ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



لك خلص بقا حاجي تدافعو عن هالنظام الجزار وتقولو عصابات ومدري شو ... كلكن بتعرفو اديش الامن عنا ماسك البلد فكيف هالمنظمات تجمعت ... بعدين رح انزل لمستوى عقلكن الشبه معدوم وصدق انو في جماعات مسلحة بس بدي ياكن تفسرولي هالاستفسارات 1- من وين جابو هالمعدات والاسلحة المتطورة وكيف دخلو عالبلد2- معقول هالمجموعات المسلحة قوية لدرجة انو بدا دبابات لتقضي عليا3- هالدبابات لما عم تقصف عم تروح الصالح بالطالح والصالح اكتر من من الطالح طبعا هيدا اذا كان في طالح4- شو هالدولة وهالنظام يلي جيشو ما قدر يوقف هالمجموعات مسلحة5- شو هالحكومة يلي ما قادرة تحمي شعبا وجيشا من مجموعات مسلحة6- كيف هالمجموعات عم تنتقل من محل لاخر وبين المحافظات وبدون ما حدن يشوفا او يقبض عليها رغم التشديد الامني عمداخل المحافظات7- ليش هالمجموعات المسلحة ما بتظهر الا وقت بصير مظاهرات كبيرة بشي منطقة رغم انو بهالمظاهرات ما بصير ولا حالة قتل او جرح متل حماة قبل بيوم كان في مئات الالوف بساحة العاصي ومتظاهرين وما احلاهين وتاني يوم قرر الجيش يدخل بحجة هالمجموعات المسلحة8 - ليش هالمجموعات المسلحة ما بتظهر الا بالمظاهرات المعارضة وما منشوفا بمسيرات التأييد9- انا من اللادقية ومن الطائفة العلوية وشفت بعيني كيف بيت الاسد عم يمشو ويقوصو متل ما عمل حافظ منذر الاسد وراح قوص بمنطقة الصليبه التي تعتبر مركز حارات اخواتنا من الطائفة السنية فاستفساري هون هو ليش ما حدا قلو شي او حاسبو ولا هيدا ما جماعة مسلحة عم تروع المواطنينهيدا المختصر ها والله اذا بدي احكي لبكرا ابخلصو وانشالله قريبا رح يصير هالنظام ماضي

بقلم :سورية حرة


47 Like

 
قاسيون دمشق
2011-08-22 21:28:29
ليش في حمير بتصدق هالكلام . كأن كل الحكام العرب دارسين من نفس الكتاب يعني أمس قبل سقوط طرابلس بساعات والمتحدث باسم القذافي يقول طرابلس آمنة وكل شيء تحت السيطرة وقبله وقبله حتى الصحاف واحمد سعيد كلهم أولاد قحــ.... والله مانا زعلانين عليهم لكن زعلانين على الشباب الي عم تدفع ثمن حماقاتهم
12 Like

 

 
سوري حر
2011-08-22 22:14:19
رح بلش من اخر رقم 9_ كذابة كل اهل اللاذقية بيعرفو انو ماعم يخلو حدا من بيت الاسد يدخل عالصليبة ولو دخل واحد فيون كانت صارت مشاكل كتير وبالنسبة للاسم الي ذكرتيه كلنا بتعرف انو من زمان حقو نص فرنك واذا شد حيلو بيقعد بشي قهوة وبيعيط على الي عم يلعبو معو تركس ومابيطلع معو اكتر من هيك ... برجع لل 1 _ بدك تسألي المهربين على الحدود -2-3-شو رأيك يدخلو بعراضة شامية وحاج بقى تقولو قصف ماعاد استحيتو وين صار في قصف وبتحدى تشوفو بيت منهد او اثار قصف بكل البلد -4-الجيش قادر يقضيو عليون بنص ساعة بس لانو المسلحين احقر من الحقارة متخبايين بين البيوت والحارات الضيقة وبين الولاد والنسوان وكتير منهنن نمسك وهو حاطط الملاية لانو اجبن من انو يظهر -5- هي الدولة تدخلت عنا باللاذقية ومن وقت تدخلت مابقى سمعنا صوت رصاصة او ضرب دنميت من جماعة اغصان الزيتون -6- كل الي عم يطلعو يقوصو هنن من المناطق نفسها وماعم يتنقلو ورجعي دققي بالمناطق الي عم يطلعو فيها بتشوفي انو الفئات الموجودة بالمظاهرات هنن الحشاشين والمهربين والمطلوبين .. مثال الرمل الفلسطيني وبابا عمر -7- ماشفتي المسلحين بحماه ؟؟ اذا ماشفتيون وانا اكيد انك شفتيون وعملتي حالك ماشايفتيون فما بلومك وبقلك الله يساعدك وخليكي على قناة الجزيرة وبضمنلك ماتشوفي غير اغصان الزيتون ..-8- لانو حتى وقت عم يموتو ويتمثل بجثثن ويتقطعو وينرمو من عالجسور وبالانهار عم يطلعو ويقولو فدا الوطن وفدا الرئيس وهاد اكيد رح يجنن جنونكون فبلاها وبنتقوصو على المتظاهرين وبتحطوها بضهر الامن مشان يكون الهتاف بيناسب الاحداث ... بالنهاية قد ما حاولتو تغطو الحقيقة وتتعامو عن همجية وحقد وكره هالثورة مارح تقدرو... وقرفنا من الاسماء المستعارة مو على اساس مابقى في خوف ؟؟؟ ليش ماعم تكتبو اسمائكون .. .... علاء مهنا
6 Like

 

 
حيدرة
2011-08-22 22:16:26
أتمنى ان يعلن انه قد وجه بوقف عمل الشبيحة واجهزة الامن وانو لح يوجه اعتذار عن تصرفات الاجهزة الامنية والقمعية ، بس مايكون هذ التوجيه متل التوجيه السابق بعدم ضرب الرصاص وعدم اراقة نقطة دم واحدة ، وبتمنى انو يعلن انو سورية بلد حضاري وانو تداول السلطة حق طبيعي للشعوب متلنا متل الدول المتقدمة عندها احزاب وانتخابات وببيدلوا روؤساء ، امين اللهم امين .يتوقع الشعب السوري ان يتكلم الرئيس عن المؤامرة واستهداف سورية رغم ان الناس ملت من هذه القصص وكذلك العصابات المسلحة التي لم تتمكن كل قوات الجيش والأمن المسكينة من تصويرها او القبض عليهاواما المدنيين الأبرياء العزل فيتم قتلهم على يد العصابات الإرهابية التي تتبخر فور إطلاقها النار على الناس لترويعهم؟؟؟؟وبا أيها الناس انما مكركم على انفسكم.............اما كفاكم وحسبكم زعيمكم المهلوس ومطارد الجرذان ....وسقا الله أيام ملطشة الفئران والهوارين التي لاتنام
9 Like

 

 
متشائل
2011-08-23 00:06:11
النظام لا يكذب فهو يقتل الناس العزل جهارا نهارا و يعرف أن الكل يعرف أن لا جماعات مسلحة ولا من يحزنون ولكن لا بد من السماجة والوقاحة للتغطية على جريمة القتل العلنية
11 Like

 

 
مواطن من 23 مليون
2011-08-23 00:20:23
في كتير أسئلة تضاف لهالشي يعني لنقول أنو موجودة كل هالعصابات ليش ما فوتو إعلام محايد ؟ و يلي ما عندو شي خايف منو بيخلي الكل يشوفو و لا تقلولي خوف عالمصورين و الأعلاميين أشك لأنو يلي ضل خمس شهور عم يسب بهالقنوات و يقول لواطة و متأمرين و بيشتغلو بأجندات و بيفبركو و يألفو ما عندو هالخوف عليهون بالعكس تمام و حتى يفترض يفوت أول شي القنوات يلي مضايقتو يعني بداية بفوت الجزيرة و العربية و الأورينت أنو بحط على عينهون . و بعدين بحكم ما في عالأرض غير تلفزيون الاخبارية و الفضائية و الدنيا و في عصابات مسلحة ليش لهلق ما قدرو يورجونا و لا أي اشتباك بين الأمن و الجيش مع هالعصابات المسلحة ؟ ليش بس يلي منشوفو تابوت مسكر يقال لعنصر أمن أو جيش ولا مرة شفنا اشتباك مصور أدى لاستشهادون أو شفنا جثة شهيد واحد في حين المتظاهرين يلي أنكرو وجود هالعصابات قدرو بدون كاميرات تلفزيون بكاميرات موبايل أنو يورجونا الأمن و الجيش هنن يلي عم يأوصو و صورولنا جثث شهداءهن . و ليش غالب عناصر الخلايا الإرهابية يلي عم يعترفو عم يطلعو مختلين عقليا و عوشون الجدبة ؟ معقول عصابات صمدت عمدى خمس شهور هي من المجانين و الأمن عنا ما قدر عليها ؟ و ليش وقت بيفرجونا أنو داهمو هالخلية الفلانية و أخدو منها أسلحة بتنفرد أسلحة بمكتب العقيد و لا العميد ولا يلي هو و ما شفنا و لا مرة هنن و عم يداهمو . ليش لهلق هلق هالعصابات ما بتحمل أي اسم معقول رغم هالتنظيم و السلاح و العتاد أبسط شي يلي هو اسم ما عندن ؟ و ليش لهلق ما حدا طلع متل أي مجموعة ارهابية بالدنيي بيعلن تبنيه عن العلمية يلي قام فيها ؟ و بفرض موجودين هالعصابات شو هدفن ؟ لأنو لهلق شكلن فوضويين و بلا هدف و عم يعملو قتل عشوائي بدون سبب يعني إذا عندن أجندات و دعم خارجي للنيل من صمودنا و ممانعتنا و إسقاط النظام الوحيد يلي بيقول لا لاسرائيل ليش عم يقتلو المتظاهرين يلي عم يقولو بالتم المليان الشعب يريد اسقاط النظام ؟ يعني ليش عم يقتلو يلي عم ينفذ أجندتون بالضبط ؟ و ليش ما قتلو حدا مؤيد ليقللو المؤيدين ؟ أو ليش ما قتلو رتب عالية بالجيش يخلخلو صفوفه ؟ و إذا لهالدرجة هنن فوضويين و ما عندن وضوح بالهدف يلي بدن ياه أو القدرة عتنفيذو و المتظاهرين المدنيين ماتو هيك فراطة دون حسبان ليش جيشنا الباسل ما قادر يصيطر عليهون يعني لنقول الأمن مساكين معهون هالبارودة و هالمسلحين معون أسلحة متطورة شو وضع الجيش يعني فاتت دبابات عمدن و ما انقمعو ضربو اللادقية بزوارق حربية ما انقمعو هلق عم تنضرب حمص بطائرات حربية ما انقمعو أي أنو و بعدين وين المشكلة بقى ؟؟؟
11 Like

 

 
عبدالله فيسبوكي
2011-08-23 00:44:12
حصيلة عملية الرستن فجر اليومتم إستهداف مفرزة الأمن العسكري -وتم إستهدف نادي الرستن الرياضيوتم إستهداف حافلة لشبيحة الأسد المجوسية وكان عدد القتلة الذين تم التأكد منهم ١٤ فاطس -وعدد كبير من الجرحى الله أكبر-النصر أم الشهادةضباط الرستن الأحرار
7 Like

 

 
عبدالله فيسبوكي
2011-08-23 00:44:44
حصيلة عملية الرستن فجر اليومتم إستهداف مفرزة الأمن العسكريوتم إستهدف نادي الرستن الرياضيوتم إستهداف حافلة لشبيحة الأسد المجوسيةوكان عدد القتلة الذين تم التأكد منهم١٤ فاطسوعدد كبير من الجرحىالله أكبرالنصر أم الشهادةضباط الرستن الأحرار
6 Like

 

 
بغض النظر
2011-08-23 01:23:02
1- إذا أميريكا ما قدرة توقف تهريب الأسلحة عالعراق2- بالعقل لو الدبابات عم تقصف ما كنا شفنا بناية واقفة. وقتا بقلك مارح تلاقي جماعات مسلحة3- للمعلومات إذا الطريق مراقب ففي دائما ممرات طبيعية يعني حرش أو طريق جبلي أو ...4- إذا ما ظهرت هون وين بدا تطلع؟؟؟؟ بيطلعو لحالون بيقولو ليكنا تعو عتقلونا؟؟؟؟ شو هالمخ الثوري تبع عصاباتنا5- نتفخنا من هالحكي تبع بيت الأسد. يا عمي لما واحد معروف بدو يقوص عفكرة بيقدر يجيب حدا يقوص عنو . يعني مو مطر يجلء الدبب.شي ماهر الأسد بالبجامة كان عم يعطي تعليمات ميدانية، شي مدري مين الأسد كان عم يعمل مدري شو.
5 Like

 

 
لاذقي حر
2011-08-23 01:30:28
تحية للكاتبة وبحب ضيف سؤال ليش المسلحين ما راحو على شي حي من الاحياء الصامتة مثلا وروعو اهاليها وبلش اطلاق رصاص هونيك وآذو عامة الناس؟ وليش ما راحو على حلب وليش يعني هالمسلحين ما بينوجدو الا باماكن المظاهرات مع العلم انو في اماكن بتبعد 2 كيلو متر او 3 بالكتير ما نوجد فيها مسلحين ابدا وما قرب عليها الجيش ولا اقتحمها بمجرد انها ما تظاهرت والله مسلحين خنفشاريين العادة حافظين سوريا اكتر مننا بيعرفو وين تظاهرت ووين لا وحافظين وين يهربو ووين يسكنو وما عم يخلصو تحية كبيرة لكاتب الموضوع
10 Like

 

 
واحد
2011-08-23 01:36:06
برافو عليك
6 Like

 

 
بغض النظر
2011-08-23 01:36:44
1- إذا أميريكا ما قدرة توقف تهريب الأسلحة عالعراق2- بالعقل لو الدبابات عم تقصف ما كنا شفنا بناية واقفة. وقتا بقلك مارح تلاقي جماعات مسلحة3- للمعلومات إذا الطريق مراقب ففي دائما ممرات طبيعية يعني حرش أو طريق جبلي أو ...4- إذا ما ظهرت هون وين بدا تطلع؟؟؟؟ بيطلعو لحالون بيقولو ليكنا تعو عتقلونا؟؟؟؟ شو هالمخ الثوري تبع عصاباتنا5- نتفخنا من هالحكي تبع بيت الأسد. يا عمي لما واحد معروف بدو يقوص عفكرة بيقدر يجيب حدا يقوص عنو . يعني مو مطر يجلء الدبب.شي ماهر الأسد بالبجامة كان عم يعطي تعليمات ميدانية، شي مدري مين الأسد كان عم يعمل مدري شو.
4 Like

 

 
سليم
2011-08-23 02:01:57
كلنا نعرف عصابات الشبيحة من حوالي عشرين سنة وربما نكون قد شاهدناها عبارة عن عصابات يحترفون تهريب المخدرات والأسلحة ولايوجد شرطي واحد يتجرأ أن يقف في وجههم وياما كنا نسمع قصص عنهم وهاهم اليوم يقفون صفا واحدا مع النظام المجرم نظام العصابات والمخدرات والاغتيالات
11 Like

 

 
عايف ديني
2011-08-23 05:05:14
لو ما المظاهرات سلمية 100% لكان النظام سمح لوكالات الانباء بالتغتطية
12 Like

 

 
سمر
2011-08-23 06:27:02
القصة مو عصابات مسلحة ولا وسائل اعلام القصة بواحد لا يستطيع ان يقف بكل ثقة أمام شعبه لانه جبان ولو كان عنده ذرة حب أو وطنية لسوريا كان جنب هذا البلد الحبيب القادم يلي الله يستر منو
11 Like

 

 
عبد الباري
2011-08-23 10:14:39
علاء مهنا ريتك تتهنا وانا بهني امك فيك والله انك سجاع بتكتب اسمك الحقيقي ويتدافع عن الشبيحة
8 Like

 

 
baban
2011-08-23 13:29:24
ههههههههههههههههههههههههههههه و الله يا علاء عجبني دق الطنبرة تبعك ال علاء ال طيب ساسيدي انا انا اصف شوكت منيح لا تزعل
7 Like

 

 
baban
2011-08-23 13:30:23
شو مفكر العالم حمارة على فكرة اساليبكون متملل الحمار
5 Like

 

 
سعيد
2011-08-23 15:47:09
فقط بسوريا عصابات تطالب بالحرية والديمقراطية جديدة هي وفقط بسوريا العصابات تظهر بشكل متتالي وليس كلها سوا على اساس لا تنهك الجيش وفقط بسوريا العصابات معادية للنظام تهاجم متظاهرين ضد النظام وعناصر جيش مساكين يعني مابيعرفوا يهاجموا مسؤولين افضل وفقط بسوريا المؤيدين معهم هواتف متحركةولا نرى تصوير مسلحين بالشوارع بالرغم من كثرتهم فقط ياخذون كم فيديوا من المعارضين فقط بسوريا العصابات تقفز فوق المدن وتنسى بعض المدن المهمة مثل حلب وفقط بسوريا العصابات منظمة وعرفت ان حجة الجيش بالتدخل هو السلاح لماذا لا تقطع حجة الجيش ام هذه العصابات متحالفة مع الامن وفقط بسوريا العصابات تختار اماكن المظاهرات الكبيرة لماذا لياتي الجيش ينهيها وفقط بسوريا ياتي الجيش لانقاذ الاهالي من المسلحين يهرب السكان بعد قدوم الجيش فقط بسوريا عند دخول المدن لتحريرها من العصابات تقطع الكهرباء والماء لماذا المسلحين يعملون بالكهرباء ويحتاجون شحن وفقط بسوريا مسلحين وتمويل خارجي أين الاحتجاج وسحب السفراء من الدول الداعمة اليست هذه الاصول وفقط بسوريا لايقتل احد عند اختفاء الامن والجيش ويكثر القتل عند قدومه فقط بسوريا الامن طول عمرنا بنكرهه واليوم صار ملائكة على اساس فقط بسوريا الثورة مسلحة دعوا الاعلام يصور لصالحكم فقط بسوريا السوريين يثوروا مسلحين بينما اليمن ومصر لا سلمية وكلنا نعرف اين التشدد ومن معه سلاح اكثر وفقط وفقط وفقط
9 Like

 

 
ابو كاسم
2011-08-23 22:12:21
الى السيد علاء مهنا هاد اذا كان اسمك علاء ما حدى بيكتب اسمو يا شاطر لانو نظامك ما بيقبل حدى يقلو لاء من فترة كنت بلشعلان وكان في مباراة بيت برشلونة والريال وفات كول قامو الناس صارو يعيطو ويسفئو فجأة وقف ميكرو وسيارة ونزلو منها الشبيحة حاملين عصي فكرو في مظاهرة قام بعدين لاستوعبو انو مباراة هيك ناس وهيك نظام شاون بدك تعاملو على فكرة هو نزل الشبيحة على الطرقات وهنن هدول العصابات الي عم يحكي عنها بس لانو من نفس فصيلة الدم ومن نفس الترباية ما يحسنو يشوفون مشان اتقي الله انت غيرك بهالبلد وحاج كلنا بنعرف شو بدو النظام ولو كلن كتير قلبو على البلد ليش حابس جوج صبرا ممكن تجاوب يا استاذ وبحب خبرك عن قريب بدنا مو بس نحط اسمنا هون بدك تشوفنا ماشيين مرفوعين الراس بنص الشام وكل مين بدو خير لهلبلد واهل البلد الله يوفقو وكل مين بدو غير هيك الله ياخدو اخد عزيز مقتدر
11 Like

 

 
لاذقي حر الى سوري حر
2011-08-24 00:23:20
يخرب بيتك شو كزاب لك انا ابن الصليبة وبدك تحكي علساننا عمى بعيونكن العمى شو منافقين وكزابين حبيبي اللي أجج اصلا كل المشكلة هو فوتتكن عالصليبة قبل اي مظاهرة يوم الخميس وبلشتو رش رصاص فيا للخمسة الصبح ونحن منعرف وانتو بتعرفو انو عمناطقنا ما بصير هالشي هاد كان استفزار رسمي وصريح وبعدا تاني يوم العالم نزلت وقتل الامن العسكري خمس شهدا باول طلعة بعد ما وصلو المتظاهرين لساحة الشيخ ضاهر لا تبيضو علينا وتحكو علساننا لانو عشوي تانية انتو قناتكن السافلة بدنا نلعن .............
10 Like

 

 
سعيد
2011-08-24 03:17:44
شكرا لاذقي حر ولا تدقق اذا رئيس بيكذب لا عتب على المحب
10 Like

 

 
لاذقي حر
2011-08-24 12:40:33
والله معك حق اخي سعيد قال الثياحة في تحثن اخر شهرين
9 Like

 

 
اشرف سامي
2011-08-24 13:47:14
الى سوري حر لماذا لا تقول رأيك بصراحة انك مع الاسد إلى الابد وهذا هو بيت القصيد ونحن لا نريد لا اسد ولا غيره غلى الابد نحن لسنا عبيد مثلنا مثل بقية شعوب الارض بيروح رئيس وبيجي رئيس وتبقى الاوطان بيكفي احدى عشرة سنة من حكم بشار وثلاثين سنة من حكم ابيه هل تريدون ان نلغي عقولنا ونصدق اننا صرنا في عدهمها متل سويسرا او حتى متل ماليزيا او حتى كوريا اللي استقلت بعدنا او حتى اسرائيل التي كانت عم تحاربنا كلنا ولم تقل لا ممانعة و لا مقاومة وصارت تصدر اسلحة للدول المتقدمة نحن شعب مثل بقية شعوب العالم ولسنا غنم نستطيع تحقيق التقدم الذي حققه غيرنا واذا لم نستطع ان نبتدع فيمكننا تقليد الدول التي تحترم الانسان والاختلاف في الراي وتحترم القانون ومافي عندها بالروح بالدم نفديك يا بشار وما في عندهم كل هالكذب الذي اصبح هو المشكلة رقم واحد في حياة حكومتنا العتيدة من الرئيس ونازل وشكرا لك يا سوري يا حر على قراءة تعليقي
6 Like

 

 
كاسر
2011-08-24 22:15:15
هل هي مصادفة أم تقدير من رب العالمين أن يكون حديث الأسد الصغير مع التلفزيون الحكومي الرسمي يوم 21 آب الحالي متزامناً مع سقوط طاغية ليبيا معمر القذافي، ليكون إنذاراً للأول بأن عهد الطغاة إلى زوال وأن عهد الاستبداد إلى اضمحلال وغياب عن الخريطة العربية، وأن الجيوش بدباباتها، ورجال الأمن ببنادقها وهراواتها، والشبيحة بسواطيرها وسكاكينها وعصيها، والمطبلين والمزمرين والهتافين والمتملقين لن يحولوا دون سقوط الطغاة والمستبدين لأنها سنة من سنن الحياة، وغيرة من الله على من يتحداه العظمة إزاري والكبرياء ردائي فمن نازعني فيهما قصمت ظهره ولا أبالي، وقد تهاوت أعتى هذه الديكتاتوريات في شهور قليلة بدءاً من هذا العام، حيث سقط في تونس زين العابدين بن علي وفي مصر حسني مبارك وفي ليبيا مؤخراً معمر القذافي، وهناك تمترس بصولجان السلطة وكرسي الحكم بين طاغيتين في طريقهما إلى السقوط، وقد يكون أقربهما طاغية الشام بشار الأسد الذي أوغل في دماء السوريين حتى لامست الأعناق وغمرت الركب. يوم أمس تحدث الأسد الصغير طويلاً كعادته مع التلفزيون السوري الرسمي الذي يديره شبيحة الإعلام وأبواق النظام الكاذبة المضللة وقد بدا على وجهه الشحوب رغم لمسات المكياج الواضحة وفي حركاته إرباك وانفعالات.. تحدث الأسد الصغير محاضراً كعادته وليس محللاً يتعامل مع الواقع بمصداقية وشفافية، فهو لا يزال يضرب على الوتــــــــــــــــــــــــــــــــــــــــــــــــــــــر الأمني الذي اعتبره هو المقدمة لأية حلول سياسية لابد منه لإيجاد الأرضية الصالحة لتقبل حزمة الإصلاحات التي سنها والتي يفكر في تفعيلها عندما يرتب البيت السوري، ولا يزال الأسد الصغير يضرب على وتر المؤامرة الخارجية والفتنة الطائفية والعصابات المسلحة والمندسين والمخربين والسلفيين، دون أن يعترف ولو بالإشارة إلى أن هناك في الساحة السورية أزمـــــــــــــــــــــــــــــــــــــــــــــــــــــــــــة عليه التعامل معها بحكمة وعقلانية، وأن هناك ثــــــــــــــــــــــــــــــــــــــــــــــــــــــورة شعبية تطالب بإسقاط النظام ورحيله، وأن هناك دماء صبغت ساحات وميادين وشوارع وأحياء المدن والبلدات والقرى السورية، وأن هناك أكثر من ألفي شهيد سقطوا على يد شبيــــــــــــــــــــــــــــــــــــــــــــــــــــحة النظام ورجال الأمن بينهم أكثر من 125 طفل وعشرات النساء، وأكثر من 500 شهيد من القوات المسلحة قضوا على يد رجال الأمن لرفضهم توجيه رصاص بنادقهم إلى صدور إخوانهم المتظاهرين السلميين، وأن هناك ما يزيد على ثلاثة آلاف مفقود وأكثر من عشرين ألف معتقل وأكثر من خمسين ألف مهجر إلى البلدان المجاورة، وأن هناك مدن حوصرت ومساجد وبيوت وأعراض استبيحت، وقطع عن أطفالها الحليب وعن مرضاها الدواء وعن أهلها الماء والغذاء والكهرباء والاتصالات، ودمرت العشرات من مساكنها والمئات من محلاتها التجارية ونهبت محتوياتها. الأسد الصغير أكد في مقابلته التلفزيونية على تجاهله لحقيقة ما يجري في الساحة السورية غير آبه بمطالب ملايين المتظاهرين الذين يخرجون كل يوم في معظم المدن والبلدات والقرى السورية تصدح حناجرهم بسقوط النظام ورحيل بشار، وقد مجَّ هؤلاء المتظاهرون السلميين هذا الرئيس غير الشرعي، الذي سمعنا وسمع العالم ما قاله ماهر شقيقه قبل أيام، من أن أباه حافظ الأسد استولى على السلطة بالقوة وهم لن يسلموا هذه السلطة التي ورثوها ولو أفنوا الشعب السوري كله، وتحدى الذات الإلهية في أن يتمكن من إسقاطهم قاتله الله لعل سقوط القذافي المذري، الذي كان قبل سويعات يتحدى الليبيين ويصفهم بالجرذان والعملاء والخونة والمخربين ويطلب من كتائبه ملاحقتهم بيت بيت ودار دار وزنقة زنقة وتطهير ليبيا منهم فإذا به يختفي هارباً مذعوراً وقد وقع ابنه سيف الإسلام، الذي لطالما كان يعده لوراثته، أسيراً بيد الثوار في حين استسلم ابنه الكبير محمد. ؟؟؟ فر القذافي هارباً وحيداً كالجرذ لا يلوي على شيء، مطارداً من الثوار تنتظره محكمة لاهاي حيث سيقف هو وأعوانه في قفصها أذلاء خانعين كحال من سبقهم من طغاة هذه الأمة ومستبديها. أقول لعل سقــــــــــــــــــــــــــــــــــــــوط القذافي السريع يجعل الأسد الصغير يراجع حساباته، ويصدق مع نفسه ويقر بحق الشعب السوري في اختيار ممثله لقيادة الوطن ونوع ولون الحكم الذي يريد بعيداً عن الضغوط أو الإملاءات وهو المعروف بكثرة القادة الوطنيين الشرفاء في صفوفه، المؤهلين لتبوء مناصب الحكم والخروج بالبلاد من أزمتها بأقل الخسائر وأيسر السبل بعيداً عن الأحقاد والثارات والانفعالات.. فهل سنسمع صوت العـقــــــــــــــــــــــــــــــــــــــــــــل ينطق به الأسد الصغير قريباً ويجنب البلاد الخراب والدمار ويحقن دماء السوريين، ويعلن عن تنحيه عن الحكم ومغادرة البلاد في مأمن قبل أن تأتيه مذكرة قبض من محكمة العدل الدولية بتهمة ارتكابه جرائم ضد الإنسانية، وينجو بنفسه قبل أن يتعذر عليه ذلك ويصيبه ما أصاب سلفه محمد حسني مبارك، حيث سيجرجر على قدميه مكبل الأيدي ومصفد الأرجل، كما يفعل زبانيته وشبيحته بالمعتقلين السوريين، إلى قفص الاتهام دون أن يتاح له لا سرير نقال ولا كرسي متحرك، وينادي القاضي مجرم الحرب بشار بن حافظ الأسد، ويرد صاغراً نعم سيدي..
7 Like

 

 
غازي كنعان
2011-08-28 05:57:47
يا سيدي تغيرت مافهيم عنا انا مندس متامر جرثومة وافتخر والامن هو العصابة المسلحةوالنظام هو عصابةوخليها عل الله
3 Like

 

 
سوري أبن سوري
2011-08-28 17:55:21
بدنا نشيلو لبشاار وبهمتنا القاوية سورية بدها حرية
5 Like

 

 
سيف دمشق
2011-10-01 15:28:17
نداء الى الشعب السوري المغيب عن مصالحه منذ أربعين عاماأيها السوريون .. دعكم من حب بشار ومن يحبه .. وبغض بشار ومن يريد اسقاطه .. معركة الشعب السوري الحقيقية هي معركة تغيير الدستور .. ببساطة شديدة .. لأن دستور الجمهورية العربية السورية ، الذي فصله حافظ الأسد على مقاسه عام 1973 أي بعد اغتصابه الحكم بسنتين ، كـّرس و يكـّرس فرعون لسورية منذ أكثر من أربعين عاما.. عنده كل الصلاحيات .. وماعليه أي مسؤولية عن تصرفاته واختياراته .. يعين ، يقيل ، يقبل ، يرفض ، يصرف ، يبيع ، يشتـري ، يعقد المعاهدات ، يصدر التشريعات والقرارات ، يحارب ، يسالم ، .. الخ .. كل ذلك دون حسيب أو رقيب .. يحميه أكثر من مليون رجل وعلى حساب الشعب السوري حزبيون ـ أمن ـ جيش ـ شبيحة ـ موظفون فاسدون ـ رجال أعمال مستفيدون من الفساد .. والقائمة تطول .. .. وهذا ما يفسر لكم سبب شراسة النظام في القمع والاجرام .. أنا أرجو من كل المواطنين السوريين قراءة الدستور ، وسهل جدا الاطلاع عليه بواسطة الانترنت ، اطلب الدستور السوري من أي مشغل وستراه أمامك .. ركزوا على المواد التالية المادة 1 ستضحككم كثيرا كلمة الديمقراطية الموجودة فيها ، حيث تقول الجمهورية العربية السورية دولة ديمقراطية شعبية .. الخ .. حيث أن هذه المادة تتناقض مع المادة 8 التي تعطي حزب البعث القيادة المطلقة تناقضا تاما وحتميا ، إلا في حالة واحدة وهي انتساب كل الشعب السوري الى حزب البعث ، على افتراض أن هذا الحزب يتصرف بطريقة ديمقراطية مع منتسبيه وهذه أضحوكة أخرى ..المادة 91 التي تعفي رئيس الجمهورية من أي مسؤولية عن تصرفاته ، والغريب أنها وضعت قبل المواد التي تعطي الرئيس كل الصلاحيات 93 ، 95 ، 103 ، 109 ، 114 ، 132 ، 139 .. أحببت أن أختصر لكم الأمر وأدلكم على المواد المهمة في الدستور ، ولكن أنصحكم بقراءته بمجمله وهو لايتطلب أكثر من 20 دقيقة ، لتكتشفوا أن كل المواد التي تحفظ حقوق المواطن بمختلف أنواعها لاتطبيق حقيقي لها .. وتعتبر من قبيل صف الكلام لا أكثر .. بل على العكس كل الجرائم والسرقات والطغيان والاذلال الذي يعيشه شعبنا منذ أربعين عاما والتي يرتكبها هذا النظام وأزلامه محمية بهذا الدستور وبالقوانين الملحقة به مثل قانون الطوارئ الذي ألغي ونعيش حاليا بحالة أسوأ بآلاف المرات من حالة ماقبل الغائه.. والقانون رقم 49 الذي يمنع ملاحقة أي شخصية أمنية لما ارتكبته من جرائم أثناء تنفيذ مهماتها الأمنية . ولذا أقول وأعيد ..معركة الشعب السوري الحقيقية هي معركة تغيير الدستور الفرعوني الحالي الى دستور ديمقراطي .. ولا تصدقوا أن هذا الدستور الفرعوني ضروري لبقاء المقاومة والممانعة التي يتستر بها هذا النظام وأزلامه لاستمرار هيمنتهم وجرائمهم وسرقاتهم ..
3 Like

 

 
الأمير الدمشقي
2012-01-08 20:04:11
الله يعينك يا أستاذ علي ... حتى الموقع تبعك فيه شبيحة .. و منحبكجية ...
3 Like

 

 
aliferzat
2012-09-17 23:21:44
هههههههههههههه....لازم يكون في حدا أسود ليظهر الأبيض...ايها الامير
0 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 77 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011