ali ferzat
ali ferzat

تسجيل دخول


اسم المستخدم :
 
كلمة المرور :
 
 

كاريكاتير


Facebook



2011-04-03

 

(يلي ماإلو قديم ماإلو جديد) هذا هو المبدأ الذي تمشي عليه الحكومة الجديدة ودليل التلاحم الشديد بين أعضاء الحكومة القديمة قرروا تعيين وزير الزراعة على مبدأ (يلي بتعرفه أحسن من يلي بتتعرف عليه) لكن دعونا نذكركم بأهم إنجازات رئيس الحكومة الجديد :أولا ً.....:جفاف منطقة الجزيرة التي أدت لتهجير أكثر من مئتي ألف عائلة في أكبر هجرة داخلية عرفتها البلاد؟؟!! ......ثانياً.......... تدمير احتياطي القمح وتحويل البلد من مصدر إلى مستورد ؟؟!!.........ثالثاً ......تراجع انتاج القطن مما أدى إلى ضرب الصناعات التحويلية.؟؟!!.........رابعاً...... فساد الصحة الحيوانية ..؟؟!! فعلا يبده أن المكتوب مبين من عنوانه لذا نقول اللهم عجل بسفره وألحقه بشلته قبل أن يتسبب بتجفيف البلدآآآمين...!!


56 Like

 
دوغما
2011-04-03 23:12:51
بالفعل خيار خاطئ .. لوقف حمام الدم تمنيت أن تعين سهير أتاسي رئيسة وزراء
24 Like

 

 
nothing
2011-04-03 23:18:26
اللهمى آآآآآميــــــــــــــــــــن .........
15 Like

 

 
سوريا منصورة
2011-04-03 23:22:56
الحمد لله طلت علينا باكورة انجازات الحكومة الجديدة ... حملة اعتقالات تشمل المئات بكل محافظات القطر ... الله اكبر ..هذا هو الاصلاح؟ واخيرا تعرفت عليه .. سمعت عنه كثير بس ما كنت بعرفه ... متله متل الحرية بنسمع عنها كمان .. يا ترى شو رح يطلع هاي الحرية كمان؟ يمكن يرسلولنا تسونامي ويقولوا هاي الحرية
15 Like

 

 
مناضل للحرية
2011-04-03 23:27:39
بدك مين تتعين رئيسة وزراء يا دوغماشو مفكر حالك ببلد حريات يا أخروح على بيتك قبل ما اعتقلك.....امشي....
14 Like

 

 
ابراهيم
2011-04-03 23:29:02
صديقي هذا التعيين إن دل فإنه يدل على تخبط و على عطل في البوصلة كلمة يحب بشار الأسد استعمالها. هذا الرجل و بحسب معرفتي لا يتمتع بأقل حنكة سياسية ولا أدري ما هي المهارات التي أتت به إلى هذا المنصب. ربما كان كرشه باعتبار أن الإتجاه مؤخرا مال إلى تعيين أهل الكروش. على كل حال لن يطول به المطال فالأمور تتجه باتجاه.... كلنا نعرف أي اتجاه
14 Like

 

 
مسوس وصايبني جفاف
2011-04-03 23:29:54
يبدو أن الجفاف وصل للعقول، فلم يجدوا شخصا أكفئ من المذكور لتولي رئاسة الحكومة
15 Like

 

 
cavalier
2011-04-03 23:47:01
يعني انا والله رح انجلط معقول؟؟؟؟؟ لهالدرجة فقد القدرة على استقراء الاحداث ام كل ماحدث كان على كوكب زحل كم من مواطن سوري حائز على اعلى الشهادات في الادارة من ارقى الجامعات في العالم عادل سفر رئيسا للوزراء لك اخخخخخخخخخخخخخخخخخخخ من قلب مجروح
15 Like

 

 
saeedbshoftak
2011-04-03 23:55:30
هذه الانجازات هي عز الطلب ..ليبدأ مجلس الشعب منذ الآن ..في سب أبي لهب ..
14 Like

 

 
Free man
2011-04-04 00:01:51
يعني الواحد ما عاد عرف شو بدو يحكي امام هالكم الهائل من الغباء بالتعامل مع الموقف ما فينا نئول غير نئول لا حول ولا قوة الا بالله
13 Like

 

 
حسين الطويل
2011-04-04 00:14:19
وضعتنا امام خياريين ياستاذ على اما نجيب سياره جديده او نصلح القديمه ويلي بدو الجديده بدو يدفع ثمنهااويقسطها على سنواتبجميع الحالات بدو يدفع او حدى يشترها ياريتك اخترت غير السياره يااستاذ علي هيك حيرتنا
15 Like

 

 
مواطن مقهور
2011-04-04 00:16:32
إلى الأخ ابراهيم مابدها2 يحكو فيها.. انت قلتها لحالك... المطلوب أبو جندل... بوصلتو تعمل على الريموت وكلنا منعرف الريموت بإيد مين
12 Like

 

 
moatn
2011-04-04 00:24:25
قال احدهم لانريد تغيير السرج انما نريد تغيير الحمار
14 Like

 

 
نيران صديقة
2011-04-04 00:33:39
نسيت الفشل الاداري ...نتمنى له التوفيق على اقل تقدير ريثما يتم اصلاح هذه السيارة في مطلع الألفية القادمة ...لأ اكيد مبين من عنوانه ...المكتوب
11 Like

 

 
ابن البلد
2011-04-04 00:36:53
ايــها الشعب دقــت ساعة العمل دقــت ساعة الانتـصاردقـت ساعة الحرية الى الامام الى الامامنـــــــــــعم تخـــبط وتــــخبــط و تــخبطلم نعد نعلم من هو الذي يتخذ القرارات في هذه البلاد هل هو ماهر اما آصـف ام بشار ام الحزب ام الشيخ بدر الدين حسون عميل هذا النظام ......ارى ياسيدي ان النظام يعطي فرصة للشعب كي ينجح في ثورته ........منــذ الخطـــــاب وحتـى الان لم نجد اي شئ عملي على ارض الواقع الى القرارات الغبية التي تتخذها هذه القيادة الغبية بس بدنا نعرف اول ما استلم الحكم قال انه استلم سيارة قديمة ومابيقدر يسرع فيها وماعدلها وحسنها .....ومستغرب صارت سنة 2011 وما اشترى سيارة جديدة .............؟كان في يشتري من عند رامي مخلوف يلي اخد وكالة البي ام دبليو ياسيدي
14 Like

 

 
kurd982
2011-04-04 00:40:45
ألف مبروك يا شباب هي حطولنا عيواظ بدل كراكوز، ضل بس آشو آغا و قريطم و قشعو و طرمان والمدلل و كرش و بظاظو و أم قاروق وشم قرين وبتكمل الخيمة عفواً ئصدي الوزارة ولحئو إصلاحات إذا بتلحئو. بس السؤال يلي بيطرح نفسه ايمتى رح يتغير الكراكوزاتي؟
12 Like

 

 
عاشق الوطن
2011-04-04 00:41:09
ليش شو ناويين يزرعوابزمانو واحد هدد انو بدو يهد حماه ويزرعها بطاطا
12 Like

 

 
محمد
2011-04-04 01:21:52
شكلك يا استاذ علي منجم من الدرجة الاولى .... يجب اصلاح النفس اولا قبل اصلاح البلد... و بتمنى من حضرتك ترسم اي شي عن اصلاح النفس ....
14 Like

 

 
saidoff
2011-04-04 01:56:26
دود الخل منة وفية ..؟؟
13 Like

 

 
ستالين
2011-04-04 02:16:29
عيني منين بدنا نجيبلك ع زوقك يعني نحن بدولة مؤسسات ودولة يحكمهاالدستور اليي يقول انه الحزب قائد ل الدولة والمجتمع يعني حلوة يقولوا عنا ببلاد الواق واق انه ما احترمنا الدستور هي ما حبيتها منك خيي علوش هدا راس السحارة يعني احسن الموجود
12 Like

 

 
ميرفت
2011-04-04 07:17:23
على رأي القذافي................إلى الأمام إلى الأمام إلى الأمام....بس وين البوصلة
12 Like

 

 
غريب في وطنه
2011-04-04 08:36:32
الأخ دوغما بالأمس سألتك أن تعرفنا بنفسك بدءاً باسمك ورتبتك والفرع الذي تنتمي إليه فلم أتلق منك جواباً. فشو القصة؟
11 Like

 

 
غريب في وطنه
2011-04-04 08:52:12
ولكي تكتمل الصورة وتزول الأوهام من رؤوس المترددين نتمنى أن تضم الحكومة القادمة السماء التالية عبد الله الدردري، محمد الحسين، ديالا الحاج عارف، محسن بلال، ريا الحسن عفواً لمياء عاصي مع اقتراح أن يستمر الدكتور سفر على رأس وزارة الزراعة إلى جانب منصبه الحالي. وألف مبروك للسوريين فقد هلت بشائر الإصلاح وزمر بنينا وإلى الأمام في مسيرات تأييد مليونية جديدة...
12 Like

 

 
الأغر
2011-04-04 09:24:25
اعادة ترتيب الكراسي بدون نفض ولا تنجيد ما في مصاري لنفض او تغير الكراسي الو لحالهم بس منغير مواقع الكراسي وهيك الضيوف الي بيجو بيفكروا انو غيرنا عفش البيت بس قديمي ÷÷÷÷÷÷÷
11 Like

 

 
ابن اللادقية
2011-04-04 10:29:16
خيو .... عندي سؤال ؟؟ليش معظم يلي بيجي على هل المنصب بكون كرشو كبير غريب و الله
11 Like

 

 
ابن اللادقية
2011-04-04 10:35:02
تعليقا على حبيبنا ..عاشق الوطنهيدا أكيد شي مسؤول كبير حابب ياخد وكالة كنتاكي ....؟؟بعدين تعال لهون جاوبني البطاطا مفيدة للانسان و لا لأ ... لا تفكر بالشعب المهم المبدأ الله يخليك
13 Like

 

 
ابن اللادقية
2011-04-04 10:39:25
أعلنت خطوط الحكومة الجوية بقيادة الكابتن سفر عن إنطلاق رحلتها الاستكشافية الممتعة إلى ما وراء الشمس ... شدو الأحزمة لو سمحتوا
12 Like

 

 
روضة
2011-04-04 10:56:00
مشيوا على قاعدة النحس اللي بتعرفو أحسن من السعد اللي بتتعرف عليه
14 Like

 

 
بيرم أفندي
2011-04-04 11:44:20
ركاب تنورين
13 Like

 

 
باسم
2011-04-04 12:13:05
يا عمي هدول ما حيمضوها ع خير ياريت لو برهان غليون صار رئيس الوزراء
12 Like

 

 
عبدالله عبدالله
2011-04-04 13:13:47
اتوقع هذا تحدي للشعب ولطلباته لانهم اختاروا شخص غير معروف اعلاميا ولكنه معروف على مستوى الادارة الدوله لان الشخص معروف عنه من جماعة حاضر يافندم اولا ثانيا وهذا اهم انه قيادي بخرب العبث الشمولي ياخي اذا بعد كل هالاحداث تختار شخص من نفس الدود يفترض ان تختار شخص عالاقل مستقل اكاديمي تكنوقرط كما يقولون مع بعض الصلاحيات المهمه له لتنظيف البلد من الفاسدين المفسدين ولكن العجوز مهما حطيت لها مكياج ماراح ترجع بنت مع احترامي لامهاتنا العجايز
11 Like

 

 
هيئة بحوش
2011-04-04 14:39:44
بيكفي تروحوا على هيئة البحوش عفوا البحوث العلمية الزراعية يلي تابعة للسفر برلك شخصيا وتشوفوا السرقة والنهب على اصوله والفساد من المدير العام وليد طويل وانت ونازل
13 Like

 

 
mazaji
2011-04-04 15:26:31
السياره عليها ضريبة رفاهية ؟؟
11 Like

 

 
بشير حسن
2011-04-04 16:14:20
سبحان الله الرجل المناسب في المكان المناسب والدليل مستلم بس شي الف مهمة في وقت واحد كانو لا يوجد احد في هذا البلد فمن الطبيعي ينشغل في الامور الخاصة له والشعب بدبر حاله شو ما صار قليل فينا
12 Like

 

 
ameena
2011-04-04 16:22:02
بدنا سهير اتاسي تعيين منسب رئيس وزراء
12 Like

 

 
محمد
2011-04-04 16:26:10
نطااااااااالب بتعيين سهير اتاسي رئيسة وزراءاذا بدكن تحافظو على سوريا لازم هادا يصير
12 Like

 

 
Ali
2011-04-04 19:42:19
فعلا سهير الأتاسي خريجة الأدب الفرنسي من جامعة دمشق العريقة أفضك من الدكتور عادل سفر الذي هو أول وزير زراعة يوزع تعويضات للفلاحين في قريتيسهير الأتاسي تمثل علم من أعلام الفن والأدب والعلمأنا لا أهاجم كل المعارضين فقط سهيل الأتاسيالمعارضون الشرفاء والمثقفون موجودون ومنهم ميشيل كيلو وبرهان غليون وعارف دليلة
14 Like

 

 
نيران صديقة
2011-04-04 20:50:26
الى منتقدي المعارضين أقول ...هل بقي أحد من المعارضين لم تشككوا بوطنيته ؟؟؟ من بقي منهم أدخلتموهم السجن لإكمال فترة النقاهة الوطنية ... أما من يسرق المال العام ويبتز الناس ويرغمهم على دفع الأتاوات وينظّر باسم الوطن ويمارس الارهاب الفكري بكل أشكاله فهذا هو ابن الوطن البار ...فعلا زمن مسخ 
12 Like

 

 
احمد الطيب
2011-04-04 23:00:47
بلفعل المكتوب مبين من عنوانو يعني اذا الزلمه صرلو 7 سنوات ماسك حقيبة الزراعه اديش بدو يضل ماسك كل الحقائب؟؟ تفكروا يرعاكم الله
12 Like

 

 
سمير
2011-04-05 02:50:53
أعجبني تعليقك سيد دوغما بس شو هي مؤهلات السيدة سهير الأتاسي لتولي هذا المنصب؟ عدا عن أنها من عائلة عريقة جداً ومن زمان الفرنسيين.
11 Like

 

 
noura
2011-04-05 09:58:32
شادي يا مسكيناستاذ علي انت مو معقول بافكارك بعشق جراتك والنادرة والله يحمي سوريا للشعب السوري
11 Like

 

 
abo lamar
2011-04-05 15:41:58
لك يا استاذ علي من انجازات السيد سفر على مستوى بيتنا في 2003 كان عنا 150 راس غنم و500 دونم حنط و وقطن و الان وبسبب سياساته الحكيمة بعنا كل الغنمات وتركنا الزراعة وهاجرنا الى لبنان والاردن من اجل العمل
11 Like

 

 
abo lamar
2011-04-05 15:43:29
سوريا بدها اصلاح سياسي مش زراعي والله وكيلكم من صار سفر وزير زراعة ما جا ربيع على الجزيرة السورية
11 Like

 

 
بشير
2011-04-05 17:06:34
يعني بتقولو بشار منيح وحاشيته عاطلة طيب مين مين جاب هالحاشية كمان المندسين
12 Like

 

 
ابــن درعـــآ
2011-04-05 17:41:18
انتو كلكم مندسين ومحدا منكم بتهمو مصلحة الوطن .. لك يا جماعة اعطوا لسفر فرصة يوطد فيها علاقاتو على مستوى رئاسة الوزاء ويتعرف على زملاءو بباقي الدول ويطلعلو كم سفرة ويطالعلو كم مليار ليرة ويسلم الوزارات لحبايب قلبو وبعدين طقم ناجي عطري المدعوم من اقرباء ومقربين صار لازم يتغير وهنيئا لاقرباء سفر والمقربين منهم والمقربين من المقربين منهم والخ الخ الخ .. بعدين لشو كل هالسلبية بكلامكم في سبب وجيه جدا جدا جدا لحتى يستلم سفر رئاسة الوزراء وهو انو كان مشارك بالتشكيلة تبع الفريق الاول وبيعرف يلعب دفاع كتير منيح وعندو لياقة بعثية ممتازة وبيعرف عيوب المدرب يللي قبلو وبهالحالة راح يحاول يصلحها او بالاحرى يخبيها ويخترع عيوب جديدة .. مصلحة المسؤول فوق الجميع .. مصلحة الوطن سابقاً يا جماعة مشتهي ابي يصير مسؤول لاركب همر الصبح وشبوحة بعد الظهر ورنج بالليل ...
14 Like

 

 
بردى
2011-04-05 22:13:23
كلنا اليوم مندسونلكن الحكومة وحدها مندثة .دثائث السلطة تختلف عن مندسون الشعب الشعب مندس في لقمة العيش والمطالبة بالحريةوالسلطة مندثة في القمع والإعتقالات .الشعب يريد الإصلاح السياسي ، وليس الإصلاح الزراعي .
11 Like

 

 
سوري محشش
2011-04-05 22:33:42
لاتنسى أنو الأخ امين فرع الحزب بجامعة دمشق سابقا يعني بالعربي مزكى؟؟؟؟؟؟؟
14 Like

 

 
omar-alhamoui
2011-04-06 05:02:44
أنا بشوف ان تعيين وزير الزراعة رئيس للوزارة هو افضل توضيح انهم شايفين البلد مزرعة يلي خلفوهم... وبدها هيك وزير ... بعدين بيهتم بالثروة الحيوانية يلي بالبلد ... وبيدير باله عالخواريف
12 Like

 

 
صالح السليمان
2011-04-07 03:16:28
كل الإحترام للأخ abo lamar ولبقيت المعلقين المندسين. اليوم العصابة المجرمة فعلاً يلزمها رجل مثل سفر لأنه في وطننا الحبيب يوجد 7 مليون من الخراف . وهؤلاء الخراف يلزمهم مراعي من أجل التظاهر والباع باع باع -بالروح بالدم نفديك يابشار.....والخراف ممنوعون من دخول المساجد، لذلك يجب تنمية المراعي فتم إختيار الدكتور الفلاح سفر على مبدأ الرجل المناسب بالمكان المناسب المندس صالح السليمان . موسكو
8 Like

 

 
سوري محشش
2011-04-12 20:45:59
طبعا سفر بيك تنحصر مشاوراته مع المخابرات بخصوص وزارات معينة كالتربية والبيئة والصحة والزراعة والشفط أما وزارات كالخارجية والري والثقافة والدفاع وشؤون رئاسة الجمهورية وغيرها فهي خطوط حمراء
8 Like

 

 
جمال
2011-04-16 13:18:24
سفر لكل إنسان له من اسمه نصيب
8 Like

 

الاسم :
 
البريد الالكتروني :
* لا يظهر للزوار


أو تفضل بالتسجيل

اضف رايك :

 

يرجى ادخال الرمز الموجود بالصورة


 


 

 





قلم من الفولاذ الدمشقي




الاعضاء المسجلين: 3961
 يوجد حاليا 0 عضو مسجل و 9 ضيف يتصفحون الموقع
 
جميع المقالات والردود الواردة ضمن الموقع تعبر عن راي صاحبها وادارة الموقع غبر مسؤولة عنها
Ali Ferzat. All Content and Intellectual Property is under Copyright Protection | Media Planet © 2004 - 2011