ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-05-26

ميزات كونك مواطن سوري أن تدفع رسوم وضرائب أكثر من الفاتورة التي تدفعها والسبب بذلك كي تنعش خزينة الدولة فمثلاً إذا كانت فاتورة الماء 300 ل.س عليك أن تدفع رسوم إدارة محلية ورسوم طوابع ورسوم اشتراك عداد فما تجد من فاتورة المياه إلا أنها دوبلت وأصبحت الضعف للضعف ...وطبعا كل جهة إلها ضريبة خاصة فيها يعني أحياناً نفس الضريبة لأكثر من جهة وهذا كله تحت مسمى الضريبة ومنها ضريبة الإنفاق الاستهلاكي وضريبة الرفاهية طبعاً مفهوم الضرببة هو مفهوم مبطن للسرقة على عينك يا تاجر فمثلاً هناك ضريبة الرصيف والطرقات وكل مواطن مساهم في دفع هذه الضريبة والسؤال بما أني دفعت ضريبة ما شيدتموه من طرقات وأرصفة لماذا قمتم باستثمارها وتأجيرها للمافيات كمواقف سيارات لذلك نقول يا حكومة جديدة بالشكل قبل أن تصلحي الأحوال أعيدي الأموال التي سرقت لأصحابها بعدها صلحي..وحلي...؟؟؟؟؟!!!!!!!!!!!
بقلم :رهف الأحمد

52 Like

 
راتب
2011-05-26 15:34:39
في أكبر من هيك من ثلاث سنوات و غرفة التجارة بقسميها الصفي و الشتوي قصدي المدينة و الريف هناك بند يدفع بقيمة 6200 ل.س وهو المساهمة في بناء مقر جديد لغرفة التجارة وعلى فرض أن أعضاء غرف التجارة فقط 100 ألف مع انهم أكثر يكون المبلغ على مدار ثلالث سنوات مليار وستمائة و ثمانين مليون يعني شحطة و بيصيروا مليارين يا جماعة الخير ملاحظة سيد علي كنا معك وقت يلي بتطرح هيك مواضيع تشير إلى الأخطاء متل ما كنت تعمل بالدومري ، أما التخوين أو تكون معارض سلبي ما بظن رح نصل لنتيجة لأنو المعارض الإيجابي هو يلي كل ما بيتحقق مطلب بيطلب واحد تاني و بيشير للخطأ أما المعارض السلبي دائما رح يتم يشكك بكلشي عالفاضي
7 Like

 

 
راتب
2011-05-26 15:34:39
في أكبر من هيك من ثلاث سنوات و غرفة التجارة بقسميها الصفي و الشتوي قصدي المدينة و الريف هناك بند يدفع بقيمة 6200 ل.س وهو المساهمة في بناء مقر جديد لغرفة التجارة وعلى فرض أن أعضاء غرف التجارة فقط 100 ألف مع انهم أكثر يكون المبلغ على مدار ثلالث سنوات مليار وستمائة و ثمانين مليون يعني شحطة و بيصيروا مليارين يا جماعة الخير ملاحظة سيد علي كنا معك وقت يلي بتطرح هيك مواضيع تشير إلى الأخطاء متل ما كنت تعمل بالدومري ، أما التخوين أو تكون معارض سلبي ما بظن رح نصل لنتيجة لأنو المعارض الإيجابي هو يلي كل ما بيتحقق مطلب بيطلب واحد تاني و بيشير للخطأ أما المعارض السلبي دائما رح يتم يشكك بكلشي عالفاضي
7 Like

 

 
yasmina
2011-05-26 15:34:51
مو بعيدة يطلعو ضريبة استخدام مازوت 10 ليرات على الليتر... بعد ما خفضو من 20 ل 15 ليرة يعني محل ما شو اسمو شنؤووووووو
11 Like

 

 
yasmina
2011-05-26 15:34:51
مو بعيدة يطلعو ضريبة استخدام مازوت 10 ليرات على الليتر... بعد ما خفضو من 20 ل 15 ليرة يعني محل ما شو اسمو شنؤووووووو
11 Like

 

 
سوري رح بطق
2011-05-26 15:35:25
ههههههه مثل بقعة ضوءضريبة المستهلكلك ليش عم تستهلك يا مواطن الله يصلحكعلى فكرة ان يكون في ضرائب شي مهم بس الأهم منوان الكل يدفع يعني التجار والأطباء يدفعو اكتر من الموظف الأندبوري مو بالمقلوب وطبعا المصاري لازم تنحفظ عند الدولة مو بجيبة ابو الروم على فكرة حاسس ان فينا نغير نحن بلشت اتفائل شكرا استاذ علي على هل الفسحة
8 Like

 

 
سوري رح بطق
2011-05-26 15:35:25
ههههههه مثل بقعة ضوءضريبة المستهلكلك ليش عم تستهلك يا مواطن الله يصلحكعلى فكرة ان يكون في ضرائب شي مهم بس الأهم منوان الكل يدفع يعني التجار والأطباء يدفعو اكتر من الموظف الأندبوري مو بالمقلوب وطبعا المصاري لازم تنحفظ عند الدولة مو بجيبة ابو الروم على فكرة حاسس ان فينا نغير نحن بلشت اتفائل شكرا استاذ علي على هل الفسحة
8 Like

 

 
sultan52
2011-05-26 15:50:22
عادي مو كل شي بالبلد غالي إلا المواطن ارخص الشي بالبلد ؟؟؟؟؟
13 Like

 

 
sultan52
2011-05-26 15:50:22
عادي مو كل شي بالبلد غالي إلا المواطن ارخص الشي بالبلد ؟؟؟؟؟
13 Like

 

 
عزالدين
2011-05-26 16:07:27
أنه الصمت يا صاحبي فنحن ندفع ضرائب الغير اللذين صمتو كل هذه السنين و بتنا اشباحا في و طن لا مجال فيه سوى شعارات زائفة لماذا أعيش كل حياتي و تلك الشعارات مدسوسة فينا اسمعو هالقصةفي إحدى المظاهرات خرجنا و قد خرج معنا أحد الأصدقاء و هو يخرج لأول مرة نحن بنقول بصورت عالي الله سوريا حرية و بسو لكن المسكين صاحبي ما قدر يحذف كلمة بشار من الشعار الجيد في الأمر أن أحد لم يسمعه لأكلنا بهدلة من المتظاهرين هذه هي حياتنا يجب أن نعيد برمجة عقولنا و شعارتنا اليوم نحن نصل إلى المسقبل
11 Like

 

 
عزالدين
2011-05-26 16:07:27
أنه الصمت يا صاحبي فنحن ندفع ضرائب الغير اللذين صمتو كل هذه السنين و بتنا اشباحا في و طن لا مجال فيه سوى شعارات زائفة لماذا أعيش كل حياتي و تلك الشعارات مدسوسة فينا اسمعو هالقصةفي إحدى المظاهرات خرجنا و قد خرج معنا أحد الأصدقاء و هو يخرج لأول مرة نحن بنقول بصورت عالي الله سوريا حرية و بسو لكن المسكين صاحبي ما قدر يحذف كلمة بشار من الشعار الجيد في الأمر أن أحد لم يسمعه لأكلنا بهدلة من المتظاهرين هذه هي حياتنا يجب أن نعيد برمجة عقولنا و شعارتنا اليوم نحن نصل إلى المسقبل
11 Like

 

 
حرية
2011-05-26 16:27:31
معارض سلبي؟؟؟؟شو قصدكهذا مايريده النظام ،النظام كان دائما يقول ادخّلوا بشو مابدكن،حكوا عن المخالفات والوزراء وطالبوا بلي بكن ياه بس يلي بقرب علالنظام رح نقطعلوا راسو. يااصدقائي لايمكن ان تقود مجرم والدم لايزال على يديه الى صلاح،عندما تريد العمل في وظيفة ما كطبيب مثلا يطلبوا منك ورقة لا حكم عليه لانو لايمكن لمجرم محكوم ان يبني مجتمع،ولسا لحتى الان بيجليك كام واحد مسطول وبيقلك ليش ماننسى النظام ونركّز على الاصلاح،ليش ما ننسى الوف الابرياء الذين قتلن النظام المجازر الجماعية الاف المسجانين النساء والاطفال القتلى ،خلونا ننسى كل هاد نركّز على تخفيض ضريبة ارصفة الشوارع، لانو نحنا ما ناقصنا غير هالشغلة
9 Like

 

 
حرية
2011-05-26 16:27:31
معارض سلبي؟؟؟؟شو قصدكهذا مايريده النظام ،النظام كان دائما يقول ادخّلوا بشو مابدكن،حكوا عن المخالفات والوزراء وطالبوا بلي بكن ياه بس يلي بقرب علالنظام رح نقطعلوا راسو. يااصدقائي لايمكن ان تقود مجرم والدم لايزال على يديه الى صلاح،عندما تريد العمل في وظيفة ما كطبيب مثلا يطلبوا منك ورقة لا حكم عليه لانو لايمكن لمجرم محكوم ان يبني مجتمع،ولسا لحتى الان بيجليك كام واحد مسطول وبيقلك ليش ماننسى النظام ونركّز على الاصلاح،ليش ما ننسى الوف الابرياء الذين قتلن النظام المجازر الجماعية الاف المسجانين النساء والاطفال القتلى ،خلونا ننسى كل هاد نركّز على تخفيض ضريبة ارصفة الشوارع، لانو نحنا ما ناقصنا غير هالشغلة
9 Like

 

 
rafealoseed
2011-05-26 16:51:08
ابشرك يا استاذ علي انو اللي سن هالضرائب.. محمد الحسين .....القي القبض عليه هاربا في المطار واعيد لجهة مجهولة.........اكيد سارقلو كم ضريبة .....فهمك بيكفي
6 Like

 

 
rafealoseed
2011-05-26 16:51:08
ابشرك يا استاذ علي انو اللي سن هالضرائب.. محمد الحسين .....القي القبض عليه هاربا في المطار واعيد لجهة مجهولة.........اكيد سارقلو كم ضريبة .....فهمك بيكفي
6 Like

 

 
فين الحل
2011-05-26 18:36:51
ضريبة تضربك وتاخدك بمناسبة يوم الخميس بحب اهديك اغنيه باب الحارة والخاين يا ويلو ويلو يا ويلو من الله ة وكمان اغنيه مسلسل الدبور لحظة غدر
9 Like

 

 
فين الحل
2011-05-26 18:36:51
ضريبة تضربك وتاخدك بمناسبة يوم الخميس بحب اهديك اغنيه باب الحارة والخاين يا ويلو ويلو يا ويلو من الله ة وكمان اغنيه مسلسل الدبور لحظة غدر
9 Like

 

 
حر بدو حرية
2011-05-26 19:49:18
سرقو حريتنا سرقو فرحنا سرقو عمرا اضعناه ونحن كنا نصدقهم وخاين يلي بيقتل شعبو
11 Like

 

 
حر بدو حرية
2011-05-26 19:49:18
سرقو حريتنا سرقو فرحنا سرقو عمرا اضعناه ونحن كنا نصدقهم وخاين يلي بيقتل شعبو
11 Like

 

 
syrian_eagle2011
2011-05-26 20:19:48
بعد طول انتظار .. و فترة طويلة من المحاولات من اجل انشاء عمل شريف و بداية لمشروع ما حدا يشاركك فيه إلا بنسبة قليلة .. و طرق كافة الابواب و النوافذ .. توصلت لنتيجة .. بانك كمواطن سوري .. يحق لك ان تعمل بمجالين خاصين فقط ... الاول .. ان تفتح دكانة خضرة .. و هيك بتنحصر تعاملاتك مع رشاوى البلدية و الصحة ... و التاني انك تشتغل شفير تكسي .. و بذلك تنحصر مشاركتك لمدخولك مع شرطة المرور ... يعني المطلوب منك يا مواطن يا حباب ان تقوم بتغليف شهاداتك و خبراتك في كيس نايلون اسود و تعطيها لموظف البلدية .. لسبب بسيط ... انت انسان شريف ... فلا مكان لك في هذا البلد .. اذا لم تكن راشي او مرتشي .. فلا مكان لك في هذا البلد ... أما اذا اردت ان تترقى في مجتمعنا.. يجب ان ترتفع الى درجة الحرامي ... و طبعا الحرامي درجات ... بقدر حصولك على شهادات في السرقة بقدر نجاحك في مجتمهنا الراقي .... و أكثر الناس المحترمين و المرموقين هم الاكثر ابداعا في خلق افكار و ضرائب لتفريغ جيوب الناس من كل شيئ ... و الحائز على شهادة الجودة .. سرقازو هو من يستطيع الحصول على جيبة المواطن بما فيها ....
9 Like

 

 
syrian_eagle2011
2011-05-26 20:19:48
بعد طول انتظار .. و فترة طويلة من المحاولات من اجل انشاء عمل شريف و بداية لمشروع ما حدا يشاركك فيه إلا بنسبة قليلة .. و طرق كافة الابواب و النوافذ .. توصلت لنتيجة .. بانك كمواطن سوري .. يحق لك ان تعمل بمجالين خاصين فقط ... الاول .. ان تفتح دكانة خضرة .. و هيك بتنحصر تعاملاتك مع رشاوى البلدية و الصحة ... و التاني انك تشتغل شفير تكسي .. و بذلك تنحصر مشاركتك لمدخولك مع شرطة المرور ... يعني المطلوب منك يا مواطن يا حباب ان تقوم بتغليف شهاداتك و خبراتك في كيس نايلون اسود و تعطيها لموظف البلدية .. لسبب بسيط ... انت انسان شريف ... فلا مكان لك في هذا البلد .. اذا لم تكن راشي او مرتشي .. فلا مكان لك في هذا البلد ... أما اذا اردت ان تترقى في مجتمعنا.. يجب ان ترتفع الى درجة الحرامي ... و طبعا الحرامي درجات ... بقدر حصولك على شهادات في السرقة بقدر نجاحك في مجتمهنا الراقي .... و أكثر الناس المحترمين و المرموقين هم الاكثر ابداعا في خلق افكار و ضرائب لتفريغ جيوب الناس من كل شيئ ... و الحائز على شهادة الجودة .. سرقازو هو من يستطيع الحصول على جيبة المواطن بما فيها ....
9 Like

 

 
syrian_eagle2011
2011-05-26 21:57:22
فين الحل ... غيّر؟؟؟ ... فين الفحل .... يا فحل .... الفحل موجود .. و العتب مرفوع ..
7 Like

 

 
syrian_eagle2011
2011-05-26 21:57:22
فين الحل ... غيّر؟؟؟ ... فين الفحل .... يا فحل .... الفحل موجود .. و العتب مرفوع ..
7 Like

 

 
ابو الهمام
2011-05-26 22:21:47
اشكر كل من يضع تعليقه واشكر صاحب الموقع لاتاحة هذه الفرصة للشباب السوري المثقف للتعليق على الموضوع الرئيس وارجو بكل محبة ان يكتب صاحب التعليق الاساسي تصوره للحل وبعد أن يضع المعلقون تعليقاتهمالمهضومه فعلا يناقشون صاحب التصور للحل رأيه عسى وأقول عسى أن يصل هذا لمن تبقى به غيرة علينا كشعب وينفذه من القيادة لأننا لانريد عراقا ولا ليبيا جديدة في عاصمة الأموين عاشت سوريا حرة ابية والمجد للشهداء
7 Like

 

 
ابو الهمام
2011-05-26 22:21:47
اشكر كل من يضع تعليقه واشكر صاحب الموقع لاتاحة هذه الفرصة للشباب السوري المثقف للتعليق على الموضوع الرئيس وارجو بكل محبة ان يكتب صاحب التعليق الاساسي تصوره للحل وبعد أن يضع المعلقون تعليقاتهمالمهضومه فعلا يناقشون صاحب التصور للحل رأيه عسى وأقول عسى أن يصل هذا لمن تبقى به غيرة علينا كشعب وينفذه من القيادة لأننا لانريد عراقا ولا ليبيا جديدة في عاصمة الأموين عاشت سوريا حرة ابية والمجد للشهداء
7 Like

 

 
راتب
2011-05-26 22:57:55
حابب أحكي وفش قلبي عن عضو غرفة التجارة الفذ باسل الحموي المختبأ خلف الجوبرانية آل سمحا الذين كان لديهم ورشة في جوبر وكانوا إذا مشطوا شعرهم زيادة عليهم - ليصبحوا الآن يشلكوك نقودك لكي يلبسونك ستيفانيل وبينتون و دوتي وزارا ويارا و يا هلا ومرحبا.......وأشارة استفهام كبيرة متل المحطوطة بالموقع عندك ...معقول بيسوريا كلها ما انوجد غير سمحا وباسل حموي ليقرصنوا على تجارة الألبسة والسبب واضح لسنا الوحيدين بس استرجي استورد قطعة ألبسة لحتى يحرك باسل الحموي جماعتو - طبعا الشخصية الثانية المنسية وبين قوسين السلالة يعني من تحت لتحت مجد سليمان وأخوه المنكولي حيدة يلي بيندحش بكل بنت بالصور بليالينا - طبعا لا ننسى من أين ثروة ug والتي يصرح عنها على الأغلفة ب 800 مليار ليرة - يعني الزلمة لو ولد من بطن أمو وهو ماسك الآلة الحاسبة وعما يشتغل ما بيوصل لهل الزكا ليصير معو هالمبلغ بس إذا عرف السبب بطل العجب والسبب البابا
8 Like

 

 
راتب
2011-05-26 22:57:55
حابب أحكي وفش قلبي عن عضو غرفة التجارة الفذ باسل الحموي المختبأ خلف الجوبرانية آل سمحا الذين كان لديهم ورشة في جوبر وكانوا إذا مشطوا شعرهم زيادة عليهم - ليصبحوا الآن يشلكوك نقودك لكي يلبسونك ستيفانيل وبينتون و دوتي وزارا ويارا و يا هلا ومرحبا.......وأشارة استفهام كبيرة متل المحطوطة بالموقع عندك ...معقول بيسوريا كلها ما انوجد غير سمحا وباسل حموي ليقرصنوا على تجارة الألبسة والسبب واضح لسنا الوحيدين بس استرجي استورد قطعة ألبسة لحتى يحرك باسل الحموي جماعتو - طبعا الشخصية الثانية المنسية وبين قوسين السلالة يعني من تحت لتحت مجد سليمان وأخوه المنكولي حيدة يلي بيندحش بكل بنت بالصور بليالينا - طبعا لا ننسى من أين ثروة ug والتي يصرح عنها على الأغلفة ب 800 مليار ليرة - يعني الزلمة لو ولد من بطن أمو وهو ماسك الآلة الحاسبة وعما يشتغل ما بيوصل لهل الزكا ليصير معو هالمبلغ بس إذا عرف السبب بطل العجب والسبب البابا
8 Like

 

 
ابو الزوز
2011-05-27 01:10:09
شفنا وياما حنشوف عوجا والطابق مكشوف
6 Like

 

 
ابو الزوز
2011-05-27 01:10:09
شفنا وياما حنشوف عوجا والطابق مكشوف
6 Like

 

 
القلم الجارح
2011-05-27 01:16:51
البلد زفت.. بس شورعها لا هههههههههههههه..
6 Like

 

 
القلم الجارح
2011-05-27 01:16:51
البلد زفت.. بس شورعها لا هههههههههههههه..
6 Like

 

 
ام المندسين
2011-05-27 05:38:20
والله نحن شعب نقاق مو عاجبتنا الاصلاحات هي عم يصلحو الملاعب والمدارس ويحولوها لسجون شو بدكم اكثر من هيك ويمكن يحولو المساجد لمولات ؟؟؟؟؟
7 Like

 

 
ام المندسين
2011-05-27 05:38:20
والله نحن شعب نقاق مو عاجبتنا الاصلاحات هي عم يصلحو الملاعب والمدارس ويحولوها لسجون شو بدكم اكثر من هيك ويمكن يحولو المساجد لمولات ؟؟؟؟؟
7 Like

 

 
دوغما
2011-05-28 05:45:12
آخر سمعه - المعارض أبو شحاطه يطالب بأسقاط الضرائب - حاجه مزح تخنتوها - دوغما للدراسات النمطيه السوريه
7 Like

 

 
دوغما
2011-05-28 05:45:12
آخر سمعه - المعارض أبو شحاطه يطالب بأسقاط الضرائب - حاجه مزح تخنتوها - دوغما للدراسات النمطيه السوريه
7 Like

 

 
janty
2011-05-28 20:36:01
الضريبة كمبدأ ما فيها مشكلة لانها المفروض انت تذهب إلى نوافذ خدمة توفر الراحة والرفاهية للمواطن المشكلة عندنا بسوريا باننا ندفع بهذه الضريبة وندفع ايضا ضريبة على الرافاهية التي من المفروض ان توفرها لنا الدولة نتيجة تحصيلها للضريبة الاولى ولكن لا نحصل على خدمة بمستوى لائق كل النوافذ الخدمية مذلة الوقف على الدور اذا وجد دور اصلا لدفع فواتير الكهرباء والماء مذل هو و ما يشبهه الطرق محفرة الارصفة محفرة الكهرباء تقطع لساعات الماء تقطع لايام النقل العام ببكي بالنتيجة اريد ان اقول ان المواطن لو كان يشعر بان هذه الضريبة تصرف بالمكان المناسب والطريقة المناسبة ما كان اشتكى منها
7 Like

 

 
janty
2011-05-28 20:36:01
الضريبة كمبدأ ما فيها مشكلة لانها المفروض انت تذهب إلى نوافذ خدمة توفر الراحة والرفاهية للمواطن المشكلة عندنا بسوريا باننا ندفع بهذه الضريبة وندفع ايضا ضريبة على الرافاهية التي من المفروض ان توفرها لنا الدولة نتيجة تحصيلها للضريبة الاولى ولكن لا نحصل على خدمة بمستوى لائق كل النوافذ الخدمية مذلة الوقف على الدور اذا وجد دور اصلا لدفع فواتير الكهرباء والماء مذل هو و ما يشبهه الطرق محفرة الارصفة محفرة الكهرباء تقطع لساعات الماء تقطع لايام النقل العام ببكي بالنتيجة اريد ان اقول ان المواطن لو كان يشعر بان هذه الضريبة تصرف بالمكان المناسب والطريقة المناسبة ما كان اشتكى منها
7 Like

 

 
سوري اصلي
2011-05-29 03:21:44
دوغما...شو قصتك مع الشحاطة...لك ثأر معها..او هناك علاقة حب وخانتك...او من كثر ما ضربوك على وجهك بالشحاطة لم تعد ترى غيرها...أراها تملئ رأسك وتعليقاتك التي تخرج من فمك
9 Like

 

 
سوري اصلي
2011-05-29 03:21:44
دوغما...شو قصتك مع الشحاطة...لك ثأر معها..او هناك علاقة حب وخانتك...او من كثر ما ضربوك على وجهك بالشحاطة لم تعد ترى غيرها...أراها تملئ رأسك وتعليقاتك التي تخرج من فمك
9 Like

 

 
ام المندسين
2011-05-29 05:56:27
شو شكلو السيد دوغما كان ابوه عنده دكان شحاطات ؟ لانو بيحبها كثير وبيضل بيستشهد بكلامو بالشحاطات ما بينساها ابدا ..
8 Like

 

 
ام المندسين
2011-05-29 05:56:27
شو شكلو السيد دوغما كان ابوه عنده دكان شحاطات ؟ لانو بيحبها كثير وبيضل بيستشهد بكلامو بالشحاطات ما بينساها ابدا ..
8 Like

 

 
rafealoseed
2011-05-30 18:05:24
والله بحثت لمعنى دوغما الكلمة روسية وتعني الانخفاض .......يعني واطي
7 Like

 

 
rafealoseed
2011-05-30 18:05:24
والله بحثت لمعنى دوغما الكلمة روسية وتعني الانخفاض .......يعني واطي
7 Like

 

 
انتبه شوي
2011-06-01 12:10:28
يعني برأيكن انو مع السلفيين او اي نظام جديد ما في ضرائب؟؟؟؟؟؟؟؟بدكن تصيروا تدفعوا ضريبة الهوى اللي عم تشموه
6 Like

 

 
انتبه شوي
2011-06-01 12:10:28
يعني برأيكن انو مع السلفيين او اي نظام جديد ما في ضرائب؟؟؟؟؟؟؟؟بدكن تصيروا تدفعوا ضريبة الهوى اللي عم تشموه
6 Like

 

 
ليلى علي
2011-06-01 15:20:52
بكل بلد أن كان عربي أو أجنبي رح تلاقو علل وخاصة بالدول الكبرى وبظن أنو الكل بيعرف نسب تسول والسرقة .....الخ الموجودة بهل الدول إلي قاعدة عم تنظر علينا وتكبر الصغير عنا وتمحي الكبير عندها مظبوط البلد بدها أصلاح بس ياريت كل أنسان يبلش من حالو وعفكرة نحنا بالنسبة لغيرنا بألف رحمة مين منكن بيتحمل المعيشة الغالية بدول الخليج الحمد الله نحنا عنا كلو بعيش الله يخليلنا تاج راسنا الرئيس إلي رفع راس كل أنسان سوري شريف وياريت مع أفكاركن تحطولنا الحلول لشوف إذا شاطرين غير بالقد
6 Like

 

 
ليلى علي
2011-06-01 15:20:52
بكل بلد أن كان عربي أو أجنبي رح تلاقو علل وخاصة بالدول الكبرى وبظن أنو الكل بيعرف نسب تسول والسرقة .....الخ الموجودة بهل الدول إلي قاعدة عم تنظر علينا وتكبر الصغير عنا وتمحي الكبير عندها مظبوط البلد بدها أصلاح بس ياريت كل أنسان يبلش من حالو وعفكرة نحنا بالنسبة لغيرنا بألف رحمة مين منكن بيتحمل المعيشة الغالية بدول الخليج الحمد الله نحنا عنا كلو بعيش الله يخليلنا تاج راسنا الرئيس إلي رفع راس كل أنسان سوري شريف وياريت مع أفكاركن تحطولنا الحلول لشوف إذا شاطرين غير بالقد
6 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 40 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011