ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-05-05

صرحت بعض المواقع نقلاً عن دون الإشارة للمصدر أن إيران قررت بيع نفطها بالليرة السورية لدعم الليرة ونحن نقول رزق الهبل على المجانين و السبب أن الليرة السورية غير قابلة للتداول عالميا ثانيا لا يمكن بيع النفط إلا بالدولار ثالثاً والأهم أين جيش سوريا المالي الذي استشرس إعلاميا لحماية الليرة ولكن على أرض الواقع لم يقدم شيئاً ؟؟؟؟!!!!!!!!!!


35 Like

 
ثورة العبيد
2011-05-05 23:01:37
يعني اذا باعت النفط بالليرة السورية شو بيصير ؟؟؟؟؟؟
8 Like

 

 
اخلاقيات الزحام
2011-05-05 23:15:26
خيو ....باعوا مليارين دولار على 49 ل س ثاني نهار اشتروهم 47 شو فيها سهله
9 Like

 

 
سوري
2011-05-05 23:30:06
يا ثورة العبيد مابتعرف شو بصير اذا باعت بالليرة وعامللي حالك معارض ثائر بقلك باختصار لما ببيعو النفط بالسوري بزيد الطلب عالليرة السوريه وبالتالي نتفادى مشكلة انخفاض قيمة الليرة السوريه وأكتر من هيك عيب نشرح ولو انت معارض
11 Like

 

 
بردى
2011-05-05 23:45:22
طبّ الجرة على تمها ..... بيطلع بشار لأحمد نجاد .وجهان لقمعٍ واحد . حاولت كتير كذب نفسي عن مشاركة إيران بقمع المتظاهرين . بس ضل سؤال عم يآكل رأسي .. إذا كان الجيش السوري دباباته بدل ماتتوجه للجولان توجهت لدرعا وحمص وبانياس ، طيب فيلق القدس الإيراني المتواجد في سوريا هل كانت وجهته للقدس أم لصدور الشعب السوري ؟.
9 Like

 

 
كامل الحمصي
2011-05-05 23:48:13
جيش سوريا المالي بقيادة مخلوف وأزلامه حمشو وشاليش ووو قاموا بسحب دولاراتهم دفعة واحدة لهز الثقة بالليرة ثم قاموا بإعادة المسحوبات على طريقة رفيق الحريري الوسخة فحققوا فوائد مالية هائلة وفو قها صورتهم وسائل الاعلام السورية و كأنهم أبطال قوميون أعادوا لليرة استقرارها أما الإيرانوفوبيا وإقحام إيران قسرا في المشهد السوري فهي مسألة تخص الأميركيين وحدهم كما أن اتهام ايران بالتدخل لمساعدة النظام في قمع الاحتجاجات لم يصدر إلا من اميركا وحدها اللهم إلا قصدنا أن النظام الايراني القمعي يدعم النظام السوري بمقدار ماتدعمه باقي عواصم القمع العربية وهو متوقع
11 Like

 

 
مواطن مطحون
2011-05-05 23:50:06
ما في داعي ليش يغلبوا حالن الله يخليلنا رجل الاعمال الشاب مخلوف يلي عم يدعم الليرة السورية
10 Like

 

 
صادق
2011-05-05 23:53:04
الليرة السورية .... والله شي بضحك وشي ببكي ... يعني مرة واحد صديقي اخذ معه دينار اردني على المانيا وراح هناك بدو يصرفن . الصراف قاله .. شو هاي الاوراق .. هاي اوراق لعبة المونولي وانت جاي تضحك علينا وتصرفن ... اطلع لبرة قبل ما اطلب البوليس ... عملات الدول المتخلفه كلها غير قابل للتداول عالميا لانه دول هامشية متخلفة بأقتصادات هشة ... مع انه منطقتنا يا جماعة مو فقيرة ..بس هيك بدو المختار
13 Like

 

 
BASSAM
2011-05-06 00:07:05
عفوا استاذ علي ....... تنويه الرزاق هو الله وحده فلا ينبغي بك ان تعنون بهذا العنوان.
11 Like

 

 
سوري
2011-05-06 00:07:23
خلونا نحكي وما نسب ونشتم وبس بسمع كلام معارض سوري متل محمد العبدلله ببكي من قلبي بحسو قطعة مني ومحروم من بلدو بسمع حكي المالح بحس انو اذا صار عنا احزاب رح ينلم فيا الهبلان لما بسمع حكي هيثم مناع بقول ياربي سترنا من وقاحتو بسمع حكي الدغيم بقول هي مو ثورة للحريه هي ثورة طائفيه وبتلومونا ليش منأيد بقاء النظام؟ فهموني انا لما بدي اطلع مظاهرة ورا مين بدي اطلع مين رح يحكي باسمي اما الاعلام العربي والعالمي ماعجبكن خيو خالد عبود طيب عطوني اسم معارض سوري يخليني اطلع بالمظاهرة بدون ماحس انو في معارض رح يشوه صورة المتظاهرين لو كنت بدرعا فمارح يكون الي الفخر اني امشي بالمظاهرة مع الصياصنة ولو كنت بانياسي بخجل يقولو كنت مع العيروط بفس التجمع حاج تسبو عالمؤيدين وكونو منطقيين شوي مو لأنو نحنا معارضينكم يعني نحنا أعداء نحنا ناس عاديين كمان مو كلنا أمن وشبيحة نحنا يلي منعاني متلكن من الفساد ونحنا يلي بتلاعب مشاعرنا حلقات بقعة ضوء ومرايا لانو نحنا منكن وفيكن بس المشكلة انو انتو خلص صرتو تشوفونا أسقط عباد الله وصرتو تشوفو واحد متل زهير الصديق أب واخ حنون وانت ياسيد علي يلي بحترم فنك ومافي قول بحترمك لأني ما بعرفك ولا بعرف كيف بتفكر وشو بتحس لما بيكتبلك واحد حكي ما بيعجبك يا بتمسحو يا بتردي عليه بمسخرة أو بتوزعلو تهمة عميل جبان اهبل بسيط عالبركة ولما بيسألك واحد سؤال منطقي أو بيعترض عشي فكرة من افكارك مابترد كنت بتمنى يكون عندك منبر حوار عنجد ويكون موقفك واضح بصدق فهمنا انك معارض وحر وثائر بس ما فهمنا ثورتك من رمزا الاكبر من مثالك يعني غليون أو العرعور السعودي مين رمز الاعلام الحر عندك الجزيرة مثلا العربيه وصال صفا بردى؟ أهداف ثورتك شو؟ تطلعاتك شو؟ وما عم اسألك الك تحديدا بس عم اسألك بدل ما اسال 3000 واحد انضمو لصفحتك
15 Like

 

 
حافظ درسه
2011-05-06 00:31:38
رجل الأعمال الشاب رامي مخلوف صرح بإنه سيكسر اليد التي تمتد على الليره السوريه ، بالفعل هو كاسر كتير أيادي ، مومخلي حدا من الشعب السوري يشوف الليره السوريه شوشكلها
15 Like

 

 
Freedom
2011-05-06 00:38:08
قصدها تحسن الاقتصاد العالميطبعاً بعد أن تصبح سوريا سرقافورا؟على رأي الوزير المهلوس
9 Like

 

 
جمال هاشم
2011-05-06 00:49:42
ياسيد سوري ، والله الشباب يللي عم يطلعوا كانت مطالبهم حريه كرامه وعداله، صعب على النظام يشتغل على هالمطالب ؟؟؟شو عم يصير من 11 سنه إلى الآن نحنا عم نتخلف والسبب هو أن النظام لايحترم أي إنسان سوري ، مابيهمك كل الأسماء يللي أنت طرحتها من المعارضين برا هادول تأثيرهم شبه معدوم ، الحوار بدو يكون من الناس يللي بالشارع يللي مطالبهم سهله وهي حريه كرامه وعداله ، منابر الحوار معظمها لفش الخلق بس الحوار الحقيقي هو للرجال يللي بالشارع ، بنصحك تحسم رأيك ، وخللي صوتك مسموع بلا عرعور ومرمور ومناع وبتاع .....
9 Like

 

 
فنان تشكيلي
2011-05-06 01:01:44
الى سوري عزيزي معظم المتظاهرين من سن الشباب يلي ما بعرفو هادي الاسماء يلي انت بتحدث عنها من قبل خروجهم على الشاشات يعني تظاهرهم عفوي وعندهم مطالب يا سيدي لاتمشي ورا حدا انت امشي واذا بدك نحن بنمشي وراك المهم هو هدف التظاهر انو تتحقق المطالب ولاتنسى من البداية ماحدا طالب بتغيير النظام ولحد الان عند النظام فرصة للتغيير الحقيقي والكل رح ايدو ولما يصير انتخابات حرة وقتها الشعب بيقرر مين المناسب لاي منصب مو انا ولا انت وبالنسبة لليرة السورية اذا طلعت ام نزلت مارح تاثر كتير علينا بقصد علينا بالشعب نحن ما بنشتري الدولار واساسا سوريا ما بتستورد الا القليل يعني الاسعار الداخلية مارح تتاثر كتير يلي بينزعحو من الموضوع اصحاب الملايين
14 Like

 

 
عاشق الوطن
2011-05-06 01:04:34
الى سوري نحن كلنا منضل اخوة وعايشين عسفينة وحدة اذا غرقت غرقنا كلنا واذا راحت عشط الامان ارتحنا كلنا كلشي بدنا اياه انتخابات حقيقية مو تلفيق وساعتها اهلا وسهلا بيلي بينجح وهادا حق وكفيل بحل كل المشكلة وحتى المؤيدين في منهم اخوتنا واهلنا بس خلونا نأيد او نعارض بشقفة ورقة بصندوق امين مو مزور
8 Like

 

 
أماني
2011-05-06 03:04:54
والله أمي طاير عقلها و هي تقلي شفتي بدو يبيع النفط بالليرة ؟؟؟ بس هي أمي شو بدي قلها سكتت شوي بعدين قلتلها الله يخليلنا أحمدي نجاد
9 Like

 

 
saeed
2011-05-06 04:30:21
اول شيء ايران تبيع باليرة السورية كانت ضجت فيها القنوات لانه خبر اقتصادي وهذا لا يعتم عليه وانه واحد ينقذ الليرة يعني ياريت واحد من الذين يدافعون عن النظام يشرحلنا كيف اخوات وابناء خال وخالات كلهم يا مناصب امنية يا اغنياء فوق الوصف على اساس نحن جمهورية
8 Like

 

 
سوري
2011-05-06 05:18:23
يا شباب الأسماء يلي ذكرتها متل هيثم مناع والدغيم لماعم احكي عنها اكيد ما قصدي عليكن يعني أكيد السيد علي فرزات أذكى من انو يكون مثلو الاعلى بالثورة هالأسماء وغيرا ونفس الشي انتو بس المشكلة انو الشباب يلي طالعين مظاهرات ما مضمونين وشفنا سلميتن وهن يلي بينخاف عالبلد منن ولوماكنت سمعت بادني دعوات الجهاد وشعارات المتظاهرات ما كنت حكيت هالحكي يعني لما واحد بيحكي هالحكي فورا بتقولو عم تحضر الدنيا والاخباريه وانو بوق نظام وما بتقولو انو في صنف ثالت غير المعارض والمؤيد وهو الصنف يلي لا ربحان لامن النظام ولا من المتاهرين ولافارق معو لا جماعة النظام ولاغيرو وانو كل أحكامو هي من يلي عم يشوفو بعينو مو يلي عم تحاول القنوات تدخلو بمخو اجباري عنو اقسم بالله عمري ما كنت مستفيد من النظام وماني لحالي انا بمثل ملايين ونحنا عم نترجاكن يلي فيكن تتوصلو للكتار منترجاكن لا تاخدو البلد على محل مو معروف الحريه مو كلمة وبس وتطبيقها بدو بس اسقاط النظام معلش اعتبروني خيو من النظام بس حكمو عقلكن للحظة معقولة اميركا وفرنسا كتير هاممن أرواح ودماء السوريين مارح نحكي سياسه كتير لأنو التاريخ موجود خلونا نحكي بالانسانيه بس منشان دم السوريين خلونا نهدا شوي ونعطي فرصه ولما مارح نشوف شي اصلاح كلنا رح نكون سوا بالمظاهرات
13 Like

 

 
syrian eagle 2011
2011-05-06 05:35:23
رد على السيد سوري.... المؤيدأولا بحب قلك .. انو نحنا لما عم ننزل مظاهرات .. مانا عم ننزل زرا حدا ... عم ننزل مشان حريتنا ... بس المشكلة أمثالك يلي بدن يضلو على طول أتباع لحدا ..... و ما بيقدرو يكون الن كيان خاص فيهن ... و على كل حال ... اذا بدك تكون تابع طول عمرك ... يعني عبد .. و عندك سيد ... يضل يتحكم فيك ... فبنصحك انك تختار ... حدا متل البشر ؟؟؟؟ و بعدين .. بدي أسألك شي محدد واحد بس ... طالما انت محروم ... و عم تعاني من الفساد و الرشوة ... كيف عم تعارض فكرتنا ... بالحرية ... لذلك رجاءا لا تحكي على الهبلان .... و بس يصير في أحزاب ...هبلان رجاء لا تنتسب لحدا منهن .... ممكن وقتها رح تفهم شو يعني مشاركة ... الوطن ... و مشاركة الهموم .... مشاركة المشاكل .... و بالنسبة للسيد على و تعليقاته ... طالما انك بتحترم فنه بس ... بحب قلك انو فنه بيعكس شخصيته .. و أفكاره ... و مو مشكلتنا اذا ما فهمت الموضوع .... و على كل حال ... ماحدا طلب منك تعلق ... فيك تشوف الكاريكاتير و ما تبيعنا وطنيات ... لأنو عنا مخزون 40 سنة من الكلام و الوطنيات و الخطابات ... و بالنسبة ل 3000 واحد انضمو للصفحة ... بعتقد اذا قست الموضوع بعدد مستخدمين الانترنت بسوريا و عدد يلي بيهتمو بالفن و عدد السكان ... و كم واحد مؤيد علق متل تعليقك ...بحسبة صغيرة بتطلع معك نسبة ...بعتقد انها بتهمك .... و شكرا لسعة صدرك ... عفوا.. سؤال أخير .. انت كمؤيد ... مين مثلك الأعلى ما عرفناه لسا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
14 Like

 

 
syria_freedom
2011-05-06 08:58:59
syrian eagle 2011 بصراحة كفيت ووفيت .. أثلجت صدورنا بهالرد المباغت .. وعلى قول وجيه شويكي أرضيه زاحفة تعلو المرمى بقليل - بصراحة الأبواق كترانه هالأيام وكل واحد بدو يفوت يبيعنا وطنيات.. ولازمنا كل فترا حدا حدن متلك يحط جزرة بكل بوق معفن بركي بيخرسلو شوي
8 Like

 

 
فنان تشكيلي
2011-05-06 12:29:27
اظن ان البعض قد اصابهم مرض انفصام الشخصية فهم من ناحية يرحبون بالتغيير ويريدون التمتع بميزات التغيير بكافة اطيافه من زيادة الرواتب الى الحرية ومن جهة اخرى تراهم يتهمون من تظاهر وجلب لهم هذا التغيير بالخيانة والاندساس والتخريب والخ
10 Like

 

 
Freedom
2011-05-06 12:30:07
إلى سوريالحقيقة أول كلمتين من تعليقك دفعني أن أقرأ الباقي لما وجدت من دعوى للآخرين بعدم السب والشتمولكن ما إن وصلت إلى السطر الثانيلم تتمالك نفسك عن السب والشتمفأقول باسم الجميع أننا نلحقك بالطابور الذي تدافع عنهوعيش يا........؟ ذو العقل يشقى في النعيم بعقله وأخو الجهالة في الشقاوة ينعم
9 Like

 

 
سوري اصلي
2011-05-06 13:33:12
باعو النفط بالدولار او بالليرة السورية او بالين الياباني...الموضوع حاسس ماكتير بيهمني طالما ان النفط ووارداته في سوريا بأيدي أمينة؟؟؟ ومعلومكم أمينة عندها حسابات بسويسرا وبنوك خارجية وعبتخزن وتكدس فلوسها منشان اليوم الاسود يلي لاحت بوادره عليها...عملياً طالما ماعبيدخل جيبي شئ من النفط فشعاري ...الله سوريا حرية وبس...الشعب يريد اسقاط أمينة
13 Like

 

 
salehalomar
2011-05-06 13:52:58
لست مدرسا للقومية البتة وكذلك كثيرا ما نبذت في اقوالي وافعالي وتندرت على اصحاب اللغة الخشبية ولكن من يتهم اي ممن يخالفوه بتهم يبحث عنها في قواميس من خارج سياق اللغة اقل ما اقوله فيه انه يؤكد لي للمرة الألف أنه حد امرين فإما مرتبط ارتباطا متعدد المصادر حاقد على الوطن على ارضية حقده على سلوك فردي لاحد اجهزة او عناصر النظام مأجور من الجهات الذي لاينكر وجودها سوى الغرف السوداء الغير وطنية سورية ولاتبتغي مصلحتنا ومصلحة شبابنا واهلنا وابناءنا جميعا وسيغدو الخراب والموت في سوريا مجرد مشهد يستمتعون برؤيته من على شاشات البزنس السياسي المعروفة لديكم ما اسميهم مشبوقي السلطة الساعون لاقتسام النفوذ والمال من كعكة السلطة ونموذجهم برهان غليون وهيثم المالح بشكل جلي وقد نضيف الخدام أو هؤلاء الذين يعتبرون الدماء والبارود والنهب والاستباحة والمناخات المافيوية في الاوطان المنكوبة تشكل مرتعا تزدهر فيه أعمالهم التجارية بشكل كبير أو أجانب من مختلف الدول العربية كالسعودية ودول الخليج واسرائيل واوروبا وامريكا ...... وإما هو متخلف مجهّل يمل فكرا اقصائيا لايمكنه ان يقبل الآخر على ارضية التشارك بمقدس الوطن ويتقبل اختلافه معه باحترام وحوار والسعي للوصول الى مشتركات .. واختم ياشباب مشاركتي الهامشية ليست الا سعيا لايقاظ الوعي الوطني لدى بناء الوطن على مختلف انتماءاتهم وحثهم علىتبني افكارا حواملها لغة راقية تقرب وتوحد حول هدف وطني مشترك .. ولاتقل لي نظام ومخابرات وخشب وغيره بل دعني اقول لك اخطاء كثيرة ارتكبها النظاام واسست لما نحن فيه ولكن الثورة الاصلاحية وبأدوات الدولة انطلقت فما الضير؟ فلتتقدم قدما ولندعمها الى ان تصل الى ما يماثلنا سياسيا بكل دول العالم الديمقراطية من تعدد احزاب وتداول سلطة وحراك سياسي حقيقس طاحن لامشكلة مادام يخدم الوطن ولا يؤثر على استقراره .. كل منا فليقف وقفة مع الذات انه الوطن وليس النظام فالنظام ينبغب انيكون خادما للشعب .. وشكرا مع تمنياتي من السيد علي أن يحول منبره لينتهج نهجا مغايرا بناء يقدم افكارا بناءة تشكل اضافات هامة وتخلق حراك متلون منتج .. والا تجري الامور على شاكلة ما نشهده في هذا الموقع و الذي اشبه مايكون بقهوة تعج بالصراخ الصادر عن لاعبي طاولات الزهر وورق اللعب وعلى وقع صوت النارجيلة وتنهي السهرة بالضرب بالكراسي وتمر السنون وتطوى ويتكرر المشهد .
8 Like

 

 
ابوبطيخ
2011-05-06 14:12:28
والله يا سيريان انجل ردك على السيد سوري كفا ووفا بس ياريت يقدر يشغل مخو شوي.
8 Like

 

 
salehalomar
2011-05-06 19:30:55
العيب كل العيب على من يحمل عقلا يُصدر مشاركات على تلك الشاكلة الدنيئة والمنحطة فالأمر ليس سباب بين شلة زعران وعلى ما يبدو استاسغت تلك المجموعة من المعلقين ما نسمعه من محتجين سلاحهم الساطور والبلطات والسيوف واشنتيانات وبنادق الصيد ولوكان هؤلاء لديهم القدرة على ولوج الشبكة العنكبوتية لن تكون تعابيركم بخير منكم وعلى اية حال هاكم تتحدثون بلسانهم وتمثلونهم تماما
8 Like

 

 
salehalomar
2011-05-06 19:45:40
المثل الأعلى هو الوطن الذي بكل أسف لاتعي منه سوى الحرية التي تريد احتكارها لذااتك فان كنت كذلك انت والقلة القليلة ممن هم الى جانبك فان لك بالمشاركة في بناء الوطن؟ فلعلك لا تؤمن بالعلمانية وهذا قد يدفعك الى اقصائه واحتكار الوطن بالصورة التي تخدم رؤيتك وورغبتك ونزعاتك وثقافتك .. يابني انت مضلل انت وغيرك وبمن فيهم الفرزات لأنكم لم تصلوا بعد الى حقيقة ان المختلف مهما كانت الاكار التي يحملها فهو ليس عدو الوطن بل يقاسمك في الوطن ذات القدر .. وبما تحمله من فكر اقصائي تدعو فيه الى اقصاء االنظام انه رأي اقدره لك أيما تقدير وهو حقك الشرعي ولكن هل من حقك الانساني ان تتهم بالعمالة أو التيعية او المخملية والخنوع او الجهل ... غلتحترم رأيه حتى ولو آلمك وليقدس رأيك تحت سقف الوطن ولتتصعد اخوة المواطنة وتسمو فوق اي رابط آخر .. ولنعوا اله جميعا ان ينجي البلاد والعباد كي نصل الى شاطئ الامان ولنفع بالسفينة التي تحملنا جميعا دفعا بكل السبل الراقية نحو الوصول الى بر الامان وليس الانتقام والثأر والشتيمة والتدر والمسخرة والبحث عن السواد وسط البياض كفاكم تجريحا وتقتيلا بالوطن الوطن نجى ونهض كطائر الفينيق قويا معافى وسيصبحمنارة مشعة بين بلدان المنطقة عموما ، ولا تزعوا مشا الله هيدا كلوا بيخدم السوري منالمعلقين الكرام اما غير السوري يفلو شي صفحة بالسعودية ا البحرين او الواقواق حاجتو خلصت غرف الباتوك خلاص ماعاد الها دور عنا بسوريا
8 Like

 

 
مواطن مطحون
2011-05-06 19:52:50
بعيدا عن توصيف الخطاب بالخشبي او الحجري يبدو ان هناك مشكلة بالمنطق و بالمحاكمة العقلية عن اي اصلاح تتحدث و ابسط حقوق الانسان بالحياة و بالتعبير عن رأيه منتهكة اول و ابسط اصلاح يقتضي ايقاف قتل المتظاهرين السلميين و فك الحصار البربري عن المدن ووقف التعذيب الرهيب للمعتقلين
9 Like

 

 
رد على المسمى سوري
2011-05-06 20:09:11
طيب أعطيني اسم واحد شريف من الموالاة
9 Like

 

 
رعد
2011-05-06 22:21:56
البديل عن التظاهر هو قضاء يعيد الحقوق لاصحابها ويطبق من اين لك هذا فأن لم يوجد فمجلس نيابي غير معين تعيين لايجد نفسه مضطرا للتصفيق والهتاف بحياة من عينه فان لم يوجد فاعلام موضوعي يسلط الضوء على مكامن الخلل فان لم يوجد فالناس تصبر وتشكو امرها لله حتى لا يبقى للصبر مجال وأنت تعرف يأخي سوري أن العدل اساس الملك وأن للصبر حدود وان كثرة الضغط تولد الانفجار وعندها لااحد يفكر بمن هو مثله الاعلى
9 Like

 

 
salehalomar
2011-05-06 22:55:18
أيها المطحون المسكين ... المحاكمة العقلية التي املكها وتفتقرها كلياً وأدعو الله ان يشفيك من علة ألمت بعقلك فأعمت بصيرتك وبصرك .. أيها المطحون لم نعرف من تعابيرك انك مطحون سوى العقل وبالتالي فانت الطاحن لأن من يحمل تلك الافكار الهدامة الفلتانة لايمكن له يوما ان يسهم في بناء وطن ... أنا ضد النظام .. أنا ضد الاشخاص .. أنا مع سوريا حضارية تقودها مؤسسات ويتداول على حكمها مجموعات مجتمعية تمثلها أحزاب لاطائفية ولاعرقية .. أنا مع وطن سوري قومي عروبي لايقلق أبناءه على مستقبله السياسي يوما . .. أما انت ايها المطحون الفكر والطاحن القلب والغريزة لكل آخر مختلف وهم بالمناسبة وهي حقيقة تدمي قلبك مع الاسف يمثلون أغلبية الشعب السوري .. أما أنت فمع من قل لي انت وغيرك مع من ؟ مع الخراب أم مع الدمار أم الاقتتال الطائفي والعرقي والمذهبي والتهجير ؟ أم لعلك مع ما لايخطر في بال احد بعد أنت أيها الطاحن المنطحن وغيرك من صبية التعليقات الذين يملؤن ساحات موقع الكاريكاتور هذا ، تعتقدون ان الامر مجرد العوبة تعيثون فيها لعبا وضحكا وتسلية قد وفرت لكم قضاء فترات علها كانت تشعركم بالملل سابقا اذهبوا ايها الصبية فقطار الوطن قد أقلع وصوته الهادر قد ملىء الدنيا بدوي اقلاعه انتظروا وصوله وانتم ابناؤه لن يلفظكم حتى ولو ساهمتم في حمل السكين من اجل ذبحه . وفقكم الله وهداكم وسدد خطاكم ورعاكم الى ما هو خير لكم ولأهليكم ولوطنكم وشكر
9 Like

 

 
moatn
2011-05-07 00:45:14
الى اخي السوري لماذا اذا طلعت مظاهرة مع اي من ذكرتهم هذا يعني انك ستكون ورائهم واما شهرتهم الاعلامية وليست الشعبية ليست دليل على انهم هم قادة الثورة ومحركوها واذا اجتمعت مطالبي مع مطالب الشيطان مثلا مع احترامي لكل من يوافقني او يخالفني الرأي لكن بدون تخوين طبعا هل اذا خرجت مع هذا الشيطان هذا يعني اني اوافق على كل ما قام او يقوم به لأن اجتماعنا كان على مصلحة الا وهي الاصلاح الحقيقي وليس ما يقوم به بشار وزبانيته لا تنسى ان النظام في سوريا علماني بعثي ووتحالف سابقا مع النظام الاسلامي الاصولي الايراني ضد شقيقه البعثي العراقي والان متحالف مع المنظمات الاسلامية من اجل ما يسميها المقاومة والممانعة والتي بانت انها كذبة فبركت لحكم هذا الشعب للأبد والدليل ان الاسلحة لم تستخدم إلا ضد الشعب الاعزل انا لا اريد ان اقول لك كما قال بشار لايوجد منطقة وسطى فإما مع او ضد وعلى فكرة هذا التعبير اخذو بشار من جورج بوش لكن لاننسى ان الساكت عن الحق شيطان اخرس وبالنسبة للقنوات الاعلامية وايها اكثر صدقا شاهد كل القنوات وفي الاخر راجع ما شاهدته وحلله بينك وبين عقلك كمحلل خارجي وبتجرد ومن كل الزوايا وعندها ستجد من هي القناة الاكثر مصداقية الا وهي قناة العقل والمنطق والتجرد والضمير ولماذا تلوم الاستاذ علي اذا رد على منتقديه بسخرية وانت بالذات قمت برد سيء على الاخ ثورة العبيد مع انه كان يتساءل سؤال بريء وهو يريد ان يفهم ما الغلية من الخظوة الايرانية فليس كل من هو ثائر على النظام يجب ان يكون محلل اقتصادي او يفهم في الاقتصاد فطلب الحرية والصلاح والاحساس بالظلم لايحتاج الى العلم والمعرفة فالرسول محمد كان اميا وهو من اعظم من قام بالثورات واهلا بك اخي
9 Like

 

 
moatn
2011-05-07 01:29:37
فرجائي لاجهزة المخابرات عندما ترسلون احدكم الى المواقع الالكترونية ان تختاروه بعناية مع انني متأكد انكم كلكم بنفس الشاكلة وهذا هو السبب الذي اوصل البلد لما هو عليه الان من وراء حماقاتكم وغبائكم فلو كان فيكم شخص عاقل لما نزلت قطرة دم واحدة والخط الاعوج من الثور الكبير ارجو النشر
13 Like

 

 
مواطن مطحون
2011-05-07 02:36:51
وديني على مطارح بعيدة وديني على عالم الاحلام والعجايب حسستني عنجد انو في عنا مواهب خطابية بالعالم العربي اكيد رح تكمل معنا رح اتجاوز سلسلة الاتهامات الطويلة وركز على صلب الموضوع يعني ما رح تخلصوا من هالثنائية يا الوضع الحالي يا الخراب و الدمار والاقتتال الطائفي الشعب السوري شعب حضاري تجاوز الطائفية من عقود بعيدة بعدين يلي بدو يصلح مفروض يوقف مباشرة قتل المتظاهرين مفروض يوقف التعذيب مفروض يوقف الحصار الرهيب على المدن مفروض يقوم باجراءات فعلية نحو التحول الديمقراطي حاكينا بالواقع حبيب الله يرضى عليك
11 Like

 

 
ام المندسين
2011-05-07 04:09:41
لي صديق مثقف وباحث كان يقول قدامنا دائما شو بدو نظامنا بعلاقتو مع ايران ولماذا وما كان حدا يعرف سبب هذه العلاقه سبحان الله الان وبعد هذه الاحداث الاخيره الكل صار يعرف اسباب هذه العلاقخ الشائبه المريبه مشان تحمي النظام الفاسد ما كنا نكره ايران وكنا نحب حسن نصر الله بس الحين صرنا نكره الاثنين معا
13 Like

 

 
salehalomar
2011-05-07 12:09:09
الاخ مطحون أما آن الأوان لرؤية المشهد منزاوية مخنلفة قليلا هل الاصرار على الرؤية بعينيك فقط والتعامي عن رؤية الآخرين يوصل الى الحقيقة اما تتطلب الحقائق المزيد من الدراسة والتقاطعات والحوارات وتبدل وجهات النظر وتعديلها وكم من حقيقة استدامت عثود من الزمن واكتشف خطؤها أذكرك بمثل قراته في احد المراجع منذ زمن وهو ان رجل كان قد وصله مذياع هدية من ابنه المغترب و كان الوالد قد أعلم حينها ان تشغيل المذياع وايقافه من مفتاح واحد وسار الامر على هذا المنوال وصاحب المذياع يسمع محطة واحدة دون ان يعي ان هناك امكانية لتبديل المحطات وقد استمتعايما استمتاع بسماع المطة الوحيدة في العالم التي كانت بالنسبة له منتهى الحلم والطموح وبعد مضي سنين وبالصدفة عبث احد الاطفال بلوللب تبديل المحطات ليفاجأ صاحب المذياع بان مذياعه يمكنه ان يبث عشرات المحطات دون ان يدري لسنوات طويلة أخي المطحون علينا جميعا ان نغير زوايا الرؤية لدينا و ألا يتمترس كل منا لرؤية المشهد من زاويته ويلعن الآخر ويتهمه بالعماله لعدم مشاركته عينيه واعتقد حينها اننا سنصبح اكثر قدرة على بناء سورية التي نحب انت وانا وكل سوري وليس المندسين وجماعة الحين ياطويل العمر وبيت ابوشحاطة وساكون في هذه عصبيا لسوريتي اسمحوا لي فيها قتل مدنيون على ايدي الامن اثناء الاقتحامات وتحصل اثناء تحرير طائرات ومختطفون وغيره وهم ابرياء وشهداء والمتظاهرون يمثلونالكثير من مطالبنا لكن بالمقابل قتل الكثير من ضباط وعناصر جيشنا الوطني رمز الوطن وجرى التمثيل باجسادهم ولم اسمع من الاخر كلمة تدين التمثيل والقتل لحماة الوطن هؤلاء يحمون بيتك واهلك ويسهرون ويتعرضون للمخاطر في الوقت الذي تنعم فيه بالراحة والنوم اوالأمن .. الا اللهم ان كنت ممن ينعمونبرغد العيش غي الغرب البائس لكل غريب .
8 Like

 

 
مواطم مطحون
2011-05-07 18:22:33
يبدو انك مصر تعيش بعالم انت باني بخيالك وواضح انك منفصل عن الواقع بشكل تام ما عندي شي ضيفو اكتر من هيك
9 Like

 

 
moatn
2011-05-08 01:58:22
اخي مطحون الظاهر ان عمتنفخ بقربة مخزوقة وان هالنظام عرف مين يوظف باجهزة الامن اخي مطحون شايفلك انو مصميين على طحني انا وانت حتى لو كلفهم ذلك طحن الوطن وحابب اقول للاخ صالح ماقصرت الله يعطيك العافية بس كلام عن قبول الاخر رةح وجهه للنظام اللي بس سمع كلمةحرية اعتقل وقتل المئات وكانت البداية بأطفال بعمر 12-15سنة اما عن شهداء الجيش فهؤلاء الاحرار الذين رفضو قتل اخوانهم المدنين العزل فقتلهم جهاز الامن عند نظامك الهمجي وهل تقول لي ولماذا كل هذا القتل والحصار للمدن تلو الاخرى والاعتقالات لاشخاص شيوعيين وناصريين بأعمار الثمانينات هل هؤلاء سلفيين ام طالبي مناصب ام ماذا ؟انظر بعقلك لاببصطارك العسكري وبسلاحك الى من لم يفهم كلمة بصطار فهي تعني باللهجة الحورانية الصباط وشكلاا لك
9 Like

 

 
فادي سوريا
2011-05-08 05:39:29
غريب تمسك بعض الناس بنظام الحكم القائم ......معقول لهالدرجة مو شايفين الوضع اللي احنا عليه.......والله عجبي
8 Like

 

 
ام المندسين
2011-05-08 15:25:07
الى الاخ -سوري-يلي عم يتكرم ويدافع عالنظام اذا انت وامثالك راضيين بالظلم والذل والضرب بالصرامي والسرقه والعبوديه وكل انواع الهمجيه لو سمحت حل عنا انت ورئيسك ونظامك وتركوا الناس بحالنبكرا بس يروح نظامكم وكلابه عالجحيم اذا الله راد بدي شوف امثالكم وين بدهم يدفنو راسهم بكرا بيدوب الثلج وبيبين المرج
8 Like

 

 
ام المندسين
2011-05-08 15:38:52
على فكره استاذ علي جيش سوريا المالي وجيش سوريا العسكري والامني لا اقصد اهلنا المجندين وجيش سوريا الحكومي ..كلهم يلي عم يمصو دم الشعب ومثل الطفيليات عايشين من لحم عيرهم ؟ هدول كلهم اذا صار شي حاملين حالهم وهربانين وما بيحبو البلد ولا بتهم البلد بيحبو حالهم وبيحبو الفلوس وبس وهمهم يكبرو ثروتهم وانشاء الله البلد تفلس تنحرق آخر همهمالله يخلصنا منهم ومن ظلمهم
9 Like

 

 
روحُ و ريحان
2011-05-08 19:24:59
و الله يا جماعة أثبتولي بالدليل القاطع إنو المشكلة أكبر من مجرد تظاهر أو مطالب أو حرية .. في شي عم يتدبر أكبر من هيك و انعرف مزبوط على أنو وتر ينلعب و أي أفكار تنطرح ..يعني إذا كل إنسان كان إلو رأي مخالف لرأي بعض المتظاهرين أو وجهة نظر أخرى اتهمتوا إنو مخابرات أو بوق للنظام .. نحنا ما رح نكون 23 مليون برأي واحد كل شخص منا عم يشوف الموضوع من وجهة نظرو .. المعارضين ما بمثلوا كل الشعب و لا المؤيدين بمثلوا كل الشعب و إضافة لفئات حيادية .. وإذا بدها تاخدكن الموجة يا جماعة و تقولوا عن كل متظاهر مندس و على كل مؤيد بوق للنظام فأنا بهنيكم لأنو سوريا راحت من بين إيدينا على هالحالة ..
8 Like

 

 
ghost.sy
2011-05-14 19:40:49
الموضوع ليس مؤيد لفكرة و أخر معارض القضية أن هناك بضعة أشخاص تمارس إبادة جماعية لمجرد كلمة حرية. بينما التلفزيون السوري سبحان الله فهم من جملة الله سوريا بشار و بس أنها الوفاء للوطن و الوحدة الوطنية .علما أنهم لم يتطرقو للشعب السوري بكلمة واحدة فقط قل كلمة السر بشار لتصبح وطنيا خالصا.
0 Like

 

 
ghost.sy
2011-05-14 19:40:49
الموضوع ليس مؤيد لفكرة و أخر معارض القضية أن هناك بضعة أشخاص تمارس إبادة جماعية لمجرد كلمة حرية. بينما التلفزيون السوري سبحان الله فهم من جملة الله سوريا بشار و بس أنها الوفاء للوطن و الوحدة الوطنية .علما أنهم لم يتطرقو للشعب السوري بكلمة واحدة فقط قل كلمة السر بشار لتصبح وطنيا خالصا.
6 Like

 

 
سوري غير مندس
2011-05-14 20:06:44
المعارضة النبيلة هي التي تقدم إعتراضها على الرأي الأخر ولكن في نفس الوقت يكون بين يديها الحل الأنسب لامجرد الإعتراض وجر الشارع إلى الأزمات وتفريق أبناء الوطن الواحد ولاتفكر أنو هالأسلوب تبعك رح ينفعك و يحققلك الشهرة لأنو بالأخير في رب عم يشوف وبيعرف نوايا كل إنسان و رح يحاسبوا على كلمة حكاها مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ سورة ق الآية 18
0 Like

 

 
سوري غير مندس
2011-05-14 20:06:44
المعارضة النبيلة هي التي تقدم إعتراضها على الرأي الأخر ولكن في نفس الوقت يكون بين يديها الحل الأنسب لامجرد الإعتراض وجر الشارع إلى الأزمات وتفريق أبناء الوطن الواحد ولاتفكر أنو هالأسلوب تبعك رح ينفعك و يحققلك الشهرة لأنو بالأخير في رب عم يشوف وبيعرف نوايا كل إنسان و رح يحاسبوا على كلمة حكاها مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ سورة ق الآية 18
5 Like

 

 
aliferzat
2011-05-14 20:12:06
وردنا من محلل اقتصادي ردا على بيع النفط الايراني بالليرة السورية وكان رده يعبرعنه فكل اناء بما فيه ينضح لكن للتنويه إن اثارة الخبر ليس لأن اللأمر مستحيل لكن القانون الذي صدر من حاكم مصرف سورية المركزي بمنع ادخال واخراج الليرة السورية لن يسمح لإيران ببيع النفط بالليرة السورية وسيتم منع تحويلها حتى لو تم ضخها داخليا هذا أولا الأمر الآخر لو كانت ايران تود المساعدة كانت ساهمت بضخ دولارات حين تم شح سيولة الدولار في المصارف السورية لكن يبدو أن محللنا الاقتصادي يحلل ويحرم على كيفه
0 Like

 

 
aliferzat
2011-05-14 20:12:06
وردنا من محلل اقتصادي ردا على بيع النفط الايراني بالليرة السورية وكان رده يعبرعنه فكل اناء بما فيه ينضح لكن للتنويه إن اثارة الخبر ليس لأن اللأمر مستحيل لكن القانون الذي صدر من حاكم مصرف سورية المركزي بمنع ادخال واخراج الليرة السورية لن يسمح لإيران ببيع النفط بالليرة السورية وسيتم منع تحويلها حتى لو تم ضخها داخليا هذا أولا الأمر الآخر لو كانت ايران تود المساعدة كانت ساهمت بضخ دولارات حين تم شح سيولة الدولار في المصارف السورية لكن يبدو أن محللنا الاقتصادي يحلل ويحرم على كيفه
5 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 18 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011