اسمحولي اترك الفصحى لعيت كتير بالفصحى وما كان البلد يصحى بيسْكَر من كذا بطحة وقلبي من الوجع موجوع ظلم كبير قهر كتير فقر ومذلة وتعتير خايف لسه من التغيير ؟ ماعم تعرف شو حيصير؟ لك شو عنا غير الجوع ..؟! واختلط الحابل بالنابل والشيخ اتفق مع السافل بدكون حرية ؟؟ يا باطل سكرلي الجامع ولك عاطل ما بقى في مسجد .. ممنوع ! شو خصك انت بهالحالة والناس كلها شغالة على رقص وزمر وطبالة والساحة تعبّت خيالة بدك تستمتع بالحالة بلدك عم تبكي بلا دموع بيتك تكييفو شغال ؟ ابنك جبتلو الجوال ؟ مرتك رضيانة بهالحال ؟ وسوريا يشيلا الزلزال ما تسأل عن هالموضوع ما بتستحمل صور الموت ما بتقدر تسمع هالصوت طفي الضو .. قعود سكوت سد دانك .. صوتن مسموع صحصحلي شوي محتاجينك شوف كويس ينصر دينك عيش الثورة وعلّي جبينك شد الهمة .. الله يعينك سوريا .. راسك مرفوع
بقلم : نور السوري
عن موقع المندسة مع الشكر
apolo
2011-08-07 13:58:03
رائعة . من القلب الى القلب
7 Like
فنان تشكيلي
2011-08-07 14:48:46
الكل عم يقول بحب البلد وما بدو خراب البلد ولما تسالو انت مع الثورة ام مع النظام بيقلك انا مع البلد وسلامتو بس هو ما بدو يعمل شي لايطلع بمظاهرة ولا ينقض النظام ويمكن يتجراء يحكي عن العصابات كيف عم يخربو وخاصة اذا كان في ناس غربة بالقعدة طبعا بيخاف على حالو هو ما بيعرف انو اذا وقف مع الثورة ممكن يقلب المعادلة ويخلص البلد من النظام المجرم ويوفر تدخل اجنبي نحن ما بدنا ياه هو ما بيعرف انو سكوته عن جراءم النظام يعتبر خيانة للبلد والشعب ولسا بيقلي سلامة البلد
14 Like
jarthoom
2011-08-07 15:14:49
ما بعرف شو بدي قول...ما رح قول شي...شكراً لك...الإصابة...في القلب مباشرة
6 Like
سليم
2011-08-07 16:17:37
إغلاق المساجد ضرورات تبيح المحظورات - السجود على صورة المخلوع أمر عادي لاتحرمه الشريعة - قتل الأبرياء فديته إطعام مساكين الشبيحة أو صيام أيام معدودة- الرقص المجون عبارات الكفر والشرك العلنية كلها مباحة مادامت تمجد ولي أمر المشبحين
7 Like
نيران صديقة
2011-08-07 17:16:37
ارفع راسك علّي الصوت ..الشعب السوري ما بيموت
9 Like
محمد التيناوي
2011-08-07 19:14:07
الى الأخ فنان تشكيليولا يهمك .. أنا من بلاد الغربة كنت هيك بس ما بيحق الا الحق .. كنا عم نقول انو بنحب البلد و بدنا تنتهي الأمور على خير و بأي شكل .. بس يا حبيبي النظام ما خلانا نستمر مقتنعين بهي الفكرة .. فكرة الحيادية يلي كنا نعتقد انها ايجابية و الحقيقة انها سلبية .. النظام هو نفسو بأعمالو دفعنا دفع لنكون من أهلنا و شعبنا.... فلا تبتئس أرجوك
12 Like
قاسيون
2011-08-08 01:03:20
رائعة جدابتنفع تكون اغنية بتطلع بتجنن يعني لو بينوضعلها لحن حلوبتصير على نمط اغنية بدنا نعبي الزنزاناتالى الاخوة اللي الهم بموضوع الالحان والتوزيع انهم يتبنوها بشكل عاجل ولكم جزيل الشكر
5 Like
syrian_eagle2011
2011-08-08 11:38:35
بتزبط ... أغنية راب
5 Like
علووووءة
2011-08-08 17:54:14
تصلح لتكون أغنية راب بكل سهولة أرجو من أي أحد تأديتها رائعة بدأت بترنيمها على طريقة الراب ظبطت
5 Like
معجب حتى النخاع
2011-08-10 12:58:01
إذا بتنعرض الكلمات على شي فرقة غنائية بتطلع كتير ناجحة....لازم نستغل كل شي بيأثر بنفسية الناس .....
5 Like
ahmed
2012-04-18 19:19:27
جيد
1 Like
