ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook




اليوم دخل وفد من 70 صحفي تابع لوسائل إعلام محلية وعربية وعالمية إلى دير الزور .
فاتوا بين هالناس وعينك تشوف الحماس و التنافس الشريف , وصاروا المصورين يتفننوا بالتقاط الصور ,قال شو القيادة الحكيمة بدا تنقل الصورة الحقيقية لما يجري في سوريا.
لو بتشوفوا الفران شو حكى ... الدكنجي ,أبو اليانصيب ,جماعة البسطات, الزباين ,الزبال, الناس يلي بالسوق كلن عملو معون مقابلة..... يعني الشحاد الي هوي الشحاد ما قصر ولله ..... عشرات من المقابلات المباشرة والغير مباشرة .
المهم طلعو 68 مقابلة متل بعض نفس الكلمات نفس النقاط ,الفواصل ,اشارات التعجب والاستفهام ,الأقواس ... ولك اقسم بالله لو كانوا بفحص بكلوريا لرسبوا بالتشابه....
بعد ما راحوا الصحفيين صرخ الشحاد بكل صوتو اجتمــــــــــــاع
بدقيقة اجتمعت الناس كلها قدامو.....على شكل ارتال... وبلش الدكنجي يصفن ويصرخ: ترادف ,ازبل ,ستارح ,ستاعد .....يعني ماضل حدا بالسوق ما اجتمع.
رددوا الشعارات وقدموا التحية للشحاد الركن ...بعق كم بعقة و طالع منهم تنين ..وبلش فيهم ضرب وتعفيس ومسبات ,وهوي يقول على مين عم تتشاطر يا ابن ال.....؟ ما رح قولها بالشهر الفضيل..!!
اتاري هل العنصرين هني ألي عملوا المقابلتين المختلفتين عن 68 مقابلة
يعني طلعوا عن النص شوي.....
وبالآخر ركبوا بهل باصات و راحوا على المعسكر الكل راح للنوم و العنصرين ألي طلعوا عن النص قضوا ليلة سعيدة في منتجع الجاموقة السياحي .
بعد الإفطار بشوي عرضوا الريبورتاج على قناة الدنيا , وطلعوا اهل الدير على التلفزيون عم يشكروا الجيش و قائد الجيش ويلعنوا العصابات المسلحة.
شكون هاي يالله بلهجة اهلنا بدير الزور تعني (شو هذا يالله)
مهاريتي الهندي- نيو دلهي – حمص


85 Like

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 22 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011