ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-04-13

الجيش يرسل سيارات فيها أسلحة .... الأمن يطلق النار عليها ......اللجان الشعبية تلقي القبض عليها ......وسائل الإعلام الإجبارية تنقل الخبر .......الناس.....بتخاف تطلع من بيوتها ........ السيناريو يعاد كل مرة بمنطقة ...........تنتهي الرواية بمطالبة الناس إسقاط الشعب والمحافظة على النظام .......

58 Like

 
syrian
2011-04-13 12:26:14
and the oscar goes to........................
17 Like

 

 
مواطن
2011-04-13 12:42:40
أنا شايف أنو مافي تعليقات شو كلون أنعفطوا
17 Like

 

 
sultan52
2011-04-13 12:57:46
تمثيلية سخيفة ؟؟
16 Like

 

 
syriana
2011-04-13 13:07:46
حلوووووووووووووووووة كتير هالرواية استاذ علي و خاصة أنها تنطبق تماماً على ما يحصل الأن و بالنهاية فعلاً من سقط هو الشعب
16 Like

 

 
فنان تشكيلي
2011-04-13 13:12:27
الامن يطلق النار على مين؟اللجان الشعبية تلقي القبض على مين؟؟الجيش لمين ارسل الاسلحة ..دوختني.. ههه سلطة اسلحة وامن ومندسين ومتظاهرين تعودنا عليها
16 Like

 

 
حاجتك بئا
2011-04-13 13:16:42
حابب شم ريحة وطنية بكلامك شي مرةيا استاذ علي للأسف رسمك حلو .. بس كلامك مو حلو
16 Like

 

 
فنان تشكيلي
2011-04-13 13:30:16
بادرة حسن نية قامت الاجهزة الامنية بالسماح للمتظاهرين بالتظاهر باحد الساحات الكبيرة في مدينة دمشق يوم الجمعة القادمة وسمحت لهم بترديد الشعارات التي يريدون اثناء التظاهر على ان تقوم الاجهزة قبل ذالك بتمشيط المنطقة واعتلاء الامن اسطح الابنية ودعوة العديد من اجهزة الاعلام الاجنبية وكل ذالك لحماية المتظاهرين وايضا وهو الاهم القبض على المندسين والمخربين وكشفهم للعالم.......هيك حلمت اللهم اجعلو خير
21 Like

 

 
مونودوز
2011-04-13 13:42:52
انو نظرية المؤامرة ما بتمشي غير باتجاه واحد عند حضرة الفنان فرزاتهلئ ما عاد في حدا برا سوريا عم يتلاعب ويفوت سلاح انو منفهم تحالف ايران وسوريا كتير الدول المحيطة حاببتو يعني بتصل فينا نقول للشهيد قتلت حالك ومنكذب عيوننا ومنكذب الواضح قدامنا بس منشان احقاد شخصية وانو كمان هلئ حبكت يا استاذ علي المطالية انو اعتبر هالنظام متل ما انت عم تقول طيب حابب النموذج الليبي
16 Like

 

 
abu sarah
2011-04-13 13:44:59
نفس الفيلم يعاد انتاجه بعد 30 عاما
16 Like

 

 
غريب في وطنه
2011-04-13 13:45:38
وهذه هي القصة كلها... الله يلعن أبو الحرية ما عاد بدنا ياها ويخليلنا هل النظام فوق رؤوسنا ويطولوا عمرو لحتى يفسد ويخرب أكثر مما أفسد وخرب... وعلى مهل الإصلاح ممكن ينتظر جيل أو حتى جيلين فلشو العجلة طالما أنو الحالة أمن وأمان؟
18 Like

 

 
بشار خطاب
2011-04-13 13:55:49
نسيت شي مهم وكالة ناسا عفوا سانا تخرج بتصريح عن العصابات المسلحة القادمة من الفضاء ، هل شاهدت أعتراف التلفاز السوري ،، شخص واحد يهتف للحرية بالقرب من الجامع الأموي ،ينضم له ٥٠٠ شخص ،، فما بالك لو هتف ٥٠٠ شخص في كل سوريا ..
16 Like

 

 
دانة
2011-04-13 14:53:52
أنا أرى أنه تحليل محدود جدا ويتسم بضيق الأفق وغير منفتح ع آراء النخبة السورية المفكرة بعيدا عن النظام
15 Like

 

 
شامي أصلي
2011-04-13 15:38:55
يا غريب في وطنه، ردك غريب، النظام لازمه كنس لأنه غير قابل للإصلاح، العفونة صارت من الداخل والخارج، صار مثل الشجرة اللي أكلها العت والعفن، لا يصلح معه إلا الكنس والزوال الله لا يرده، ومعليش لازم نصبر شوي حتى لو اكلنا العلقم كم يوم او كم شهر افضل ما نضل تحت الحكم الفاشل جبهة الصعود والصدي، قال جبهة قال.. شي مضحك
15 Like

 

 
rachid zakariea
2011-04-13 15:43:50
مطالب البعض بالحرية بسوريا، بتشبه مظاهرة بيقوم فيها جماعة طالبان من أجل الحرية، واحد إذا صرلو بيلف مرتو بورق سلوفان وبيحد نشاطها بالمطبخ وبالتخت، نازل يطالب بالحريه...حديثك مرسل ياعلي، وما عليه دليل، كيف الجيش هوي اللي عم بيطلع سيارات السلاح؟ طيب إذا كان هيك ليش عم تتباهو ببانياس بأسر جندي بالكمين اللي المفرضو الجيش عملو لنفسو؟؟؟
16 Like

 

 
saeed
2011-04-13 16:33:36
يعتي ما بعرف بالذي بشكك انو الامن بيرسل سيارات فيها اسلحة يعني بانياس صرلها بتتظاهر 4 حمع ماشفنا المندسيين غير وقت ارسلوا الامن متل ماصار بدرعا ودوما تظاهروا اول جمعة سلمية تاني جمعة يوم الخميس بالفضائية قالوا تم القبض على عصابة مسلحة تاني يوم الجمعة استشهد 9 قامت دوما كلها الان صاروا اعقل صاروا يقتلوا من الجيش مع المتظاهريين
14 Like

 

 
أبا حومييييز
2011-04-13 16:35:20
كف عدس .... أحسن شي .........
14 Like

 

 
غريب في وطنه
2011-04-13 16:42:55
يا شامي أصيل.. باينتك ما فهمتني... اقرأ تعليقي على مهلك بتعرف إني شامي أصيل متلك
15 Like

 

 
مواطن مطحون
2011-04-13 18:09:17
بتعرفوا شو مشكلتكم انتو جماعة النظاممشكلتكم انكن بانيين بعقولكم عالم افتراضي وعايشيين فيهنصيحة الكن باعتبارنا ولاد بلد وحدة حاولو لمرة وحدة تشوفو الناسشلون عم تنذل بالفروع الامنية و شلون عم تتقتل هلق بالشوارعحاولو تتطلعو من هالقوقعة و فتحو مخكن شوي وشوفو ناس راكزة ومحايدة شو عم تحكيحتى اصدقاء النظام السوري تبرو منو بعد قتل الناس بالشوارعخلينا نطّلع لقدام لدولة مدنية حديثة تحترم الحريات و حقوق الانسانو يختار فيها الشعب حاكمه و يحاسبه
15 Like

 

 
مندس
2011-04-13 18:56:00
نسيو ان الشعب السوري واعي و مثقف و لا تنطلي عليه مثل هذه الخدع الرخيصة
15 Like

 

 
rachid zakariea
2011-04-13 19:54:02
يا أخ مواطن مطحون، كلامك مقبول جدا، أنا ماني مع النظام، النظام اللي الغلط راكبو من راسو لأخمص قدميه ، ومخي مانو مسكر بالعكس يمكن هون المشكلة، بس عندي مخاوف جدية من قيام دولة دينية أو دولة للمتدينين فيها اليد العليا، يعني مافيك تغض النظر عن مسيرة بالسيوف مثلا ، تنادي بجبلة لا للفساد ولا للشيعة، ولا فيك تغض النظر عن مسيرة بالأكفان ببانياس وكلنا منعرف شو رمزية هالحكي، أو عن التكبير أثناء الهجوم و كأنو اللي قبالن كافر، أو عن رواية أنو الجيش عم يقتل بعضو هالقصة متل قصة بندر ، نفس المسخرة،،الحديث عن سلمية هالمظاهرات أصبح نكتة، حديثك عن دولة مدنية فيها حريات وشفافية ومحاسبة أقرب للأمنية منو للواقع، نظره واقعية للي عم بيصير بيقول أنو هالدولة رح تكون أولوياتها خوض صراعات عن النقاب وفتاوى الحيض والنفاس وشرعية الرسم هي إلك أستاذ علي والاستماع للموسيقى وطرد السافرات وفصل الذكور عن الإناث بالمدارس...الحديث عن دولة مدنية فيه حسن نية مفرط يصل درجة الدروشة
16 Like

 

 
أبو شاكر
2011-04-13 20:17:26
الشجاع علي فرزات .. إستمر
18 Like

 

 
مواطن مطحون
2011-04-13 22:13:33
با أخ رشيد مخاوفك من قيام دولة دينية مو بمحلها نهائيا يعني بدول أكثر محافظة من سورية بمية مرة مثل اليمن و ليبيا ما عم ينطرح قيام دولة دينية فما بالك بسورية دليل اخر ايضا مصطفى السباعي و هو أهم شخصية اسلامية سورية بلا منازع في القرن الماضي لم ينجح في الانتخابات النيابية في الخمسينات. هلق يمكن يكون في بعض الاحتقان ضد الشيعة عند بعض الناس بسبب قيام ايران و بمساعدة النظام السوري بتشييع بعض الناس في الفترة الاخيرة
15 Like

 

 
shadow
2011-04-13 22:53:05
ههههههههه وتستمر الروايات خرج تروح عبوليوود والله
16 Like

 

 
saeed
2011-04-13 23:03:05
اخي الخائف من دولة دينية عفوا انا عمري 37 سنة لم التقي بسوريا لليوم بمتشدد واحد التقيت بمتدينين صلاة وقيم دينية اما الدرجة اللتي تتكلم عنها ممكن موجودة بس بنسبة 1 الى 10000 اي لايشكل اي خوف بس هاذا ما يصنعه النظام لتخويف الناس من المندسين والارهابيين والعملاء والدولة الدينية والمتشددين ووووو
14 Like

 

 
sandra
2011-04-13 23:13:53
فقط لتصويب الحوار وعدم المبالغة في الخروج عن الموضوع المطروح .... كائنات مدهشة تجوب شوارع درعا وبانياس ودوما وتردد شعارات غير مالوفة وتنافي الذوق الوطني العام من قبيل حرية ... وما في خوف وما الى ذلك فعلى اي مواطن او مقيم يصل الى اي معلومة حول هذه الكائنات الاتصال بعلاء الايوبي على عنوانه الدائم مدى الحياة في التلفزيون العربي السوري بجميع قنواته حتى يتم القاء القبض على هذه الكائنات المندسة وصولا الى اعلان من ارسلهم الى بلدنا الوديع بعد ان يتم التحقيق معهم واعلان نتائج التحقيق في ابعد وقت ممكن ... ومن المتوقع ان يعلن حفيد علاء الايوبي نتائج التحقيق وايضا على التلفزيون العربي السوري في العام 2211م
14 Like

 

 
rachid zakariea
2011-04-13 23:22:54
أنا بره سوريا، بأوروبا مؤقتا، عنا مطرح في سوري بيربي دقنو بيجر الجالية العربية كلها وراه، على كل حال أنا بعتقد أنو سوريا مجتمع محافظ أكثر وبما لا يقارن من مجتمعات مثل ليبيا أو اليمن، نحنا منّظر لهؤلاء، ومنقودن كمان، شخص متل مصطفي السباعي لم ينجح في انتخابات حرة في بلد حر ومتعدد الأحزاب بالخمسينات، هلا لو أنو موجود بيعمل كتلة برلمانية من عشرات النواب بأي انتخابات، بعد ما قضى البعث على كل الأحزاب وما ترك مجال غير للجوامع تنشر فكرها، بخصوص التشييع مين عم يضرب حدا على ايدو لحتى يتشيّع؟؟ أنا من جبلة وهي من أهم المناطق المستهدفة بالتشييع، وحركة التشييع مستنكره من قبل معظم الناس، عنا مثلا بالضيعة في جامع مولوه الايرانيين ماحدا بيروح عليه وبيفضلو عليه الجامع الصغير القديم، يعني التخويف من التشييع فيه تهويل، لشو الهتافات ضد حزب الله؟؟؟ جماعة روحن على كفن وعم بحاربو اسرائيل لشو ننظرلن على أنن أعداء؟؟ أنا بعرف أنو في كتير ناس مقتنعة بفتاوى شيخ الإسلام ابن تيمية، اللي بيعتبرني كافر، وأشد خطرا من اليهود والنصارى، ومالي وعرضي حلال ، وبالنسبة إلى هاد كافي تماما ليكون عندي مخاوف جدية ومبرره من مظاهرات بتنزل عم تكبر بالأكفان، أو بتهتف ضد الشيعة
15 Like

 

 
النسرالمهاجر
2011-04-14 00:15:12
التاريخ يعيد نفسه من جديد ...بعد غياب طويل عن شاشاتنا في غياهب السجون و المعتقلات منذ الثمانينيات يعودون من جديد...نجوم افلام العنف و التفجير و الإرهاب...الإخوان المسلمين ....البعبع اللي بيخللي أرجل رجل في سوريا يرتعد من الخوف لمجرد ذكر الجزء الأول من أسمه ... هم السبب متل العادة....يعني الدولة حاولت تقول مخربين ...ما مشي الحال مع الشعب ...مندسين و عملاء ....كمان ما بلعها ...طيب خلايا ارهابية تابعة للسعودية ... كمان ما خرطت مشطو...العمى شو هالشعب التنح.... أخر شي قررت القيادة ترمي ورقةالجوكر ...القاشوش ...تسونامي سوريا المرعب الذي لا يبقي و لا يذر....عصابة الاخوان المسلمين العميلة... ياللي بقينا اكتر من 30 سنة ننجبر نردد كل يوم الصبح في مدارسنا بأننا سنسحقها و ما كننا نعرف ليش غير أنها بتفجر باصات و بتقتل العالم بدون سبب لحد ما صارت الكابوس و الهاجس المرعب للشعب ...و من جديد يعودون إلينا بحلة جديدة على شاشات التلفزيون السوري و بنفس السيناريو و نفس المشاهد و طريقة الأعتراف و نفس الروايات و غالبا نفس المخرج ياللي أخرج هالأفلام بالثمانينيات مع تغيير بالأشخاص و الأسماء.....لنشوف هالمرة شعبنا رح يرتعب و يخاف و يقول لنفسو ولي ....وصلت للإخوان يعني عقوبتها 30 سنة إعدام ألي و لأهلي و عشيرتي و جيراني و ذريتي من بعدي و لكل مين قاللي مرحبا بيوم من الايام ...خليني روح انضب ببيتي أشرفلي....أو رح يكون الشعب أذكى من هيك و ينتفض على عصابة مؤلفي افلام الرعب و القمع في بلدنا و يقول لهم...قديمة....ألعبو غيرها
18 Like

 

 
مواطن مطحون
2011-04-14 05:36:14
يا شيخ اي جوامع يلي عم تنشر فكر ليش عم يخلو المشايخ يحكو بغير الوضوء و المسح على الخفين واطاعة ولي الامربأكدلك انو الانطباع يلي اخدوا مو صحيح ابدا يمكن ساهمت بعض الظروف بتولد هيك انطباعقد تجد بعض الاسلاميين المتطرفين ولكن السؤال كم نسبتهم انا اعتقد ان نسبتهم في المجتمع السوري قليلة جدامسألة الدولة المدنية والمواطنة تم حسمها عند جميع المفكرين الاسلاميين مثل المسيري و البشري و الغنوشي بعدين تطلع على النخبة بسوريا حاليا و طبعا النخبة هي رح تقود بالمسقبلخود جماعة اعلان دمشق مثلا شو نسبة الاسلاميين فيهم ؟طبعا الحكي السابق لا يعني اننا ضد الاسلاميين وللاسلاميين حق المشاركة مثلهم مثل غيرهماذا التزمو بمدنية الدولة وتساوي الحقوق و الواجبات بين جميع المواطنينبالنسبة لحزب الله ما حدا عندو عداء الو و كل المظاهرات بكل سوريا يلي طلعت ما حدا جاب سيرتوبالنسبة لشغلة الاكفان يعني هلق صرت بدك تحط الحق على المتظاهرين ليش حاطيين اكفان ونسيت النظام يلي عم يضربهن بالرصاص الحيو الله يلي بيسمعك بيقول الناس هي يلي شايلة السلاح على الدولة مو العكسبالمختصر بوجود مجتمع حر وديمقراطي واحساس الناس بالمساواة الافكار المتطرفة كلها رح تنحصر
13 Like

 

 
عبدالله
2011-04-14 08:44:45
رسالة من عنترة الى كلابه...............يا كلابي المخلصون يا كلابي المطيعون لا تتركوا الفرصة لهذا الشعب بان ينال الحرية وحاصروهم دار دار زنقة زنقة حارة حارة زابوقة زابوقة بلاطة بلاطة شبر شبر ....عضوهم وانهشوا لحمهم وانا ساتسلى بنسائكم العاهرات يا كلابي المخلصين.......وانها فرصتكم ايها الكلاب ان تفعلوا بالشعب مالم نفعله نحن .........لاننا هرمنااااااااااااااااااااااااا هرمنااااااااااااااااااااااااا من اجل الحفاظ على كراسينا.......فعليكم بهذا الشعب الذي تجرا ورفع راسه وطالب بالحرية ...دوسوا على رؤوسهم لانهم اذ رفعوا رؤوسهم سيضعوننا تحت احذيتهم وسيرمون بنا الى مزبلة التاريخ
13 Like

 

 
سوري محشش
2011-04-14 11:07:37
أحلى شي بهالمقال اللجان الشعبية ... ريتهم يلحسو طيبة خاطري على هالسيناريو
15 Like

 

 
ختيار سوري
2011-04-14 11:09:29
للأخ النسر المهاجر ...... رح منقول ..... قديمة إلعبو غيرها
15 Like

 

 
مشاهد-متابع
2011-04-14 11:37:50
ممكن نعرف متى ستكون الحلقة الأخيرة من هالمسلسل المكسيكي40 سنة و مستمر و هل سيتزوج البطل من البطلة أم سيموت البطل أو المشاهد؟
13 Like

 

 
النسرالمهاجر
2011-04-15 00:50:56
أخي الختيار السوري ...شكرا جزيلا...و ان شاء الله بقية ابناء الشعب اللي باقي عندو كرامة و عقل كمان بيقولها
14 Like

 

 
مستعر
2011-04-15 12:42:29
اعادوا مسلسل اسعد الوراق فما لبث اتم اعادة مسل عصابة الاخوان وعجبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
13 Like

 

 
souri
2011-04-15 17:48:38
إذا رجعت الدومري بيبقى رأي الأستاذ علي فرزات نفسه. المشكلة أن الغضب مازال كبيرا في قلبه بسبب السقطة المدوية التي عاشها بعد حرب العراق. موقفك إلى جانب الذين قتلوا شهداء الجيش و تجريم الجيش هو عار كبير على فنان أحببناه فياللأسف لقد جرحت الشهادة و جعلتها زور و كذب و هذا لا يغتفر و أتحداك إذا نشرت التعليق.
13 Like

 

 
آدم
2011-04-15 17:55:38
عار على الفن أن تكتب بهذا المنطق المشكك بالشهادة و الدم لم ينشف بعد. إلى المشاهد المتابع المسلسل سيستمر ألف حلقة إنشاء الله و يكون شوكة بعيون كل حاقد على البلد و متعصب يستخدم دور العبادة لتحقيق مأرب دنيوي رخيص.
14 Like

 

 
سمير
2011-04-15 19:21:10
أيها النسر المهاجر العظيم...الشعب السوري كله عنده كرامة وماهو محتاج لواحد يوقظ اله كرامته..بس من السخافة اهانة الشعب السوري لأنه رأيه مغاير لرأيك...يامهاجر نحن منبقى ببلدنا عصلفير ولا منصير نسور ع بلدنا من برة وصيصان عندهم بيلعبو فينا.
13 Like

 

 
سمير
2011-04-15 19:22:03
سيناريو حاقد
14 Like

 

 
edris
2011-04-15 22:09:00
صدقت وازيد على الكلام قصة حدثت باحدى الضواحي السكنية لدمشق حيث اسكن عدت غلى البيت في الساعة العاشرة مساء لأجد كم كبير من سيارات الامن في الضاحية وقد اغلقوا احد الطرق وصلت الى البت في الجانب الاخر لأسمع اطلاق نار وحركة سريعة لعناصر الامن الذين يحاصرون بناء منفصل يقلون ان فيه عصابة مسلحة تطلق عليهم النار بعد ساعة من الزمن ينسحب الامن دون القاء القبض على احد وكأن الخونة قد تبخروا او انهم طارو بأجنحة ولتككر العملية في نفس المكان كل عدة ايام وفي كل مرة نفس السبناريو فتامل يا رعاك الله
13 Like

 

 
ام المندسين
2011-04-16 04:05:31
والله هذا يا استاذ علي فيلم هندي بامتياز بصراحه تغفوا على السينما الهنديه لازم الافلام تتعلم منهم بس اخراجهم سيء شوي يمكن مع الممارسه يتحسن
13 Like

 

 
love syria
2011-04-20 05:33:02
هناك تجديد قادم تشاهدون في الحلقة القادمة قوات الأمن تقبض على مجموعات سلاحف النينجا المسلحة اللتي روعت الشعب والأمن تقتيلا وتخريبا وذلك بمساندة بعض من قوات البوكيمون السلفية
8 Like

 

 
love syria
2011-04-20 05:33:09
هناك تجديد قادم تشاهدون في الحلقة القادمة قوات الأمن تقبض على مجموعات سلاحف النينجا المسلحة اللتي روعت الشعب والأمن تقتيلا وتخريبا وذلك بمساندة بعض من قوات البوكيمون السلفية
8 Like

 

 
ماحدا بيحب البلد كلو بدو مصلحتو
2011-04-20 06:02:44
اتمنى يكون واحد من اللي كتب تعليق يردلي ..ما عندك أخ أو قريب أو واحد معرفة .. بالجيش او الشرطة او الأمن ؟؟؟؟ فيك تسألو شو عم بيصير ؟؟؟؟ وبأكدلك أنو رح يحيكيلك الصدق ..مهما كانت الظروف......شكرا للعبقري الأستاذ علي فرزات اللي نور لنا عقولنا بهالسيناريو الظريف ... مع انو كان حاضر بالأذهان ... بس يا ترى ... شو الفرق بين الحق والباطل ؟؟؟؟؟؟؟؟؟؟؟؟لا تعذبو حالكم .... أربع أصابع ......ما اراه بعيني هو الحق ...وما اسمعه هو الباطل .............................................الكل يا استاذنا الكبير فكر بهالسيناريو ...بس وقت اللي بتشوف بعيونك مسيرة أكفان .. وم بتنادي للجهاد ..ز بتوقع رح توقف للحظة وتسأل نفسك ... شو يعني الجهاد ..ولا وقت اللي بتشوف متظاهر سلمي حامل بايد غصن زيتون ... وبالأيد التانية بلطة ...رح تتوقف لحظة وتفكر....وايماني بذكائك استاذ علي ... ما خلاني اعطيك غير لحظة للتفكير .... لأني مؤمن بأنك لا تحتاج لأكثر منها ... لتعرف الحق ...
8 Like

 

 
بحبك يا سوريا
2011-04-20 06:05:36
اتمنى يكون واحد من اللي كتب تعليق يردلي ..ما عندك أخ أو قريب أو واحد معرفة .. بالجيش او الشرطة او الأمن ؟؟؟؟ فيك تسألو شو عم بيصير ؟؟؟؟ وبأكدلك أنو رح يحيكيلك الصدق ..مهما كانت الظروف......شكرا للعبقري الأستاذ علي فرزات اللي نور لنا عقولنا بهالسيناريو الظريف ... مع انو كان حاضر بالأذهان ... بس يا ترى ... شو الفرق بين الحق والباطل ؟؟؟؟؟؟؟؟؟؟؟؟لا تعذبو حالكم .... أربع أصابع ......ما اراه بعيني هو الحق ...وما اسمعه هو الباطل .............................................الكل يا استاذنا الكبير فكر بهالسيناريو ...بس وقت اللي بتشوف بعيونك مسيرة أكفان .. وم بتنادي للجهاد ..ز بتوقع رح توقف للحظة وتسأل نفسك ... شو يعني الجهاد ..ولا وقت اللي بتشوف متظاهر سلمي حامل بايد غصن زيتون ... وبالأيد التانية بلطة ...رح تتوقف لحظة وتفكر....وايماني بذكائك استاذ علي ... ما خلاني اعطيك غير لحظة للتفكير .... لأني مؤمن بأنك لا تحتاج لأكثر منها ... لتعرف الحق ...
7 Like

 

 
بحبك يا سوريا
2011-04-20 06:20:56
اذا كن الفهمان فينا هيك عم يحكي ؟؟؟؟معنى ذلك ... وردنا في خبر عاجل ...قوات الأمن السورية .. تتسبب في ست هزات ارضية شمال طوكيو تتراوح بين الست درجات الى ثماني درجات ... هذا وقد عملت قوات الأمن السورية على تخريب اليابان أثر زلزال وتسونامي الشهر الماضي.................عيب يا شباب عيب ...والله والله ... لو أنو بقي الحديث ن درعا لوحدها كان كل السوريين صدقو هذا السيناريو ....... الذي أطلقته يا سيدي ...بس عندي سؤال ...اذا الجيش بدو يعدم الضابط بحمص ...ليش حتى ينكل بالجثة وهالشي معروف من صفات مينوليش يقتل اولاده وليش يشوه جثثهم .. وللمعلوم انه ضابط مهندس وليس عامل..يعني لو على رأس عمله كانت ظبطت الرواية وليش الجيش حتى يتصل بالجزيرة قبل ساعتين ويقول الأتصالات مقطوعة بحمص وهوي ما في شي...ومنرجع لشهود العيان ... واحد كان بمظاهرة بالكسوة بحمص.......والست ام محمد تتصل مرتين والأمن عم يعتقل زوجها عى قناة البي بي سي ............وووومرتين شاهد عيان يتصل ... مظاهراااات تقدر بخمسين الف في طرطوس والأتصالات مقطوعة ... وويعني اموضوع بدو شوووووية منطق........حللو عنا يا ااااااااااااااااااااااا
8 Like

 

 
سوري مغترب
2011-04-20 13:27:30
أنا بس بدي أفهم ليش في ناس خايفة إنو تنقلب الأمور طائفية ....يا ناس يا عالم ارجعو لتاريخ الشعب السوري نسيتو إنو سوريا من قبل مايجي حزب البعث كان عنا رئيس وزراء مسيحي و إنو ماكان في عنا أي شي اسمو طائفية بدليل إنو لو كان هالكلام صحيح ماكان وصل للحكم علوي ... يعني شبعنا من بعبع الطائفية يللي عم يخوفونا فيه ويللي هني أوجدوه مشان يضلو عالكرسي ....
6 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 59 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011