ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-03-05

أود أن أقترح اقتراحا على شركة سيرتل بأن يصبح اسمها سرقة تل خاصة بعد أن حولتها من وحدات إلى ليرات ولو قارنا ماهو الجديد في الأمر نقول للمتسائلين أن الخلاف هو على المصطلح بدل وحدات صار ليرات وبهذا الأمر يتجسد شعور المواطن بأنه يسرق علناً "ليرة تنطح ليرة " فهل تتصورون أحداً يبيعنا هواء تحت شعار" إن حكيت أو ماحكيت رح ندفعك فاتورة تخرب البيت "

50 Like

 
عدنان زراعي
2011-03-06 04:36:22
والله شي غريب .. يا عالم معقولة لهلق هالشركة المحترمة ما طلعت حق الأبراج والشبكة اللي عملتهن من أكتر من عشرة سنين؟ .. يا محمد عشر سنين ؟ والله كتير .. يعني اذا فات لعندك عالبيت حرامي وسرقك شي مرة بتصرع الدنيا وبتخبر الشرطة والجيران وبتصير بهالليل تعمل دوريات فردية ومناوبات على باب الشقة وعالشباك ومن السطوح وإحتمال تضلك شي شهر بعد هالحادثة قلقان .. هدول يا جماعة صرلهن أكتر من عشر سنين كل يوم بيفوتوا على بيتنا وبيسرقونا عينك عينك ونحنا عم نتفرج .. بس عم نتفرج يعني ما منحرك ساكن وهوي عم يسرقنا ولساتو عم يسرقنا.. ولك والله اذا منسعل بينفلج الحرامي بس نحنا لا من تمنا ولا من كمنا.. هلق عرفت شو الغريب بالموضوع .. والله نحنا الغريبين
13 Like

 

 
aliferzat
2011-03-06 19:02:36
تماما يا عدنان فكرتك جميلة لذا اكتفينا بتسميتها سرقة تل
14 Like

 

 
بشر
2011-03-06 21:13:47
برجوازيين هالمرة عنجد
11 Like

 

 
بشر
2011-03-06 21:17:15
اليوم بدي اشتري وحدات قام قلي البياع البرجوازي أن كل 150 ليرة حقن 200 ليرة، يعني هلأ حتى صرنا نحس بالخاروف عن حق وحقيق
13 Like

 

 
حسام
2011-03-07 16:03:28
عنجد هاي حلوة كل 150 ليرة حقن 200 ليرة للصراحة هني خلوها متل ما بنقول على المكشوف يعني الجماعة عم يصارحونا.....
11 Like

 

 
معاذ نمر
2011-03-07 21:11:28
اقترح ترسملنا شي عن ليرة مخلوف و معادلة التحويل بينها وبين الليرة السورية عم نشتري ال 300 ل.م.س بـ 325 يعني
11 Like

 

 
أبوالنوف
2011-03-08 22:02:27
الشعب السوري مايعجبو العجب ولا الصيام برجب.. هاي جزاتو مخلوف عم يستثمر أموالو بالبلد؟؟؟ترى إذا تظلوا تنقوا احتمال يزعل ويطفش ويلط الدنيا بطريقو هااا
13 Like

 

 
jad
2011-03-10 18:16:00
يا جماعة مالون مثيل بالتاريخ الانساني ولك شو هااااااد .بس صراحة شعب بيستاهل اذا سلطنة عمان اللي بحياتها ما صار فيها شي ولك تحررك من الاستعمار بدو اي ثورة الشعب فيها تحرك ونحنا عم نتخورف ورضيانين ولك نيالون بهيك شعب
10 Like

 

 
وائل عبد الرحمن
2011-03-14 13:19:38
لعمى السرقة عينك عينك وما حدا عم يتحرك
10 Like

 

 
طير مهاجر
2011-03-18 07:09:08
علي البلد يا عليلنكن مع البلدعلى د بشار ادراك ان هناك اجيال تدفن وانت شاب لهم الحق حدد الفترة الزمنية لكل جيل اوقف الحرامية عند حدهم ومانضرهم لانو حنو ينقلبو ويخربو البلدانا في يوم اتهموني باني سبين النائب يلي هلق خائن وسفروني بس بعدني بحب البلدكنت كبير المهندسين في عملي حطو علي مدير بخص عبد الحليم خوان وبعدو عم يسرق بالبلدانا هاجرت وبنيت بالبلد اكتر منن هن حراميةوانا مهاجرالبلد ياعلي مابدنا تخربمابدنا الطوائف والمذاهببدنا دولة تحترم الانسان مو فلان ولا علتانانا بشوف كل انسان بحب سوريا سوريانا انت بتعرفني قصتي قصةخلو الحرامية بالبلد بس خلصبدن نرجع ع البلد نعيشمعك يا دكتورمتل علي فرزات وانا وانت وكل يلي بحبو البلدولاترحم اي واحد بدو يخرببس خلصاليوم بكرا سنة بس مو اكتر رح تصل لمرحلة خلصمهندس ظلم في بلده قدر وكرم في المهجرقالو له يوما اخرج قبل ان يؤذوك خاف على حالو وخاف على البلداالله يسامحك يا ابو قصي مين ابو قصي صحافي كبير كبير كتير قد ماتقول كبير بس البلد اكبرمعك يا دكتور ومارح نخلي البلد تخربعلي اصحى انت صاحي ياعلينحنا البلد
10 Like

 

 
سوري محشش
2011-03-30 22:19:24
وجاري استيلاء رامي مخلوف على الرخصة الثالثة للجوال في سوريا الصمود وذلك بتطفيش الشركات التي تقدمت بعروضها واحدة تلو الأخرى وآخرها إتصالات الإماراتية
9 Like

 

 
roni abdo
2011-04-02 10:49:17
انا تجولت في 12 بلد في العالم وما حسات اني بنسرق الا في بلدي بمجرد حطات الموبايل في جيبك فانت عم تحط حرامي مرخص في جيبك .حرامية العالم بيسرقوك مرة وحدة وبيهربو .هدول عم يسرقونا 365 يوم في سنة .بلد الأمن وامان يابلدي.
8 Like

 

 
سوري محشش
2011-04-06 21:55:35
خبر عاجلالرخصة الثالثة للجوال في سوريا في طريقها إلى جيب رامي مخلوف
7 Like

 

 
samer
2011-07-10 01:31:15
بطاقة 150 ليرة بـ 250 ليرة ما كتير مستغربة بالدوائر الحكومية واللي ببيعو الطوابع بتقلو طابع 10 ليرات بيطلب 20 ليرة
5 Like

 

 
samer
2011-07-10 01:31:15
بطاقة 150 ليرة بـ 250 ليرة ما كتير مستغربة بالدوائر الحكومية واللي ببيعو الطوابع بتقلو طابع 10 ليرات بيطلب 20 ليرة
5 Like

 

 
هابيل
2011-08-18 00:52:56
قارون موسى نصح رامي ب SMS مرسلة من الارض السايعة قلوه دير بالك على حالك الشغلة ما فيها مزح نار جهنم بعتتلك بطافة بحث على شبكة الثريا ولو ديرت رحلة مع رائد الفضاء على المجرة مالك خالص ولو عملت شيخ طريقة ولله با محسننين اللهم اطل عمره وادم فقره وكف بصره وعرضه للفتن يا خير مسؤول فقد ساد وماد ونسي قولك وابتغ فيما آتاك الله الدار الآخرة ولا تبغ الفساد في الأرض وأحسن كما أحسن الله إليك
4 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 1 عضو مسجل و 61 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011