ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



طلاب الجامعة ضاقوا ذرعاً من المخابرات البائعين المنتشرين جانب مدخل كلية الحقوق
لما حدا بدو يفوت عالجامعة لازم يجتاز عشرين للخمس وعشرين عنصر مخابرات
منتشرين جنب مدخل الجامعة على أساس أنهون بياعين جوالين مو مبين عليهون
أنهون مخابرات بنوب يعني وجوهون ونظراتهون ما بتعبر عن هالشي بنوب
وهالعناصر المعترين صغار الكسبة عم يبيعوا من كلوا جزادين قمصان شحاطيط
أنتو أكبر قدر خضرة بكل أنواعها بندورة كوسا فاصوليا بامية والجو هنيك
صاير خنيق وعجقة كتير لدرجة أنهون ما عم يخلوا مجال للمارة يمرقوا بدون
حسوسة ببعض وبدون مدافشة وترفيس لحتى المندس اللي بدو يفوت على جامعتوا
يمرق بسلام ولشو هالسوق يعني تخيلوا شي طالب أو طالبة وهنن فايتين
عالجامعة واقفين وعم يشتروا شحاطيط أو عم يتسوقوا بهالخضرة لحتى وهنن
بفترة الأستراحة بين المحاضرات ما يتلهوا ويحكوا بالسياسة أو يعملوا
مظاهرات بيتلهوا بشغلة تفيدهون وهي تقشير بالفاصوليا أو تئميع بامية بس
اللي بدنا نفهموا أنو وين راح قرار شعبة المخابرات العامة اللي بيمنع
التبسيط بجانب أبواب الجامعة يعني بهالحالة صارت قرارات شعبة المخابرات
العامة متل الهية عالبلاط .....
بقلم:أبو وليم
 


44 Like

 
سوري اصلي
2011-08-09 15:56:28
بجد مو مزح في حلب مخبر وعميل للأمن أصبح يعمل على بسطة خضرة طبعاً هذه مهمته وصار يبيع دخان ايضاً من أول الثورة لحتى الآن أقسم أنه لن يعوج للعمل في الوظائف الحكومية بعدما نقشت معو وصار في كم ليرة بأيدو وشعر كيف أن التجارة مباركة ففي ظرف 4 شهور اصبح لديه لايقل عن 200ألف ليرة غير الجخ والصرف ...أقترح أن يتم تشغيل جميع عناصر الأمن عندنا كبائعي خضرة وحصرهم في سوق منظم بلكي بيلتهو عن قتل الناس
14 Like

 

 
baban
2011-08-09 16:11:31
يعني على اولة الثل واحد مو شايف شي شاف ك.......اموا و غشي
4 Like

 

 
محكومون بالامل
2011-08-09 16:16:04
المشكلة انو عم يمنعو البسطات يلي بالساحات الكبيرة بدون يجوعو الناس اكتر ويذلهون اكتر وهلق مافي بسطة الا بتكون لرجل امن
11 Like

 

 
lamak
2011-08-09 16:31:21
ما بيصير ...... تعملو من الحبة قبة اللي بيسمعك بيقول شاكك بأبنك أنو مخابرات ما بيصير ان نحمل كل شيء للدولة فالاصلاح يبدأ من نفسك أولاً وأخراً ........ بس شاطرين بالحكي وبس.
4 Like

 

 
baban
2011-08-09 16:37:09
نحن لا نعمل من الحبة قبة يا صديقي انما نتحدث عن واقع منذ متى كان اصحاب البسطات جقرين و بيثبتو البسطة بمكانا و بيمدوا كهربا على البسطة من الشارع بدون ما يخافوا من سيارة البلدية و وين بالشعلان و بالبرامكة و بـ.................
10 Like

 

 
حرية
2011-08-09 17:43:34
الى lamak لماذا الجدل في أمور صارت من بديهيات الأمور لمن يعيش في سوريا أيام الأمن و الأمان فما بالك اليوم فالكل بات يعرف أساليب المخابرات التي تعتمد على هذه البسطات والبراكات للابلاغ عن أي تحرك يحدث في الشارع و أقول لك هذه مسؤولية الدولة لأنها توظف طاقات الشباب العاطل عن العمل في سوق لا تعرض فيها بضاعة اذا لم يكن عليها طلب فالدول بدون استثناء لديها جهاز أمني ولكن ليس على هذه الشاكلة المخزية و اذا كان في كل مجتمع هناك أناس فاسدون فذلك يقع أيضا ضمن مسؤولية الدولة في محاسبتهم وتكون المسؤولية كاملة عندما تدير الدولة هذا الفساد و تحميه بمؤسساتها رامي الحرامي نموذجا و ليكن معلوما لديك أن الاصلاح الذي يبدأ من النفس أولا هو ما يحتاجه النظام الذي ثبت فساده و أن من ثار ضد هذا النظام هو المواطن الصالح الذي لا يحتاج الى اصلاح لأنه لم يفسد كونه لم يشارك ولم يستفد من حالة الفساد القائمة
15 Like

 

 
مواطن من 23 مليون
2011-08-09 17:53:33
صحيح البسطات كانت بداية تحت جسر الرئيس مع خوف تجي البلدية أو غيرو طلعو بعدين لفوق جسر الرئيس من الاشارة يلي قبل كلية الحقوق لعند اللفة لتنزل تحت الجسر و في عرصيف مشفى التوليد كلو بعدين وصلت لدرجة أني مرة كنت بشارع الحمرا شفت هالبسطات أولا الله يعين الفقراء هي ما خلاف عليها و لكن الموضوع صار أشبه بغزو للشام صرنا نمشي بالشام نشوف وشوش ما بتشبهنا و لا بنعرفها و بيسألوك عن أكثر المناطق شهرة بالشام مالون عرفانينها و على فكرة بتسمع أرقام خيالية للشغلات يلي بيبيعوها كمثال كنت مارق مرة فلاشة 4 غيغا ب 100 ليرة ما علينا هلق هالبياعين انا بصفون بنصين في مخبرين و منحبكجية مهيئين اذا صار مثلا اي مظاهرة ناح الجامعة يساهمو بقمعها و يطلعو مظاهرة مؤيدة بعدها دغري و بتعرفون هدول دغري سماههم في وجههم حتى في بضائعم من صور للرئيس لحسن نصر الله لكنزات منحبك و للي بيحب في منون موديلين ابيض مع صورة الرئيس و منحبك بالنص و في طبعة الجيش كمان مع الصورة و ما مننسى عصبات الراس و الايدين و العلام و هي العدة كلها طبعا مو الكل مخبرين في ناس فقراء جايين يسترزقو بس الفكرة هون انو القانون يمنع شلون اخدين حريتون فالظاهرة تبع نشر البسطات مبنية عتوجهين الأول المخبرين و المنحبكجية و هيك و التاني هو التضييق عالعالم و خلق فوضى أنو العالم تمل تقول يلعن أخت القصة كنا منظمين أكتر لك تمشي ما عاد تقدر تمشي فبتحسس العالم أنو كل شي كان أحسن قبل متل يلي عم يقلك ما بدكون الدولة شوفو شو بيصير بغيابها يفرجوك أنو ما عاد في نظام . هلق نصيحة لحكومتنا الرشيدة بفرض أنو هنن حابين يتجاوزو عن البسطات لأنو فقراء و بدن يمدو يد العون و الإحسان و هالحكي هاد ممكن ينعمل تجميع لكل السطات بسوق مثلا اسمو سوق البسطات و ما بيضرو حدا . أما هلق نجي لشغلة الإصلاح و أبدأ بنفسك أولا يا أخي على راسي حنبدا بنفسنا و عم نبدا و بظن الأوضاع يلي صارت غيرتنا كتير بس تقلي ابدأ بنفسك أولا و أخرا مو مقبولة يعني أنو أنا لازم أصلح بنفسي بعدين بنسى كل شي صاير بالبلد و بسكت انا واجبي صلح حالي و بس يعني عسبيل المثال أنا كطالب بلا ما غش بالامتحان بتتصلح البلد يعني طيب صلحت بنفسي و بطلت غش بوقف عند حالي و خلص . ليش كل ما واحد بدو يشير لمشكلة بدن يقلولو ابدا بحالك طيب بديت أنتو شو النغم عندكون ناويين تبدو أجت فترة كانو يقولو عن حديث أنو النبي هيك قال تبع كما تكونوا يولى عليكم ليقلولك أنو انتو بتستاهلو يلي بيجرالكون و ما بيصير تعترضو أو تحكو و الحديث هو من الأحاديث الضيعفة أو الموضوعة حتى عكل التغيير أكيد بيبدا من الشخص نفسو و لهيك العالم وصلت لمرحلة القرف لأنو غيرو بحالون و لما طالبو بالتغيير للوضع يلي حواليهون شافو النتيجة الزفت يلي كلنا شايفينها هلق . و أمثال الأخ هون يلي قال من نفسك اولا و اخرا عم يطلبو تغيير من الموظف من الطالب من العامل البسيط و بيوقف طلب التغيير هون و لا بيشمل تاجر كبير لا بيشمل مدير لا بيشمل وزير لا بيشمل رئيس و قد ما تغير هالبني أدم البسيط حيقلولو حنضل نقتلك و نسرقك لأنو كما تكونو يولى عليكون طب نحنا مو هيك بس لا هنن بيعرفونا يمكن اكتر منا . الله يرحمو جدي كان يقول التلم الأعوج من التور الكبير .
10 Like

 

 
سليم
2011-08-09 17:56:24
الشيء الطريف أنو كل الناس بتعرفهم عناصر مخابرات سفلة وهم عم يتشاطروا عأساس ماحدا بيعرفهم والشيء المؤسف أنو مخابراتنا بتتذاكى بس عشعبنا أما اسرائيل وغيرها فاخترقت مخابراتنا من زمان ووصلت للي بدها اياه إما عن طريق فساد كبار الضباط أو غباء معظمهم
11 Like

 

 
ابو كاسم
2011-08-09 18:54:24
تعلن الخطوط الجوية الايرانية عن قرب اقلاع اخر رحلة لها متوجهة الي ايران يرجى من الجراثيم والقتلة الاسراع بلتوجه الى بوابة الجحيم وشكرا
4 Like

 

 
فنان تشكيلي
2011-08-09 23:49:14
لا اتفهم انكاركم لنعمة النظام عليكم؟؟لازم تشكرو الله انو مافي بسطات بمدرجات الجامعة مبسوط هيك lamak
5 Like

 

 
تجارة مادة المخابرات
2011-08-10 00:39:08
لأ ولما بتشتري باكيت دخان بيقلك بدك تهريب ولا غوتا والنوعين بياخد سعر أعلى ولما بتسأله بيئلك رسماله علينا هيك يعني هوي عم يبيعك بنفس السعر بدون ربح كرم أخلاق شبيحي بامتياز
5 Like

 

 
saamee
2011-08-10 02:09:28
انا اؤيد طلب البدء باصلاح النفس كوني منذ تاريخ 15 32011 تصالحت مع نفسي وقررت ان ابوح علنا بمكنونات نفسي واستغفر ربي عن كل يوم سابق سكت فيه عن حق من حقوقي او حقوق شعبي ....و املي بالمغفرة كبير كون الاسلام يغب ما قبله نعم تصالحت مع نفسي و واجباتي انفذها بالتوازي فانا اتظاهر و بنفس الوقت حددت نسبة ربحي التجاري و لا أغش و ازيل الاذى عن الطريق و اسعى لازالة الاذى عن الوطن وأعتني بأسرتي و أصل الرحم و لا اشهد زورا
5 Like

 

 
طلال عبد الباقي
2011-08-10 03:13:51
ايه حبيبي مو بس البسطات وجمعيات خيرية سلمون كمان قدام جامع السعد من كم يوم شي مية شبيح وكل واحد منظرو بيرعب وقال شو مخبين العصي تحت كم البلوزة عم يخوفو الشعب الحلبي ما بعرفو انه الشعب الحلبي بياكلن والله المنظر كان كتير مضحك صرنا نتفرج نحن ورفئاتنا ونضحك عليهن
6 Like

 

 
anhar
2011-08-10 17:01:00
sghl
4 Like

 

 
الأثاربي 1
2011-08-11 01:27:32
يا جماعة والله الضرب بالميت حرام ..
4 Like

 

 
هابيل
2011-08-16 20:50:31
النظام وراء العملية .قرار شعبة المخابرات العامة.ضمن مسلسل نشر الفوضى والتخريب الهادف إلى تخويف الأشقاء والأصدقاء من مرحلة ما بعد سقوط النظام ودلت اعترافات عدد ممن يطلق عليهم بأنصار الرئيس بشار أن أغلبهم زعران و سجناء،بعد أن اعترفوا بأنهم تلقوا وعودا بالعفو مقابل نزولهم إلى الشارع ومواجهة المحتجين المطالبين برحيل الرئيس و اعترف عدد من السجناء أنهم قالوا لهم عيثوا فسادا في الأرض وانشروه في كل مكان، وهم الذين قاموا بأعمال السلب والنهب بتصريح وتفويض واضح من الحزب الحاكم. مع استخدام بعض المهربين والمجرمين وإغراق المكان بهم وخلق حالة من الفوضى- في حال وصلت الأمور إلى حالة حرجة و خطرة جر الجميع للاختيار بين الأمن و الاستقرار و الحريات التي يطالبون بها و سيختارون هنا بقاء الأمن و سلامتهم والأسوأ من ذلك اغراق الشوارع بالمفرقعات مع - تسيير قوافل سيارات تحمل صور السيد رئيس الجمهورية، ويمكن أن يضاف لها العلم السوري، من قبل عناصر الأمن وأصدقائهم وأولاد المسؤولين والضبا ط داخل المدن، وتزويد بعض هذه السيارات بزمامير ممائلة لسيارات الإسعاف لخلق الرهبة في نفوس المارين والسكان.فلكــــــــــــــــــــــــــــــم منــــــــــــــــا جزيــــــــــــــل الشــــــــــــــــــــــــكر وملأ الله قلوبكم هلعا وكف ابصاركم وحرمكم السكينة وااسرور
5 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 58 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011