ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-04-13

تنبيه إلى جميع الوطنيين المندسين يرجى وضع لصاقة على عدسة كاميرة الموبايل ريثما تهدأ الأحوال بهدف الحفاظ على الاستقرار تحت شعار (كاميرا موبايلك هي أداة للتحريض) يرجى أخذ الحذر ..

40 Like

 
عبود
2011-04-13 16:31:25
بعدين بحسو عليه من الموبايل أنه مندس و اللصاقة هي الدليل لا تورط الناس ياأستاذ الله يخليك ما عدا شي السيد احمد الحاج على عثر على مئات الأطنان من الأسلحة ربما من نوع هذه اللصاقات التي تتكلم عنها؟؟
17 Like

 

 
حلبي حر
2011-04-13 17:06:46
ويجب علينا أيضاً إغلاق عقولنا حتى نصبح واعين ونغلق أذاننا حتى نصبح إيجابيين و نفتح عيوننا على التلفزيون السوري حتى نفهم الحقيقة ومن المستحسن أن نظهر مواهبنا في العزف على الأبواق و الطرق على الطبول
21 Like

 

 
قصيدة مندسة
2011-04-13 18:00:00
رسالة من النظام السوري الى الشعب السوريياشعبي حبيبي ياروحي يابيبي ياحاطك في جيبي يابن الحلال...ياشعبي ياشاطر ياجابر خواطر ياساكن مقابر وصابر وعال...ياواكل سمومك يابايع هدومك ياحامل همومك وشايل جبال...ياشعبي اللي نايم وسارح وهايم وفي الفقر عايم وحاله ده حال...احبك محشش مفرفش مطنش ودايخ مدروخ واخر انسطال...احبك مكبر دماغك مخدر ممشي امورك كده باتكال...واحب اللي ينصب واحب اللي يكدب واحب اللي ينهب ويسرق تلال...واحب اللي شايف وعارف وخايف وبالع لسانه وكاتم ماقال...واحب اللي قافل عيونه المغفل واحب البهايم واحب البغال...واحب اللي راضي واحب اللي فاضي واحب اللي عايز يربي العيال...واحب اللي يائس واحب اللي بائس واحب اللي محبط وشايف محال...واحبك تسافر وتبعد تهاجر وتبعت فلوسك دولار او ريال...واحبك تطبل تهلل تهبل عشان مطش كوره وفيلم ومقال...واحبك تأيد تعضض تمجد توافق تنافق وتلحس نعال...تحضر نشادر تجمع كوادر تلمع تقمع تظبط مجال...لكن لو تفكر تخطط تقرر تشغلي مخك وتفتح جدال...وتبدأ تشاكل وتعمل مشاكل وتنكش مسائل وتسأل سؤال...وعايز تنور وعايز تطور وتعمللي روحك مفرد رجال...ساعتها حجيبك لايمكن اسيبك وراح تبقى عبره وتصبح مثال...حبهدل جنابك واذل اللي جابك وحيكون عذابك ده فوق الاحتمال...وامرمط سعادتك واهزأ سيادتك واخلي كرامتك في حالة هزال...وتلبس قضيه وتصبح رزيه وباقي حياتك تعيش في انعزال...
31 Like

 

 
فنان تشكيلي
2011-04-13 18:28:54
هلاء عرقت شو قصد التلفزيون السوري لما يحكي عن المتظاهرين المسلحين...طلعت الكاميرا..طيب يعملو تشويش على الكاميرات معقولة ما..
14 Like

 

 
مندس
2011-04-13 18:52:00
سوف يتم منع بيع الموبيلات التي تمتلك كاميرا تظهر الحقيقة.. يا اخي التكنولوجيا مزعجة للنظام.. سقا الله ايام القناة الاولى و الثانية و فقط
14 Like

 

 
الغضب
2011-04-13 21:12:47
على أساس تطورنا كثير عن أيام ال؟أولى والثانية ’ والله بتنا مسخرة لا سيما قنوات سوريا الرسمية لكل الإعلام العربي منه والأجنبي ... يا أخي ما بعرف شو بال هالعالم . أي مجرد منع دخول الصحفيين المناطق الساخنة هو تجريم للنظام وعصاباته الأمنية ... الله يخلينا نوكيا وسوني أركسون
14 Like

 

 
الغضب
2011-04-13 21:26:43
رسالة إلى الأخ مندس أرجو منك إزالة صورة هذا المجرم الأفاك عن غنوان صفحتك لأنك لو سمعت كلامه على الفضائية وقناة البرنامج العام لعرفت لماذا نفتل . ولعرفت من أشرف هو أم اليهود
14 Like

 

 
فاطر زيزفون
2011-04-13 22:29:39
لكل المعلقين شعب اذا دق الحذاء برأسه صاح الحذاء بأي ذنب أضرب اسخف تعليقات لأسخف موضوع مع الأسف استاذ علي مشاكلك مع السلطات سوتك رجل همجي ما بتتعامل بمنطق النقد البناء لا بتتعامل بمنطق التجريح والتنكيل وللأسف كنت شي منيح بالنسبة للحرية وهلق كل مانك عم تبين قبحك والغريب أنه لو في رجل من بين المعلقين لحط أسمه مو تسميات مسخرة اي مين بده يرد عمطالب هيك مجموعة برؤوس فارغة
14 Like

 

 
فاطر زيزفون
2011-04-13 22:53:17
بس شوفو انه نحنا مالنا علاقة بالديمقراطية واحد عم يطلب من التاني يشيل صورة ممثل واتهمه انه اشرف من اليهود وما احترم رأيه كمواطن اله رأي للأسف هاد اللي مخلينا نضل لأن متل ما الحكومة عم تتهم أنه في مندسين وعم تخون بعض الجهات في مندسين وأنا بقولها بصراحة عم يخونوا عالم بدون اي احترام لرأيهن ولحقهن بأبداء رأيهن للأسف في كتير نقط لازم نتوقف عندها لأن كتير في عالم معتبرة حالها فهمانة بالوضع العام و هيي عبارة عن قوارير خاوية مع أحترامي لأرائكم
13 Like

 

 
aliferzat
2011-04-13 23:07:39
عزيزي المندس فاطر ..اتهين شعبا كاملا وتقول بأنه يستاهل الضرب بالصرامي؟؟؟؟؟؟؟؟؟الست انت من الشعب اي من بني البشر..ام انت من ....؟ ؟؟
22 Like

 

 
قنان تشكيلي
2011-04-13 23:08:53
الى من يهمه الامر....القافلة تمضي والكلاب تعوي
17 Like

 

 
مندس بيك
2011-04-13 23:41:26
سيد فاطر انت هنا هاجمت الشباب لانهم ادلوا يإرائهم كما يحلو لهم......وهاجمتهم لانهم علقوا على الفنان . انت تتحدث عن حرية التعبير فلا يحق لك مهاجمة احد اذا كنت تؤمن بأن من حق اي شخص التعبير عن رأيه بشكل محايد ....... ولا اعتقد بذلك من خلال مهاجمتك للناس بقولك لأن كتير في عالم معتبرة حالها فهمانة بالوضع العام و هيي عبارة عن قوارير خاوية فراجع عقلك قبل ان تتهم الناس بالغباء
14 Like

 

 
الغضب
2011-04-14 01:36:10
الظاهر انك مو فاطر يا فاطر وما الك علاقة لا بالوضع ولا بالحالة اللي بتعيشها سوريا لأنك لو كنت متابع ما تفلسفت بتفاهات جابتلك العار . عموما لا عتب عليك انت ضحية كما نحن ضحايا لكن الفرق نحن نعرف الداء بينما انت للأسف تخض الماء
17 Like

 

 
مواطن مطحون
2011-04-14 04:40:13
@ قصيدة مندسةفعلا الاستاذ علي بريشته هو أحمد فؤاد نجم سوريا
14 Like

 

 
غلاء عبدالله
2011-04-14 05:37:41
اسمك فاطر زيزفون والله اسمك غلط يا زلمى -----------
13 Like

 

 
علاء عبدالله
2011-04-14 05:41:21
بس اخ فاطر نسي شغلة مهمة انو مو المشكلة بالشعب الي بينضربو بالصرامي او مين هما المشكلة مين هما الصرامي يا ف --ا ط -ر كيف بدك تعيش برمضان ما بعرف
13 Like

 

 
ام المندسين
2011-04-14 05:56:36
استاذ علي المندس يلي بدو حريه وكرمه وحق وصدق بس تعريف الوحده الوطنيه طبعا عند التلفزيون السوري هو يلي بدو النظام
14 Like

 

 
عبدالله
2011-04-14 08:36:35
شو يا سيد فاطر عبتحكي شعر ...اذا انت بتشوف حالك من بين الي بينضربوا بالحذاء وبصيح الحذاء باي ذنب انضرب فهي مشكلتك انك بتشوف حالك بين الاحذية...وانت لو عندك ذرة من الاحترام وحرية الراي متل ما حضرتك عبتحكي كنت ما بتتهجم على غيرك بكفي انك تبدي رايك وشو ماكان ماحدا راح يهينك لما بتبدي رايك باحترام ...بس انت وامثالك كلمة احترام بعيدة عنن....هدا اولا .....وتانيا ...بظن ان نشر تعليقك من قبل السيد علي هدا اكبر دليل على استيعابه لرايك الوقح جدا...واكبر دليل على استيعاب كل الاراء حتى المريضة
14 Like

 

 
متابعة
2011-04-14 09:55:18
والغريب أنه لو في رجل من بين المعلقين لحط أسمه هيك قال فاطر زيزفون. بس ليش انت كمان ماحطيت اسمك الحقيقي.
14 Like

 

 
حامد شاكر فضلو
2011-04-14 12:46:44
ولا فاطر ولا حيوان من انو ضيعة هنت آا؟ و الله لربي القرود فيك يا كلب..
14 Like

 

 
مندس
2011-04-14 14:06:38
بالفعل اخي الغضب.. حزنا على ما قاله نضال و المنافق الكبير باسم ياخور.. انا من عشاق جودة و اسعد و تمنيت لو انني لم اسمع ما قالوه و اخص المنافق الطويل
14 Like

 

 
mohammed al assad
2011-04-14 14:43:17
حبيبي فاطر يعني بداك يانا نموت واغلب الشباب يلي عم تعلق شباب بالمهجر والاستاذ علي بمثل الحرية والجرءة بكل ماتعنيه من معنى وليش بالله من ايمتا نحنا مسمحلنا بالنقض البناء . بهل الاسبوعين شفت عالم عم تموت وكلنا منعرف اذا كان اسمك الحقيقي فاطر زيزفون فانت من الطائفة الحاكمة انا لست دينيا بس يعني شوف وين صرنا من الفقر ومن القمع يارجل لانطاق لحالة وناتئلي موامرة لانو كل الكانو متظاهرين تظاهرو من الفقر والبئس والمطالبة بالحياة الكريمة بس الله يوفق شفلي واحد من جلاميئ النظام حدا حكا ابل الثورة عن اصلاحات خلص ملينا تعبنا ولك مين انتو لتحكو على الاستاذ علي لك زمن صار فيه النقطة البيضاء كالنقطة في بحر اسود ويرو فيها الجميع انها النقطة السوداء ...... ياحيف
14 Like

 

 
عبدالله
2011-04-14 22:42:23
يا سيد حامد شاكر فضلوا نحنا ردينا على فاطر باسلوب راقي ومع انه هو كان اسلوبه غير لبق بس طريقة ردك عليه بكلامك البذيئ جدا هدا شي عيب وانت شخص غير محترم اوكي.. ويا استاذ علي ارجوك انا بعرف انك بتنشر كل الاراء بسبب قناعتك بحرية الراي ولكن نرجوا عدم نشر التعليقات التي فيها شتم وكلام مشين بعيد عن اي نقد
14 Like

 

 
مندس
2011-04-14 23:56:37
وا اسفاه على ما سمعنا من المنافق الطويل و احاول ان انسى ما قله الليث حجو و اسعد الذي احب.. يا ليتني لم اسمع تلك المقابلة لكن الشباب صمموا ... وا اسفاه وا نفاقاه نافق اكثر تربح جائزة.. من ينافق اكثر؟
14 Like

 

 
الدرعاوي
2011-04-15 04:09:32
طولو بالكم شباب حزب البعث صارلو قائدنا 40 سنة معقول مايكون لة مخلفات مثل فاطر
14 Like

 

 
من سوريا
2011-05-16 14:39:53
السيد عبدالله ليش مين قلك انو السب والشتم مو نقد أي اصلا الكلام البذيء هادا ما بيطلع مع الواحد غير لما يشوف امثال فاطر
5 Like

 

 
من سوريا
2011-05-16 14:39:53
السيد عبدالله ليش مين قلك انو السب والشتم مو نقد أي اصلا الكلام البذيء هادا ما بيطلع مع الواحد غير لما يشوف امثال فاطر
5 Like

 

 
صبري العسلي
2011-05-22 11:20:35
لا تقلقو من السيد فاطر فهو يردد ما تردده السلطة و يما ما سيردد ما تقولونو دمتم
5 Like

 

 
صبري العسلي
2011-05-22 11:20:35
لا تقلقو من السيد فاطر فهو يردد ما تردده السلطة و يما ما سيردد ما تقولونو دمتم
5 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 159 عضو مسجل و 129 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011