ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



قناة الاستخباراتية الفضائية اجرت حوارا مع الناس في الشوارع حول حقوق و واجبات المواطن.
 كان واضحا ان العفوية كانت مقحمة بأجوبة من تم اللقاء معهم.... فجميعهم كانوا يشيدون بالامن و الامان في سورية ...!؟
أقول لأولائك اللذين هم على( البركة ) : ان الببغاء داخل قفصه ينعم بالامان اكثر منكم....!
 اما الحرية فتلك مسألة اخرى .....................!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 


54 Like

 
عزيز
2011-05-01 02:10:12
Benjamin franklin once said Those Who Sacrifice Liberty For Security Deserve Neither.من يتخلى عن حريته من أجل الأمن لا يستحق لا حرية ولا أمن.
30 Like

 

 
كامل الحمصي
2011-05-01 02:12:41
هل يعلم هؤلاء المتواطنون أن بعض السوريين سيطلبون قريبا اللجوء إلى العراق هربا من الأمن واللاأمان في سورية كما أنه يجب تنظيم قوافل إنسانية لفك الحصار عن درعا
11 Like

 

 
أنس
2011-05-01 02:35:08
آآآآآه . ما كنت أتخيل يوما أن المواطن السوري سيصبح لاجئ . او مشرد . أو نازح . ومِن مَن ؟؟ من ابن بلده ومن يجب أن يحميه . أما يكفي الأعداد المشردة خارج البلد .؟؟؟ إذا استمر التعامل الأمني فأنا واثق أن هناك أعداد كيبرة خصوصا من النساء والأطفال ستلجأ إلى تركيا ولبنان والعراق والاردن ووووووو . ولا حول ولا قوة إلا بالله .
13 Like

 

 
yara shahin
2011-05-01 02:40:54
و الله استتاذ علي هم يبكي و هم يضحك من كتر سذاجه المواطنين بيرددوا دون وعي و لا يمكن الخوف سيطر علي عقولهم لدرجه رهيبه الله بيعين علي الظلم و الخوف و الجبن
8 Like

 

 
سامر
2011-05-01 02:45:51
سيد علي عذرا خط احمر الشعب السوري هل ستحول غالبية الشعوب السوري الى متامرين مع النظام ان كانو فعلا على البركة فتخيل ما أبرع القناة حين التقطت فقط الذين على البركة وان كان الغالبيه على البركةفدعونا نحن الشعب السوري على بركتنا وانعمو انتم ببركة من تريدون فعلا اندم على اللحظات التي عشتها معجبا بفنك
18 Like

 

 
بركة على المواطنين
2011-05-01 03:09:36
تعتبر هذه القنوات بأن الحرية هي موجودة عند ببغاء القفص و لكن تفكيره بأن له حقوق و مطاليب تجعل منه مندسا و غوغائيا .يعني عنزة و لو طارت نزل مطر .. يعني نزل
11 Like

 

 
aliferzat
2011-05-01 03:20:23
حيلك حيلك ياسامر..ايها المنفعل ..اريد ان اسألك..هل الذين تمت المقابلات معهم يمثلون الشعب السوري؟؟؟؟اذا كنت قارئا جيدا سترى بأنني خصصت فقط هؤلاء..وعنونت المقابلة ب مواطنون ..وليس المواطنون ..يامواطن..اما انك نادم على اللحظات التي عشتها من اجل فني ..فأنا نادم عليها مثلك..الى ان تكون قد نضجت اكثر وقرأت عنوان المقال جيدا..وخرجت من دائرة البركه الى دائرة التحليل والاستنتاج
48 Like

 

 
saeed
2011-05-01 03:55:56
لماذا اي واحد يتكلم في البلاد العربية مباشرة يرفعوا له قصة الامن والامان يانحن يا الخراب يعني الامان في يدهم وليش بس عنا بمننوا الشعب بالامان يعني دول العالم كلها ما فيها امان والظهور الكثيف للمندسيين بكل مكان وفقط يوم الجمعة ألا يحتاج وقفة
11 Like

 

 
نزار رحمة
2011-05-01 03:56:51
تحية لفنك... أستاذ علي.أرجو التدقيق على الأخطاء الإملائية.....لأولئك الذين..
10 Like

 

 
Sami Haddad
2011-05-01 04:05:57
يا عزيزي سامر الشعب السوري مو خط أحمر صار نهر أحمر. ثم لا أظنك تجهل كيفية عمل هذة المحطة المخابراتية فهم يجرون عشرات المقابلات و يختارون منها ما يحقق الغاية من بث أي تقرير. يعني لازم تغضب من هالمحطة التافهة التي تستغبي الشعب السوري وليس فنان الشعب علي فرزات الذي كان دائما نبض المواطن و الإنسان و الوطن بكل حب وغيرة و شغف للشعب السوري الذي بالنسبة لة ليس فقط خط أحمر بل جدار.
13 Like

 

 
مواطن مطحون
2011-05-01 04:11:25
بدك تطول بالك استاذ علي المعالج تبعو لسامر موديل 82 اذا بتحاكي هيك حكي معالجو بيفرط
18 Like

 

 
سامر
2011-05-01 04:34:47
شكرا لك سيد علي انفعالي لم يكن لانك تتهم الكل بل لأنك تجاهلت المئات الذين تمت مقابلتهم في الشوارع واعتقد وانا القزم تجاه ثقافتك أن الاعلام السوريه يعجز ان يلم كل الذين على البركة ليصورهم وهذا ما تلوح به انت ادعو لي ان انضج ايها الثوار لعلي أفهم ما تسميه مقالا ويوم تتغير هذه الظروف سأرسل لك وعلى موقعك هذا مقالاتي وأظن أنك ستفاجأ من اكون لك مني خالص الاحترام والاعتذار أيضا
16 Like

 

 
ديانا
2011-05-01 07:32:12
ولا يهمك أبو سمرة انت الحق عليك عاملي حالك فايت تناقش مين بدك تناقش علي فرزات يلي عاملي حالو ثوري وبدو حرية رأي واول ماواحد بحط رأيو ببلش فيه شتائم قال عيني عامل زعيم ولامملي حواليه كم واحد بس شو بدك يحكي الواحد لو انو اجيناهم بالمسبات نص مصيبه بس مشكلتن انو فكرو حالن حكمو البلد وبدل ما يستفيدو من اخطاء غيرن لاء بدو يدوسو عالعالم قبل مايوصلو للحكم
14 Like

 

 
ديانا
2011-05-01 07:36:39
نسيت صحي علوشه معلش توصل للمواطنين يلي عالبركة تبعوتك انو المواطنين يلي عالبركة تبعونا ملو منكم وبالاول كنا عم نقول لا للقتل ونعم للحوار وكلنا واحد معارض وموالي اما هلا رح نقلن مليييييييينا وكمان عندي سؤال انو يعني اذا صار حصار بدرعا ليش مثلا بينقطع الخبز والحليب يعني عأساس كان كل يوم اهل درعا يروحو يتسوقو برا المدينة وهلا ماعد فين حاج كذب حاج طفل يتصل بوالده علما ان الاتصال مقطوع ويقول بابا جوعان وانا بقلو للبابا كمان قعود عاقل وما تحرق البلد ما بجوع ابنك
14 Like

 

 
بردئ
2011-05-01 07:38:01
كم أشعر بعبق الحرية حين الدخول لصومعتك الكاريكايرية .. أحد الشهداء قال .. في سوريا أنا شهيد ، إذاً أنا حر . أما الفرع رقم 18 للإعلام السوري لن يكون حراً إلا بعد تحرير الفروع التي قبله ، وسقوط نظام الفاشية . إحتاج العالم لملايين الشهداء ليسقط فاشية أوربا . وشباب السوري بصدورهم العارية سيسقطون نظام القمع الفاشي .
8 Like

 

 
محنط قرقوط
2011-05-01 08:49:48
أستاذ علي ، ممكن تبطل هذا التحامل ليس للعبارة علاقة بالتحاميل فاقتضى التوضيح على الإعلام السوري الرسمي الذي يتذكره المرء في ورود ذكر جعفر الصادق ، بكل الأحوال فيما تقوله عن الحرية وما إلى ذلك من كلام أجف أقول لك ما قاله بيدبا لأحد أعضاء مجلسه من حيوانات في كليلة ودمنه أدامكم الله على صدرو الخلق ، لقد قال عطوا الحمار ورده ليشما قام أكلها .
9 Like

 

 
جحجاح النوفل
2011-05-01 09:03:07
أؤيد الأخ سامر القزم .
9 Like

 

 
ابو فهمي السوري
2011-05-01 10:11:24
سوريا الامانباميركا لما احد اعضاء المافيا يقرر ان يختبئ من السلطات او حتى بطش عصابه اخرى راقيه مثل المافيا اامن مكان له هو السجن نحنا الله ادام علينا هذا الامان اربعين سنه وبالنسبه لموضوع المقابله لا ارى غير شئ واحد غير طبيعي وصعقني الحقيقه في حدا لسا بيشوف الفاضيه السوريه؟؟؟؟
9 Like

 

 
احمد الرفاعي
2011-05-01 12:42:43
استاذ علي ارجو التصحيح ليسو من قابلهم التلفزيون هم عالبركة بل هم مجبورون مثل محمد الرفاعي عندما طلع على هذه القناة الخرافية ليعلن انه متقاعد من الجيش لانه بلغ السن القانوني ولااعرف احدا من الجيش تقاعد بسبب سنه وانه لاعلاقة له بالفرقة الخامسة لقد اجبر على الخروج امام الناس ليلقي بيانه تحت التهديد صدقني وهؤلاء ايضا كانو تحت التهديد والله عالبركة فقط هي تلك الفضائية عندما تظن ان احد ما في سوريا او العالم سيصدقهم مجانيين
9 Like

 

 
فنان تشكيلي
2011-05-01 13:13:32
هولاء اللذين على البركة اعدادهم لاباس بها ولكن الاخطر هم المتقمسون الطبول الابواق
19 Like

 

 
حوراني
2011-05-01 13:44:53
ولك يا سامررررررررررررررررررلمتى بدو يكون عنا أمثالك ... لكن هيك نظام ما بشوف ابعد من أنفو بدو هيك شعب ما بشوف ابعد من قعر أنفو يا إما إنت ساذج عن حق وبتصدق الإخبارية يا أما إنك خايف ولأنك خايف بتصنع السذاجة لكي تبرر خوفك
13 Like

 

 
باسل كيلاني قارىء الدومري
2011-05-01 13:48:41
5 من معلقي صفحة سيد فرزات وانا نطالب بمحاسبة من اغلق الدومري و اعادة اصدارها .....منشان ما يزعل السيد سامر لانو عم نحكي باسمه و يصف كلامنا بالمخسرة شكرا على نعتي بذلك الكلام و والاهانة و جرح مشاعري...... رد على تعليق سابق
8 Like

 

 
حوراني
2011-05-01 13:50:20
بما أن غالبية شعبنا بعدو بفكر إنو الشام شامة الله في الأرض وما في دولة صنعت مثل ما صنع هالنظام المصدي بالشام من تطور وعمران لدرجة إنو لما نرجع من الغربة ومنحكي عن البلاد يلي منشوفها بفكرونا كذابين لا تستغرب إنو واحد مثل سامر موجود ويصدق الإعلام السوري يلي صار نكتة العرب حتى إنو بستغربو بالشام كيف نهر بردى بمر من تحت ساحة المرجة فهو إحدى معجزات البعث
13 Like

 

 
حوراني
2011-05-01 14:09:37
الإخبارية السورية من ثلاث أو أربع شهور ولونا الشبل تعلن إطلاق هذه المعجزة التي لم يرى مثلها في البلاد فهي بلا رؤية ولا هدف ولا رسالة ولا إستراتيجية أبجديات النجاح لأي منظمة ولا تعرف أن تصنفها بالإعلام المتخصص أم بالإعلام العام ولا تتعدى أن تكون إخبارية بلا تحليل أو استقصاء ويتصنعون الأدوار الهليودية مع قناة الدنيا
13 Like

 

 
حوراني
2011-05-01 14:12:38
أطلت علينا مدير الإخبارية السورية من قناة الدنيا وتظن نفسها مفيد الوحش وتدعي البطولة بأنها استقالت من الجزيرة لأجل سورية والحقيقة تم استدعائها منذ ثمانية أشهر لتدير هذه القناة
9 Like

 

 
مواطن من الجولان
2011-05-01 14:53:03
اقترح على الاخوة في الجولان المحتل ان يعملو مظاهرة بلكي بيروح الجيش لهناك ..........................بلكي بيخلصهم من اليهود السلفيين
13 Like

 

 
رامز
2011-05-01 14:58:25
تحيه لك إستاذ علي ، نحن فخورين دائماً بك وبفنك ، وغير فخورين على الإطلاق بكون السيد سامر مواطن سوري ، فهو يبدو أنه بنفس المستوى العقلي لمواطنين يعتقدون أن عيشهم بين الشبيحه والأمن هو قمة الأمان ، وأذكرهم بأنه فقط في سوريا لليسار المواطن بالأمن إلا بغياب رجال الأمن ..
8 Like

 

 
شامية
2011-05-01 15:12:12
مزبوط استاذ علي تسميتك للقناة السورية بالقناة الاستخباراتية وليست القناة الاخبارية لانها جملة وتفصيلا يحكمها ويديرها فرع امن الاستخبارات متلها متل اي وزارة او مؤسسة او لجنة او محكمة او اي ركن من اركان سوريا .. وحابة قول للاستاذ سامر اذا متل ماعم تقول هدول هنن المواطنون اللي بيحكو حقيقة واقعنا وهي هي مطالبن وهيك بيفهمو الامن والامان بدي اسألك سؤال مقابلة اهل بانياس والشب اللي حكى عن الحادثة اللي صارت ببلدة البيضة تماما متل ماصارت فيك تقلي التلفزيون السوري ليش مابثها؟؟ هالمقابلة في متلها كتير بس سياسة هالقناة الاستخباراتية مابتسمح بنشر الحقائق متل ماصارت وفيك تخبرني ليش جنازات الشهداء ماعم يبثوها؟ ليش بس شهداء الجيش شو الشهداء من المدنيين مالهن خلق وعالم؟؟ وليش عم يصورو مكان المظاهرات قبل او بعد المظاهرة ؟؟ وفي كتير اسألة بس بكتفي بالاجابة على هدول حاليا وياريت يكون هالرد من قناة الاستخبارات نفسا بس بتمنى لمرة وحدة ماتستخفو بعقولنا ولا بامكانياتنا.. وبتوقع مارح لاقي اجوبة تقنعني او تقنع كتار متلي لان في مشكلة عندن صارت من كتر الكذب ماعاد عرفو شو كذبو وللمثال مو اكتر الجمعة الماضية لما طلعو اهل الميدان ركضت القناة تكذب الخبر واول شي قالت هنن 100 ومو من اهل الميدان ولما انكشفت قالت هدول الناس طلعو شكرو الله على نعمة المطر وكأنو صرلنا عشرين سنة ماشفنا مطر وللمفارقة هي الجمعة لما طلعو الشوام ووصلو لمنطقة القنوات طلع متشدق منهن وقال هي المظاهرة من هديك الجمعة فشوفو الكذب لوين وصل ماهنن هديك الجمعة نفو انو في مظاهرات فتخيل يارعاك الله
11 Like

 

 
ام المندسين
2011-05-01 15:18:32
استاذ علي بدي ياك تقول لسامر بيك وامثاله من يلي عم يدافعو عالظلم وعالاستبداد شو مفكرين العالم لسا هو الحكومه والسلطه والتلفزيون كمان عايشين سنه 1970وبعدين لسا بيقولو ملايين صحيح ما عميطلع بالمظاهرات كثير ناس مو لانو مايدين الرئيس ولا موافقين على كل اعمالهم واصلاحاتهم بس من الخوف لسا مبارح طلع خمسين امراه اعتقلو منهم 11 يعني كل مظاهره بتطلع بيعتقلو ربعها او خمسهاوالله هي حاله قال امان وحريه شو هل الامان والحريه يلي لازم غصب عنا بالصرمايه نايد الرئيس او نروح عالسجن بعدين والله والله لو الشعب بيعرف انو ممكن يكون عنا شوي حريه وما يعتقلو صدقني يا استاذ علي ويا مسيو سامر كانو طلعو بالملايين وانا واحده منهم
10 Like

 

 
sara
2011-05-01 15:32:27
والله ما حدا عالبركة غيرك انت وهدول اللي مفكرين حالن بدن يسقطو النظام والله وصلت لدرجة الاشفاق عليكن بعد ما كنت اول شي مالة منكن ..لا وشو بينط واحد عم يقول انو اللواء طلع تحت تهديد السلاح...يعني عن جد صار بدكن عصفورية
13 Like

 

 
سامر الاجدب
2011-05-01 15:38:37
على البركة ثم ياتي الاهبل ثم الاجدب اما عن الجدبة وهي اخطار الانواع حيث ان سابقاتها يمكن التخلص مها وغالبا ما تاي هذه الحالات عن غير قصد اما الاجدب فهو يجدبها عن سابق اصرار وتصميم حيث الاغلبية من الجدبان يتبنون فكرة ما ويدافعون عنها بكل الوسائل دون الاقتناع بها واهم ميزات الجدبان السير عكس التيار للفت النظر وهذا ما يسعدهم
15 Like

 

 
مهاجر مقيم
2011-05-01 15:49:06
الفنان علي انا اخالفك الرأي و بشدة بتسميتك للقناة السورية بالاستخباراتية فالقناة الاستخباراتية تمتلك من القدرات الهائلة التي تؤثر على الجمهور و ان كانت تزور الحقائق فان المتلقي يحتاج الى كثير من الجهد ومن المختصين لكشف هذا التزوير ولكن بهذه القناة العزيزة فإن الامر مختلف فهي تعرض كما لو انها تقتنع بان جميع من يشاهدها اطفالا لم يتكلموا بعد لكي لا يعقبوا على ما شاهدوه....
9 Like

 

 
كامل الحمصي
2011-05-01 16:19:48
ياترى ما رأي أولئك المواطنين بهدا المسلح المندس بين صفوف المتظاهرين ؟ هل سيخرجون ليطالبوا بحل الحرس الجمهوري وإلحاقه بسرايا الدفاع ؟httpwww.youtube.comwatchvDUktsdh9HAo&featureplayer_embedded
7 Like

 

 
Joana
2011-05-01 16:29:57
لك آخ وألف آخ والله لح يطق قلبي على شعب درعا وكل يوم جمعة بيطلع على بالي جن واطلع بشي مظاهرة وبعقد بتأمل بركي دم هالرجال بشارعنا بيفور لك والله انا عم اغلي من كتر الظلم والقمع و الكذب المقرف وكم بنت غبية حوليي بتقلي مخربين وسلفيين والبوطي يلي بقلي هرج ومرج والقاتل والمقتول بالنار و انه كان لازم الناس يستنوا القصاص وكأنه العلامة عايش بسويسرا والعدل عنا ضارب اطنابه لك والله لح طق وما عادت فارقة معي يعذبوني ولا يقوصوني الاحساس بالظلم اصعب من مرض السرطان بدي موت واخلص لك تفه على فيران الشام وحلب ومية تفه على المحللين السوريين الوقحين يلي ساوونو مسخرة وعم بيحللو المجازر الجماعية عليهم لعنة الله والناس اجمعين ليوم الدين
10 Like

 

 
أبوعبد الإله
2011-05-01 16:53:28
الأستاذ علي فرزات فرحت كثيراًلعثوري على موقعك أعطيك فكرة قد لاتكون جديدة عليك من وعينا على الدنيا ونحن نشاهد الأخبار بغصب واحد وبعدها غصب اثنين برنامجها كالآتي -استقبل ودع اشادة دولية بسورية وحضارتها ونموها قص الشريط الحريري للمشاريع العملاقة أخبار الإحتلال وقتله للفلسطينيين بعدها الكوارث بدول العالم ومصائب الدنيا نخرج من الأخبار وقد ارتفعت رؤوسنا ونظرنا باحتقار لكل دول العالم .فهذا حال ثقافتنا التي ربينا عليها فاعذر سامر يبدو أنه ماعندو دش لذلك عم يحكي وشششششششششششش
10 Like

 

 
أحمد
2011-05-01 17:38:40
هلأ كلام قناة الاستخباراتية عادي بس الغريب أنه كل المواطنين عالقناة السورية يطالبون الدولة بالضرب بيد من حديد وبنفس الصيغة يلي بين قوسين دائما هي مو عفوية هي تحفيظوالحمد لله الشعب السوري متعود عالحفظ أكثر من الفهم من أيام المدرسة حلنا بقا ما نعود على البركة
11 Like

 

 
darwish
2011-05-01 19:35:48
ali ferzat you are the best
8 Like

 

 
ابو مجد
2011-05-01 19:53:12
أكيد ماحدا هون من الثوريين الاحرار ممكن يذكر شهداء الجيش والشرطة اللي بيموتو كل يوم بدون سبب أو قضية ليش هيدول بشر أصلا وعائلاتهن بشر أكيد الحرية برئي البعض هون أغلا من دمهن بس يا حيف على كل واحد بيتخلى عن وطنو الي هو أكبر مني ومنكن وأهم من أي رئيس أو معارضة بس يا حيف.
10 Like

 

 
كامل الحمصي
2011-05-01 19:55:54
إلى سارة من الواضح أنك لست على البركة إنما حاقدة على هالشعب اللي مش عم يركع
11 Like

 

 
سام
2011-05-01 20:02:59
صديقي العزيز علي انا لا استطيع ان اصدق ان هناك حفنة من الشعب السوري المعروف عنه بلرجولة والذكاء وتاريخ مجيد تشهد لنا عليه اثار اجدادنا التي تركوها لنا على كل شبر من تراب سوريا الغالي هؤلاء الحفنة يتغابون ويتشدقوا بلكذب والنفاق وتحت ارجلهم دم الشعب السوري الذي يدفع دمه ثمن للحرية اي عار او اي عار سيلحق هؤلاء ماذا سيقولون لابنائهم او احفادهم عندما يسألوهم عن هذه الايام هل سيقولون لقد كنا مع الظالم ضد المظلوم لقد عادينا الثورة ووقفنا مع الجلاد او سيكذبون وكما هي عادتهم ويقولون لقد ساندا الثورة اي عار سيلحق بكم وبأبنائكم . اقول لهم اتقوا الله في شعب سوريا الذين هم اخوتكم حمى الله سوريا وشعب سوريا
8 Like

 

 
مجرد حر
2011-05-01 20:48:32
أستاذ علي أنت ببساطة.....................................................معلم
9 Like

 

 
التدمري
2011-05-01 21:14:56
المواطن على البركة والوطن على كف .............
10 Like

 

 
دوغما
2011-05-01 21:58:21
الحريه شيء والكرامه شيء آخر أما الأمان فحدث ولا حرج - وقل رب سلني نفسي - دوغما للدراسات النمطيه السوريه
9 Like

 

 
rami
2011-05-01 22:21:55
أولا أي ديمقراطية بدك تجيبا استاذنا الكبير علي كل واحد خالف رأيك ورأي أمثالك صار مختل عقليا لك يا أخي فرضا كلشي ضدك أجدب ما هاد كمان صاحب رأي ولازم تحترموه مو هيك الديموقراطية .....ثانيا لك يا أخي شوفو الثورات العربية العظيمة شو حققت لك كانو العرب يطالبو بوحدة الامة باسم الحرية و الديموقراطية صاروا يطالبو بوحة شرق وغرب ليبيا شمال و جنوب اليمن أجزاء العراق شمال وجنوب السودان ولسا ما شفتو شي ياعرب .ثالثا تذكرو معي ثورة مصر وقطع الاتصالات بطل العالم ظهر وقتها منجي الشعوب العربية أبو الحروف تويتر فتحلون خط أرضي ببلاش رابعايا أخي شوفو لوين الشعوب العربية المثقفة ركز على كلمة عربية جابو شعار صرنا نسمعوا عن جديد الشعب يريد اسقاط النظام حدا من مثقفينا العم ينادي بالحرية انتبه انو الجملة خطأ باللغة العربية الفاعل لايسبق الفعل بالغة العربية يا أستاذنا فهادا يعني انو اجتنا مترجمة جاهزة متل وجبة الماك دونالدأخيرا اذا كلشي حكيتو ما عنالك انت و الناس البحملو رأيك أي شي فهذه مصيبة يا أستاذنا الكبير .
10 Like

 

 
Rami
2011-05-01 23:07:48
ملخص القنوات السورية عندما تاخذ الراي والراي الواحد .. كانك عم تغني بالحمام انت مبسوط وعلى اخر طرب بس عدم المؤاخذة ما حدى سامعك
13 Like

 

 
Rami
2011-05-01 23:18:58
حاج تحكو عشهدا الجيش والامن كلن عراسنا من فوق بس قبل ما تكبر احصائية شهداء الجيش والامن كانو 5 بحسب احصائية رسمية من مصدر سوري حكومي كان مقابلها 300 مدني شهيد على الساحة حسب مصادر حقوقية للانسان هاد الحكي بمنتصف مشوار الازمة بكفي بيكفي انكار طرف والاعتراف بطرف تاني من التلفزيون السوري حرام عليكن كلن ولاد سوريا اذا عم تزعلو على الجيش ازعلو على المواطنيين المدنيين اللي انسفك دمهن اول واكتر بكتير واضعاف اضعاف من الجيش السوري في بالمدنيين اطفال استشهدت ببيوتها وعمرها 14 سنة واصغر في امهات استشهدو وهن مالن علاقة في اولاد تيتمو في ناس استشهدت وهي راحية تجيب اكل لولادها بعد ما ضاقت فيون الدنيا وهن ابرياء ما كانو حاملين الا روحهم بايدهم ما كان في شي بيحميهن لا روسية ولا دبابة واستشهدو حاج انكار لطرف اخر حاج بكفي وعيب وهذه اكبر مهازل التلفزيون السوري اللي اجج الشارع بسببها دم اخوي بدرعا المدني مانو ارخص من دم الجيش او الامن
10 Like

 

 
بدي اقول
2011-05-01 23:24:26
بدي اقول للناس المنتقدين لعلي فرزات انو مجرد وصول تعليقاتهم على الموقع دليل على حرية الراي عتد الاستاذ علي مو متل بعض الماقع الاخرى يللي بتحبوها وجربو اذا مو مصدقين
10 Like

 

 
كامل الحمصي
2011-05-01 23:45:41
يارامي شهداء الجيش من الحرس الجمهوري سقطوا أيضا برصاص رؤساءهم من الحرس الجمهوري والتسجيل المصور للمجند الشريف وليد القشعمي على اليوتيوب مثال ساطع على الجريمة
9 Like

 

 
النسرالمهاجر
2011-05-02 00:02:45
أستاذ رامي .....أسف على إزعاجك و أنا بحق ما بدي حول الحوار لدرس لغة عربية ...بس طالما أنتة فتحت السيرة وقلت أنو الجملة مستوردة .... ممكن من بعد إذنك تعربلنا نحنا الجهلة الأميين جملة الشعب يريد إسقاط النظام مفردات و جمل لو سمحت .... لأنو حضرتك قلت أنو الفاعل لا يسبق الفعل و هادا يعني أنك خبير باللغة العربية و إذا كانت خطأ متل ما حضرتك قلت... أو ما قدرت تعربها و غالبا هادا اللي رح يحصل ....ممكن أطلب من أي جاهل بيعتبر نفسو من هادا الشعب يعربها؟
9 Like

 

 
nadwty
2011-05-02 00:55:13
ما بعرف هنة هدول الناس عا البركة والا عاملين حالون عا البركة بدون سلتون بلا عنب ويسلم راسن وبس صرت اكره نص عيلتي مشان ها الموضوع عاملين حالون مو فاهمنين شو القصة قال شو امارة اسلامية والجيش عم يقضي عليهون والله شعب عم يتغابى
9 Like

 

 
كامل الحمصي
2011-05-02 02:53:05
إلى النسر المهاجر هاي محاولة لإعراب الجملة للاستاز رامي لعل وعسى الفاعل عندما يكون الشعب يتقدم على الفعل لأهميته القصوى فهو متل القدر حسب سميح شقير …. ثانيا يصح للشعب ما لا يصح لغيره ثالثا النظام يأتي بجميع الحالات في مؤخرة أو ديل أو دنب الجملة منعا من الصلف
11 Like

 

 
massoud
2011-05-02 03:52:08
و الله حسب ما لاحظت انو هدول كمان عاملين حالون عم يتضحكوا على الطرفين بس النفاق كان عم يشر منون شر بس انا شايف انو اللي براسو شوية كرامة و وفاء لهل الوطن ولشهدائنا ما رح يوقف قدام الكاميرا و يحط رجل على رجل ويقول هادا الحكي لا حول ولا قوة الا بالله
9 Like

 

 
لينا
2011-05-02 09:23:26
الذي يقول الحقيقة يواجه الكثير من المصاعب والشتائم حتى تصل لدرجة التهديد بالقتل.صارحني ياسيد علي هل تعرضت لمثل هذا الموقف؟.أعاني كثيرا لدرجة أنني لاأجرؤ على الإفصاح عن اسمي الحقيقي..لكن رسوماتي فضحتني وبت لاأجرؤ على العودة للبلد.
9 Like

 

 
Rami
2011-05-02 11:10:58
والله يا اخي كامل الحمصي شي بيقهر عم يسيرو الاخبار متل ما بدهن يعني قاعدين عم يتسترو عالحقيقة كرمال كام عنصر امن ما يتحاسب واخر فترة كل الوقت عم يحطولنا جنازات لامن وجيش لك الله يرحم الشرفاء منن ما عم قول انكروهن لهدول كمان بس صدقني لو هالشي ما بيخدمن لما عترفو فيهن اصلا عدد الامن والجيش ما كتر الا بعد ما سمعنا انو في انشقاق بالجيش وفجاة نط العدد من 5 الى 40-50 شوف النفاق اللي هن عليه بحطو العسكري بموقف يا بتقوص يا بتموت والله العظيم هي جرائم من مافيا اجهزة الامن اللي عم تعمل كل هلاشي كرمال يبقو على كراسيهن بدن يعملو من دم الناس بساط يمشو في لبر الامان واللي بيزعجك ما حدى عم يحاسب كلو عم يتفرج بس وقليل اللي عم يعرف الحقيقة ويا سيدي في ناس مصدقتن اقسم بالله كل يوم قلبنا عم ينحرق عاخواتنا بدرعا الله يفك عنن ويخلصنا من هيك مافيات باقرب وقت
9 Like

 

 
ahmad kh
2011-05-02 13:20:07
يا اخي سامر يا عمري يا روحي ليش كنا عم نقول عن احداث مصر وتونس وليبيا واليمن وبركز حصراااا ليبيا انو ثورة نزيه وشريفة ومن حق الشعوب ووصلت فينا انو القذافي مجرم وهاد طبعا على قنواتنا المحترمة السورية طيب القذافي مواقفو بشكل عام متلنا تحدي وصمود ودعم وما وقع اتفاقيات وفوق نحنا كنا على توافق معو بشكل دائم ليش ليبيا ثوار ومن حقون الثورة ونحنا مندسين واراهبيين وفي مخطط استعماري غربي اسرائيلي على سوريا علما انو عمر النظامين السوري والليبي نفس العمر تماما وهون السؤال؟؟؟؟؟؟ ليش ليبيا ثوار وثورة نزيه والشعب السوريي مندس بتمنى حدا يجاوبني لانو صار عندي خربطة بهرمونات الوطنية والقومية والتحدي والصمود
9 Like

 

 
مواطن هربان
2011-05-02 16:26:29
والله ضحكتني من كل قلبي يامواطن مقهورالله يبعد عنك القهر ويزيدك سرور
7 Like

 

 
ميداني
2011-05-02 19:43:41
بصراحة حاسس سوريا بلد الببغائات معقول لكن الاخبارية والدنيا تنزل على الشارع و تسمعنا حكي هو عبارة عن قرارات السلطة
7 Like

 

 
بانياسي
2011-05-02 21:17:04
إن غدا لناظره لا قريب
7 Like

 

 
كامل الحمصي
2011-05-02 23:56:47
يا رامي لقد قتلوا القتيل ومشوا بجنازته مساكين شهداء الجيش قتلوا مرتين مرة بالميدان ومرة بالتشييع
9 Like

 

 
خبر عاجل
2011-05-03 02:47:30
التلفزيون السوري يعرض صورة بطاطاية سلفية كامشينا عن جديد وقال شافو حزام ناسف جواتاديرو بالكن يا جماعة اوعى حدى ياكل بطاطا هالفترة لانو بدو ينضب هو والبطاطاية سوا
9 Like

 

 
Rami
2011-05-03 03:11:00
خيي سامر بما انك عم تستشرف بعض الرؤساء.. وهل تستحق تلك الكرسي اراقة دم مواطن واحد لو هم شرفاء لما غفى لهم جفن وهم يعلمون انه بسببهم قتل مواطن واحد فما بالك بشلال الدم وعدد لا يحصى من الشهداء من اجل ان بقاءهم طبعا نتحدث لو كانو شرفاء وبهم ذرة كرامة لا نريد منه ان يخافو على الوطن فجاة ويعتبروا انفسهم مناضلون ضد الاحتلال الشعبي وضد الامبريالية الاستعمارية الشعبيةنريده بكل بساطة يسمع لصوت الناس اللي بالشارع يقدم استقالته ويمشي لان بعد هلأ مافي شي بيبقى بالزور هيك بتبقى البلد بخير وللافضل باذن الله بكتير كتير اما اذا قرر المناضلة على الكرسي فوقتها الله يرحم بلدنا لا سمح الله الله يحمي سوريا يارب وشعبها من كل مكروه
8 Like

 

 
محتار
2011-05-03 07:25:50
الاستاذ علي المحترماسمحلي احكي بالعامية وقول.....حاج نتخبى ورا اصبعنا و نقول انو مافي طائفية بسوريا...لا يا سيدي في و مكترة كمان والمسؤول – بنظري- هو النظام اللي مفهم الكل-عن قصد- انو في اقلية دينية حاكمة و اخرى اكثرية مسحوقة ..مع الاسف الكل مصدق مع انو هاد الشي صحيح جزئيا او اقرب ما يكون الى غير الدقيق...انا ياسيدي موعاجبني هالنظام ولا بحبو مع اني اعتبر من الفئة الحاكمة......قبل ما نسقط النظام لازم نطمن الاقليات وشوف كيف رح يكونو اول صف بالثورة . للاسف وسائل الاعلام الرسمية عم تتعمد تجنب هالموضوع بدعوى رجاء بلا مانتطرق للامور الطائفية كونها غريبة عن المجتمع السوري...يا سلام وينو افلاطون يهنينا؟ والاعلام الاقليمي مانو بريء لانو عم يلعب عالحبلين...يعني اذا كفت الاوضاع هيك بيسقط النظام و بتكون سوريا على اقل تقدير مهيئة لخلافطائفي اما اذا ما سقط بيضل التوتر موجود بانتظار هجمةتحالف جديد.ختاماحاج نقولانا مابيهمني شو انت...انا بحياتي ما سالت فلان انت شولا ياسيدي اسال وناقش و قول انا هيك و بشوفك انو فلسفتك هيك واتقبلني و انا بتقبلك...ياناس اتعصبو لوطنكن و غلبو الوطنية على الطائفية.و بقول للنخبة المثقفة ...انتو ما بيهمكن فلان شو و رئيس الوزراء شو بس بدرجات ويا سيدي بلاها الدرجات شوفو كم واحد بتطلعو وشو عم تعملو حتى توعو و تثقفو الناس...بس للاسف...ماحدا عم يعمل شي لانو بدرجات.الاستاذ علي كنت قرات على موقعك انك عم تفلتر اي شي بيستخدم الطائفية احتراما مني لرغبة صاحب البيت حاولت ما اذكر الطوائف باسمائها مع انني كنت اتمنى ان افعل
10 Like

 

 
Rami
2011-05-03 11:33:59
صديقي العزيز محتار بداية بدون الدخول الى الطوائف والاقليات انا بس بحب خبرك انو تاخد الموضوع بها الحالة هي الشعب في مرحلة هيجان بدون تعقل نتيجة الكبت الماضي وشلال الدم الحالي في مطالب وشعارات وليدة اللحظة يعني غير مدروسة ولا احد يقود تلك المظاهرات بمصر مثلا هناك شباب نظمو انفسهم وخرجو بشعارات ولوحات واعتصمو لايام وما حدى قرب عليهن عنا يا سيدي والله اللي عم يطلع خايف يمسك ورقة لذلك 3-4 الشعارات ارتجالية ومن اشخاص البعض فاقد الاعصاب لموت اخوه او اختفاء ابوه وهيك ... اللي بدي اشرحلك ياه يا اخي العزيز ان لو حاليا غلبت الشعارات اللا عقلانية او المتطرفة وطبعا منحكي ببعض الاحيان فاملنا وهاد باذن الله متاكدين منه بعلماءنا المختبئين حاليا العقلاء انهم يسيطرو على الوضع املنا بالشعب المثقف انو بس يتاح المجال يصير هو يقود الاعتصام ويوجه الشباب ويمنعهم من بث اي كلام غير محبب رح تصير حملات توعية ومنظمة ومن شباب وعلماء وشيوخ وانا مستعد كون اول واحد وشارك فيها بس يا اخي حاليا مافي مجال مافي لاي تجمع كل مين بحاول يحكي كلمة بصير ببيت خالتو بدي ئلك ياه الثورة العفوية الخالية من اي قيادة حكيمة اكيد بتحوي اخطاء لا تنظر لها حاليا هذه اخطاء تحت السيطرة دامو اغلب شعبنا واعي وما بالعادة حكينا بامور طائفية نحن بدنا نحاسب كل مخطئ وفي كتير اخطاؤو بحق هالشعب وهالوطن من كل الاطياف مصطفى طلاس - عاطف نجيب مثلا صدقني الشغلة ما واقفة على طايفة معينة اما شعارات صارت تتردد باللاذقية بوقاحة من طرفين فلانو الشعب الطالع للاسف خبرتك بدون وعي او شخص حكيم يمشي هالمظاهرات تفائلو بالمستقبل ونحن وانتو والاستاذ علي الكل مستعد يوعي الشعب هي مسؤوليتنا كلنا وقت يتاح المجال وانا شايف الاغلبية واعية جدا جدا لا تخاف خلينا متفائلين ويد وحدة والله يحمي بلدنا وشعبها من كل مكروه
8 Like

 

 
الى سارة
2011-05-03 12:24:00
كلامي موجه لسارة يالي مو مصدقة انو لواء بيتهدد بنظامها الممانع الي بيسمع كلمة لواء بقول طاب الموت فيكي تقولي شو بيسوى اللواء او العماد او نائب الرئيس او رئيس وزراء قدام رقيب من بيت الاسد او مخلوف اكيد ولا شي واذا بدك تعرفي وين اللواء محمد الرفاعي وشو شغلتو هلأ انا بقلك بتروحي على درعا في مكان اسمو المحاربين القدامى لاحظي المحاربين القدامى والله بتصيبو رهبة الواحد من هالاسم الكبير وبتفوتي لجوا بتلاقيهم الالوية والاعمدة ومابعرف شو المنتهية صلاحيتهن عند نظام بشار الاسد عم يلعبو بلياردو ليرفهوهن قال والله ماعم اكذب عليكي بعرف مارح يعجبك هالحكي وياستي يكون بدنا عصفورية احسن من المقصبة الي فاتحنياها نظامك المقاوم كامل احترامي ومودتي لكي وللجميع
8 Like

 

 
احمد الرفاعي
2011-05-03 12:28:32
بكل فضائيات العالم لما بيطلبو موظفين لاقنيتهم لازم يكون عندن خبرة بالاعلام والصحافة الا بقناة السورية لازم اول شي خبرة في الامن الجنائي لمدة لاتقل عن 3 سنين وخبرة بالامن السياسي ولازم تكون من كتاب التقارير وموضوع الكذب لاتحكو فيه اذا ماكنت كذاب كبيييير مارح تنجح ورح يرسبوك وماينولك الشرف وتشتغل بهيك محطة عريقة
8 Like

 

 
mo7tar
2011-05-03 19:35:35
الى اخي رامي....تحية طيبة.....حبيت كلامك ولكنرح استخدم عباراتك و ناقش افكارك..........-علمائنا المختبئين حاليا العقلاء-انو ما في ولا واحد منن قادر يطلع عالاعلام او يعمل شي مدونة ويحكي ويشرح..مو بسوريا يا اخي برا بالمنفى بالاغتراب...........-الشعب المثقف- غياب المجتمع المدني بيضعف الثقة باي نخبة مثقفة وغياب النخبة في المنفى او الاغتراب عن منابر التوعية بيعزز عدم الثقة...........-حملات توعية من شباب و علماء و شيوخ- لازم تصير هلأ مو بعدين واعذرني يا اخي لما ساقوله بس اذا وجد عالم او شيخ من اي من الطرفين يدعي للمحبة و السلام رح يطلع عشرة من الطرفين يكفرو ويحللو .... -الاغلبية واعية جدا جدا-ما شفتها بالاسابيع الاولى .. رح تقلي بيروحو على بيت خالتن...بقلك اذا هلأ ما استطاعو يعتصمو صامتين و رافعين شعار لا للتعصب والطائفية-مش لا للنظام وبدنا نسقط النظام- كيف بدنا نراهن عليهن بعدين..........خلاصة القول....اذا كان بدنا التغيير لازم نكون منستاهلو-كما تكونو يولى عليكم-انا بشوف انو الطريق الى التغيير لازم يمر بمرحلة قبول الاخر من بعدها منستحق الحرية
8 Like

 

 
Rami
2011-05-04 01:33:19
صديقي العزيز محتار لا يمكن انكار كلامك واتفق معك باخر جملة قلتها انت اننا يجب ان ندخل بمرحلة الاعتراف بالاخر حتى يتم الحصول على الحرية بدون دفع ثمن باهظ اكثر من اللازم .... باعتقادي اخي محتار ان كل ما يحصل هو تحت السيطرة حتى الان يعني نسبة من يقوم ببعض المحرمات الوطنية عدد قليل جدا واعيد لاقول شعبنا مسالم وبقينا 40 عام يعني جيل كامل بدون حروب يعني شعب مانو دموي ابدا لذلك انا ارى ان كل ما يحصل حاليا هو تحت السيطرة الا اذا تم دعم المنطقة باشخاص من الخارج عمدا لا سمح الله وباذن الله هذا لن يحصل فلنكن متفائلين بهذا الخصوص بالتاكيد لكل شيئ مخاطر وثمن ونتمنى ان لا يكون الثمن باهظ كما قلت لك .... اما بالنسبة لعلماء الدين معظمهم التزم الحياد خوفا او بسبب الضغوط الكبيرة وهناك اقلية قليلة جدا جدا من اعلنت الفتنة بشكل لا يخدم مصلحة الثورة والوطن حتى ككل ويشحن الحقد الطائفي الذي لا يبحث عنه اي شريف عموما دعنا نتحدث بالارقام كل من قام بذلك لا يتعدى عدد الاصابع داخل كل سوريا هذه نسبة منطقية وقليلة وعادية ولا تخيف بالتاكيد يجب ان تبدا حملات التوعية لنعر الطائفية ودحرها من الان لكن للاسف نحن الان تفتقد لشعب جريئ ومنظم يخرج بدون خوف من الموت وتفتقد الى حكومة ايضا تستوعب التجمع حاليا ولا تقمعه باسلحة منوعة او تعتقل. كل من يتجمع... الارض غير صالحة للاسف من الطرفين كما قلت انت حاليا مجرد سقوط الخوف او اخذ ضمانات بعدم ايذاء الناس ستجد كثر وكثر جدا من سيدعون الى الهدوء والتعايش كما كنا وما زلنا وسنبقى باذن الله سوريا للجميع تحوي كل الاطياف والاديان بدون اي حقد او ضغينة لك تحياتي
7 Like

 

 
رائد ابو بكر
2011-05-04 05:18:44
يا علي عيش يا كديش لينبت الحشيش بيعني عبتحكي على كمن واحد عملت معهم القنوات الوطنية اللي بتحقد عليها انت وهالكمن وطواط وناسي انو لشعب قال كلمته لما نزل بمسيرات قدرت بعشرة ملايين في حلب ودمشق وما تقلي بالعصا لان الجميع يدرك ان كل مواطن كان يستطيع اتخذا موقف الاعتكاف في المنزل الا انه شاء التعبيرعن وقوفه الى جاب النظام هؤلاء هم شباب سورية الحقيقيون والباقي جماعة بانياس ودوما وهالكمن مرتزق بدرعا مثل النابلسي وغيرو من اللي شفتهم وما علقت عليهم بكلمة هدون حيمثلوكون او تمثلوهون انتو ذي بعضكون
7 Like

 

 
أبو الإيد
2011-05-05 01:46:22
بس حابب ضيف شغلة وحدةلاحظت إنو الموالين للنظام أو المعارضين لمعارضة النظام بيعملوا like كتير لبعض.هالشي بذكرني بكتاب البجعة السوداء لنسيم طالب اللي بقول إنو الإنسان بيبحث عن التبريرات لمواقفه مهما كانت التبريرات سخيفة وسمى هذا السلوك the error of confirmation.يعني العلماء والفلاحين، الدكاترة وستات البيوت، الطلاب والصنايعية كاشفينكن، مشان الله اكشفوا حالكن بقا. شغلوا هالطاسة اللي إنتو حاملينا
5 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 12 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011