ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-05-02

وي وي وي وي وي وي وي وي وي صديق لي من السلمية صحافي روى لي هذه الحكاية..قام مخبر بالواسطة في مدينة السلمية..باولى خطواته في كتابة التقارير عندما كان حاضراحفلة عرس واذ بقتيل يسقط امامه من على السطح كان قد اصيب من جراء اطلاق الرصاص احتفالا بالعرس..وقدم تقريره لرئيس الفرع واصفا ماجرى على النحو التالي.. بينما كنت في العرس ..واذ سمعت طاخ طيخ.و مالقيت الا واحد..طم غم وقع من على السطوح وصار بحضني.!!والناس ..يافكيك!!بعد شوي اشتغل الخبط واللزق بين العالم.. مديت ايدي عالفرد ..وخر طق سحبتو..وصرت اضرب بالهوا حام حيم..واشتغل الركيد على ابو موزة!!بعد شوي اسمعت واو وي وي وي وي وي..شالو القتيل ودمو حميمو..وطظ بظ ماضل حدا...!؟؟؟والخلود لرسالتنا

52 Like

 
شاغوري
2011-05-02 04:22:09
لك لسا هاد احسن من شباب حارتنا....شباب الشاغور قررو يساو لجنة شعبية ع باب الصغير لتوقف كل السيارات الغريبة عن الحارة .مع العلم انو 90% من السيارات يلي بتصف بحارتنا هنن لمطعم برجيس لابن مسوؤل بالجيش و مع العلم أنو الشغيلة يلي بصفو السيارات هنن مخابرات و في سيارة تكسي داسيا كل يوم بتصف بحارتنا فيها 3 عناصر وبينامو فيها بالليل..... و مع هاد كلو وقفو الشباب سيارة شحن فيها مندسيين....ماني متأكد لسا بس يمكن الأمن الجنائي اعتقل سيارة جاية من أدلب وفيها زيت بلدي لمحلات البزورية. الله يخليلنا شباب حارتنا العاطلين عن العمل و يخليلنا الأمن الجنائي و سيارة الداسيا و مطعم برجيس لحمايتنا من الزيت البلدي
26 Like

 

 
massoud
2011-05-02 04:39:04
ههههههههههههههههههههههه والله يا استاذ علي من امثالو كتيييييير عنا بالحارة تصور باحد المرات سافرت على بيت اهلي بالقامشلي ولسا مانزلت على الحارة واذ اتفاجأ بالمباحث على باب بيتي وبدون ياني صراحة تفاجأت انو وصلون الخبر بسرعة البرق طبعاً هربت ههههههههه
6 Like

 

 
سامح هلال
2011-05-02 06:57:48
بربك ما طلع معك أبيخ من هيك؟
8 Like

 

 
daraa eagle
2011-05-02 10:19:57
عندي سؤالين الاول ليش دائما شرط بعنصر المخابرات يكون ابن شوارع مو متعلم و لسانه طويل؟؟؟و التاني ليش الجيش اللي عم ينقتل ما في جرحى هن من طائفة وحدة سنية ..؟؟؟؟؟؟؟؟؟؟؟
11 Like

 

 
فنان تشكيلي
2011-05-02 12:44:26
على حسب علمي انو معظم عناصر الامن لم يصلو الى مراتب الشهادة الاعدادية باحسن الاحوال ولكنهم بالمقابل درسو وتعلمو الكثير في صفوف الحزب لقد جند هولاء لحماية القائد ثم القائد ثم القائدوقد وصل بالكثير منهم بان يعبد القائد مثل الشاعر المثقف جدا الذي اتصل على التلفاز السوري والقى قصيدة وقال فيها البعث ديني وبشار ربي فتخيل يارعاك الله من يحكمنا
15 Like

 

 
هيك لكان
2011-05-02 13:06:35
والخلود لرسالتنا
6 Like

 

 
أماني
2011-05-02 14:32:18
والله يا استاز علي كان في مظاهرة حلوة كتير بسلمية الجمعة حاملين أعلام سوريا شباب و صبايا متل الورد و رجال كبار و نساء و عجائز و من كل الأطياف فجأة ظهروا المندسين مسيرة مؤيدة بالميتورات و بلشوا يفوتو بين هالعالم و يفرقوهم جلس المتظاهرون على الأرض و رددوا حماة الديار عليكم سلام و لكن هذا لم يثني المندسون عن تخريب و محاولة دهس المتظاهرين و بدأت أعداد الميتورات تتزايد و هم يتصرفون بعنجهية و عدوانية منقطعة النظير ثم بلش طق الرصاص و زخ الرصاص على الناس العزل يا حيف و علق الدق ببيت زيدان على قولة أهل سلمة وبلش الركض وهدا يلي صاير يا حيف بسلمية و يا يما و يا حيف
11 Like

 

 
ديانا
2011-05-02 19:02:14
مافي اسهل من التخريط خرطو شو حدا بدن يحاسبكن عالفيس بوك كلو ببلاش بس الخط الاعوج من التور الكبير عفورا قصدي الرسام علي بك الكبير
9 Like

 

 
شامية
2011-05-02 19:13:30
سؤالي للاخ شاغوري باعتباري انا شاغورية متلو .. ياترى لسا في شباب او رجال بالشاغور؟؟ ولا كلن تحولو لتجار وهمهن الوحيد يلمو عملة ..او تحولو لمسّيحين جوخ وكل يوم ببوسو الايادي كرمال يمدو البسطة كم سم لقدام محلاتن .. وانا رح قلك عن البقية اللي ما من هدول ولا من هدول طمعو وباعو بيوتن اللي استملكتا الدولة بحجة المحافظة على مدينة دمشق العتيقة وكل شي بكون داخل سورها فهو من ممتلكاتا باعوها كرمال يواكبو الموضة وحولوها لمطاعم ومتل ماقلت كل هالمطاعم للمسؤولين يعني باختصار الشاغور ماضلت شاغورنا اللي بنعرفا يمكن نحنا صرنا المندسين فيها مو غيرنا
11 Like

 

 
شامية
2011-05-02 19:19:37
اهم صفة بتجمع اصحاب هالتقارير هي الغباء وهالغباء مستفحل بشكل فظيع من اكبر راس بالفرع لاصغر عنصر ... مرة من هالزمان اجا لعند خالي واحد من هالاذكياء وكان عم يحكي عن امجادن من سياق الحديث قلو هالذكي لخالي ولي مصيبة انت اذا بتشتغل معنا قام ضحك خالو وقلو لا اتطمن مافي مكان للفهمانين بينكن ...
10 Like

 

 
إياد
2011-05-02 20:04:46
حلوة .. أخدتني برحلة على مدينتي السلمية وزكرتني بنهفات أهلها
6 Like

 

 
دوغما
2011-05-02 21:53:36
المضحك المبكي - قصه الرئيسيه وقصة شاغوري توضح نتائج عملية أصلاح نوعيه تقوم بها الحكومه من كذا السنه لأنشاء جيل شباب نوعي وتأسيس مجتمع سوري نادر لا مثيل له في الكره الأرضيه - دوغما للدراسات النمطيه السوريه
7 Like

 

 
فنان تشكيلي
2011-05-03 02:16:44
ديانا شو بتقربك سار انا شايف انك كتير بتشبهيها يمكن بلسانك او بمخك ولا شو رايكم شباب
14 Like

 

 
شاغوري
2011-05-03 08:40:14
احلى شامية....والله معك حق بس لسا في عنا مخبرين كتير بالحارة و اصلهون من الحارة كمان و الكل بيعرفون...في بقالية باحدى حارات الشاغور و صاحبها صار ختيار هلئ. من وقت وعيت ع الدنيا بتذكر المحل متل ما هو. ما بيبيع غير مسكة سهام و منطاد و شبس خالصة مدتو من سنتين و ما حدا بيشتري من عندو...بس موقعه الاستراتيجي بالحارة بيسمح لكتابة التقارير مشان هيك فاتح الأخ. سؤالي للشباب الطيبة...شلون بتعرف المخبر العوايني؟ يا ريت استاذ علي يسأل هالسؤال لنشوف شلون بيعرفو الشباب
8 Like

 

 
ام المندسين
2011-05-03 15:32:19
استاذ علي مو المشكله بيلي عم يكتب التقارير المشكله بنظامنا الشاب المثقف يلي عايش على هذه التقارير وجوده واستمراره مرتبط بهذه التقارير مع حزمه فساد هذا النظام المجرم الفاسد يلي عايش على دم الشعب وعرق الشعب وذل الشعب هو يلي عم يشسمح بهذه الممارسات من اجل بقاؤه
9 Like

 

 
مشروع معتقَل
2011-05-03 23:23:52
والله ياديانا ...بعتقد أنك بتقربي المخبر بالواسطة ...وما بتحبوا حدا يحكي على المخبرين لانه مين بيحكي يعتبر انه يسيئ الى الوظيفة العامة .. عفوا العواينية.. شبيحة انترنت فعلا وشبيحات ههههه
10 Like

 

 
رعد
2011-05-04 01:58:45
بتصدق ولا لأفي واحد جارنا مرة كتب تقرير بأبوه والده والشباب لما جابو الأب سألوه فلان شوبيقربك قالون ابني قالولوا الله لايخليلك ياه
9 Like

 

 
evrest zenga
2011-05-08 22:31:41
عندما كنت ادرس في بلد اوربيالسفاره السورية كانت تدفع ١٠٠دولار لتقريراحدهم رفع تقارير عن كل الطلاب ولم يبقى احد سوى اخيهفرفع به تقرير.
6 Like

 

 
ghost.sy
2011-05-10 00:03:21
شباب شفتو أنو كل فرن خبز بتلاقي صورة بشار ملزوقة بخلقة المواطن اللي جاية ياخد ربطة خبز بما أنو موقع أستراتيجي.
5 Like

 

 
reema
2012-01-02 12:00:08
ههههههههههههههههههههههههههههههه
3 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 70 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011