ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



تخيلوا أن بلداً متفوق بالدراما وعناوين مسلسلاته لى سبيل المثال لا الحصر :
كواسر . بواسل . فوارس . البركان . الموت القادم إلى الشرق . أخوة التراب . نهاية رجل شجاع . باب الحارة . ........
شبعونا مراجل وشجاعة حتى صرنا نحس انو فناينا عن جد رجال وعند أول مفرق طلعوا معظمهن أرانب وأولهم هالشبيح الاعلامي دريد " تبع كاسك ياوطن وضيعة تشرين والحدود ....لعار ثم العار كيف اشتروك معقولة بعت الوطن والشعب من شان هل الوسام الذي قلدوك اياه هذا وسام الخيانة والعار بيشرف كل واحد من أمثالك .

بقلم : Osama Nasab

 

 


43 Like

 
ميداني حرية
2011-08-18 01:09:06
والله هذا الحشرة قريد سخام بحياتو ما كان وطني وطول عمره وصولي وانتهازي يصعد على أكتاف غيره وهو صرماية يدلس للنظام وهو أداة قذرة وكركوز ومهرج غايته إلهاء الشعب عن كل شيئ يتعلق بالوطن وهو لولا المرحوم نهاد قلعي وياسر العظمة وأسامة الروماني وآخرين عبارة عن سعدان مقرف وكذاب وأفاق بيبيع ويشتري بالوطن لتحقيق مصالحه الشخصية
18 Like

 

 
محشش
2011-08-18 01:14:12
لولا الراحل الماغوط لما سمع أحد بهذا الاختراع اللي إسمو قريد سخام
18 Like

 

 
kasem m ahmad
2011-08-18 01:14:35
إنني في اليهجاء لم أجرب. ولكني في الهزيمة كالغزال
8 Like

 

 
التلاوي
2011-08-18 01:19:03
لاوالله نحنا غزلان في غابه الذئاب _ الخبز الحرام _ العشق الحرام _ حتى هلئ الجديد الولاده من الخاصره
4 Like

 

 
العروبه العروبه
2011-08-18 01:33:49
.السلام عليكم بعد طول غياب . .. أنا بس بدي افهم شغله واحده مين هن متابعي برامج الفضائيه السوريه الحلزونيه أنو لمين عم يقدمو نشرات الأخبار ............. للشعب الأميركي . وللا الأوربي . .وللا الشعب العربي ... وللا للشعب التركي ... وللا................الأميركان.. مابتجي عندهن الفضائيه السوريه .‎ لسبب بسيط شبكات التلفزه هناك بتعتمد على الفضائيات المشتركه داخل الباقاتوأوربا نفس الموضوع . بالنسبه إلنا .. هون بأوربا حاولت كتير أسأل عن شي اسمو الفضائيه السوريه بس عبث مافي إلها أي اشتراك ..عنجد ..فمنشان هيك نحنا مركبين دش وماحدا حاطط دش بالحي غير الغربتلييه المعترين إلي متلنا....وأنا بحب شوف أخبار معظم المحطات الناطقه بالعربيه وبالنسبه إلي... الله وكيلكن أكتر من خمس دقايق مافيني شوف أخبار المحطه السوريهمين صفي من المتابعين للفضائيه السوريه الحلزونيه ...المشاهد العربي ... هههههههههههه لاوالله مابظن ...يعني قلة فضائيات عربيه وفضائيات إشتراك ...ولاتنسوا نحنا بشهر رمضان وكلنا منعرف شو بتعني برامج شهر رمضان ... مين صفي عم يتابع الفضائيه السوريه ... الأتراك ........... لاوالله أصلا المسلسلات تبعنا عم تجي ديلفري طازجه من عندهن مين صفي عم يتابع الفضائيه السوريه الحلزونييه ................. الشبيحه ..... مابظن مشغولين خيرات الله بهاليومين ..ماعم يقعدوا يتفرجو عالتلفزيون مين يعني المواطن السوري ... بقى المواطن السوري لساتو على نياتو وبينضحك عليه بشوية خزعبلات من الفضائيه السوريه مين بقي عم يتابع الفضائيه الديناصوريه............... وللا مين برأيك عم يتابعها أستاذ علي ؟
10 Like

 

 
فنان مبدأ
2011-08-18 02:02:49
نحن ما كان عنا فنانين بل كان عنا عصابات وشللية بتلائي أحيانا فنان بينطفي لسنوات وبتلائي واحد تاني كل يوم بوجهك معبي الشاشة وبتلائي فنانين طفشانين عالخليج وعلى مصر لأنه مو ملائين حالن بوطنن وعلى أساس الفنانين ضمير الشعب طلع النسبة العظمى منن ضمير السلطة وماهمن غير جيوب الشعب وبس واحد بيطلع بدو يأدي رسالة فنية صادقة بيحاربوه حتى يبوس التوبة أو يعتزل وشفنا وقرفنا عباس النواري والبهيمة سلاف عواهرجي ومن جهة مشرفة شفنا مي سكاف وفارس الحلو وآل رشي الإبن لك الفنان لازم يكون طليعة الشعب وليس طليعة المصالح الشخصية القذرة تفووووو على كل فنان ما بيمثل نبض الشعب والشارع فهمت ياغوار ياتافه
14 Like

 

 
احمدين
2011-08-18 02:03:38
عن جد لاتظلموا الاستاذ ضريط اللجام لانو لما قال بالمسرحية ماناقصنا غير شوية كرامة عن جد كان عم يتكلم فهو كان يقصدها لنفسه انه بلا كرامة وفاقد الشيء لايعطيه
11 Like

 

 
سمسوم
2011-08-18 02:12:52
حاسس انه دريد عبارة عن بشار مصغّر عم يكذب ع الناس طول هالسنين وخصوصا بموضوع الممانعة وحب الوطن
8 Like

 

 
حرية
2011-08-18 02:43:35
شعراء السلطان و مشايخ ومفتي السلطان و ممثلي المجلس تحت قبة المضافة والممثلين على الشعب والملحنين والعازفين و الدبيكة و كلهم حاشية السلطان كل من موقعه يشارك في مسلسل السلطان الذي كتبه و أنتجه و أخرجه السلطان فأي بطولة ترجو من هؤلاء اذا كانوا كلهم كومبارس والبطل الأوحد هو السلطان
14 Like

 

 
سليم
2011-08-18 03:11:37
الغريب أنه باع كل أصدقائه المقربين بدءا من الماغوط ثم نهاد قلعي وياسين بقوش ورفيق سبيعي أتحدى أن يكون أحد منهم على علاقة طيبة معه هذا اللحااااااس
8 Like

 

 
برلنت الحمصي
2011-08-18 04:16:17
مسلسلات رمضان 2011يوميات رئيس جبانيوميات مدير عامفي حضرة الشبيحةفي حضرة الغياببقعة نظام بقعة ضوءطالع الشبيحطالع الفضة...المندسالزعيمتشبيحات 2011مرايا 2011الارهابي2الدبور2وادي الشبيحةوادي السايحجلسات سلفيةجلسات نسائيةنتمنى لكم متابعة ممتعة على فناة الدنيئة الفضائية من تاليفي
7 Like

 

 
perlunt
2011-08-18 04:18:02
مسلسلات رمضان 2011يوميات رئيس جبانيوميات مدير عامفي حضرة الشبيحةفي حضرة الغياببقعة نظام بقعة ضوءطالع الشبيحطالع الفضة...المندسالزعيمتشبيحات 2011مرايا 2011الارهابي2الدبور2وادي الشبيحةوادي السايحجلسات سلفيةجلسات نسائيةنتمنى لكم متابعة ممتعة على فناة الدنيئة الفضائية
7 Like

 

 
خلدون
2011-08-18 11:40:17
دريد لحام أجتمعت معه بعزيمة عشاء على شرف مصطفى طلاس بفندق الشام من 20 سنة تقريبا ومن وقتها نزل من عيني لما شفت منه من تمسيح جوخ وتذلل وكان يهرج ويمزح ليضحك العماد مصطفى وزوجته وهو لايعطيه وجه من وقتها عرفت حقيقته ومستواه ففاقد الكرامة لايمكن ان يعطي الوطن اي شئ سوى النفاق والكلام
10 Like

 

 
ربيع_88
2011-08-18 11:52:43
من سخرية القدر انو المسلسل بيشحن الشعب بطاقة كبيرة متل ما عم تقول بس عندما تبدأ شارة النهاية يعود الممثل الذي كان يأخذ دور عكيد الحارة إلى حياة الديسكو والذي كان يعتبر ذو العقل والهمة العالية والشرف الرفيع والأخلاق الحميدة ليصطحب عشيقته إلى المزرعة ليقضي ليلة حمراء فكونا من هالسيرة عاد ما شغلتو هالزلمي ممثل يعني اللي عم تشوفوه تمثيل فقط......
8 Like

 

 
هابيل
2011-08-18 16:05:40
أما يكفي هزءا بالعقيد ان احد محطات ال...FM تعمل دعاية للمساحة المنزلية بقول الفنانة الخدامة عندهم يا عقيد اخذونا المساحة فبقول العقيد اجمعونا رجال الحارة كلمتين ما يقول رجعونا المساحة؟؟؟؟الله ينتقم منكم واح واح ويجعلكم مساحات على ابواب السفارات لأنكم هزئتم بالقيم المقدسة اما خطتكم الأمنية فتقولالعنصر الأمني والأداء الميداني - عدم التهاون في المس بالرمـــــــــــــــــــز الأعلـــــــــــــــــــــــــــــــى مهما كانت الأثمان، لأن ذلك إن تم السكوت عنه سيزيد من قدرة المعادين على تجاوز جميع الخطوط.اللهم لقد يلغ بهم الفحش في القول أن كتبوا بايديهم ما انت به خبير بصير
6 Like

 

 
نور الين
2011-08-18 17:03:20
والله كلامك صحيح 100% لانو دريد شخص استغلالي وانتهازي كان يستغل الشاعر العظيم محمد الماغوط ويقول انو المسرحيات الوطنيه كانو يكتبوها مع بعض اما بالحقيقه فكانت من ابداع الماغوط رحمه الله بالوقت الي كان في الماغوط بسجن المزه من ورا شعره ومسرحياته كان دريد عايش حياتو طبيعيه وبعدها عرفو على حقيقتو وصار في بينهم خلاف
8 Like

 

 
حميدو
2011-08-19 12:05:03
حالنا وحال مسلسلتنا ينطبق عليها انه في أحد مسلسلات دريد سخام القديمة كان يوجد ممثل يتأتىء ولايعرف الكلام الا حين يضرب على رأسه هل تذكرونه ومع ذلك كان اسمه -فصيح- شر البلية ما يضحك
5 Like

 

 
أحمد - جبل الزاوية
2011-08-20 03:54:38
اخواني اذا بدكم تعرفو قريد ع حقيقتو احضرو مسلسل الدغري يلي كان من بطولة قريد سخام ﻷنو بهل المسلس بطلع على انو انتهازي وحقير ونصاب المسلسل مأخوذ عن رواية لعزيز نيسين اسمها زوبك وبقول عزيز بأول الرواية زوبك الكلب المتلجي في ظل العربة يمشي بيحسب ظل العربة ظله - مثل تركي وقريد آخد دور ابراهيم زوبك زاده .... الرواية حلوة كتير انا بنصح بقراءتها مشان تعرفو هل الأبواق ع حقيقتهم ... تحياتي للكل
8 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 61 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011