك هي انو انا مو فنان لانو ضريبتها غالية هالايام ههههههه المهم بيكفي انو تكون انسان صاحب وجدان المهم انا بعذر كل انسان عمبيمسح جوخ وانا اولن هههههه لا تستغربو هيك علمونا من الصف الاوووووووووول للللللل الصف ما قبل الاول واطلعنا بلنتيجة اللي بتقول ...نافق فانت سوري اصلي وقل الحقيقة فانت مندس وبهني حالي وكل والشعب السوري مبروك انا حمار برخصة هنيئا لكم يا حمير سوريا العذر منكون اذا قلت الفاظ سيئة لي اوقات الوجع بيغلب عا طابع الانسان سامحونا
9 Like

 

 
فادي العلماني
2011-05-09 01:00:03
ما قاله نيران صديقة واقعي مو معقول كل هالفنانين مشردقين بالنظام ومو شايفين الحقيقة يعني بيان انساني ما الو علاقة بالسياسة كفروهن وخونوهن ولعنوا سلاف سلافهن للي وقعوا على البيان عند النظام السوري ممنوع اي صوت غير صوت النظام والا حقك رصاصة او رصاصتين لحتى تنتحر الله يكون بعون المشاهير حقا ويلهن يراضو النطام وويلهن يراضو الشعب
7 Like

 

 
سوري اصلي
2011-05-09 06:30:58
انا مستغرب من استغراب الجميع من مايسمى فنانيين...هؤلاء الحثالة ترباية 40 سنة ذل وقهر وفرز على فرازة الأمن والمخابرات ...طيب شلون تتوقعوا منهم يقولوا الحق...فعلاً شئ غريب
7 Like

 

 
ام المندسين
2011-05-10 05:48:49
الى الاخ باسل الكيلاني ارجوك اصبر قليلا انشاء الله سوف تطلع الدومري قريبا بعد ان تتطهر بلدنا من العصابات وقوانيها المهينه باراده الله ثم اراده شعبنا العظيم سنرجع كرامتنا وحريتنا وانسانيتنا والدومري كمان
6 Like

 

 
feras1984
2011-05-10 21:48:05
معقول ينتصر الاستبداد
0 Like

 

 
feras1984
2011-05-10 21:48:05
معقول ينتصر الاستبداد
6 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 28 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011