ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-08-02

لكل المعلقين أقول لمن لم يعش في حلب لا يمكنه فهم ما أورده صاحب المقال هناك مافيات حقيقية في حلب تتحكم بكل مفاصل الحياة فالكل يتخوف من الكل لا أحد هناك يعرف جاره قد تتجول لمدة ساعة في مركز المدينة دون أن تصادف قريب أو صديق حتى العائلة الواحدة موزعة على عدة أحياء بسبب غلاء أسعار العقارات يضطر البعض للسكن ضمن مناطق المخالفات بعيدا و هذا غير موجود في القرى و البلدات الصغيرة التي تجتمع وتتظاهر عليك أن تقدر عدد الدوائر الحكومية والأمنية لمدينة تقارب الخمسة ملايين و قد حرص النظام طيلة عقود على توزيع المناصب كسياسة تكرس الطائفية فمن كل عشيرة أو طائفة دينية عضو لمجلس الشعب بحسب ولائها و تمثيلها عدديا و كذلك لمجلس المدينة و هكذا فمنذ سنوات اعترض أحد الموعودين بعضوية مجلس الدمى على تعيين بديل عنه فحاصرت عشيرته مبنى السرايا و كسرت زجاج مواقف الباصات و الهواتف الى أن وعدوه بالتعويض له بأن رسى عقد باصات النقل الداخلي باسمه و أهل حلب يعرفونه لي صديق مغمور مثلي بعد التخرج من الجامعة بعامين التقيته عضوا في مجلس المدينة لأنه يمثل طائفته فهناك حقد دفين كرسته ممارسات النظام بحرمان المؤهل من الاستفادة من مؤهلاته ترى ما هو موقفكم اذا دعيتم الى ندوة و تم استدعاؤكم بعد يوم واحد الى الأمن و لم يتم استدعاء من دعاك الى الندوة فالغالبية لمجرد الحديث بالسباسة يقول لك شو ناوي تنام ببيت خالتك وأقول هذه ليست مبررات ولكن مخاض الثورة في حلب عسير
بقلم : حرية

26 Like

 
خرفيش
2011-08-02 13:37:36
الجميع يثق بحلب وأهل حلب ... حلب الحضارة والعراقة والتاريخ المجيد المشرف لكل العرب ... حلب اليوم تشبه حصانا عربيا أصيلا قيدت قدماه وجزت غرته وذيله دون أن يفقد قوته وأصالته ما ان يتمكن من فك هذا القيد حتى يسابق الريح ويثبت أن الحصان لا يزال حصانا أصيلا ومضربا للأمثال
22 Like

 

 
فادي
2011-08-02 13:55:13
يااخي انا افهم كلامك ولا اشكك بصحته ولكن هذا الوضع واسوأ موجود مثلا في مدينة اللاذقية اللتي يعلم الجميع وضعها كمدينة مختلطة طائفيا وموظفي الدولة فيها معظمهن من طائفو واحدة ومع ذلك ورغم انتشار المراكز الامنية والمخبرين والضغوط الامنية الهائلة على السكان واقتحام الجيش والامن للمدينة من بداية الانتفاضة وارتكابهم عدة مجازر فيها الا ان ام السكان يخرجون دوما
13 Like

 

 
فنان تشكيلي
2011-08-02 14:24:01
بقلم الحرية انا لا اظن ان الحرية تكتب هذا الكلام لنيل الحرية يجب تضحي واذا قبلنا هذا التحليل واعتبرناه منطقي فكيف قامت ثورات العالم تحت الكثير من البطش والقتل انا لاافهم هكذا مقالات بماذا تفيد هل ان قراء هذا المقال متظاهر من حمص او درعا او من دوما يستشجع على التظاهر مرة اخرى وبروح عالية....؟؟؟؟؟؟هذه المقالات تنشر روح التقاعس وقلة الحيلة والتخازل فرجاء بلاها فالثورة مستمرة بانضمام حلب ستكون اقوى ولكن من غيرها ستسقط النظام وان طال الزمان قليلا
17 Like

 

 
الحرية.. قريبا
2011-08-02 14:26:57
بعيدا عن المجاملات والتاريخ المشرف التحليل المنطقي لحلب هو كالآتي يتركز العمق الرأسمالي و التجاري لسوريا في حلب وكما نعرف أن رأس المال جبان لذلك إن الرأسماليين و التجار في حلب مرتبطين بسلامة مصالحهم بغض النظر عن النظام أو حاكم النظام وطالما أن الموقف الدولي ضعيف تجاه النظام فلا يرى التجار الأن أي مبرر للوقوف ضد النظام أو الدخول في مواجهة معه لكن عندما تشتد الضغوط الدولية ويصبح النظام على حافة الهاوية أنا برأي سوف ينظم هؤلاء الرأسماليين الى الثورة .. وطبعا ذلك لحماية مصالحهم ومكتسباتهم وليس لعييون الحرية أو الوطن ... المال ثم المال
21 Like

 

 
مائن السليم
2011-08-02 14:36:59
المبرر الوحيد لحلب هو التخاذل ... و فقط التخاذل ..و معلومة صغيرة إلى الأخ صاحب المداخلة السابقةالحصان يموت عندما يجز يقطع ذيله
13 Like

 

 
صبحي
2011-08-02 14:46:00
صديقي من حلب وقد قال نفس الكلام عمد النظام الواوي منذ وصوله الى السلطة الى مسخ المسلمين و التي تشكل 75% من تكوين الشعب السوري الى قبائل و عشائر و منتفعين حتى يتحول الى أقليات يسهل ضبطها و قمعها. المسائل تغيرت و صديقي العشريني ليس كأبيه الخمسيني الله غالب
16 Like

 

 
محكومون بالامل
2011-08-02 15:30:19
هناك مناطق في سوريا اشد حساسية وشهدت مظاهرات بين قوسين لا مبرر لحلب
14 Like

 

 
متشائل
2011-08-02 16:29:36
يبدو أن الأخوة هناك ينتظرون - بفارغ الصبر - سقوط النظام -عفويا - أو إسقاطه من قبل غيرهم - حتى يتوجهوا إلى قبر المقبور ويبولوا عليه
13 Like

 

 
حلبي
2011-08-02 17:23:31
أوافق على كل حرف بالمقال وأعتقد أن هذا السبب إضافة لوجود نوع من قلة الوعي عند الطبقات الفقيرة والتي من المفترض أن تكون لهيب الثورة
10 Like

 

 
ابن سوريا
2011-08-02 21:32:53
الحلبيين لا للضيف ولا للحرب شوية علاكيين
11 Like

 

 
سليم
2011-08-02 22:16:35
رغم ماتعانيه حلب من سيطرة النظام إلا أننا وصلنا لنقطة لن نستطيع أن نعذر أحدا أيد هذا النظام الحقير ولو بكلمة
9 Like

 

 
زائر
2011-08-02 23:36:41
مرة كنت في حلب ارسل معي احد التجار سيارته المفيمة للتبضع بالمدينة فكان كل الشرطة على الطريق يحيون السيارة ومنهم كان ينحني كثيرا فشرح لي السائق ان منهم من يقبض اكتر لذك ينحني اكثر ، وافهم الان لماذا يؤيد اغنياء حلب هذا النظام لأنهم يتصرفون بالبلد متل ما بدهم وعلاقاتهم مباشرة مع الناس اللي فوق
10 Like

 

 
عبدو
2011-08-02 23:46:43
خيطو بغير هالمسلة التنوع الموجود في حلب يفرض نمط حياة معين الشعب الحلبي معاشرومختلط مع باقي الاثنيات وكل يلي عم يحكي ما بيعرف حلب لذلك العبو غيرها
10 Like

 

 
محشش
2011-08-03 03:13:56
والله يا شريك زكرتني بهالأنظمة العربية كمان هني هيك خايفين من ظروفون الخاصة يعني الخاصية يعني يلي بتخصي الواحد وبيصير مخصي...وعلى الله يآمنا بأوطانا و حولينا ولا علينا والذي منو.... اي ميت السلامة خاي عليك وعلى يلي ظروفو خاصية بحلب
8 Like

 

 
حلبي
2011-08-03 09:13:47
لماذا ترددون اكذوبة النظام لقد ظهرت الكثير من المظاهرات في مدينة حلبن وإن لم تكن بحجم بعض المناطق بسبب القمع الشديد من قبل الشبيحة والأمن
7 Like

 

 
amedco
2011-08-03 12:17:52
و اخيرا... حلب تدعو لجمعة المحاشي و الكبب
6 Like

 

 
my freedom
2011-08-03 13:30:36
كلام غير مقنع بالمره كلنا بنعرف انو الحلبيين حلتهم الماديه افضل من اي مدينه ثانيه وكل المدن عليها ضغوط بس ما حدا تخاذل متل اهل حلب بصراحة علاكييييييييييين ومالهم عذر
6 Like

 

 
أبو لين
2011-08-03 17:24:11
يعني وكأننا لسنا بسوريا ولا نعرف ماالذي يحصل؟؟؟في كل محافظة هذا وفي الحسكة عنصر أمن قبل سنوات قام بتسميع فتاة كلمات قذرة في الشارع وهي من عشيرة معروفة فقامت العشيرة بتعطيل عمل محافظة الحسكة لمدة ثلاثة أيام إلا أن تدخل القصر الجمهوري وأعتذر رسميا منهم والآن العنصر يقبع في السجون...نعرف الوضع تماما وهذه مبررات لــ2 مليون نسمة ولا تكفي المبررات بصراحة...انتم خائفون بالمقابل الناس يقتلون أنتم خائفون بالمقابل الناس في سوريا كلها تواجه الدبابات ...الدبابة أم كفين من بيت خالتك؟؟ الموت و2000 شهيد و20000 ألف مهجر و20000 معتقل ومطلوب أم كفين من بيت خالتك؟؟بات موقف حلب الذي تتدعونه تارة خوف وتارة تسويف...بات يساعد المنحبكجية المأصلين وباتوا يصدقون روايات سخيفة من تلفزيون الدووووووونيا وأقول لكم وبصراحة...خذلتم الثورة السورية....
6 Like

 

 
perlunt
2011-08-03 17:57:35
لم اقابل حلبيا هنا في المغترب ...الا وكان من مؤوويدي النظام ...ومن متابعي قناة الدنيئة ...ويفلفس ويزمر ..ويطبل مثل الابواق طالب ابراهيم وشريف شحاطة ..انا يلي اكتشفته بعد معاشرة اهل حلب ...انو قلوبهم ضعيفة ...حتى عالمستوى الاجتماعي وهي وجهة نظر ..وما ني عم احكي هالحكي كرها بحلب واهلها ....هني اخوتنا ...بس يا اخوتنا ..سمعونا صوتكن..بس شوي
9 Like

 

 
مفكرجي
2011-08-03 21:41:38
يا شباب انتو بهالحكي عم تأثبتو انو النظام وصل للي بدو يا وخلق فتنة طائفية بين المحافظات يا شباب أنا حلبي و بصراحة بحياتي ما حبيت الرئيس وعيلتي كلا هيك وبحب خبركن اني من ضيعة بحلب طلعت كلا وتظاهرت والكل بحلب بيعرف انو المسيرات المؤيدة بتجي بباصات معباية من مناطق بحلب لك حتى عم يجو من برات حلب واللي عم يقول انو أحوال الحلبيين أحسن من كل الناس بسوريا هالشي مو صحيح بحب قلك نزيل ع شوارع حلب وشوف بعينك نحن عنا بحلب الطبقة الغنية يعني تجار حلب بيشكلو خمسة بالمية من أهل حلب وبحلب رح تنعدم الطبقة المتوسطة فأهل حلب متل باقي أهل سوريا بس نسبة التجار أكتر من باقي المحافظات يعني بصراحة من الاخر أنا حلبي بس اسمع الناس متل البعض منكن عم يحكي شروي غروي ع الحلبية وبيقول عنن علاكين متل بعضكن وبيكون هو ما بيطيئ النظام وبيكونو بمنطقتو عم يطلعو مظاهرات انتو قللولي شو بدو يساوي بحالو فالله يخليكن لاحدا يشمل كل الحلبيين ويقول عنن علاكين لأنو في ناس بحلب كتير مقهورة من هالحكي اللي عم تشملو الحلبيين في يعني انو عم نطلع وما عم نخلص من هالحكي قللولي شو منقدر نحن نساوي وما عملنا ومشان رأس المال الجبان والله مو كل الحلبية أغنياء وع كل حال شكرا كتير لكل واحد علق بسخرية ع الحلبية بشكل عام وبقول مبروك الك لأنو قدر النظام يلعب بعقلك ويزرع بزرة الطائفية
16 Like

 

 
من ابن البلد الى مفكرجي
2011-08-04 17:44:04
انا اعتذر عن وصف الحلبيين بالعلاكين
8 Like

 

 
مفكرجي
2011-08-04 20:40:30
يا أخي أنا ما بدي يلك تعتذر مني أنا بدي من الناس انو يعرفو انو مو ازا الزاحد حلبي يعني بيحب النظام وساكت ورجاء لا تعممو بحكيكن ع الحلبيين لأنو في كتير ناس وصل حكيا ع الحلبيين لحد المس بالشرف والعرض فازا حدا بدو يحكي أو يسب ع الحلبيين يحكي ويسب قد ما بدو بس لا يعمم لأنو عم يساوي بحكيو نعرات طائفية ورجاء انو تعممو هي ثقافة والا بتكونو عم تخدمو هالنظام الوحشي وشكرا
4 Like

 

 
محمد
2011-08-04 23:28:56
أنا حلبي و بضم صوتي لصوت مفكرجي ....بالفعل نجح النظام بزرع الطائفية بين المحافظات السورية و حلب .......
7 Like

 

 
abbodeh
2011-08-06 01:57:24
ولسى عنا المؤيدين بلاذقية بيهتفو حلب الوفاء وحلب الوفية
7 Like

 

 
ليث
2011-08-08 17:19:47
بعدين تعا لهون دليل بسيط ، روح لحلب وشوف شلون غالبية المحلات حاطين صورة الرئيس بشار ، ولو مابحبو ماكانو حطو صورتو لأنو الشغلة مو بالغصب ، بقا برجع وبقلك أنو غالبية أهل حلب مع النظام وبستغرب ناشرين هالمقالة لأنو لاتعبر عن الواقع واللي مو مصدق يتفضل يجي لحلب ويروح يشوف وشكرا
5 Like

 

 
salykhory
2011-08-08 17:25:42
واو على هاد الدليل موطبيعي افحمتنا خيوووووووووووووووو
6 Like

 

 
نيران صديقة
2011-08-08 19:10:02
ليث عم تضحك عحالك ولا عالناس؟؟؟؟؟آخر نكتة حلبي مؤيد للنظام ...بكفي كذب انا من حلب ولا تحكي عن الناس احكي عن حالك تضرب ...اما الشعب الحلبي بالغالب بقول روحوا عقصر العدل وشوفوا الدعاوى الي بيرفعوها عبعض وهنن اخوة بتعرفوا مين اهل حلب ...شعب ماشاطر غير على جارو واخوه وابن عمو ...الي عم يطلع بمظاهرات ذوو اصول ريفية وبعض من ذاق اللوعة من النظام ...المشكلة بحلب الأنانية وحب الذات والانقياد اي الجبن والخوف صدقوني ...بحياتي ماسمعت عن بطل من حلب مع احترامي لكاتب المقال الي عم يحاول التبرير لموقفه ....بعرف في ناس عم تنحرق لكن الغالبية جبانة مو مؤيدة لكن عند بتجي لتقولن تفضلوا تظاهروا بيكذبوا ليبرروا الجبن والخوف العايشينو وبقولولك مؤيدين بس هنن كذابين...والله نكتة العصر حلبي مؤيد ؟؟؟؟ ماعم احكي عن الامعات طبعا الي طول عمرهن شرطي مرور راكبهن...عفكرة انا شاركت ببعض المظاهرات مشان ماشي امعة ينظر على خلقتي
7 Like

 

 
أبو لين
2011-08-09 01:38:33
السلام عليكمما حدا جاب سيرة شرف الحلبية ولا أختن ولا أمن أرجو عدم تحييد الفكرة وزيغها ومساعدة النظام بفكره النجس وتصديق هكذا تراهات....أولا أحبتي 2 مليون نسمة وأكتر لو بدن يعملوا شي كانوا عملوا من زمااان وما تقولوا أمن وبري وشعبان ورمضان لإن هالأمور كلنا سوريين ومنعرفهاتانيا محافظة اللاذقية عن جديد صايرة بئرة للشبيحة وعلنا ومع هيك بيطلعوا الناس وبيهتفوا ضد النظام...تالتا أغلب المناطق في سوريا محاصرة بالدبابات مو بس الأمن والمخبرجية وعم تنقصف والعالم عم تتطلعرابعا في مدن ما شهد فيها حراك شعبي يذكر ولكن شوهد فيها كلام من هنا وهناك وأصوات تتعالى ضد النظام عكس مدينة حلب الموضوعة بوضع سالينت أو بالاحرى منحبك...كل السوريين وأغلبهم صاروا يعرفوا موقف حلب والموقف واضح تماما وما بدو حدا يشرحو بالايام الأخيرة الماضية تعالى كم صوت من حلب وبعد السؤال طلعوا من الريف عزاز الباب عين عرب عفرين.... يعني مو أهل المدينة الاصليين فالله يوفقكن عندكن شي حلو ؟....هاتوه ..وإن ما عندكن فماا تعملوا متل الدووووونيا ونحنا أول الناس ننتقدهن...يعني الصمت في هيك حالة بيضل أفضل من الدفاع على شي وهمي...وفهمكن كفايةالنصر للثورة ولمن يخرج ودمه على كف يده........
5 Like

 

 
مفكرجي
2011-08-09 07:33:23
أخي أبو لين شكرا لثقافتك وحكمك الكتير واسعة اللي سمحتلك تقلي -ولا أمن- ولو دققت بشو حكيت بتشوف اني قصدت انو الناس صارو يحكو ع الحلبيين هالحكي بس مو ضروري هون وكلنا منعرف شو انحكا وبعدين أنا ما عم برر انو ليش ما طلعو الحلبيين بس أنا عم الفت نظر انو ليش عم تخلطو الصالح مع الطالح وبرجع بشكرك ع رأيك اللي ما تحمل رأيي و عينتني فورا اني من الأمن والشبيحة بس ع فكرا أنا متأكد انو الحلبيين رح يبيضوا بأقرب فرصة باذن الله تعالى ورجاء نتحمل بعض وما نتحاكا متل النظام بلغة التخوين ازا حدا عبر عن رأيو أخي أبو لين يعني ازا غلطان قلي غلطان ومو ضروري تقلي اني من الأمن وشكرا
5 Like

 

 
الباشا
2011-08-09 13:55:02
راجعو دائرة النفوس و دائرة الاحصاء لتشوفو انو الحلبية الاصليين ما بيشكلو 19% من السكان الحاليين و الباقي من ريف حلب و ادلب و الرقة و مع هيك السب بيجي 100% الهن و البلطجية 100% مو منهن و كلو معروف
5 Like

 

 
أبو لين
2011-08-09 21:13:49
الأخ مفكرجي..حاشا وكلا أن أتهمك بالتخوينفنحن لا نرضى الكلمة للغير حتى نرضاها لأنفسنا وأعتذر إن وصلك هذا الأحساس الذي لم أكن أقصده ..نتكلم هنا بالمجمل أخي الكريم وحسب الكلام العام وفكرتي هي الوضع العام لحلب وليست للأشخاصأعلم علم اليقين أن هناك من لا ينام الليل وفي قلبه حرقة على أخوته في الوطن ومن حلب وأعلم أيضا أن هناك من أطفأ أصوات أهل حلب بطريقة أو أخرى ولكن الصورة العامة لحلب ولحد هذا الوقت والساعة ........أعذرني أن أقول أنها متخاذلة وليست صامتة لإن الصمت في هكذا وقت يعتبر تخاذل وتواطئ وأهل حلب لطالما عهدناهم أشواذ لا يرضخون ولا يذلون فلما هذا الصمت العجيب ؟؟أصلح الله الأحوال..
7 Like

 

 
ليث
2011-08-11 13:20:50
نيران صديقة ، أولا تضرب أنت كمان ، تانيا في من كلامك شي صح عن أهل حلب ، تالتا مو كل أهل حلب متل ما أنت حكيت ، رابعا كل واحد حر بحالووالسلام
5 Like

 

 
ليث
2011-08-11 13:26:39
بعدين تعو لهون كلكككككككككككن والرجاء النشر ليش الرقة ماطلعت وليش السويدا وليش ماكل الساحل انتفض بس كم حارة طلعت وليش بتحكو عن حلب ومابتحكو عن العاصمة دمشق مع أنو أرياف حلب طلعو أقل من الشام بس طلعو ، ونسيتو الجزيرة والحسكة بقا مو بس حلب يعني واضح أنو عدد المؤيدين كبير وهي الحقيقة يعني في هيك وفي هيك وهادا الواقع
5 Like

 

 
baban
2011-08-11 17:58:28
عزيزي ليث اولا حاسك عاصص كتير و رح يطقلك شي عرق و ما بدنا نحكي عليهون كلون جكارة فيك منيح بس جكارة فيك تفوووووووووووووووووووو بدك يانا نتخاتق مع بعض تفوووووووووووووووووووو عليك
6 Like

 

 
هابيل
2011-08-18 16:14:28
الســــــــــــــــــــامري في حلـــــــــــــــبقَالَ فَمَا خَطْبُكَ يَاسَامِرِيُّ95 قَالَ بَصُــــرْتُ بِمَا لَمْ يَبْصُرُوا بِهِ فَقَبَضْتُ قَبـــــــــــــــــــــــــــــــــــــــــــــــــْضَةً مِنْ أَثَرِ الرَّسُولِ فَنَبَذْتُــــــــــــــــــــــــــــــــــهَا وَكَذَلِكَ سَوَّلَتْ لِي نَفْسِي96 قَالَ فَاذْهَبْ فَإِنَّ لَكَ فِي الْحَيَاةِ أَنْ تَقُولَ لَا مِسَاسَ وَإِنَّ لَكَ مَوْعِــــــــــــــــــــدًا لَنْ تُخْلَفَهُ وَانظُرْ إِلَى إِلَهِـــــــــــــــــــــــــــــــــــــــــــــــكَ الَّذِي ظَلَلْتَ عَلَيْهِ عَاكِفًا لَنُحــــــــــــــــــــــــــــــــــــَرِّقَنَّهُ ثُمَّ لَنَنسِفَنَّهُ فِي الْيَمِّ نَسْفًا97
4 Like

 

 
osman
2011-08-29 15:43:47
حسب ما شفت بحلب الصراع بين الحلبية و بعض الارياف المعارضة من جهة و بين بعض العشائر و الارياف الموالية الي طلع منها الاف البلطجية و ساحة الصراع هيه شوارع حلب و الي مرجح الكفة لهلاء هوه قوى الامن
2 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 62 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011